Morgunblaðið - 21.09.2004, Blaðsíða 16
MINNSTAÐUR
16 ÞRIÐJUDAGUR 21. SEPTEMBER 2004 MORGUNBLAÐIÐ
AKUREYRI
„ÞETTA var alveg frábært,“
sagði Ragnar Sverrisson, kaup-
maður og forsvarsmaður verk-
efnisins Akureyri í öndvegi, en
á vegum þess var um liðna
helgi haldið íbúaþing í Íþrótta-
höllinni. Það sóttu um 1.600
manns, eða 10% bæjarbúa. „Við
gerðum okkur vonir um að fá
allt að 800 manns, 5% íbúa bæj-
arins, þannig að við erum al-
veg í skýjunum yfir þessum
viðbrögðum. Það er greinilegt
að bæjarbúar hafa áhuga á
skipulagsmálum, þeir hafa
skoðanir og vilja koma þeim á
framfæri. Mér fannst fólk
þakklátt fyrir þetta tækifæri,
að hafa með þessum hætti
fengið vettvang til að koma
skoðunum sínum á framfæri,“
sagði Ragnar.
Gafst fólki kostur á að vinna
í hópum og að koma með skrif-
lega tillögur.
Um 20 manns unnu svo við
úrvinnslu tillagna á sunnudag,
en þær skiptu þúsundum. Til-
lögurnar verða kynntar á fundi
á Hólum, húsi Menntaskólans á
Akureyri annað kvöld, mið-
vikudagskvöldið 22. september,
kl. 20.
Sigurborg Kr. Hannesdóttir
verkefnastjóri hjá Alta sem
hafði umsjón með íbúaþinginu
sagði að skýrt hefði komið
fram að fólk legði áherslu á að
til að efla miðbæ Akureyrar
þyrfti að beina kröftunum að
því að fjölga íbúum á svæðinu.
Þá nefndu margir umhverf-
isbætur af ýmsu tagi í sínum
tillögum, mikilvægt væri að
skapa skjól í miðbænum með
skipulagi og gróðri. „Fólki
finnst miðbærinn ekki aðlað-
andi eins og hann er nú, hann
er of grár,“ sagði Sigurborg.
Margir nefndu að bæta þyrfti
göngu- og hjólreiðastígakerfi
bæjarins. Þá urðu nokkrar um-
ræður um Akureyrarvöll og
hvað um hann yrði í framtíð-
inni og eins komu fram skiptar
skoðanir á hversu hátt ætti að
byggja í bænum. Sú umræða
kemur í kjölfar tillagna um há-
hýsi á lóð við Baldurshaga og
eins á svonefndum Sjallareit.
„Almennt virðist fólk sátt við
6-8 hæða byggingar í miðbæj-
arkjarnanum,“ sagði Sig-
urborg.
Akureyri í öndvegi er verk-
efni sem miðar að því að efla
miðbæinn, móta nýja stefnu og
tengja saman skipulags- og at-
vinnumál. Niðurstöður íbúa-
þingsins verða hafðar til hlið-
sjónar við keppnislýsingu fyrir
alþjóðlega hugmynda-
samkeppni um skipulag mið-
bæjarins. Stefnt er að því að
efna til samkeppninnar nú á
komandi vetri og kynna nið-
urstöður sumardaginn fyrsta
árið 2005.
Morgunblaðið/Kristján
Áhugi á skipulagsmálum: Bæjarbúar tóku virkan þátt á íbúaþinginu og höfðu geysilega margt fram að færa.
Erum
alveg í
skýj-
unum
Um 10% bæjarbúa
sóttu íbúaþing
EKKERT lát er á áhuga fyrirtækja og ein-
staklinga fyrir lóðum undir íbúðarhús á Ak-
ureyri. Akureyrarbær auglýsti á dögunum
eftir umsóknum um fimm lóðir undir ein-
býlishús á einni hæð í Naustahverfi og um
fimm lóðir undir fjölbýlishús í hverfinu. Alls
bárust tíu umsóknir frá einstaklingum um
lóðirnar undir einbýlishúsin og fjórtán um-
sóknir frá verktökum um lóðirnar undir fjöl-
býlishúsin.
Bjarni Reykjalín, skipulags- og bygginga-
fulltrúi Akureyrarbæjar, sagði að enn væri
mikil gróska í byggingariðnaðinum í bænum
og að það væri hið besta mál. „Við þurfum
alla vega ekki að kvarta yfir því að koma lóð-
unum ekki út. Nú þurfum við að fara að huga
að næsta áfanga, sem verður þá til úthlut-
unar á næsta ári,“ sagði Bjarni.
Mikill áhugi
fyrir íbúða-
lóðum
HÖFUÐBORGARSVÆÐIÐ
Árbær | Mikil fjölskylduhátíð var
haldin í Árbænum og Grafarholt-
inu sl. laugardag og voru um 1.200
manns saman komin þegar mest
var, að mati aðstandenda hátíð-
arinnar.
Jóhannes Guðlaugsson, for-
stöðumaður Árness og einn af að-
standendum hátíðarinnar, segir að
almenn ánægja sé með hvernig til
tókst, en þetta er þriðja árið sem
hátíðin er haldin. Hátíðin í ár var
mun veglegri en áður, og segir Jó-
hannes að trúlega verði hún höfð
enn veglegri næsta haust.
„Þetta var allt mjög fjöl-
skylduvænt og mjög gaman af
þessu. Það voru ungir sem aldnir
sem mættu,“ segir Jóhannes. Hann
viðurkennir að þátttakan hefði
mátt vera betri, en segir veðrið ef-
laust hafa spilað þar inn í. Mestu
skipti að stemningin hafi verið góð
hjá þeim sem tóku þátt í hátíðinni.
Hátíðin var blásin inn af hljóð-
færaleikurum úr Tónskóla Sig-
ursveins í blautu veðri um morg-
uninn, en veðrið batnaði þó heldur
þegar leið á daginn. Dagskráin var
að segja má þrískipt, og hófst hún
við Ásinn þar sem boðið var upp á
dagskrá fyrir fjölskyldur. Þaðan
var gengið í skrúðgöngu á Fylk-
isvöllinn þar sem tveir gervigras-
vellir, annar sparkvöllur en hinn
stærri völlur, voru vígðir. Þar voru
sett upp leiktæki fyrir börn og
skemmtu þau sér hið besta í
hoppukastala og við aðra leiki, og
voru um 1.200 manns á svæðinu,
segir Jóhannes. Um kvöldið var
svo Fylkisball í Fylkishöllinni þar
sem hljómsveitin Í svörtum fötum
skemmti.
Veglegri hátíð að ári?
Hátíðin í ár var frábrugðin því
sem hefur verið síðustu tvö ár. Áð-
ur gekk hátíðin meira út á kynn-
ingar á ýmsu starfi í hverfinu, en í
ár segir Jóhannes að tekin hafi
verið ákvörðun um að gera þetta
að sannkallaðri hátíð fyrir hverf-
isbúa, og jafnvel sé von á enn meiri
skemmtun að ári.
„Við eigum nú eftir að setjast
niður og fara yfir þetta en umræð-
an sem var um þetta var að
kannski viljum við stækka þetta.
Þá verði Fylkisballið haldið með
veglegri hætti og þetta yrði
kannski dagskrá frá hádegi fram á
kvöldið, á fleiri en einum stað,“
segir Jóhannes.
Skemmtileg stemn-
ing á fjölskylduhátíð
Morgunblaðið/Þorkell
Þessi ungi maður skemmti sér vel í hoppukastalanum á Fylkisvellinum.
Höfuðborgarsvæðið | Frítt föru-
neyti sex bæjarstjóra og eins
borgarstjóra hjólaði um hjólastíga
og götur höfuðborgarsvæðisins í
gær. Á ferðum sínum vígðu þeir
þrjú skilti með upplýsingum um
hjóla- og gönguleiðir á höfuðborg-
arsvæðinu í þremur bæjarfélögum.
Tilefni ferðalagsins var hjól-
reiðadagur Evrópsku samgöngu-
vikunnar og hófst ferðin í Hafn-
arfirði þar sem Lúðvík Geirsson,
bæjarstjóri í Hafnarfirði, vígði
fyrsta skiltið og hjólaði svo af stað
áleiðis í Kópavoginn. Á leiðinni
slóst Ásdís Halla Bragadóttir,
bæjarstjóri í Garðabæ, í hópinn og
hjólaði hópurinn sem leið lá í
Kópavoginn.
Þar slógust bæjarstjórarnir á
Álftanesi, Seltjarnarnesi, Mos-
fellsbæ og Kópavogi í hópinn, auk
Þórólfs Árnasonar borgarstjóra. Í
Kópavogi var annað skilti vígt og
svo hjólað eftir Fossvogsdalnum
upp í Elliðaárdal. þar sem Þór-
ólfur Árnason vígði eitt skiltanna.
Morgunblaðið/ÞorkellVel viðraði fyrir hjólreiðatúr bæjar- og borgarstjóra í gær.
Hjóluðu á
milli bæj-
arfélaga
Mosfellsbær | Eiginfjárhlutfall Mos-
fellsbæjar er ekki nægilega gott að
mati Eftirlitsnefndar með fjármálum
sveitarfélaga, en skuldir og skuld-
bindingar sveitarfélagsins eru um 525
þúsund krónur á hvern íbúa.
Nefndin hefur sent Mosfellsbæ
bréflegar athugasemdir eftir athugun
á ársreikningum ársins 2003. Að sögn
Húnboga Þorsteinssonar, formanns
nefndarinnar, er eiginfjárhlutfall
Mosfellsbæjar of lágt, en þó ekki svo
að það valdi stórum áhyggjum. Sveit-
arfélagið hafi alla burði til að vinna sig
út úr þeirri stöðu sem það er komið í,
enda gangi rekstur þess ágætlega.
Nefndin óskaði því eftir upplýsingum
um hvernig sveitarstjórnin ætli að
bregðast við vandanum.
Í bréfi nefndarinnar kemur fram að
eiginfjárhlutfall bæjarins lækkaði úr
15,1% í 14% á milli áranna 2002 og
2003 og að í árslok 2003 hefðu skuldir
og skuldbindingar sveitarfélagsins
numið 525 þúsund krónum á hvern
íbúa. Peningaleg staða var á sama
tíma neikvæð um 379 þúsund krónur
á hvern íbúa. Til samanburðar er eig-
infjárhlutfall að meðaltali 34,6% í
sveitarfélögum með yfir 5.000 íbúa og
peningaleg staða neikvæð um 174
þúsund krónur á hvern íbúa.
„Sveitarfélagið Mosfellsbær á að
vera í stakk búið til þess að takast á
við þetta,“ segir Ragnheiður Rík-
harðsdóttir, bæjarstjóri Mosfellsbæj-
ar. Hún segir að vissulega sé staða
sveitarfélagsins ekki jafn góð og hún
geti verið, en það stafi einkum af mik-
illi uppbyggingu undanfarinna ára.
Ragnheiður segir að nú þurfi að
halda vel á spöðunum í fjármálum
sveitarfélagsins og halda öllum
rekstri innan áætlana. Þannig geti
sveitarfélagið greitt niður skuldir og
lagað eiginfjárhlutfall sitt, þótt ljóst
sé að það sé verkefni sem muni taka
talsverðan tíma.
Skulda 525 þúsund á hvern íbúa
Lögfræðitorg | Heilsugæsla á landsbyggðinni
og mannréttindi er heiti á fyrirlestri á Lög-
fræðitorgi í dag, þriðjudaginn 21. september, í
stofu L102 á Sólborg en hann hefst kl. 12.
Rachael Johnstone mun fjalla um rannsókn
sína á því hvort boðaður niðurskurður á sjúkra-
húsþjónustu í nyrsta héraði Skotlands, ef af
verður, geti hugsanlega brotið í bága við ákvæði
Mannréttindasáttmála Evrópu.
Nýlega ákvað stjórn Wick-sjúkrahússins í
Caithness, nyrsta héraði Skotlands, að leggja
niður stöðu fæðingarlæknis við sjúkrahúsið.
Íbúar á þjónustusvæði sjúkrahússins eru um
það bil 30.000. Ef þessi ákvörðun stjórnarinnar
kemst til framkvæmda getur svo farið að fjöl-
margar konur þurfi að ferðast um 200 km leið
til að fæða börn sín.
Rachael kennir almenna lögfræði og einkenni
og þróun enskra laga (Common Law) við Há-
skólann á Akureyri.
♦♦♦