Morgunblaðið - 11.07.2005, Blaðsíða 21
MORGUNBLAÐIÐ MÁNUDAGUR 11. JÚLÍ 2005 21
MINNINGAR
✝ Lilja Eiðsdóttirfæddist að
Klungurbrekku í á
Skógarströnd 9.
ágúst 1913. Hún
andaðist á hjúkrun-
arheimilinu Skjóli
30. júní síðastliðinn.
Foreldrar hennar
voru Sigurrós Jó-
hannesdóttir, f. 23.6.
1886, að Garða-
brekku í Staðar-
sveit, d. 2.4. 1970, og
Eiður Sigurðsson, f.
25.5. 1887, d. 15.11.
1929, bóndi að Klungurbrekku,
sjómaður í Stykkishólmi og Hafn-
arfirði. Hún var þriðja elst sjö
systkina er upp komust. Bræður
Lilju eru: Sigurður Eiðsson, f.
29.10. 1908, d. 15.11. 1989, Jóhann-
es Valgeir Eiðsson, f. 31.12. 1911,
d. 21.1. 1955, Skarphéðinn Gunnar
Eiðsson, f. 28.5. 1916, d. 26.5. 6.12.
1986, Kjartan Eiður Eiðsson, f.
20.4. 1921, og Ágúst Líndal Eiðs-
son, f. 7.6. 1924.
Fyrri maður Lilju var Þorkell
Þorleifsson, f. í Selárdal í Dala-
sýslu 9. maí 1907, d. 14. maí 1991.
Þau hófu búskap 1936 í Reykjavík.
Árið 1941 fluttu þau að Læk, öðru
nafni Bústaðabletti 9. Þau slitu
samvistum 1964. Börn þeirra eru
1) Hreinn Eiður, f. 20. ágúst 1936.
Fyrri kona Magnea Sigríður Sig-
urðardóttir. Seinni kona Brynja
Hrönn Axelsdóttir. Sonur Hreins
með Sigfríði Lárusdóttur er Þor-
kell Már, f. 21.3.
1971. 2) Edda, f. 27.
nóvember 1937.
Maður Jóhann
Gunnarsson. Börn
þeirra eru Lilja,
Guðrún, Anna
Hrönn og Jóhann
Gunnar. 3) Jóhanna,
f. 13. október 1941.
Maður Magnús
Bjarnason. Börn
þeirra eru Sigríður,
Þorkell og Gígja. 4)
Kristján, f. 5. mars
1943. Kona Ragna
Þórðardóttir. Börn þeirra eru
Þórður, Sigurður og Lilja. 5) Þor-
kell, f. 22. mars 1946. Kona Petra
Magnúsdóttir. Synir þeirra eru Ás-
mundur Eiður og Þröstur. 6) Þor-
leifur, f. 30. júní 1947. Kona Guðný
Bergstað. Dætur þeirra eru Sól-
veig Steina, Ragnhildur Sara og
Linda Ósk. 7) Kolbrún, f. 23. apríl
1949. Fyrri maður Larry Vade-
boncoeur. Dóttir þeirra er Mic-
helle. Seinni maður Guðjón Magn-
ússon. Synir þeirra eru Haukur og
Þröstur. Afkomendur Lilju og
Þorkels eru orðnir um 60 talsins.
Seinni maður Lilju var Guð-
brandur Benediktsson, f. 20. maí
1920, d. 10. apríl 2003. Þau bjuggu
lengst að Staðarbakka 28 í Reykja-
vík. Síðustu árin dvaldist Lilja á
hjúkrunarheimilinu Skjóli.
Útför Lilju verður gerð frá
Hafnarfjarðarkirkju í dag, og
hefst athöfnin klukkan 15.
Látin er tengdamóðir mín, Lilja
Eiðsdóttir. Óhjákvæmilega er staldr-
að við og litið yfir farinn veg. Nú eru
45 ár frá því konuefnið kynnti mig fyr-
ir henni. Vissulega var ég órólegur, en
bar mig mannalega og hef eflaust
reynt að sýnast meiri en ég var. En
hin elskulega og glæsilega kona sem
ég mætti var ekki lengi að sjá í gegn-
um mig. Hún ræddi við mig af yfirveg-
un hinna fullorðnu svo mér fannst
strax eins og ég væri heima hjá mér.
Upp frá því vorum við vinir og engin
sýndarmennska. Athygli vakti hið
snyrtilega heimili. Tengdamóðir mín
reyndist vera víðlesin og menntuð.
Hispurslaust ræddum við mál þjóð-
félagsins, mál kunningja og þekktra
manna og ekki sízt mál fjölskyldunn-
ar.
Lilja var af snæfellskum og breið-
firzkum ættum. Hún var alin upp á því
svæði til fermingaraldurs. Hún minnt-
ist æskuslóðanna oft og ætta sinna og
tengingar ætta og einstakra manna á
svæðinu og út fyrir það. Þar hélt hún
arfleið okkar Íslendinga á lofti, þar
sem ættfræðin er. Eins og títt var um
unglinga fór hún snemma að vinna
fyrir sér og við missi föður síns, þegar
hún var 16 ára, hefur hún þurft að
standa á eigin fótum. Þegar við hitt-
umst hafði hún svo sannarlega náð
þroska sínum þó hún hafi snemma
þurft að treysta á sjálfa sig og ekki
notið formlegrar skólagöngu eftir
barnaskóla.
Lilja tók saman við tengdaföður
minn Þorkel Þorleifsson um 23 ára
aldur. Þau bjuggu fyrst um sinn í
leiguíbúðum á vetrum í Reykjavík, en
á sumrum í bústað, sem þau höfðu fest
kaup á inni í Blesugróf, sem þá var
sumarbústaðahverfi Reykvíkinga. En
þegar þriðja barnið bættist við, það er
að segja kona mín, festu þau kaup á
húsinu Læk, sem var byggt í landi Bú-
staða, skammt frá sumarbústaðnum.
Þegar ég kynntist fjölskyldunni
bjuggu þau þar. Umhverfið var
skemmtilegt. Borgin í næsta ná-
grenni, en að öðru leyti var þetta uppi í
sveit. Hér var gósenland fyrir börn og
unglinga að alast upp. Þegar þau
bjuggu á Læk stækkaði fjölskyldan
þar til börnin voru orðin sjö. Af því
leiddi að húsið var stækkað um helm-
ing. Til þess var vandað og stendur
húsið enn og var í fyllingu tímans
keypt af Reykjavíkurborg og nýtt til
ýmissa þarfa, síðast sem leikskóli.
Þarna bjó Lilja fjölskyldu sinni um-
hverfi sem bezt getur hentað til barna-
uppeldis. Tengdaforeldrar Lilju og
mágar og mágkonur bjuggu skammt
frá á jörðinni Breiðholti, sem nú hefur
verið lögð undir eitt stærsta hverfi
borgarinnar. Eins og nærri má geta
var þar stöðugur og mikill samgangur,
jafnt barna sem fullorðinna.
Þorkell, sem var bólstrari, rak verk-
stæði sitt í bænum, fór á milli daglega.
Þegar ég kem til skjalanna hafði hann
flutt verkstæðið að Læk og vann þar
einn þar til hann hætti störfum. Þor-
kell batt ekki bagga sína sömu hnút-
um og samferðamennirnir. Hann hafði
um margt aðra sýn á lífið og samfélag-
ið en Lilja og stefndu þau hvort í sína
átt, sem endaði með því að þau slitu
samvistum eftir þriggja áratuga sam-
veru.
Síðar giftist hún Guðbrandi Bene-
diktssyni. Þau bjuggu saman hátt í
fjóra áratugi, lengst af að Staðarbakka
28 í Breiðholti. Þar naut Lilja þess að
útbúa fallegt heimili. Þangað voru
börn hennar og barnabörn ætíð vel-
komin. Minnisstæð eru mér síðdegi á
sunnudögum þegar afkomendur
hennar hittust þar og nutu umönnun-
ar hennar og rausnar í veitingum.
Þau Guðbrandur ferðuðust víða
saman á meðan heilsa beggja entist.
Frá þeim ferðalögum voru ýmsir hlut-
ir, sem skreyttu híbýlin og ferðasögur
voru hinar athyglisverðustu.
Alla tíð var samband Lilju við börn-
in gott. Hún fylgdist með allri fjöl-
skyldunni, þ.e. öllum börnum barna-
börnum, barnabarnabörnum og öllum
mökum afkomendanna, án uppá-
þrengjandi ráða eða aðgerða. Það
gerði hún alla tíð meðan heilsa entist.
Ég stend í þakkarskuld við hana fyrir
margvíslegan stuðning, þó sérstak-
lega stuðninginn á árinu 1974 þegar
kona mín dvaldi um þriggja mánaða
skeið á sjúkrahúsi erlendis.
Síðustu árum sínum eyddi hún á
hjúkrunarheimilinu Skjóli, síðast
mjög farin að heilsu. Fram í andlátið
brá hún upp hinu glettnisþrungna
brosi, sem fékk viðmælendur til þess
að hugsa sig um.
Að lokum vil ég þakka kynni mín af
tengdamóður minni og þakka fyrir öll
okkar samskipti, sem aldrei bar
skugga á.
Magnús Bjarnason.
Tengdamóðir mín var glæsileg
kona. Há og dökkhærð opnaði hún fyr-
ir mér dyrnar þegar ég kom í fyrsta
skipti að Læk að hitta elstu dóttur
hennar. Lilja var lengi mjög ungleg og
einhvern veginn fannst mér stundum
að hún kynni mér litlar þakkir fyrir að
hafa gert sig að ömmu 43 ára gamla.
Trúlega var það ímyndun. Allavega
kunni hún vel að meta litlu nöfnu sína.
Lilja og Þorkell fyrri maður hennar
bjuggu að Læk frá 1941 og ólu þar upp
barnahópinn. Þá var þar sveit í ná-
grenni borgar, Elliðaárnar rétt við
húshornið og Esjan tignarleg í norðri.
Stór lóð var umhverfis húsið vaxin
allskyns jurtum, bílaumferð svo til
engin og mikið frelsi fyrir börnin. Nóg
um skautasvell á vetrum og stutt í
skíðabrekkurnar. Eldri krakkarnir
sáu um aðdrætti til heimilisins, sóttu
mjólk í fjósið á Bústöðum og aðrar
nauðsynjar í Sogamýrina þar sem var
smáverslun í kjallara. Fiskbíllinn kom
í hlaðið með nýjan fisk. Sjaldan fór
húsmóðirin sjálf að versla. En þá var
líka vel til vandað. Húsmæður þessa
tíma fóru ekki út af heimilinu nema
vandlega snyrtar og klæddar, og þá
var strætisvagninn tekinn í bæinn til
að skoða vöruúrvalið.
Þannig liðu árin. Eldri krakkarnir
fóru í sveit á sumrin er þau stálpuðust.
Lilja undi sér þá heima með þau yngri
við blóma- og grænmetisrækt, sem
hún hafði yndi af.
Um 1964 lauk þessu tímabili. Flest
börnin voru þá flutt að heiman eða
orðin sjálfbjarga og Lilja leitaði að
nýrri og annars konar tilveru. Þau
Þorkell slitu samvistum og síðar hóf
hún sambúð og giftist Guðbrandi
Benediktssyni. Þau bjuggu lengst af í
Breiðholtshverfi, fyrst á Blöndubakka
og síðustu 20 árin að Staðarbakka 28.
Hún var heilsugóð fram eftir ævi og
naut þess að ferðast til útlanda og
kanna nýjar slóðir. Frá árinu 1995 fór
henni smáhrakandi uns hún gat ekki
lengur verið heima og fluttist á hjúkr-
unarheimilið Skjól árið 2001. Þar and-
aðist hún södd lífdaga 30. júní sl.
tæpra 93 ára að aldri. Með þessum
orðum vil ég þakka tengdamóður
minni samvistirnar í hartnær hálfa
öld. Blessuð sé minning hennar.
Jóhann Gunnarsson.
LILJA
EIÐSDÓTTIR
Ástkær móðir okkar, tengdamóðir og amma,
GUÐMUNDA EIRÍKSDÓTTIR
frá Súðavík,
dvalarheimilinu Höfða,
Akranesi,
lést þriðjudaginn 5. júlí.
Jarðsungið verður frá Akraneskirkju þriðju-
daginn 12. júlí kl. 14.00.
Sólveig Hervarsdóttir, Leifur Ásgrímsson,
Birna Hervarsdóttir, Guðmundur Maríasson,
Svanhildur Hervarsdóttir, Auðunn Snæbjörnsson,
Eiríkur Hervarsson, Sylvía Georgsdóttir,
Dóra Hervarsdóttir, Helgi Leifsson,
Jón Trausti Hervarsson, Júlíana Bjarnadóttir
barnabörn og fjölskyldur.
Ástkær móðir okkar, tengdamóðir, amma og
systir,
GUÐRÚN KJARTANSDÓTTIR,
Ljósheimum 18a,
Reykjavík,
lést á Landspítalanum við Hringbraut þriðju-
daginn 5. júlí.
Útförin fer fram frá Fossvogskapellu þriðjudaginn
12. júlí kl. 13.00.
Hafdís Hannesdóttir,
Þórey Hannesdóttir, Baldur Pálsson,
Nína Guðrún Baldursdóttir,
Hrafnhildur Baldursdóttir,
Hannes Kjartan Baldursson,
Erla Kjartansdóttir Poulsen.
Ástkær eiginmaður minn, faðir, tengdafaðir, afi,
bróðir og tengdasonur,
JÓN ÖRN INGÓLFSSON,
hæstaréttarlögmaður,
Haukanesi 21,
Garðabæ,
verður jarðsunginn frá Dómkirkjunni í Reykjavík
miðvikudaginn 13. júlí kl. 11.00.
Blóm og kransar vinsamlegast afþakkaðir en þeim sem vilja minnast hins
látna er bent á Félag langveikra barna.
Ástríður Jónsdóttir,
Ingólfur Jónsson, Lára Rósinkranz,
Magnús Jónsson, Guðrún Ýr Sigbjörnsdóttir,
Telma Ingólfsdóttir,
Guðlaug Ingólfsdóttir, Garðar Ólafsson,
Dóra B. Guðmundsdóttir, Jón Magnússon.
Þökkum auðsýnda samúð og samhug við
andlát og útför ástkærs sonar okkar, bróður,
barnabarns og barnabarnabarns,
ÞÓRARINS SAMÚELS
GUÐMUNDSSONAR.
Bergþóra Harpa Þórarinsdóttir,
Guðmundur Jóhannesson,
Viktor Guðmundsson,
Jónborg J. Ragnarsdóttir,
Þórarinn S. Guðbergsson,
Ingunn Pálsdóttir,
Hjaltlína Agnarsdóttir,
Magnþóra J. Þórarinsdóttir
og aðrir aðstandendur.
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
Minningarkort
Minningar- og
styrktarsjóðs
hjartasjúklinga
Sími 552 5744
Gíró- og kreditkortaþjónusta
LANDSSAMTÖK
HJARTASJÚKLINGA
A
u
g
l.
Þ
ó
rh
.
1
2
7
0
.9
7