Morgunblaðið - 24.05.2005, Qupperneq 11

MORGUNBLAÐIÐ ÞRIÐJUDAGUR 24. MAÍ 2005 11
FRÉTTIR
Alcoa Fjarðaál og Tækniháskólinn í Þrándheimi hafa stofnað til
samstarfs sem veitir tveimur einstaklingum á vegum Alcoa
Fjarðaáls tækifæri til meistaranáms í verkfræði léttmálmfram-
leiðslu. Um er að ræða tveggja ára nám sem hefst haustið 2005
og lýkur með MSc gráðu vorið 2007. Viðkomandi einstaklingar
hljóta námsstuðning frá Alcoa Fjarðaáli og koma að loknu námi til
starfa hjá fyrirtækinu.
Tækniháskólinn í Þrándheimi (Norges teknisk- naturvitenskapelige
universitet) hefur um árabil unnið að uppbyggingu náms á þessu
sviði og skapað sér sérstöðu með haldgóðri þekkingu á léttmálm-
framleiðslu. Skólinn nýtur góðs af nábýli við öflug málmfram-
leiðslufyrirtæki og góðum alþjóðlegum tengslum. Námið er
krefjandi og skapar margvísleg tækifæri.
Við leitum að hæfum einstaklingum sem hafa metnað til að
sérhæfa sig í og takast á við krefjandi störf í þessari ört vaxandi
atvinnugrein. Áhugasamir umsækjendur skulu hafa lokið BS-prófi
með framúrskarandi árangri í einni af eftirtöldum greinum:
verkfræði, málmfræði, efnisfræði, eðlisfræði eða efnafræði.
Umsækjendur verða jafnframt metnir samkvæmt almennum
hæfniskröfum Alcoa Fjarðaáls til starfsmanna.
Nánari upplýsingar má finna á heimasíðu Alcoa Fjarðaáls,
www.alcoa.is. Fyrirspurnum má beina til Steinþórs Þórðarsonar í
síma 470 7700 eða netfang Steinthor.Thordarson@alcoa.com.
Umsóknir skulu vera á sérstökum eyðublöðum sem panta má með
tölvupósti á netfangið fjardaal@alcoa.com og ber að skila þeim á
sama stað eða á skrifstofu fyrirtækisins að Búðareyri 3, 730
Reyðarfirði. Umsóknarfrestur er til og með 7. júní 2005.
Búðareyri 3
730 Reyðarfjörður
Sími 470 7700
www.alcoa.is
Styrkur til meistaranáms
í verkfræði léttmálmframleiðslu
Leyndarmál
léttmálmsins
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
A
LC
2
84
64

05
/2
00
5
Á GEISLADISKI Páls Torfa Ön-
undarsonar, Jazzskotin stef og söng-
dansar, sem kom út í liðnum mánuði
er m.a. Ensk manvísa frá 14. öld við
lag Páls Torfa. Þýðandi ljóðsins er
tilgreindur Magnús Ásgeirsson
(1901–1955). Glöggur lesandi og tón-
listarunnandi veitti því eftirtekt að
orðum hefur verið hnikað til í flutn-
ingi á geislaplötunni og í meðfylgj-
andi textabæklingi. Vakti hann at-
hygli Morgunblaðsins á málinu.
Í bókinni Ljóð frá ýmsum löndum,
í þýðingu Magnúsar heitins Ágeirs-
sonar, sem kom út í Reykjavík 1946
er ljóðið Manvísa á bls. 159. Það er
sagt eftir óþekktan enskan höfund á
14. öld. Manvísan þannig í þýðingu
Magnúsar:
Hún, ástin mín, hún kann
á klæðum valið,
og kjóla á hún fleiri
en fái eg talið.
Og hvern sem í hún fer,
jafn-fögur er hún,
– en yndislegust samt,
er engan ber hún.
Í bæklingi sem fylgir geislaplötu
Páls Torfa er vísan þannig skráð:
Hún ástin mín hún kann
á klæðum valið
og kjóla á hún fleiri
en fæ ég talið
Og hvern sem hún fer í
jafn fögur hún er
en yndislegust samt
er engan hún ber
Það er Páll Óskar Hjálmtýsson
sem syngur vísuna á geislaplötunni.
Hann víkur frá textanum í bækl-
ingnum og syngur:
Hún ástin mín hún kann
á klæðunum valið.
Páll Torfi Önundarson var spurður
hvers vegna vísunni hafi verið breytt.
„Þetta eru ör-
litlar breytingar
gerðar til að vísan
félli þéttar að lag-
línunni og rytm-
inn yrði réttur,“
sagði Páll Torfi.
Hann segir að sér
hafi þótt breyt-
ingin svo lítilvæg
að ekki tæki því
að hafa samband
við afkomendur Magnúsar heitins.
Hann hafi látið nægja að skrá text-
ann sem höfundarverk Magnúsar.
„Höfundarréttar er gætt, þótt ég
hafi víxlað orðum á tveimur stöðum.
Ég heyrði þessa vísu lesna einu sinni
í útvarpi og taldi mig hafa lært hana
utan að. Ég skrifaði hana upp eftir
minni, því mér fannst textinn glæsi-
legur og lýsa hug karlmanna á öllum
öldum – það hafi kannski ekkert
breyst! Þetta er snilldarleg vísa og
snilldarþýðing. Ég var búinn að
semja lagið áður og þegar ég heyrði
textann heyrði ég að hann passaði,
nema ég þurfti eitthvað að víxla orða-
röðinni út af áherslum. Ég taldi
nokkuð víst að menn teldu þetta ekki
brot á höfundarrétti, þar að auki var
þetta þýðing og ekki frumtexti. En
þetta varð til þess að Páll Óskar
Hjálmtýsson gat sungið þetta eins og
engill.“
Páll Torfi sagði ekki óalgengt að
söngvarar bæti inn atkvæðum við
flutning laga til að gera þau „söng-
vænni“, ekki síst í jazztónlist.
„Ég óska viðkomandi til hamingju
með að hafa tekið eftir þessu, því
breytingin er smávægileg,“ sagði
Páll Torfi og átti þar við hinn glögga
áheyranda sem kom þessu á fram-
færi við Morgunblaðið. „En ef ein-
hver tekur þessi orðavíxl nærri sér,
þá bið ég viðkomandi afsökunar á
því,“ sagði Páll Torfi.
Manvísa gerð „söngvænni“
Páll Torfi
Önundarson
RÁKAHÖFRUNGUR hefur fundist
rekinn í Breiðuvík, í grennd við
Patreksfjörð, en þetta er annað
dýrið sem rekur hér við land í vor.
Fyrra dýrið fannst rekið við
Stokkseyri, en afar sjaldgæft er að
höfrungar af þessari tegund finnist
hér við land. Búsvæði þeirra er
sunnan fertugustu breiddargráðu
og rákahöfrungur er til að mynda
algengasta höfrungategundin í
Miðjarðarhafi.
Gísli Víkingsson, hvalasérfræð-
ingur hjá Hafrannsóknastofnun,
segir að það sé afar óvenjulegt að
þessi dýr finnist hér við land. Fyrsti
höfrungurinn þessarar tegundar
hafi fundist rekinn í Öræfasveit ár-
ið 1984. Næst gerðist þetta 1998 í
Mosfellsbæ, en þá hafi rekið þar á
land fjögurra dýra hóp. Síðan hafi í
fyrra, árið 2004, rekið hér tvö dýr,
annað á Kjalarnesi og hitt á Hér-
aðssandi fyrir austan.
„Frá því í fyrra og í ár erum við
komnir með fjögur tilfelli af sex
sem eru þekkt yfirhöfuð, þannig að
þetta er farið að vera dálítið athygl-
isvert,“ sagði Gísli.
Hann sagði að þetta væri höfr-
ungategund sem væri yfirleitt í
mun hlýrri sjó og væri ekki algeng
norðan fertugustu breiddargráðu.
Rákahöfrungar eru 2–2,5 metrar
á lengd og 150–170 kíló að þyngd.
Þeir eru mjög félagslyndir og eru
oftast í hjörðum sem hafa nokkra
tugi dýra. Þeir eru nokkru minni en
þær höfrungategundir sem eru al-
gengastar hér við land.
Ljósmynd/Birna Mjöll Atladóttir
Annar rákahöfrungur
finnst rekinn hér
KYNBUNDINN launamunur meðal
kennara í fullu starfi við Kennarahá-
skóla Íslands var 5% í október á síð-
asta ári samkvæmt rannsókn sem
Félagsvísindastofnun Háskóla Ís-
lands gerði að beiðni skólans. Karlar
voru að jafnaði með 5% hærri heild-
arlaun en konur að teknu tilliti til
aldurs, stöðu, vinnutíma, menntunar
og rannsóknarálags.
Heildarlaun kennara í fullu starfi
voru að meðaltali 373.782 kr. í októ-
ber 2004. Konur voru að jafnaði með
86% af heildarlaunum karla; þær
voru með tæplega 349 þúsund krón-
ur en karlar með tæplega 408 þús-
und krónur.
Kennarar með doktorsgráðu voru
með hæstu heildarlaunin að meðal-
tali. Í þeim hópi voru konur að með-
altali með 97% af launum karla.
Kynbundinn
launamunur
5% við KHÍ
Reyðarfjörður | Verktakafyrirtækið
Bechtel, sem byggir álver Alcoa –
Fjarðaáls við Reyðarfjörð, hefur
gert tvo samninga um flutning á
starfsfólki til og frá vinnu, á milli
framkvæmdasvæðis og flugvalla og
um sérferðir út framkvæmdatíma
verksins. Samningarnir eru gerðir
að undangengnu lokuðu útboði sem
fór fram í vor. Fyrirtæki eru valin úr
hópi þeirra sem hafa farið í gegn um
forvalsferil hjá Bechtel.
Samið var við Tanna Travel á
Eskifirði um flutning á fólki á milli
starfsmannaþorpsins á Haga við
Reyðarfjörð og framkvæmdasvæðis,
en þær ferðir miðast við vaktaskipti
kvölds og morgna. Gert er ráð fyrir
að við hámark framkvæmda sumarið
2006 verði um 1.500 íbúar í starfs-
mannaþorpinu á Haga sem komast
þurfa til og frá vinnu. Tanni Travel
verður í samstarfi við SBA á Akur-
eyri. Þá var samið við Austfjarðaleið
í Neskaupstað um flutning á fólki til
og frá vinnu frá þeim stöðum sem
eru innan við 50 kílómetra frá fram-
kvæmdasvæðinu og um rekstur á
strætó sem ganga mun innan fram-
kvæmdasvæðisins. Austfjarðaleið
mun að auki sjá um akstur á Egils-
staðaflugvöll þegar starfsmenn fara í
frí. Forráðamenn Bechtel hafa einn-
ig ákveðið að bjóða upp á menning-
artengdar ferðir og afþreyingarferð-
ir um Austurland fyrir starfsmenn.
Eftirspurn eftir þessum ferðum mun
ráða ferðatíðni.
Bechtel semur um
fólksflutninga