Morgunblaðið - 24.05.2005, Qupperneq 33

MORGUNBLAÐIÐ ÞRIÐJUDAGUR 24. MAÍ 2005 33
DAGBÓK
Eldra fólk – sjónvarpið
ÞEGAR fer að vora gleymist að
hugsa um okkur gamla fólkið, sem
getum lítið hreyft okkur. Við förum
ekki í sumarfrí, erum heima öll
kvöld, hvort sem það er sumar eða
vetur, og þá væri gott að geta horft á
eitthvað skemmtilegt í sjónvarpinu.
En alltaf skal dagskráin breytast
á vorin, svo það er varla horfandi á.
Hvernig er þetta með ráðamenn
sjónvarpsstöðvanna, geta þeir ekki
haft almennilega dagskrá allt árið
hugsandi um allt eldra fólkið og þá
sem eru rúmliggjandi, þennan stóra
hóp?! Þetta á aðallega við Ríkissjón-
varpið og Skjá 1, aðrar stöðvar höf-
um við ekki efni á að horfa á.
Eldri kona.
Hlustun á RÚV rás 1
Sl. hvítasunnudagsmorgun var ég að
hlusta á þátt sem Arthúr Björgvin
Bollason stjórnaði, og mikið var það
gaman, það mættu margir útvarps-
menn vera svona skýrmæltir eins og
hann. (Er ég að tala um aðrar út-
varpsstöðvar en RÚV) en þar varla
skilst hvað sagt er fyrir alls konar
innátali og svo er gripið fram í við-
mælanda!
Ég skora á Óla Palla að stofna
skóla fyrir þessa slettiorðastráka/
stelpur og gera þeim grein fyrir að
það er ekki allt leyfilegt í loftinu, þó
svo að sé í beinni útsendingu!
Og endilega líka að gera eins og
útvarpsstöðvar um allan heim gera,
taka upp samtal og senda síðan út.
En Óli Palli, komdu skólanum á fót
og svo sjáum við hvað setur.
Örninn.
Bíllyklar í óskilum
BÍLLYKLAR eru í óskilum í sjopp-
unni í Glæsibæ. Upplýsingar í síma
899 4221.
Rúsína er týnd á Kjalarnesi
RÚSÍNA er rétt að verða 1 árs læða
og hvarf hún frá heimili sínu hinn 12.
maí sl. frá Jörfagrund á Kjalarnesi.
Hún er þrílit; gul, hvít, svartbrún og
svolítið loðin með loðið skott. Hún er
ómerkt en með rauða ól sem gæti
verið farin af. Þeir sem hafa orðið
hennar varir eru beðnir að hafa sam-
band í síma 846 0349.
Velvakandi
Svarað í síma 5691100 frá 10–12
og 13–15 | velvakandi@mbl.is
Ámiðvikudaginn verður umræðufundurum þýðingar og útgáfu á íslenskumfornbókmenntum áskandínavískum málum á vegum
stofnunar Sigurðar Nordals og Norræna húss-
ins í samvinnu við Bókaútgáfu Leifs Eiríks-
sonar. Að sögn Úlfars Bragasonar, forstöðu-
manns stofnunar Sigurðar Nordals, hafa
íslenskar fornbókmenntir verið þýddar á þessi
tungumál; norsku, sænsku og dönsku, oft áður:
„Þýðingarnar eru misgamlar og misgóðar og
menn hafa verið að hugleiða það hvort ætti
ekki að hefja mikið þýðingarstarf,“ segir Úlfar
um tilefni fundarins. Hann segir að hugmyndin
sé að gera eins og gert var fyrir nokkrum árum
þegar Íslendingasögurnar voru þýddar á
ensku. Núna væru það hins vegar þýðendur í
Noregi, Danmörku og Svíþjóð sem tækju að
sér að þýða sögurnar og þær yrðu svo gefnar
út í einum fimm bindum. Þessi hugmynd verð-
ur ekki rædd sem slík á fundinum en hún er
aðfari hans að sögn Úlfars.
Aðalframsögumaður verður Lars Lönnroth,
fv. prófessor við Gautaborgarháskóla, en hann
er núna að þýða Njálu á sænsku og hefur áður
þýtt fornaldarsögur. Hann ætlar að ræða um
þýðingar á sænsku og skort á þeim. „Í raun og
veru þarf alltaf að vera að þýða upp á nýtt því
tungumálið breytist og gamlar þýðingar úreld-
ast,“ útskýrir Úlfar.
Annette Lassen, lektor í dönsku við Háskóla
Íslands, sem er að þýða fornaldarsögur á
dönsku og Bergur Þorgeirsson, forstöðumaður
Snorrastofu, munu ræða um þýðingar á forn-
aldarsögum.Viðar Hreinsson bókmenntafræð-
ingur tekur síðan til máls en hann var ritstjóri
þýðinga Íslendingasagnanna á ensku og hann
talar um reynsluna af því. Úlfar segir að margt
hafi gerst í kjölfarið á þeirri útgáfu sem vert er
að skoða nánar. Nokkrar bækurnar hafa til
dæmis verið gefnar út í kiljuformi af útgáfufyr-
irtækinu Penguin. „Þá komust þessar þýðingar
á miklu stærri markað og þær eru seldar á
flugstöðvum úti um allan heim. Þannig væri
hægt að hugsa sér þýðingarnar á skandinav-
ísku málin en mikil vinna liggur á bak við
hverja þýðingu og þýða verður hvert verk á
norsku, sænsku og dönsku,“ segir Úlfar um
þýðingarnar og umfang þeirra. Bókaútgáfa
Leifs Eiríkssonar er að undirbúa útgáfuna.
Að framsöguerindum loknum fara fram al-
mennar umræður um kynningu á fornbók-
menntum á Norðurlöndum. Málþingið fer fram
á íslensku og skandínavískum málum og hefst
kl. 15.
Frekari upplýsingar um dagskrána á
www.nordals.hi.is
Fundur | Þýðingar og útgáfa á íslenskum fornbókmenntum
Kynning á fornbókmenntum
 Úlfar Bragason er
forstöðumaður Stofn-
unar Sigurðar Nordals.
Hann útskrifaðist með
BA próf í íslensku og
sagnfræði frá Háskóla
Íslands árið 1973, með
mag.art frá háskól-
anum í Ósló 1979. Hann
lauk doktorsnámi í nor-
rænum málum og bók-
menntum 1986 frá Há-
skólanum í Kaliforníu í
Berkeley. Úlfar hefur
skrifað fjölda greina um fornbókmenntir og
fleiri sagnfræðileg efni og ritstýrt bókaflokk-
um Stofnunar Sigurðar Nordals.
ÚTIVISTARBÓKIN eftir Pál Ásgeir Ás-
geirsson er komin út.
„Útivistarbókin geymir ómældan
fróðleik og gagn-
leg ráð til allra
sem hyggjast
njóta útivistar,
ekki síst þeirra
sem ætla í göngu-
ferðir um Ísland í
fyrsta sinn. Jafn-
framt eru stuttar
og vandaðar lýs-
ingar á um tuttugu
spennandi göngu-
leiðum í nágrenni
Reykjavíkur, þar
sem lögð er áhersla á að öll fjöl-
skyldan geti notið íslenskrar náttúru í
skemmtilegum dagsferðum,“ segir í
tilkynningu frá útgefanda.
“Ég sæki orku, hvíld, innblástur og
hugarró til náttúrunnar, hún hefur
kennt mérað þekkja sjálfan mig, leið-
beint mér, strokið mér blíðlega um
vangann og löðrungað mig þegar ég
hef farið ógætilega. En nátt-
úrandregur mig alltaf til sín aftur - þar
líður mér best.“ segir höfundurinn
Páll Ásgeir Ásgeirsson um náttúruna.
Útivistarbókin er 170 bls., Jón Ás-
geir hannaði bók og kápu.
Bók
MERRITT, sem er 32 ára gamall, frá
Oregon í Bandaríkjunum, ætlar að
hjóla um Ísland í sumar og leitar eftir
ferðafélögum og húsnæði til að gista í.
Hann hefur áhuga á íslenskri elektrón-
ískri tónlist.
Merritt McCarty,
222 NW Georgia Ave,
Bend, OR 97701,
USA.
captainshiitake@hotmail.com
KEVIN er 52 ára Englendingur, sem
óskar eftir bréfaskriftum við íslenskar
konur á aldrinum 30–45. Hann hefur
áhuga á ferðalögum, að hitta fólk,
tísku, náttúru o.fl.
Mr. Kevin Matthews,
16 Hewitt Close,
Gillingham,
Kent ME7 2QR,
England.
JEAN óskar eftir að komast í samband
við íslenskan frímerkjasafnara með
skipti í huga.
Mrs. Jean Pyke,
R.R: #2, 2357
Carleton Place, Ont.,
Canada K7C 3P2.
ISAC er 39 ára frá Ísrael, sem óskar
eftir íslenskum pennavinum. Hann hef-
ur áhuga á náttúru, ferðalögum, garð-
yrkju, dýrum og tónlist.
Isac Cohen,
Box 1047,
IL-36060 Tivon,
Israel.
ROBERT óskar eftir að skrifast á við
íslenskar konur, 20–30 ára. Hann hefur
áhuga á Íslendingum og íslenskri sögu.
Robert Willemse,
P.O. Box 132,
Orania 8752,
South-Africa.
HARRISON, sem kemur til landsins í
byrjun júní, óskar eftir að komast í
samband við íslenskar konur sem gætu
sýnt honum Reykjavík.
Harrison Parker,
500 Sansome Street 300,
San Francisco, CA 94122,
USA.
EMILIE, sem er 26 ára og frönsk, ósk-
ar eftir íslenskum pennavinum. Hún
hefur áhuga á að heimsækja landið síð-
ar.
Emilie Charpentier,
45 rue Saint Rémi,
33000 Bordeaux,
France.
Pennavinir
dagbók@mbl.is
AUGLÝSINGADEILD
netfang: augl@mbl.is eða sími 569 1111
STÓRSVEIT Tónlistarskóla Hafn-
arfjarðar heldur til Svíþjóðar á
fimmtudaginn, þar sem hún leikur
á tónlistarhátíð í Jönköping. Í til-
efni ferðarinnar efnir sveitin til
tónleika í kvöld.
Stórsveitin er skipuð 17 hljóð-
færaleikurum, sem flestir stunda
nám við Tónlistarskóla Hafn-
arfjarðar og er stjórnandi Stefán
Ómar Jakobsson básúnuleikari.
Á tónleikunum í kvöld verður
tónleikadagskrá ferðarinnar leikin,
en hún er afar fjölbreytt og inni-
heldur m.a. reggí, fönk og hefð-
bundna stórsveitatónlist. Á efnis-
skránni eru einnig þrjú lög eftir
Þóri Baldursson.
Tónleikarnir fara fram í Hásöl-
um í Tónlistarskóla Hafnarfjarðar
og hefjast kl. 21:00 og er aðgangs-
eyrir 500 krónur.
Reggí, fönk og
stórsveitartónlist
Listahátíð í Reykjavík
Dagskráin í dag
Leiðsögn um Dieter Roth-Lest Kl.
12.10
Hádegisleiðsögn verður í Listasafni
Reykjavíkur og Listasafni Íslands í dag
Bergmál Langholtskirkja kl. 20.00
Stomu,einn þekktasti ásláttarleikari
heims, flytur ásamt íslenskum listamönn-
um nýtt íslenskt verk eftir Ragnhildi Gísla-
dóttur við texta eftir Sjón. Flytjendur auk
hans verða Ragnhildur Gísladóttir, Sig-
tryggur Baldursson og Sjón ásamt Barna-
og kammerkór Biskupstungna og Skóla-
kór Kársness, stjórnandi er Þórunn
Björnsdóttir og Hilmar Örn Agnarsson,
organisti í Skálholtsdómkirkju.
Bergmál verk eftir Ragnhildi Gísla-
dóttur í Langholtskirkju í kvöld
BÍLALEIGAN AKA
Vagnhöfða 25 • 112 Reykjavík • Sími 567 44 55 • Fax 567 44 53
VIÐ HÖFUM
ALLAR
GERÐIR BÍLA
5-9 MANNA
Sverrir Kristinsson lögg. fasteignasali
Blikanes - Vel staðsett
Mjög fallegt og vel staðsett 250 fm ein-
býlishús innst í botnlanga með tvöföld-
um bílskúr. Húsið er teiknað af Helga
Hjálmarssyni arkitekt. Húsið hefur mik-
ið verið endurnýjað að utan og innan á
síðustu árum. Eignin skiptist í forstofu,
snyrtingu, hol, stofu, borðstofu, húsbóndaherbergi, eldhús, þvottahús,
gufubað, baðherbergi, þrjú herbergi og bílskúr. Skjólgóð hellulögð suð-
urverönd út af borðstofu. Fallegur garður. Verð 69 millj.