Morgunblaðið - 17.09.2004, Blaðsíða 31
MINNINGAR
MORGUNBLAÐIÐ FÖSTUDAGUR 17. SEPTEMBER 2004 31
ÉG fullyrði að enginn sem átti
þátt í síðustu samningum kennara
vissi almennilega hvað kæmi út úr
þeim þegar þeir færu
að rúlla. Enda hefur
túlkun hans verið um-
deild og fjöldi kæra frá
kennarasamtökunum
um túlkun sveitarfé-
laganna komið til úr-
skurðar. Í 90% tilfella
hefur úrskurður fallið
kennurum í vil. Kenn-
arar samþykktu að
lengja skólaárið um 10
daga að beiðni sveitar-
félaganna og flytja 2
starfsdaga til upphafs
eða loka skólaársins.
Skólar hefjast núna
um 15. ágúst og geta
staðið til 15. júní þó
flestir klári um 10.
júní. Júlí og hálfur
ágúst eða 6 vikur er
sumarfrí eins og aðrir
landsmenn hafa.
Standa þá eftir nokkr-
ir dagar seinnipartinn
í júní. Hverjum kenn-
ara ber að skila allt að
150 stundum í endur-
menntun á ári. Það eru rúmlega 10
40 stunda vinnuvikur. Margir skólar
reyna að fella hana að einhverju
leyti inn í vetrarprógrammið á þeim
tíma sem skólastjórar ráða störfum
kennara en ná aldrei nema helmingi
tímafjöldans þegar best lætur. Það
sem eftir stendur þarf að taka í júní
eða á öðrum tíma að sumri. Skóla-
stjórar fylgjast með og semja endur-
menntunaráætlun samkvæmt þörf-
um hvers skóla. Það kostar kennara
allt að 3 launaflokka eftir aldri ef
hann ekki fylgir endurmenntunar-
áætlun skólans. Kaupið lækkar.
Kennarar seldu þessa daga og bættu
við sig vinnu. Þeir voru seldir of
ódýrt og kennarar voru
plataðir. Hverjir eru nú
óánægðir með lengri
skóla og þá um leið að
kennarar fái bara 6 vik-
ur í sumarfrí? Ekki
sveitarfélögin, ekki
kennarar almennt held-
ur foreldrar. Foreldrar
eru óánægðir! Þeir
sýna þessa óánægju í
verki með því að fjöl-
menna í skólana og fá 2
til 3 vikna leyfi fyrir
börnin sín til að fara til
útlanda við upphaf og
lok skólaársins. Einnig
í 10. bekk. Svo annt er
þeim um nám barna
sinna. Svar skólanna er
að láta foreldra skrifa
undir skjal þar sem þeir
taka á sig ábyrgð á því
námstapi sem barn
þeirra verður fyrir. Það
er búið að klípa 1 eða 2
daga af jóla- og
páskafríum. Yfirvöld
skólamála þora ekki að
ganga lengra í styttingu af ótta við
viðbrögð foreldra. Langt jóla- og
páskafrí er fyrst og síðast fyrir
börnin og foreldra þeirra. Kennarar
vinna þegar þeim er sagt að vinna,
einnig í kyrruviku ef svo bæri undir.
Þeir myndu hinsvegar sækja fast
launahækkun fyrir viðbótarvinnu.
Hver myndi ekki gera það?
Sumarleyfi kenn-
ara er 6 vikur eftir
síðustu samninga
Jón Gröndal skrifar
um starf kennarans
Jón Gröndal
’Kennararseldu þessa
daga og bættu
við sig vinnu.
Þeir voru seldir
of ódýrt og
kennarar voru
plataðir.‘
Höfundur er kennari.
NÚ VOFIR verkfall yfir hjá kenn-
urum og 45.000 grunnskólanemar
auk fjölskyldna þeirra verða í al-
gjörri óvissu um hvað
verður. Í raun er
óvissan þegar hafin
eftir að tilkynnt var að
verkfall hæfist 20.
september. Nú þegar
er deila samningsaðila
farin að spilla fyrir
skólastarfi. Birtist það
einkum hjá mörgum
nemendum sem telja
varla taka því að fara í
lærdómsgírinn. Of oft
er mikil spenna í loft-
inu þegar kjaramál
kennara, á hvaða
skólastigi sem er, eru í
deiglunni. Skólastarf
er viðkvæmt og kenn-
arar sinna einu af mik-
ilvægustu störfum
samfélagsins, gleym-
um því ekki. Harka-
legar aðgerðir, hversu
nauðsynlegar sem þær
teljast, valda miklum
skaða. Samfélagið
verður að fara vand-
lega yfir skólakerfið
og þeir sem ábyrgðina
bera VERÐA einfaldlega að tryggja
það að friður ríki í skólastarfi.
Af umræðunni undanfarið sýnist
mér ljóst að mikilvæg atriði verði
ekki leyst eingöngu með fulltrúum
sveitarfélaga og kennara. Vinnu-
tímaskilgreiningin er flókin. Ekki er
hægt að bera saman vinnuálag á
kennara sem kennir sex árgöngum
tiltekið fag eða kennara sem kennir
sex bekkjum í sama árgangi sama
fag þó kennslustundafjöldinn sé sá
sami. Launakostnaður er hæsti
kostnaðarliður grunnskólanna og
mörg sveitarfélög með bogann
spenntan til hins ýtrasta. Hækki
laun kennara umtalsvert, sem vissu-
lega er nauðsynlegt, er veruleg
hætta á að ýmsir aðrir
þættir innan skólanna
verði skertir og skól-
arnir verði eingöngu
lágmarksskólar með
lágmarksþjónustu eins
og lágmarkskröfur laga
segja til um. Viljum við
þannig skólakerfi? Vilj-
um við grunnskóla sem
hangir á horriminni?
Erum við e.t.v. tilbúin
til að bíða með skatta-
lækkanir ef það gæti
tryggt varanlegan frið
um skólastarf og efl-
ingu grunnskólans um
allt land? Mennta-
málaráðherra og rík-
isstjórnin öll hlýtur að
þurfa að koma að mál-
inu með framtíðarhags-
muni skólastarfs að
leiðarljósi. Mikið er í
húfi fyrir allt sam-
félagið. Margar hug-
myndir og tillögur hafa
verið viðraðar í um-
ræðunni. Nú er tíminn
að verða útrunninn. Ég
skora á aðila að ganga strax frá þeim
atriðum sem samstaða er um, hefja
síðan viðræður við ríkisvaldið um
framtíð skólastarfsins m.t.t. þess
fjármagns sem setja skal í skólana
en umfram allt að aflýsa fyrirhuguðu
verkfalli.
Frið um skólastarf!
Sigurður Grétar Sigurðsson
fjallar um yfirvofandi kenn-
araverkfall
Sigurður Grétar
Sigurðsson
’Skólastarf erviðkvæmt og
kennarar sinna
einu af mikil-
vægustu störf-
um samfélags-
ins, gleymum
því ekki.‘
Höfundur er foreldri þriggja barna á
grunnskólaaldri og sóknarprestur
Hvammstanga.
UMRÆÐAN
✝ Guðlaug Krist-jana Guðlaugs-
dóttir fæddist að
Búðum í Hlöðuvík 23.
desember 1920. Hún
andaðist á hjúkrun-
arheimilinu Sólvangi
í Hafnarfirði 12.
september síðastlið-
inn. Foreldrar henn-
ar voru Guðlaugur
Hallvarðsson frá
Skjaldarbjarnarvík
og Ingibjörg Guðna-
dóttir frá Hælavík.
Guðlaug giftist
hinn 20. október
1943 Albert Jónssyni Kristjáns-
syni og eignuðust þau sex börn og
eru fjögur þeirra á lífi. Börn
þeirra eru: 1) Guðlaug Ingibjörg,
f. 19. sept. 1942, d. 3. nóv. 1964,
maki Sigurður Benjamínsson og
áttu þau tvo drengi. 2) Kristján
Hörður, f. 28. apríl 1944, d. 4.
október 2002, maki Þóra Jóns-
dóttir og eignuðust þau fjögur
börn og sjö barnabörn. 3) Vignir
Reynir, f. 21. sept. 1947, maki Sig-
ríður Jónsdóttir og eiga þau þrjú
börn og eitt barnabarn. 4) Guðný,
f. 8. júní 1952, maki Rafn Sig-
þórsson og eiga þau þrjú börn og
eitt barnabarn. 5) Árni Elías, f. 6.
maí 1957, maki Elín-
rós Eiríksdóttir og
eiga þau fjögur börn
og eitt barnabarn. 6)
Hersir Freyr, f. 11.
mars 1961, maki
Hrafnhildur Hall-
dórsdóttir og eiga
þau þrjú börn og tvö
barnabörn. Albert
og Guðlaug ólu
einnig upp eldri son
Guðlaugar Ingi-
bjargar dóttur
þeirra, Albert Geir,
f. 21. júlí 1961, maki
Kristín Einarsdóttir
og eiga þau þrjár dætur.
Guðlaug ólst upp í foreldrahús-
um í Hlöðuvík og tók síðar við
búsforráðum þar ásamt manni
sínum Albert, en þau Guðlaug og
Albert voru síðustu ábúendur í
Hlöðuvík. Þau fluttu til Súðavíkur
árið 1943 og bjuggu þar, þar til
árið 1966 er þau fluttu til Hafn-
arfjarðar. Í Hafnarfirði vann Guð-
laug lengst af á Sólvangi sem
starfstúlka og vann þar til hún
hætti störfum er hún komst á ald-
ur.
Guðlaug verður jarðsungin frá
Hafnarfjarðarkirkju í dag og
hefst athöfnin klukkan 10.30.
Í dag kveð ég Laugu tengdamóður
mína, ég kynntist henni fyrir 40 árum
er ég kom út í Álftafjörð að vinna í
rækjuverksmiðjunni á Langeyri
ásamt móður minni sem kom fljót-
lega á eftir mér til Álftafjarðar. Hún
þekkti Laugu og Albert og með henni
fór ég í heimsókn á heimili þeirra, þar
var alltaf opið hús og allir svo inni-
lega velkomnir enda var þar alltaf
mjög gestkvæmt. Lauga var einstök
kona, sorgin heimsótti þau hjónin á
þessum tíma þegar elsta dóttir þeirra
Inga Lauga lést frá eiginmanni og
tveimur ungum sonum. Alltaf hef ég
dáðst að því hvað þau voru æðrulaus
og dugleg á þessum tíma og hefur
mér oft orðið hugsað til þess þegar
andstreymi hefur mætt mér í lífinu.
Ég var svo heppin að verða
tengdadóttir Laugu og Alberts og
eitt er víst að ekki hefði ég getað
eignast betri tengdaforeldra. Ég vil
þakka Laugu gengin spor og ég efast
ekki um að Inga Lauga og Kristján
taki vel á móti henni.
Ég vil að lokum þakka Laugu hvað
hún var mér og mínum börnum.
Þóra B. Jónsdóttir.
Elsku amma mín.
Þín alltaf mun ég minnast
fyrir allt það góða sem þú gerðir
fyrir gleðina sem þú gafst mér
fyrir stundirnar sem við áttum
fyrir viskuna sem þú kenndir
fyrir sögurnar sem þú sagðir
fyrir hláturinn sem þú deildir
fyrir strengina sem þú snertir.
Ég ætíð mun minnast þín.
Elsku amma, takk fyrir allt sem þú
kenndir mér og fyrir það sem þú hef-
ur gert fyrir mig, missir okkar allra
er mikill en minningin um góða
ömmu mun alltaf fylgja mér. Ég veit
að þér líður betur núna, nú hefurðu
hitt Ingu og pabba aftur og fleiri ást-
vini sem fóru á undan þér og þau hafa
öll tekið vel á móti þér, ég veit líka að
þú passar hann pabba fyrir mig og
hann þig.
Ég mun ávallt sakna þín.
Þín
Berglind Ósk (Óska).
Elsku amma mín er látin eftir erfið
veikindi. Við tvær vorum afskaplega
nánar, við náðum svo vel saman. Oft
grínuðumst við svo og göntuðumst að
við grétum af hlátri og gleði. Við átt-
um saman lag sem við sungum stund-
um saman en þegar ég var barn og
var hjá ömmu eins og svo oft þá söng
ég þetta lag aftur og aftur á meðan
amma bakaði heimsins bestu pönnu-
kökur. Þetta voru yndislegar stundir.
Ég er svo rík að eiga óteljandi minn-
ingar um ömmu mína sem ég geymi í
hjarta mínu og varðveiti sem gull.
Amma mín var sérstaklega yndisleg
manneskja,aldrei heyrði ég hana
hallmæla nokkurri manneskju og
hún hafði til að bera einstakan kær-
leik til fólks og samúð með þeim sem
þjáðust. Hún var einstaklega vel af
guði gerð hún elsku besta amma mín.
Ég mun segja dóttur minni Guðnýju
Kristjönu frá langömmu sinni þegar
hún verður eldri og fer að skilja,
minning ömmu minnar Guðlaugar
Kristjönu mun lifa í hjarta mínu og
huga og ekki aðeins hjá mér heldur
öllum þeim sem hana þekktu og elsk-
uðu. Ég elskaði ömmu mína og ég
mun ávallt elska hana. Elsku afi
minn, megi algóður guð styrkja þig í
þessari miklu sorg og megi hann gefa
okkur öllum kraft til þess að halda
áfram.
Ef væri ég söngvari, syngi ég ljóð
um sólina, vorið og land mitt og þjóð
En mömmu ég gæfi mín ljúfustu ljóð,
hún leiðir mig, verndar og er mér svo góð.
(Páll J. Árdal.)
Guðlaug Ingibjörg Hovland
(Inga Lauga).
Guðlaug Ingibjörg Hovland.
Elsku amma, þú varst alltaf svo
hress og kát og alltaf brosandi. Þú
komst manni alltaf í svo gott skap um
leið og þú birtist. Elsku amma mín ég
vil þakka þér fyrir allt, allar stund-
irnar sem við áttum saman og það
sem þú hefur gert fyrir mig. Ég mun
alltaf sakna þín.
Nú ríkir kyrrð í djúpum dal,
þótt duni foss í gljúfrasal,
í hreiðrum fuglar hvíla rótt,
þeir hafa boðið góða nótt.
(Magnús Gíslason.)
Þinn
Jón Dagur.
Elsku amma.
Við kveðjum þig í dag með söknuð í
hjarta. Við vorum svo heppin að eiga
þig sem ömmu. Alltaf varstu svo glöð
og kát og alltaf hlæjandi. Þegar við
komum til ykkar afa á Sléttahraunið
fórstu með okkur út á róló eða út að
leika í garðinum. Þegar við komum
inn fengum við svo eins mikið af
heimsins bestu pönnukökum og við
vildum og heitt súkkulaði með.
Stundum bauðstu okkur í mat, þá
fengum við að fara út á Kentucky og
fá kjúkling. Mömmu og pabba fannst
það ekki alltaf eins sniðugt, en þá var
það eitt það besta sem við fengum.
Og sama hvað við gerðum þá bara
hlóstu að prakkarastrikunum og
gafst okkur pönnuköku eða kannski
kanilsnúð.
Nú geta englarnir á himnum verið
glaðir því þú ert hjá þeim og býður
þeim eflaust upp á pönnukökur og
heitt súkkulaði.
Hvað sem við gerum og hvert sem
við förum þá munt þú alltaf vera hjá
okkur.
Elín, Hallvarður og Þórunn
Vignisbörn.
GUÐLAUG
KRISTJANA
GUÐLAUGSDÓTTIR
Minningin um
frænku mína, Hansínu
Margréti Bjarnadótt-
ur, „Haddý“, er svo
sterk og ljúf að ég má
til með að skrifa nokkr-
ar línur til að þakka fyrir það að hafa
fengið tækifæri til að kynnast þeim
„Jovva og Haddý“.
Það var ekki til sterkari eða meiri
ást.
Sumarið 1954 var ég hjá þeim.
HANSÍNA MARGRÉT
BJARNADÓTTIR
✝ Hansína MargrétBjarnadóttir
fæddist á Húsavík
13. júlí 1926. Hún
lést á heimili sínu í
Mosfellssveit 27.
ágúst síðastliðinn og
fór útför hennar
fram frá Lágafells-
kirkju 7. september.
Ástin á Árbakka, með
börnunum tveimur, var
hreint ótrúleg. Þar var
allt fullt af sólskini og
söng. Alltaf, hvar og
hvenær, sem þau
komu, var Jovvi með
fallega brosið sitt. Og
Haddý svo stillt og fág-
uð.
Þegar Jovvi dó svo
snögglega og allt of
fljótt var eins og
slokknaði á elsku
Haddý. En hún var um
kyrrt í kotinu sínu, full
af ást til allra sem þar
komu. Börnin hafa ræktað hana og
passað vel. Fram á síðustu stundu.
Guð blessi og verndi fjölskyldu
Haddýjar og Jovva.
Sesselja Þórdís Ásgeirsdóttir
(Dísella).
Elskulegur faðir okkar, tengdafaðir, afi og langafi,
EIRÍKUR ÓLI ÓLAFSSON,
Kirkjustíg 2,
Eskifirði,
verður jarðsunginn frá Eskifjarðarkirkju sunnudaginn 19. september kl. 15.
Ólöf María,
Helga Ólena,
Árný,
Lára Elísabet
og fjölskyldur.