Morgunblaðið - 17.09.2004, Blaðsíða 24

Við bjóðum eingöngu upp áhollustuvörur án allraóæskilegra aukaefna, eng-an hvítan sykur eða hveiti
heldur úrval af því besta sem til er á
einum og sama stað,“ segir Hjördís
Ásberg.
Áhersla er lögð á hollustu, þægindi
og þekkingu og koma vörurnar víða
að. „Við viljum að viðskiptavinurinn
geti treyst því að allt sem hér er til
sölu er hollustuvara enda er mark-
miðið að bjóða heildstæða lausn á
heilsusamlegum matarinnkaupum.“
Þegar gengið er inn blasir við
ávaxta- og grænmetisborð með líf-
rænt ræktuðum ávöxtum og græn-
meti og til hægri er þurrvara, frysti-
og kæliborð. „Við bjóðum upp á alla
fæðuflokka, bæði gæðafisk og lífrænt
ræktað kjöt,“ segir Hjördís. „Kjúk-
lingabringurnar hjá okkur eru til
dæmis ekki sykursprautaðar og við
verðum með sérstakan hollustumat
fyrir börn úr lífrænt ræktuðu hráefni.
Auk þess munum við leggja áherslu á
úrval af vöru sem er tilvalin sem nesti
fyrir skólabörn og ekki má gleyma
snyrtivörunum, náttúruvítamínum,
bætiefnum og heilsusnakki fyrir sæl-
kerana.“
Heitir og kaldir réttir
Í eldhúsinu ræður ríkjum Ívar Þor-
marsson matreiðslumaður og verður
boðið upp á heita og kalda rétti í há-
deginu og á kvöldin.
Rut Magnúsdóttir stýrir safabarn-
um en hún hefur unnið á Planet Org-
anic í London og hefur mikla kunn-
áttu í gerð girnilegra drykkja. „Við
leggjum áherslu á að hollusta og ein-
faldleiki verði í fyrirrúmi á matstof-
unni og afgreiðsla hröð,“ segir Hjör-
dís. „Fólk á að geta skotist inn, gripið
eitthvað úr versluninni og/eða fengið
tilbúna rétti úr eldhúsinu, djús af
djúsbarnum, ávexti eða sælgæti úr
versluninni og sest niður og borðað á
staðnum um leið og gluggað er í nýj-
ustu blöð og bækur um heilsu. Þetta
verður með einföldum hætti og það
verður ekki þjónað til borðs og þann-
ig ódýrara fyrir bragðið.“
Ráðgjöf og kynning
Reglulega verður viðskiptavinum
boðið upp á ráðgjöf og kynningar í
versluninni og áhersla lögð á að ávallt
sé á boðstólum fjölbreytt úrval upp-
skrifta. Greinargóðar upplýsingar
verða um vörurnar og bent á spenn-
andi notkunarmöguleika.
Á neðri hæðinni verður aðstaða til
að taka á móti hópum, t.d. í hádegi,
þar sem boðið verður upp á fræðslu
um hollustu og heilbrigði. „Þarna
verður einnig aðstaða fyrir ráðgjafa
og núna í þessari viku er t.d. Þor-
björg Hafsteinsdóttir búin að nýta
aðstöðuna frá morgni til kvölds fyrir
ráðgjöf,“ segir Hjördís. „Salurinn
verður einnig í útleigu til einstaklinga
eða fyrirtækja fyrir námskeið, kynn-
ingu á heilsuvörum, jóga o.fl.“
Breytt mataræði
Hjördís segir að eigin reynsla hafi
leitt þær vinkonur og samstarfskonur
frá Eimskip út í þennan rekstur.
„Við höfum báðar þurft að breyta
mataræði til að halda heilsunni,“ seg-
ir hún. „Ég þjáðist af ýmsum kvillum.
Ég fór að finna fyrir miklu ofnæmi
fyrir nokkrum árum, nefstíflum og
sýkingum og fór þá að taka inn sýkla-
lyf. Ég var með magabólgur og var
flutt í skyndi upp á spítala og fékk
dýr magalyf eins og margir þekkja en
það spurði mig enginn um mataræði.
Það var ekki fyrr en mér var bent á
að fara til náttúrulæknis, sem taldi
mig vera með mjólkurofnæmi á háu
stigi. Ég fór að sleppa hinu og þessu
úr fæðunni og það var eins og við
manninn mælt; öll óþægindi hurfu.
Mínir nánustu töldu mig vera að gera
einhverja vitleysu svo ég leitaði eftir
að komast í mjólkuróþolspróf á Land-
spítalanaum og niðurstöður þess
staðfestu að ég er með mikið mjólk-
uróþol. Ég hafði aldrei farið í svona
próf og enginn læknir hafði nokkru
sinni spurt mig um mataræðið þrátt
fyrir ofnæmi, lyfjakúra og magabólg-
ur. Eftir þetta áttaði ég mig á því að
margir í kringum mig, eins og til
dæmis Guðrún, sem hefur svipaða
reynslu að baki og ég, eru í sömu
sporum og ég. Við áttuðum okkur
fljótlega á að veruleg þörf er fyrir
svona athvarf eins og Maður lifandi,
þar sem eingöngu er boðið upp á
heilsuvörur og lífrænan mat og
fræðslu sem tengist slíkum lifn-
aðarháttum. Það getur verið erfitt að
breyta um lífsstíl og mataræði og við
viljum vera sá aðili sem hjálpar og
leiðbeinir fólki um hvað sé í boði.
Bæði þeim sem vilja leita í meiri holl-
ustu og eins hinum sem þurfa á henni
að halda vegna t.d. sykursýki, offitu
eða ofnæmis. Mataræðið getur breytt
öllu. Það er sannfæring okkar að við
séum að gera eitthvað sem skiptir
verulegu máli.“
Hjördís nefnir að lífrænt ræktaðir
ávextir og grænmeti séu að sjálf-
sögðu oft á tíðum dýrari – það sé þó
að breytast og verðið hafi lækkað hin
síðari misseri en hún segist vera
sannfærð um að fólk taki gæðin fram
yfir. „Fólk mun forgangsraða og velja
hollustufæði.“
 VERSLUN | Heilsuvörur og matstofa – Maður lifandi
Allir fæðuflokkar en engin
óhollusta er á boðstólum í
nýrri heilsuvöruverslun og
matstofu við Borgartún 24,
sem þær Hjördís Ásberg
og Guðrún M. Hannes-
dóttir opna á morgun.
Kristín Gunnarsdóttir
segir að þar sé boðið
upp á tilbúna rétti ásamt
matvörum og þjónustu sem
tengjast heilsu og heilbrigði.
Guðrún M. Hannesdóttir og Hjördís Ásberg: Eigendur Maður lifandi,
heilsuvöruverslunar og matstofu við Borgartún.
Morgunblaðið/Sverrir
Rut Magnúsdóttir: Smakkar á safa.
Ívar Þormarsson matreiðslumaður:
Með taílenskan kjúklingarétt.
DAGLEGT LÍF
24 FÖSTUDAGUR 17. SEPTEMBER 2004 MORGUNBLAÐIÐ
Allt til músaveiða
og fl ugnaveiða
Rafmagnsfl ugnabanar, límborðar,
fl ugnaljós o.fl .
Verslunin er staðsett á Selfossi
Opið mán.-fi m. 9-13,
föstudaga 9-18 og laugardaga 11-14
Gagnheiði 59 • meindyravarnir@meindyravarnir.is
www.meindyravarnir.is • s: 482 3337 & 893 9121
Grímsbæ &
Ármúla 15
Haustvörurnar komnar
Stærðir
36 - 50
Glæsilegur fatnaður fyrir allar konur
Þú færð skóna
hjá okkur 580 80 80
Vilt þú auglýsa!
Þetta svæði er laust núna
hringdu í síma
midlun@midlun.is
„Við köllum þenn-
an safa „Maður
lifandi“, því
hann gerir fólk svo
lifandi,“ segir Rut
Magnúsdóttir, sem
stýrir safabarnum.
4 millistórar gulrætur
lítill biti af engifer
(svona eins og ein teskeið)
30 ml hveitigras
Hveitigrasið er pressað sér
og safanum síðan hellt saman
við gulrótar- og engifersafann.
Meðal réttanna sem Ívar Þor-
marsson matreiðslumaður býð-
ur upp á er:
Taílenskur kjúklinga-
réttur
fyrir 4–6
½ laukur (smátt saxaður)
3 gulrætur (gróft skornar)
½ sæt kartafla (í teningum)
4 kjúklingabringur (skinn-
lausar, ósprautaðar)
2 dl kókosmjólk
2 msk sweet chili-sósa
1 msk Tamari-sojasósa
2 tsk túrmerik
1 tsk broddkúmen
hnífsoddur cayennepipar
ferskur kóríander (saxaður)
lime-lauf (smátt saxað)
kornolía
salt og pipar eftir smekk
Kjúklingabringurnar eru
skornar í þunna strimla og
snöggsteiktar á pönnu ásamt ol-
íu, salti og pipar. Niðurskorið
grænmetið, þ.e. laukur, sætar
kartöflur og gulrætur, er létt-
steikt í öðrum potti og kókos-
mjólkinni og sweet chili-sósunni
hellt saman við. Þegar suðan er
við það að koma upp er því sem
eftir er af kryddi og kryddjurt-
unum blandað saman við ásamt
steiktum kjúklingnum. Látið
malla undir loki í u.þ.b. 5 mín.
Frábært er að bera réttinn
fram með kryddhrísgrjónum og
fersku salati, jafnvel skreyta
hann með smávegis kóríander
og sítrónulaufum.
Taílenskur
kjúklinga-
réttur
Mataræðið getur breytt öllu Maður lifandi