24 stundir - 22.12.2007, Blaðsíða 12

Eftir Andrés Inga Jónsson
andresingi@24stundir.is
Japanar hafa lagt áform sín um að
fanga 50 hnúfubaka á hilluna eftir
hávær mótmæli Ástralíu. Þjóðir
Evrópusambandsins munu innan
skamms stilla saman strengi sína í
hvalverndunarmálum. Hart er sótt
að hvalveiðum, en Japanar vilja
leiða alþjóðasamfélaginu fyrir
sjónir að hægt sé að hefja hvalveið-
ar í atvinnuskyni að nýju.
Þrýst á Japana
Við upphaf árlegrar hvalveiði-
vertíðar Japans við suðurskautið
heyrist gjarnan hljóð úr horni. Í ár
brugðust stjórnir Ástralíu og Nýja-
Sjálands ókvæða við þegar tilkynnt
var að auk vísindaveiða á um þús-
und hrefnum og langreyðum
stefndu Japanar á að fanga 50
hnúfubaka þetta árið.
Héldu þarlendir stjórnmála-
menn því fram að sömu vísinda-
legu niðurstöðum mætti ná með
aðferðum sem ekki krefðust þess
að drepa hvalina. Japan hefur síðan
hætt við áform um að fanga hnúfu-
bakana, en mun eftir sem áður
veiða hin dýrin.
„Þessi stefnubreyting er ánægju-
leg, en ríkisstjórn Ástralíu telur
enga raunverulega réttlætingu vera
á veiðum á nokkurri tegund hvala
og mun berjast einarðlega fyrir því
að Japan leggi hvalveiðar endan-
lega af,“ sagði Stephen Smith, sjáv-
arútvegsráðherra Ástralíu.
Endurskipulagningar óskað
Japönsk stjórnvöld neita því að
mótmæli Ástralíu hafi valdið
stefnubreytingunni. Segir Nobu-
taka Machimura, skrifstofustjóri
japönsku ríkisstjórnarinnar, að
ákvörðunin hafi byggst á viðræð-
um við aðila Alþjóðahvalveiðiráðs-
ins. Segir Machimura hvalastofna
hafa vaxið nægjanlega til að standa
undir nýtingu. Segir hann það vera
ósk Japana að Alþjóðahvalveiði-
ráðið þróist frá því að sinna ein-
göngu verndun hvala yfir í að stýra
skynsamlegri nýtingu þeirra.
Saumað að hval-
veiðiskipum
 Takast á verndarsjónarmið og nýtingarsjónarmið  Japanar segja
margar tegundir hvala geta staðið undir nýtingu
➤ Evrópusambandið hefur ein-sett sér að móta stefnu í hval-
veiðimálum sem geti aukið
áhrif sambandsins innan Al-
þjóðahvalveiðiráðsins.
➤ Stjórn Ástralíu áformar að fáhvalveiðum Japana hnekkt
fyrir alþjóðlegum dóm-
stólum.
VERNDUN HVALA
Nordic-Photo/AFP
Á vaktinni Hvalveiðieft-
irlitsskip umhverfissamtak-
anna Sea Shepard.
12 LAUGARDAGUR 22. DESEMBER 2007 24stundir
Rannsóknir breskra vísinda-
manna hafa leitt í ljós að kyn-
hormónið testó-
sterón veldur því
að karlmenn eiga
hægara með að
vera hnyttnir í
tilsvörum en
konur.
Rekja vís-
indamennirnir
þetta til kyn-
þroskaáranna. Sýnist þeim árás-
argirni pilta á aldrinum 11 til 13
ára, sem orsökuð er af hormóna-
breytingum, þróast út í það skop-
skyn sem þeir segja einkenna
karlkynið. aij
Nýjustu rannsóknir
Karlar eru
fyndnari
Heilbrigðisyfirvöld komu í veg
fyrir að Eddie Rowe, bóndi í
Norður-Karólínu í Bandaríkj-
unum, gæti selt skepnur til fórnar
á Eid al-Adha hátíð múslíma.
Rowe segist ekki sjá eftir tekj-
unum sem hann verður af, heldur
sárni honum fyrir hönd við-
skiptavina sinna. Þeir hafi margir
skipt við hann undanfarin sex ár
og hann líti á þá sem vini sína. aij
Norður-Karólína
Fórnir bannaðar
Tugir manna létust þegar sjálfs-
morðsárásarmaður sprengdi sig í
loft upp í troðfullri mosku í Pak-
istan í gær. Er árásin talin hafa
beinst gegn Aftab Ahmed Khan
Sherpao, fyrrum innanrík-
isráðherra landsins, en hann var
við bænir í moskunni.
Sherapo sakaði ekki, en sonur
hans og tveir frændur voru meðal
slasaðra. aij
Pakistan
Moska sprengd
Hægt verður að sækja kaupend-
ur kynlífsþjónustu til saka, gangi
tillögur Verkamannaflokksins í
gegn á breska þinginu. Voru tillög-
urnar sniðnar eftir sænskri löggjöf.
Harriet Harman, ráðherra jafn-
réttismála, telur nýju lögin munu
gagnast í baráttunni gegn mansali.
„Ég held að við þurfum að skoða
málin. Ef við tökumst ekki á við
eftirspurn eftir mansali, þá mun-
um við ekki geta verndað konur
fyrir því,“ segir Harman.
Tillagan er lögð fram af Denis
MacSchane, sem telur lagabreyt-
inguna marka tímamót.
„Árið 2007 fögnuðum við því að
200 ár voru síðan þrælaverslun var
afnumin og ég vona að William
Hague, David Cameron og Nick
Clegg sjái til þess að 2008 verði árið
sem við förum að taka af alvöru á
verslun með kynlífsþræla,“ segir
MacShane. aij
Barist gegn mansali á Bretlandseyjum
Sænska leiðin höfð
til fyrirmyndar
STUTT
● Kalifornía Ríkisstjórinn Arn-
old Schwarzenegger íhugar að
veita 22.000 föngum snemm-
lausn úr fangelsi, til að rétta við
fjárlagahalla Kaliforníu. Með
þessu vonast hann til að allt að
16 milljarðar króna sparist á
ári.
● Færeyjar Skertur hlutur
kvenna á færeyska lögþinginu
veldur lýðræðishalla. Þetta er
niðurstaða skýrslu Demokra-
tiu, nefndar sem lögþingið fól
að rannsaka stöðu jafnrétt-
ismála á eyjunum.
● Eurofighter Evrópski her-
gagnaframleiðandinn hefur
frestað viðræðum við norsk og
dönsk stjórnvöld. Segja tals-
menn Eurofighter að óánægja
ríki um framkvæmd útboða
landanna tveggja.