Morgunblaðið - 25.11.2004, Page 2

Listrænar jólagjafir
Í Safnbúð
Listasafns
Íslands fást
sannarlega
listrænar jólagjafir.
Þar má nefna útgáfur
Listasafns Íslands,
bækur, kort og veg-
gspjöld, skissubækur
og segla með myndum af verkum íslenskra
listamanna. Frá Metropolitian Museum of Art,
New York: Úrval af sjölum úr ull og silki,
William Morris- og Paisley-mynstur. William
Morris-töskur, snyrtipokar og regnhlífar.
Jólaskraut, hinir vinsælu „Met“-safnskór.
Herrabindi og herraklútar, William Morris- og
Leonardo da Vinci-mynstur.
Frá Museum of Modern Art,
New York: Ný sending af
hinum vinsælu MoMA-
dagatölum og
klukkum. Jólaskraut
og ýmsar smávörur.
Fyrir börnin:
Fingrabrúður og
leikhús. Lilja í garði
listmálarans – brúður,
pússluspil, skissubækur, kort o.fl.
„Þetta er búinn að vera draumur hjá mér mjög lengi.Mér fannst
oft þegar ég keypti mér nýjar jólaplötur að það væri ekki nema
hluti laganna jólalegur í mínum huga. Því fannst mér þetta fín
hugmynd að safna saman jólalögum sem ég ólst upp við eða átti
sjálfur á plötum og koma þeim út á einni plötu,“ segir Gestur en
út er að koma platan Gott um jólin með uppáhaldsjólalögunum
hans. „Svo þegar ég nefndi þetta við þá Skífu-menn tóku þeir
mjög vel í þessa hugmynd mína og hrintu henni í framkvæmd. Ég
vel tónlistina en þeir gefa hana út. Þetta er tónlist frá ýmsum
tíma, með ýmsum flytjendum frá ýmsum löndum.“
Ertu mikill jólamaður? „Já, alveg geysilegur. Mér líður aldrei betur
en um jólin. Að undirbúa jólin, setja upp ljós og skreytingar bæði
úti og inni er frábær tími.“
Hvernig valdir þú lög á plötuna? „Það er dálítið skrítið að sitja
heima síðsumars og hlusta á jólalög til að setja á plötu, en það
var samt mjög skemmtilegt. Ég var nú nokkuð viss um hvaða lög
ég vildi hafa á þessari plötu. Aðalmálið var að hafna lögum sem
mig langaði að hafa með. Eins og ég sagði er þetta tónlist frá
ýmsum tímum með ýmsum flytjendum. Ég vel lög sem höfða til
mín. Ég vil hafa jólalög hátíðleg. Mér þykir frábært að heyra
flytjendur eins og Mahalíu Jackson syngja fallegt jólalag. Sum
þessara laga eru frá því ég var lítill strákur og hlustaði á jólatón-
list með foreldrum mínum. Þau bara festust í mér og eru hluti
jólanna. Þess vegna eru þau þarna. Önnur eru yngri og eru af
plötum sem ég og fjölskyldan höfum safnað að okkur í gegnum
árin. Við spilum til dæmis alltaf sömu plöturnar þegar við skerum
út laufabrauðið heima.“
Er saga á bak við þau og valið á þeim? „Ekkert nema það að
sum þeirra kalla fram ákveðnar minningar. Ég man til dæmis
hvaða plötur voru spilaðar þegar ég var lítill strákur og get því
látið hugann reika til baka. En ég get sagt þér að fyrst þegar ég
heyrði Jusse Björling syngja „Helga natt“ þá gerðist eitthvað inni
í mér. Enda er það líka svo að margir hlustendur á Rás 2 senda
mér tölvupóst eða hringja í mig í byrjun desember og spyrja
hvenær ég ætli að byrja að spila Jussa, því þessu fólki þykir
jólaundirbúningur ekki byrja, eða jólin sjálf að koma, nema heyra
í okkar manni – Jussa.“
Munu þessi lög heyrast í þættinum þínum í desember? „Já,
auðvitað. Ég sé ekki ástæðu til annars, því þetta eru bara jólalög
sem mér þykja hátíðleg og falleg. Í mörg ár hef ég séð um þátt
eftir hádegið á aðfangadag á Rás 2. Þar spila ég jólatónlist og
spjalla við hlustendur og Íslendinga í útlöndum. Þar hef ég spilað
þessa tónlist sem hringir inn jólin hjá okkur. Ég vona því að þessi
plata eigi eftir að gleðja fólk sem vill það sem ég kalla jólalega
jólatónlist. Hún er að minnsta kosti jólaleg fyrir mér.“
„ En ég get sagt þér að fyrst þegar ég heyrði Jusse Björ l ing
syngja „Helga natt“ þá gerðist e i t thvað inni í mér. “
Útgefandi: Árvakur hf. • Ábyrgðarmaður: Anna Elínborg Gunnarsdóttir • Efnisstýring, hönnun og útlit: Gunnar Sverrisson
og Halla Bára Gestsdóttir, helgin@mbl.is, sími 894 0038 • Höfundar efnis Gunnar Hersveinn, Rósa Björk Brynjólfsdóttir,
Sigurður Bogi Sævarsson, Snæfríður Ingadóttir • Ljósmyndir: Anton Brink Hansen og Gunnar Sverrisson • Auglýsingar:
Auglýsingasími 569 1111, augl@mbl.is, Katrín Theódórsdóttir, sími 568 1139, Ingibjörg Gísladóttir, sími 568 1087. • Prentun:
Prentsmiðja Morgunblaðsins • Upplag: 100.000 eintök • Vikublað gefið út á fimmtudögum. Dreift frítt með Íslandspósti um allt land.
2 helgin
g o t t
u m
j ó l i n
❊ góð hugmynd
h
e
lg
in
V
I
K
U
L
E
G
A
Gestur Einar
Jónasson,
útvarpsmaður á
Rás 2, hefur valið
uppáhaldsjóla-
lögin sín sem
eru að koma út
á plötu.
Jólaþorpið í Hafnarfirði verður opnað á laugardaginn klukkan 12:00 í miðbænum
við Hafnarborg. Þorpið samanstendur af 20 fagurlega skreyttum húsum þar
sem verða á boðstólum vörur sem tengjast jólunum, þ.e. jólaskraut, hlutir til
gjafa og matvara svo að eitthvað sé nefnt. Áhersla er lögð á stemmningu
alvöru jólamarkaðar. Á opnunardaginn verða tendruð jólaljós á jólatré frá
vinabæ Hafnarfjarðar, Frederiksberg, auk þess sem skemmtidagskrá hefst á
sviði klukkan 14:00, þar mæta, Grýla og jólasveinar og slegið verður upp
jólaballi undir berum himni.Segja má að Jólaþorpið sé einn af miðpunktum þess
sem Hafnarfjörður hefur upp á að bjóða á aðventunni. Það er opið laugardaga
og sunnudaga kl. 12:00–18:00.Jólasveinar og Grýla koma á hverjum degi. Grýla
er víst hætt að hræða börnin og gantast nú bara við þau og fullorðna, að sögn
Alberts Eiríkssonar sem er í góðu sambandi við Grýlu.
Jólaþorpið í Hafnarfirði
Þrjár í einni
Nikita hefur hannað alveg ferlega sniðuga
mittisúlpu sem er eiginlega þrjár flíkur í einni
(Two Times jacket). Úlpa þessi er til í nokkrum
litum en það besta við hana er að það er líka
hægt að nota hana úthverfa. Að innan er hún
öðru vísi á litinn en að utan og þannig fær
maður tvær mismunandi úlpur í einni. Þar að
auki er hægt að renna ermunum af úlpunni og
þá er hún orðin að hinu fínasta vesti.
Undraúlpa þessi kostar 14.900 kr. í versluninni
Brimi á Laugavegi. Lítið inn á heimasíðu Nikita
www.nikitaclothing.com og skoðið meiri góða
hönnun frá Nikita.
ljósm
ynd B
rink
ljó
sm
yn
d
B
rin
k