Morgunblaðið - 27.11.2004, Page 53

MORGUNBLAÐIÐ LAUGARDAGUR 27. NÓVEMBER 2004 53
TÍMARITIÐ Record Collector hefur
nú verið starfrækt í tuttugu og fimm
ár og er einskonar fagblað þeirra
sem sanka að sér hljómplötum,
geisladiskum og öðru því sem tengist
dægurtónlist síðustu aldar og þess-
arar. Í desemberhefti blaðsins, sem
er sérstakt afmælisrit, birtir blaðið
lista yfir hundrað verðmestu plötur
sem gefnar hafa verið út í Bretlandi
(sem útskýrir fjarveru Elvis Presley
á listanum).
Plata með Thor’s Hammer (nafn
sem Hljómar tóku sér er þeir reyndu
fyrir sér erlendis) nær þar 85. sæti
og er metin á 900 pund eða 112.000
íslenskar krónur. Um er að ræða
tvöfalda sjötommu frá árinu 1966
sem var pressuð af Parlophone og
gefin út í myndaumslagi (vörunúmer:
CGEP 62). Innheldur hún lög úr
stuttmynd sveitarinnar, Umbar-
umbamba.
Ítarleg greinargerð fylgir þessu
vali en Thor’s Hammer er orðin mjög
eftirsótt sveit hjá söfnurum sem pæla
í sýrupopprokki sjöunda áratugarins
sem átti sitt blómaskeið árin 1966 til
1968. Sérstaklega þykir notkun
Gunnars Þórðarsonar á hinum svo-
kallaða „fuzz-pedal“ (loðfetli?) bylt-
ingarkennd. Þannig á sveitin lag á
sýrurokkssafnplötunni Nuggets II
og út hafa komið tvær safnplötur,
önnur var gefin út hér heima á veg-
um Spor árið 1998 og nýverið gaf hið
virta endurútgáfufyrirtæki Ace Re-
cords út plötuna From Keflavik …
with love.
Tíu verðmestu plötur heims
1. The Quarry Men – That’ll Be The
Day/In Spite Of All The Danger
(Hljómsveitin The Quarry Men var
undanfari Bítlanna og var þessi plata
pressuð í einu eintaki, ætluðu til
einkanota, árið 1958) [12,4 milljónir
íslenskra króna]
2. The Quarry Men – That’ll Be The
Day/In Spite Of All The Danger
(sérpressun sem Paul McCartney lét
gera fyrir sig)
[1,2 milljónir]
3. The Beatles - The Beatles (Hvíta
platan með númerum fyrir neðan
0000010)
[1,2 milljónir]
4. The Sex Pistols – God Save The
Queen/No Feeling (afturkölluð sjö-
tomma)
[682.000]
5. Queen – Bohemian Rhapsody (sjö-
tomma, blár vínyll, gefin út 1978)
[620.000]
6. Ron Hargrave – Latch On
[403.000]
Sjö plötur skipta með sér sjöunda
sætinu og eru þær metnar á 372.000.
Þær eru:
– John’s Children - Midsummer
Nights Scene (afturkölluð sjötomma)
– John Lennon & Yoko Ono – Unfin-
ished Music No. 1: Two Virgins
(„mono“ (einóma) útgáfa)
– The Crows – Gee
– The Beatles – Abbey Road (eintök
ætluð til útflutnings, pressuð af
Decca)
– David Bowie – Space Oddity (sjö-
tomma í myndaumslagi sem aldrei
kom út)
– The Beatles – Please Please Me
(með gylltum plötumiða)
– The Beatles – Love Me Do (sjö-
tomma, kynningareintak sem dreift
var til fjölmiðla).
Tónlist | Thor’s Hammer
Á lista yfir
verðmestu
plötur Bretlands
Thor’s Hammer (frá vinstri): Erlingur Björnsson, Pétur Östlund, Gunnar Þórðarson og Rúnar Júlíusson.