24 stundir - 06.02.2008, Qupperneq 20

20 MIÐVIKUDAGUR 6. FEBRÚAR 2008 24stundir
Húseigendafélagið á sér 85 ára
tilvist og sögu en það var stofnað
árið 1923. Það er almennt hags-
munafélag húseigenda, hvort sem
fasteignin er einbýlishús, íbúð í
fjöleignarhúsi, atvinnuhúsnæði,
land eða jörð og hvort sem hún er
til eigin nota eða leiguhúsnæði.
Tilgangur félagsins er að stuðla að
því að fasteignir verði ávallt sem
tryggastar eignir og að gæta í hví-
vetna hagsmuna fasteignaeigenda.
Það geta sem sagt allir fasteigna-
eigendur, einstaklingar, félög og
fyrirtæki gerst félagar. Félagsmenn
eru um átta þúsund og hefur farið
jafnt og þétt fjölgandi undanfarna
áratugi. Mest hefur fjölgunin verið
meðal húsfélaga í fjöleign-
arhúsum. Þau njóta sérkjara og
hver íbúðareigandi öðlast full og
sjálfstæð félagsréttindi.
Þríþætt starfsemi
Starfsemi Húseigendafélagsins
er þríþætt:
Almenn hagsmunagæsla fyrir
fasteignaeigendur.
Almenn fræðslustarfsemi og
upplýsingamiðlun.
Ráðgjöf og þjónusta við fé-
lagsmenn, einkum lögfræðiaðstoð
og ráðgjöf.
Frjálst og óháð félag
Margir sem leita til félagins
standa í þeirri trú að þeir séu sjálf-
krafa meðlimir í félaginu. Sú er
ekki raunin. Menn verða að ganga
sérstaklega í félagið til að öðlast
rétt á lögfræðiþjónustu og til að
öðlast önnur félagsréttindi. Það
eru félagsmenn sem með fé-
lagsgjöldum sínum standa undir
starfsemi þess að öllu leyti. Sumir
standa ranglega í þeirri trú að fé-
lagið sé opinber stofnun sem veiti
öllum endurgjaldslausa þjónustu.
Félagið nýtur engra opinberra
styrkja og stendur alfarið á eigin
fótum og er engum háð. Fé-
lagsgjaldinu er í hóf stillt og eins
er um endurgjald fyrir lög-
fræðiþjónustuna. Húseigendafé-
lagið er eingöngu rekið með hags-
muni félagsmanna og húseigenda
að leiðarljósi en ekki hagnað.
Lögfræðiþjónusta
Húseigendafélagið rekur sér-
hæfða lögfræðiþjónustu fyrir fé-
lagsmenn sína á þeim rétt-
arsviðum sem varða fasteignir og
eigendur þeirra. Lögfræðiþjón-
ustan hefur verið þungamiðjan í
starfsemi félagsins síðustu áratugi.
Býr félagið yfir mikilli og sér-
hæfðri þekkingu og reynslu á þess-
um sviðum lögfræðinnar. Fyrir
lögfræðiþjónustuna er tekin þókn-
un, sem er verulega lægri en geng-
ur og gerist hjá sjálfstætt starfandi
lögmönnum, auk þess sem lög-
fræðingar félagsins búa yfir sér-
þekkingu í fasteignalögfræði.
Stærstu málaflokkarnir eru: Fjöl-
eignarhús, fasteignakaup, húsa-
leigu og grennd.
Réttarbætur
Hæst hefur borið í almennri
hagsmunabaráttu félagsins að
stuðla að réttarbótum fyrir fast-
eignaeigendur. Hefur félaginu
orðið verulega ágengt í því efni,
öllum húseigendum til hags og
heilla. Má nefna fjöleign-
arhúsalögin og húsaleigulögin sem
tóku gildi 1995, en félagið átti
frumkvæði að þeim og hafði mikil
áhrif á efni þeirra. Félagið barðist
lengi fyrir löggjöf um fasteigna-
viðskipti. Sú barátta bar þann ár-
angur að vorið 2002 var sett vönd-
uð löggjöf um fasteignakaup.
Einnig hefur félagið komið að
samningu lagafrumvarpa um fast-
eignasala.
Húsfundaþjónusta
Húsfundaþjónustan felur í sér
ráðgjöf og aðstoð við húsfundi. Í
henni felst aðstoð og ráðgjöf við
undirbúning funda, þ.e. dagskrá,
tillögur, fundarboð og fund-
arstjórn og ritun fundargerða.
Þessi þjónusta á að tryggja lög-
mæta fundi og að rétt sé að öllu
staðið þannig að ákvarðanir fund-
ar verði ekki síðar vefengdar. Á
húsfundum eru gjarnan teknar
ákvarðanir sem varða mikla fjár-
hagslega hagsmuni og miklar
skuldbindingar. Þeim húsfélögum
fer óðum fjölgandi sem vilja varast
slysin og hafa allt á hreinu og leita
eftir þessari þjónustu. Undirbún-
ingsfundir eru haldnir á skrifstofu
félagins undir leiðsögn lögfræð-
inga félagsins og síðan koma að
hverjum fundi sérfróður lögmað-
ur sem stýrir fundi og yfirleitt
laganemi sem fundarritari. Hér
stendur til boða sérþekking, kunn-
átta og reynsla sem fyrirbyggir
skakkaföll og deilur.
Húsaleiga
Útleiga húsnæðis getur verið
áhættusöm fyrir leigusala ef hann
fer ekki að öllu með gát. Ef van-
efndir verða stendur félagsmönn-
um til boða aðstoð lögfræðinga fé-
lagsins. Húseigendafélagið
aðstoðar einnig félagsmenn sína
við samningsgerð, þ.á m. að kanna
feril og skilvísi umsækjenda um
leiguhúsnæði.
Fleiri félagsmenn
Þótt starfsemi félagsins hafi ver-
ið öflug og árangursrík, má alltaf
betur gera. Húseigendur þurfa að
vera á verði um hagsmuni sína og
mikilvægi þess að þeir séu varðir.
Þar kemur Húseigendafélagið til
skjalanna en það er forsenda fyrir
öflugra og árangursríkara starfi að
fleiri fasteignaeigendur skipi sér
undir merki félagsins.
Skrifstofan
Starfsstöð Húseigendafélagsins
er í Reykjavík að Síðumúla 29,
sími: 588-9567. Netfangið er post-
ur@huseigendafelagid.is. Þar eru
veittar nánari upplýsingar um fé-
lagið, starfsemi þess og þjónustu.
Panta þarf viðtalstíma hjá lögfræð-
ingum fyrir fram.
Húseigendafélagið
Gætir hagsmuna
Við sem förum fyrir Hús-
eigendafélaginu erum oft
spurð: Hvað er Húseig-
endafélagið? Fyrir hvað
stendur það? Hver eru
markmið þess og bar-
áttumál? Hver er hag-
urinn af félagsaðild?
Hverju hefur félagið
áorkað?
Húsfundaþjónusta Á hús-
fundum eru gjarnan teknar
ákvarðanir sem varða mikla
fjárhagslega hagsmuni og
miklar skuldbindingar.
Sigurður Helgi
Guðjónsson skrifar
LÖG OG REGLA
Danfoss ofnhitastillar
Háþróuð og notendavæn hitastýring sem veitir
þægilega húshitun og hámarks orkusparnað
Við erum leiðandi í hönnun og
framleiðslu ofnhitastilla
Skútuvogi 6 104 Reykjavík
Sími 510 4100 • www.danfoss.is
Danfoss hf
Danfoss stjórnbúnaður fyrir hitakerfi fæst í öllum helstu lagnaverslunum landsins
ÁRMÚLA 42 - SÍMI 553 4236
BÍLSKÚRS OG IÐNAÐARHURÐIR
• Hurðir til á lager • Smíðað eftir máli
• Eldvarnarhurðir • Öryggishurðir