Frjáls þjóð - 20.07.1967, Blaðsíða 1

Geriö skil í happdrættinu
svo að hægt sé að birta
vinningsnúmerin
ALLT OF HÁIR SKATTAR
Útsvarsálagning í Reykjavík er skerðing á kjörum launþega
Hvað líður undirbúningi að staðgreiðslukerfi skatta ?
Reykvíkingar hafa nú feng-
ið skattseðla sína í hendnr, og
að sjálfsögðu eru skattarnir
helzta umræðuefni þeirra
þessa dagana. Ýkjulaust má
segja, að mörgum launþegan-
um hafi brugðið illilega í brún,
er hann Ieit þá upphæð, sem.
honum er gert að greiða í út-
svar til Reykjavíkurborgar og
þá hækkun, sem þar hefur orð
ið á. Enn einu sinni hafa laun-
þegar áþreifanlega fundið fyr
ir því, hversu aðstaða þeirra
er veik gagnvart stórgróða-
mönnum og fyrirtækjum, sem
njóta verndar ríkis og borgar.
Enn hafa þeir fundið það, að
þeim er fyrst og fremst ætlað
að standa undir hinum sameig
inlegu útgjöldum, en öðrum
er ætlaö að fleyta rjómann af
þjóðartekjunum endurgjalds-
lítið. Þá er það heldur engin
furða, þótt menn spyrji, hvar
sé nú sú „stöðvunarstefna“,
sem svo ákaft var boðuð í vet-
ur eða var hún einungis mark
laust áróðursplagg, ætlað til
að villa um fyrir fólki fram yf-
ir kosningar? Eitt er víst:
Launþegasamtökin, sem sýndu
einstaka þolinmæði í kjarabar-
áttunni undanfarin misseri,
hljóta að bregðast hart við
þeirri árás á launþega, sem út-
svarsálagningin í Reykjavík
er.
HÆKKUNIN NÆR ÖLL A
EINSTAKLINGUM
Útsvörin í Reykjavík nema
nú 722 milljónum 232 þúsund-
um króna og hafa hækkað ,um
liðlega 131 milljón króna frá
því í fyrra. Af þeirri hækkun
bera einstaklingar rúmlega
122,3 ínilljónir króna, en fé-
lög liðlega 9 milljónir króna.
Þetta segir sína sögu, bæði um
óhóflega hækkun á launþeg-
um, en einnig um versnandi
liag smáfyrirtækja í iðnaði og
linkind gagnvart stórgróða-
fyrirtækjum á sviði verzlunar
og innflutnings. Þetta er ekki
ný saga, hún hefur verið end-
urtekin hvað eftir annað, í mis
munandi mæli eftir því, hve
langt er til næstu kosninga.
Nú má sjá, að langt er til
þeirra næstu.
HVAÐ UM STAÐGREIÐSLU?
Nú, þegar tekjur mjög
margra, einkum verkamanna,
iðnaðarmanna og sjómanna,
hafa töluvert lækkað frá fyrra
ári og aðstæður til að mæta
Framhald á bls. 6
MEÐAL EFNIS
FURÐULEG RÁÐSTOFUN
/
Verð Viðeyjarlands óheyri-
lega hátt og reist á röngum
upplýsingum Baksíða
AÐ BERJA HÖFÐI VIÐ STEIN
Heimir Pálsson ritar um hjúkrunarkvenna-
skort Bls. 5
Leiðin til friðar í Nliðjarðarhafslöndum
Viðtal við Sartre Bls. 4
Hvergi mætast slíkar andstæður hér á landi sem í Hval-
firði. Þar mætir manni hvalveiðistöð, dálítið óhrjáleg, en
traust vitni íslenzkra bjargræðisvega, amerisk herstöð.
með tilheyrandi kafbátalægjum, olíugeymum og hver
veit hverju. Yfir þessu gnæfa fjöllin, svo fögur og tign-
arleg, að ferðamaðurinn sannfærist um, að Hvalfjörð-
ur verði alltaf glæsilegur íslenzkur fjörður, hverjum
aur sem hann verður ausinn. — Ýmsum þykir krókur-
inn fyrir Hvalfjörð langur og leiðigjarn, og sífellt er tal-
að um Ieiðir til að losna við hann. Að sjálfsögðu væri það
þarft vegna þeirra, sem brýn erindi eiga fyrir fjörðinn.
En ferðamenn þeir, sem aka um landið sér til ánægju og
heilsubótar, þurfa ekki að kvarta undan Hvalfirði.
SUMARMYND