24 stundir - 06.02.2008, Page 12

12 MIÐVIKUDAGUR 6. FEBRÚAR 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: 24stundir@24stundir.is, frettir@24stundir.is, auglysingar@24stundir.is
Prentun: Landsprent ehf.
Stúdentar við Háskóla Íslands kjósa í dag og á morgun fulltrúa í stjórn
nemendafélagsins, Stúdentaráðs. Í nýlegu Stúdentablaði er rætt við odd-
vita beggja framboðslista í kjörinu, Vöku og Röskvu. Eins og mörg und-
anfarin ár eru þeir hjartanlega sammála um a.m.k. eitt mál; að skólagjöld
við Háskóla Íslands komi alls ekki til greina.
Röskva „hafnar alfarið skólagjöldum þar sem þau skerða jafnt aðgengi
allra til náms.“ Vaka segir: „Upptaka skólagjalda myndi hafa mikil og
þungbær áhrif á getu margra nemenda til þess að stunda háskólanám.“
Ætli nemendur í einkareknum háskólum, sem innheimta skólagjöld,
taki undir þessi sjónarmið stúdenta í Háskóla Íslands? Bendir sú gríð-
arlega aðsókn, sem verið hefur að þeim skólum á undanförnum árum til
þess að með skólagjöldum sé „aðgengi til náms“ skert? Auðvitað ekki.
Lánasjóður íslenzkra námsmanna lánar fólki fyrir skólagjöldum. Um
helmingur lána LÍN er í raun styrkur. Endurgreiðslur eru tekjutengdar.
Þannig borga þeir, sem hafa háar tekjur, meira til baka en hinir tekjulægri
og jafnrétti til náms skerðist ekki neitt.
Ef Háskóli Íslands ætlar að komast í hóp 100 beztu háskóla heims, þarf
hann að geta mætt samkeppni, bæði frá innlendum og erlendum háskól-
um sem innheimta skólagjöld. Skólagjöld eru ein forsenda þess að skólinn
geti boðið betra nám en keppinautarnir. Flestir beztu háskólar heims inn-
heimta skólagjöld, miklu hærri en þau sem hafa verið til umræðu í HÍ.
Skólagjöld eru ekki aðeins tekjuöflunarleið fyrir HÍ. Þau auka kostn-
aðarvitund stúdenta og stuðla að því að þeir ljúki námi á skemmri tíma.
Þau gera líka að verkum að stúdentar geta gert meiri kröfur til gæða
kennslunnar og aðbúnaðar í skólanum og eru þannig stjórnendum skól-
ans hvatning til að gera betur.
Leiðtogar nemendafélagsins í HÍ virðast árum sam-
an hafa haft mjög þrönga sýn á hagsmuni stúdenta.
Þeim finnst mikilvægara að einblína á það hvort í
buddu stúdenta sé einhverjum þúsundköllum fleira
eða færra til skamms tíma en að horfa á gæði náms í
Háskóla Íslands og samkeppnisstöðu hans til lengri
tíma litið. Er það síðarnefnda ekki hagur stúdenta við
HÍ?
Dettur stúdentaleiðtogunum í HÍ aldrei í hug að
spyrja nemendur í öðrum háskólum hvernig þeir
komist af, þrátt fyrir að vera í skóla hjá vondu fólki,
sem vill að þeir borgi lítið brot af því sem það kostar
að mennta þá?
Hagur stúdenta?
SÆKTU LEIÐARANN Á WWW.MBL.IS/PODCAST
Borgarstjóri segir að kaup borg-
arinnar á húsunum á Laugavegi 4
og 6 langt yfir markaðsverði hafi
ekki skapað for-
dæmi og muni
því ekki hafa
áhrif á verð-
myndun annarra
gamalla húsa.
Þetta er rangt.
Þegar hús eru
friðuð með lög-
um er markaðs-
verð greitt fyrir húsin skv. eign-
arnámsákvæðum. Með því að
kaupa hús sem metin voru á um
350 milljónir á 580 milljónir hef-
ur borgarstjórn breytt markaðs-
verði slíkra húsa. Það eru miklir
peningar og ekki hefur verið gef-
in skýring á hvaðan þeir eiga að
koma. Hvað á að skera niður?
Dofri Hermannsson
dofri.blog.is
BLOGGARINN
Friðuð hús
Rök má færa fyrir því að sjávar-
útvegurinn hafi orðið fórn-
arlömb hugmyndafræði þar sem
ekkert mark hef-
ur verið tekið á
raunsæi og nyt-
semishyggju.
Annars vegar má
skipta þeirri hug-
myndafræði í
stjórn veiða með
það að markmiði
að byggja upp
fiskistofnana. Þau fræði hafa
hvergi gengið eftir í heiminum
enda stangast þau á við viðtekna
vistfræði. Hins vegar hafa hag-
fræðingar gleypt þessi fræði og
yfirfært á skortskenningar sínar
og búið til seljanlegt kvótakerfi,
með viðkvæði um takmarkaðar
auðlindir.
Sigurjón Þórðarson
sigurjonth.blog.is
Auðlindir
Sífellt verður erfiðara að halda
Sjálfstæðisflokknum saman, hann
sveigir inn á miðjuna í aðdrag-
anda kosninga og
frjálshyggju-
mönnum er sagt
að hafa sig hæga,
nú þurfi að ná at-
kvæðafjölda. En
að kosningum
loknum lenda
menn í vaxandi
vanda með að
fullnægja kröfum kratanna í
flokknum og svo hinna ungu
þingmanna sem hefur farið fjölg-
andi og eiga sífellt erfiðara með að
sætta sig við að vera krossfestir
reglulega. Þeir krefjast þess að
þjóðareignir verði seldar í hendur
einkaaðila og ekki megi binda í lög
að auðlindir skuli vera þjóðareign.
Guðmundur Gunnarsson
gudmundur.eyjan.is
Krossfesting
Ólafur Þ.
Stephensen
olafur@24stundir.is
Icelandair ber öðrum fremur ábyrgð á
mikilli fjölgun ferðamanna til Íslands á
undanförnum árum og áratugum. Annars vegar
með öflugu markaðs- og kynningarstarfi erlendis
og hins vegar með því að setja upp flugáætlun sem
gerir Ísland að miðpunkti í flugi milli Evrópu og
Norður-Ameríku. Á sama tíma aukast ferðir Ís-
lendinga til útlanda. Innan Icelandair Group, áður
Flugleiða, hefur orðið til þekking og reynsla í öll-
um þáttum flugs og ferðaþjónustu sem er und-
irstaða atvinnugreinarinnar hér á landi og hefur
getið af sér fjölda sprotafyrirtækja. Sum þeirra eru
í harðri samkeppni við Icelandair nú.
Leifsstöð, sem í forsíðufrétt 24 stunda í gær var
sögð sprungin, var opnuð 1987 og rekin af ríkinu
alla tíð. Flugstöðin er hluti af þeim innviðum sam-
félagsins sem hið opinbera rekur í almannaþágu og
þar hafa menn átt fullt í fangi með að fylgja þess-
ari hröðu þróun. Vegna sambýlisins við herstöð
Nato var stjórnkerfið í kringum flugvöllinn og
flugstöðina flókið en það hefur nú verið einfaldað
til muna. Margt hefur þar verið vel gert í breyt-
ingum undanfarinna ára þótt alltaf megi gera bet-
ur.
Icelandair þarf eins og önnur flugfélög stöðugt að
leita leiða til að verða við kröfum viðskiptavina
um öryggi, stundvísi, þjónustu og hagstæð far-
gjöld. Viðskipti við flugvelli og flugstöðvar skipta
þar miklu máli enda stór hluti af upplifun farþega
og kostnaði við flugið. Þótt langstærstur hluti far-
þega um Leifsstöð séu farþegar Icelandair hefur fé-
lagið lítið um reksturinn þar að segja. Þeirri hug-
mynd hefur því oft verið kastað
upp innan Icelandair Group að
starfrækja eigin flugstöð á Kefla-
víkurflugvelli.
Lausleg athugun sérfræðinga á
byggingu og rekstri flugstöðvar
hefur leitt í ljós að með því gæti
félagið lækkað kostnað og boðið
farþegum sínum ódýrari og
þægilegri ferðamáta.
Höfundur er upplýsingastjóri
Icelandair Group
Fjölgun farþega um flugvöllinn
ÁLIT
Guðjón
Arngrímsson
24 stunda
Auglysingasimi
Kolbrun S.510 3722 / kolla@24stundir.is
Katrin s.510 3727 /kata@24stundir.is
Serblad
12.februar 2008
vinnuvelar