NT - 01.04.1985, Page 7

Mánudagur 1. apríl 1985 7
■ Einar Sveinn Þórðarson og Katrín Hall dansa Dafnis og Klói.
Fagurt sjónarspil
Þjóðleikhúsið: Dafnis og Klói.
Ballctt eftir Nönnu Ólafsdótt-
ur. Tónlist eftir Maurice
Ravel. Leikmynd og búningar:
Sigurjón Jóhannsson. Stjórn-
andi: Nanna Ólafsdóttir.
■ Sagan af Dafnis og Klói
hefur skipað sérstakt rúm í
huga mínum frá því að ég las
hina frábærlega fögru klass-
ísku þýðingu Friðriks Þórðar-
sonar 1966. Þessi indæla sveita-
sælusaga saklausra ásta lifir í
sagnaarfi heimsins vegna þess,
eins og segir í leikskrá, „hversu
listilega hún er samin og hún
hefur það umfram aðrar sögur
síns tíma að hún hefur að
geyma Ijóðrænar umhverfislýs-
ingar og höfundur leyfir sér að
velta vöngum yfir persónum og
atvikum". Sagan segir frá ást-
um þeirra Dafnis og Klói, og
því hvernig Dafnis lærði blíðu-
brögðin hjá annarri konu og
gat um síðir komið því fram
við Klói sem hann vildi, eins
og segir í lok sögunnar: „Og
Klói komst um síðir að raun
um að það sem þau höfðu haft
sér að leik í hjásetunni voru
barnavipur einar.“
Ballett Nönnu Ólafsdóttur
við tónlist Ravels var fögur og
skemmtileg sýning, enda fork-
unnarvel tekið á frumsýningu
á þriðjudagskvöldið. Raunar
fannst mér ballettinn erótísk-
ari en við hefði mátt búast,
miðað við barnalegan hrein-
leika sögunnar. En allt um
það: sýningin var litskrúðug
og lifandi, haglega upp sett og
augnayndi. Og tónlist Ravels
er einkar fögur á að hlýða.
Mér dettur ekki í hug að
setjast í dómarasæti yfir ís-
lenska ballettinum, skárra væri
það. En af þeim sýningum sem
ég hef séð í seinni tíð þykir
mér Ijóst að þessi listgrein hafi
náð góðum þroska á voru
landi. Og sýningin á Dafnis og
Klói er tímamótaviðburður að
því leyti að hér mun vera um
að ræða fyrsta íslenska ballett-
in í fullri lengd án erlends
liðsauka. Hér verður öllu að
tjalda til, enda sýningin mann-
mörg í meira lagi. í henni taka
þátt um 40 manns. Má nærri
geta hverja útsjónarsemi hefur
þurft til að koma öllu vel fyrir,
og fannst mér hópatriðin eink-
ar vel af hendi leyst.
Mest mæðir á Einari Sveini
Þórðarsyni í hlutverki Dafnis
þar sem hann er á sviðinu
nánast allan tímann. Túlkun
hans var einkar athyglisverð
og örugg, kunnátta hans virðist
mikil. A frumsýningu dansaði
Helena Jóhannsdóttir hlutverk
Klói en Katrín Hall fer með
það á móti henni. Helena mun
ekki hafa farið með svo stórt
hlutverk fyrr og skilaði því
með prýði. Af öðrum leikend-
um er ástæða til að nefna
sérstaklega Birgittu Heide í
hlutverki Lykenon sem leiðir
Dafnis inn í launhelgar ástar-
innar, - það hlutverk er þrung-
ið erótík sem Birgitta túlkaði
ágætlega. Hinar hvítklæddu
skógardísir voru Auður
Bjarnadóttir og Ásdís Magn-
úsdóttir, einhverjar helstu
stjörnur vorar í ballett, leik-
andi og þokkafullar og settu
mikinn svip á sýninguna.
Engin leið er, enda ástæðu-
laust, að nafngreina dansara
fleiri en gert hefur verið.
Heildarsvipurinn skiptir mestu
og hann var góður. Þó er ég
ekki frá því að tilkoma Flosa
Olafssonar í lokin í hlutverki
Bakkusar hafi sett fullmikinn
farsasvip á sýninguna enáhorf-
endur kunnu vel að meta þenn-
an káta vínguð.
Tónlist Ravels er býsna fjöl-
breytileg og áreiðanlega ekki
einfalt mál að semja ballett við
hana. Nanna hefur dregið sér-
staklega fram frjósemisdýrkun
sögunnar, litir búninga allir í
jarðlitum, gult og brúnt, og
skógarlundur sviðsins var hæfi-
leg umgerð um verkið.
Öllum þessum mikla fjölda
'sem að sýningunni stóð var vel
fagnað að leikslokum, og trúi
ég ekki öðru en margir hafi
ánægju af að leiða augum þetta
fagra sjónarspil á sviði Þjóð-
leikhússins. Með þessari sýn-
ingu er leikhúsið vissulega að
rækja eina helstu menningar-
skyldu sína. Hafa allir sóma af
sem að þessu stóðu.
Gunnar Stefánsson
Malsvari frjálslyndis,
samvinnu og félagshyggju
Útgefandi: Nútíminn h.f.
Ritstj.: Magnús Ólalsson (ábm).
Markaðsslj.: Haukur Haraldsson
Auglýsingastj.: Steingrímur Gíslason
Innblaðsstj.: Oddur Ólalsson
Tæknistj.: Gunnar Trausti Guðbjörnsson
Skrifstotur: Síðumúli 15, Reykjavik.
Simi: 686300. Auglýsingasími: 18300
Kvöldsímar: Áskrift og dreifing 686300, ritstjórn
686392 og 687695, iþróttir 686495, tæknideild
686538.
Setning og umbrot: Tæknideild NT.
Prentun: Blaðaprent h.f.
Kvöldsimar: 686387 og 686306
Verð i lausasölu 30 kr. og 35 kr. um helgar. Áskrift 330 kr.
Á eins árs
afmælinu
■ í dag er liðið eitt ár frá því að Nútímin hf. tók
við rekstri Tímans. Á þessu ári hafa skipst á góð
tímabil og slæm eins og gengur og gerist á einu ári.
Rúmum þremur vikum eftir að Nútímin tók við
rekstri blaðsins, voru gerðar á því umfangsmiklar
breytingar, sem margar hverjar ollu talsverðum
deilum á sínum tíma og ber þá hæst að nafni
blaðsins skuli hafa verið breytt úr Tíminn í NT.
Þessar breytingar höfðu það meginmarkmið, að
auka þjónustu blaðsins við lesendur sína og bjóða
upp á fjölbreyttara lesefni en áður. Þannig var
blaðsíðum fjölgað um meir en helming, teknar
voru upp erlendar fréttir, íþróttafréttasíður, svo
og innlendum fréttasíðum fjölgað verulega. Þá var
farið að gefa út síðdegisblað á fyrsta virka degi
hverrar viku.
Móttökur almennings fyrstu mánuðina eftir
breytinguna voru með ólíkindum góðar og ljóst
var að NT hafði fyllt eitthvert tómarúm á íslensk-
um blaðamarkaði. Fyrstu mánuðina eftir breyting-
una seldust þúsundir eintaka af NT í lausasölu, en
slíkt hafði áður verið óþekkt í sögu blaðsins. Þá
gerðust þúsundir manna áskrifendur að blaðinu
bæði af eigin frumkvæði og eins í kjölfar áskrifenda-
herferða blaðsins. Þessi áskrifendaaukning náði
hámarki sínu í ágústlok og septemberbyrjun
meðan á heimilissýningunni í Reykjavík stóð, en
á því tímabili gerðust nær tvö þúsund manns
áskrifendur að blaðinu.
-* Sama dag og þeirri sýningu lauk, hófst hins
”| vegar verkfall bókagerðamanna og stóð það í sex
vikur. Reyndist verkfallið blaðinu mjög dýrkeypt
og erfiðara en öðrum blöðum, því breytingin á
blaðinu og markaðssetningin hafði kostað mjög
mikla fjármuni. Sú fjárfesting, sem hefði átt að
skila sér á haustdögum, var þannig að miklu leyti
farin forgörðum. I staðinn blasti við kostnaður
upp á hundruð þúsunda á degi hverjum án þess
að tekjur kæmu á móti.
Vikurnar eftir verkfallið, reyndust bæði erfiðar
og oft mjög viðkvæmar. Um síðustu áramót, var
hins vegar komið svigrúm til að halda frekari
framfara og útbreiðslustarfsemi áfram. Óhætt er
að fullyrða, að reynslan af þeirri starfsemi hefur
gefið blaðinu aftur byr undir báða vængi. Á aðeins
þremur mánuðum hafa á þriðja þúsund nýrra
áskrifenda bæst í hóp þeirra, sem þegar eru fyrir
hendi og enn á ný er lausasöluaukning orðin að
veruleika. Reyndar hefur velgengni blaðsins verið
slík, að NT hefur fullan hug á að gerast aðili að
opinberu upplagseftirliti sem allra fyrst. Aðeins
örfá tímarit og eitt dagblað, Morgunblaðið, taka
þátt í slíku eftirliti.
Þær móttökur, sem NT hefur fengið á fyrsta
starfsári sínu, hafa verið með slíkum ágætum, að
ljóst er að blaðið hefur fest sig vel í sessi meðal
almennings á íslandi. Fyrir það kunnum við
r landsmönnum bestu þakkir.