24 stundir - 21.06.2008, Blaðsíða 18

18 LAUGARDAGUR 21. JÚNÍ 2008 24stundir
Öflug umræða um skipulagsmál
borgarinnar er nauðsynlegri nú en
nokkru sinni fyrr. Langvarandi
forystuleysi borgaryfirvalda í þess-
um málum hefur skemmt verulega
fyrir eðlilegri þróun borgarinnar.
Ef fram fer sem horfir mun Land-
spítali rísa í kjarna borgarinnar,
flugvöllurinn skal fara eða vera
kyrrsettur, gömul og niðurnídd
hús í miðbæ borgarinnar skulu rif-
in eða varðveitt og ný íbúðahverfi
vaxa í útjaðri borgarinnar. Ég tel
umræðuna um Vatnsmýrina, 102
Reykjavík, leggja skugga á um-
ræðu um aðra skipulagsþætti. Til
eru önnur svæði þar sem íbúa-
byggð kemur til greina í kjarna
höfuðborgarinnar.
Nýjar hugmyndir
Borgarfulltrúar allra flokka tala
fagurt um þróun miðbæjarins og
heildarmynd borgarinnar. Hins
vegar virðast flestir þeirra vera al-
gjörlega fastir við Vatnsmýrina
þegar kemur að þróun nýrra íbúa-
hverfa í miðbænum. Nauðsynlegt
er að koma á framfæri hugmynd-
um sem geta stuðlað að íbúafjölg-
un í kjarna borgarinnar á næstu
áratugum eins og tilteknir stjórn-
málamenn gera til dæmis með
Vatnsmýrartillögunni. Hins vegar
eru til aðrar leiðir sem ná fram
sömu markmiðum þar sem flutn-
ingur flugvallarins er ónauðsyn-
legur. Þær lausnir geta verið fram-
kvæmanlegar á mun skemmri
tíma heldur en þróun byggðar í
Vatnsmýri.
Flugvöllurinn kyrr
Óbreytt staðsetning flugvallar-
ins er skynsamleg að mínu mati og
þarf alls ekki að útiloka uppbygg-
ingu í nágrenni hans. Nýlegar
skoðanakannanir benda til þess að
stór hluti Reykvíkinga vilji halda
flugvellinum. Peer Teglgaard
Jeppesen, einn þekktasti arkitekt
Dana og hönnunarstjóri arkitekta-
stofunnar HLT í Danmörku, vakti
nýlega athygli á kostum þess að
hafa flugvöllinn áfram í Reykjavík.
Peer sagði meðal annars að ekki
væri gáfulegt að láta fólk aka lang-
ar leiðir að óþörfu til að sækja inn-
anlandsflug, eins og til dæmis til
Keflavíkur, þar sem slíkt leiðir af
sér óþarfa orkunotkun og þar af
leiðandi mengun. Varðandi upp-
byggingu í Vatnsmýrinni sagði
hann að flugvélar muni þróast og
þurfa styttri flugbrautir og því
gæti flugvallarsvæðið hugsanlega
minnkað í framtíðinni.
Höfnin flutt
Flestir eru sammála um að
nauðsynlegt sé að þétta byggð í
kjarna Reykjavíkur. Í því samhengi
er rétt að taka hafnarsvæðin til
umræðu. Þetta eru með verðmæt-
ustu svæðum borgarinnar og geta
vel orðið með þeim fallegri. Það
fer ekki framhjá neinum sem
heimsækir hafnarsvæðin í mið-
borginni að nauðsynlegt er að
koma svæðinu í lag með einhverj-
um hætti. Að mínu mati væri
skynsamlegast að fylla upp í 80-
90% af núverandi hafnarsvæði við
miðbæinn, sem er um það bil 27
hektarar, og þróa þar íbúabyggð
og mynda þannig bryggjuupplifun
ásamt því að leggja áherslu á
göngusvæði. Með þessu myndi
íbúum miðbæjarins fjölga ört þar
sem nú þegar er byrjað að byggja á
svæðinu og afar vinsælt að búa í
slíkum hafnarhverfum.
Einnig ætti að athuga önnur
hafnarsvæði í kjarna borgarinnar.
Hægt væri á næstu áratugum að
flytja Eimskip, Samskip og aðra úr
Sundahöfn og breyta öllu því
svæði í íbúahverfi. Til samanburð-
ar má geta þess að hér er um að
ræða landsvæði sem er töluvert
stærra en Reykjavíkurflugvöllur.
En umfjöllun um Sundahafnar-
svæðin ein og sér er efni í aðra
grein.
Gamla höfnin og Örfirisey
Gamla höfnin á að vera hluti af
nýju hafnarhverfi. Hins vegar á
Reykjavík að vera framsækin borg
á sem flestum sviðum atvinnulífs
og ætti að gera ráð fyrir nýju hafn-
arsvæði yst í Örfirisey. Skilgreina
þarf starfsemina sem á þar heima
og veita atvinnugreininni góða og
nútímalega aðstöðu. Ánægjulegt ef
hægt væri að efla og halda hafn-
arsvæðum borgarinnar virkari.
Ekki á að fjarlæga höfnina, heldur
flytja hana út fyrir núverandi
hafnargarða. Rétt er af Reykjavík-
urborg að veita sérstaklega smá-
bátum og minni fiskiskipum að-
stöðu.
Þar sem hér er rætt um Örfir-
isey er varla hægt að sleppa því að
minnast á olíutankana. Krefjumst
þess að þeir [olíutankarnir] verði
fluttir annað og helst grafnir niður
í jörðu utan höfuðborgarsvæðis-
ins. Sjónmengunin hverfur, lóðir
verða lausar fyrir aðra starfsemi og
uppbyggingu ásamt því að keyrsla
flutningabíla til og frá svæðinu í
gegnum miðbæinn hverfur. Sem
væri í sjálfu sér ákveðinn sigur í
umhverfis- og öryggismálum.
Hringbraut
Í tengslum við þær hugmyndir
sem lagðar hafa verið fram hér að
ofan er rétt að staldra við sam-
göngumálin. Þar sem hafnirnar
yrðu fluttar lengra út væri hægt að
leggja áframhaldandi Sæbraut í
stokk framhjá tónlistar- og ráð-
stefnuhúsinu, yfir í Örfirisey og ná
þaðan tengingu við Hringbraut.
Þar með væri umferðinni ekki
beint inn í miðborgina eins og til
dæmis í gegnum Geirsgötu og
Mýrargötu. Það er rangt að draga
helstu umferðaræðar inn í íbúa-
byggð að óþörfu. Höldum áfram
með Sæbraut eins og hún var lögð
á sínum tíma, meðfram sjónum.
Búum til alvöru Hringbraut í
kringum borgina.
Skipulagsmál í úlfakreppu
Látum ekki afstöðuleysi kjör-
inna borgarfulltrúa og deilur
þeirra á milli koma í veg fyrir
áframhaldandi þróun Reykjavíkur.
Það er kominn tími til að leysa
skipulagsmál borgarinnar úr þeirri
úlfakreppu sem þau eru búin að
vera í. Byrjum að taka ákvarðanir
sem skipta máli.
Höfundur er stjórnmálafræðinemi og
áhugamaður um borgarmálefni.
Höfnin flutt,
flugvöllurinn kyrr!
UMRÆÐAN aReynir Jóhannesson
Flestir eru
sammála um
að nauðsyn-
legt sé að
þétta byggð í
kjarna
Reykjavíkur. Í
því samhengi er rétt að
taka hafnarsvæðin til
umræðu. Þetta eru með
verðmætustu svæðum
borgarinnar og geta vel
orðið með þeim fallegri.
Ný íbúabyggð Reynir
bendir á hafnarsvæði fyrir
nýja byggð.
Skógarhlíð 18 · 105 Reykjavík
Sími: 591 9000 · www.terranova.is
Akureyri sími: 461 1099
Súpersól til
Salou
27. júní og 4. júlí
frá kr. 29.995
Terra Nova býður frábært tilboð til Salou í lok júní og byrjun júlí.
Salou er fallegur bær á Costa Dorada ströndinni, sunnan
Barcelona. Þar er Port Aventura, stærsti og glæsilegasti
skemmtigarður Spánar. Stórkostlegar strendur, fjölbreytt
aðstaða og litríkt næturlíf. Þú bókar og tryggir þér sæti og 4
dögum fyrir brottför færðu að vita hvar þú gistir.
Kr. 29.995
Netverð á mann, m.v. 2 fullorðna
og 2 börn, 2-11 ára í íbúð.
Súpersól tilboð, 27. júní eða 4.
júlí í viku.
Aukavika kr. 15.000
Kr. 39.990
Netverð á mann, m.v. 2 fullorðna
saman í herbergi / stúdíó / íbúð.
Súpersól tilboð, 27. júní eða 4.
júlí í viku.
Aukavika kr. 15.000
Birt með fyrirvara um prentvillur. Terra Nova áskilja sér rétt til leiðréttinga á slíku.
Ath. að verð getur breyst án fyrirvara.
Söluaðili: BFT ehf. | Ævar Gíslason | Sími 840 0470 | bft@bft.is
Glæsileg frístundahús með frábæru
útsýni að Indriðastöðum í Skorradal
Indriðastaðahlíð 102.
Nútímalegt heilsárshús. Stærð
118.7 fm og möguleiki að bæta við
gestahúsi og eða bílskúr. Hús klætt
með lerki harðvið og flísum að utan,
gluggar og hurðir eru ál að utan en
timbur að innan. 4.170 fm eignarlóð.
Indriðastaðahlíð 120
Nútímalegt heilsárshús. Stærð 118.7
fm auk 65 fm gestahúss og bílskúr.
Hús klætt með jatoba harðvið og
flísum en gluggar og hurðir eru úr
mahogany. Hús með stórglæsilegu
útsýni. 3.352 fm eignarlóð.
Indriðastaðahlíð 106.
Glæsilegt hús eftir norskri fyrirmynd
stærð um 172 fm Vel skipulagt
hús, 4 svefnherbergi, sjónvarpsher-
bergi, 2 baðherbergi, eldhús, borð-
stofa og stofa.. Húsið er klætt með
sérgerðum 43 mm þykkum panil.
6.763 fm eignarlóð.
Til sölu mjög vönduð heilsárshús við Indriðastaði. Steyptir sökklar með gólfhita. Heitt
vatn og internettengin á staðnum. Húsin eru staðsett rétt ofan við nýja golfvöllinn að
Indriðastöðum og er fyrirhugað að golfvöllurinn verði 27 holur.
Sjá á www.indriðastaðir.is Aðeins 50 mínútna akstur frá Reykjavík og stutt í alla þjón-
ustu í Borgarnesi. Möguleiki að fá bátaskýli við Skorradalsvatn. Hús fyrir vandláta.
AA
24
st
un
di
r