Morgunblaðið - 11.07.2005, Blaðsíða 36

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 11. JÚLÍ 2005 VERÐ Í LAUSASÖLU 220 KR. MEÐ VSK.
SVEFNSKÁLINN við Landmannahelli
stórskemmdist í eldi sem kom upp um miðj-
an dag á laugardag. Ferðamenn voru þá ný-
lega farnir úr skál-
anum þannig að
hann var mann-
laus. Svefnskálinn
er í eigu Veiði-
félags Landmanna-
afréttar en er
leigður til Hellis-
manna, sem reka
þar eftirsótta gist-
ingu og þjónustu
við hestamenn og
ferðafólk.
„Þetta gerist á
versta mögulega
tíma, núna í upp-
hafi ferðamanna-
tímabilsins. Skál-
inn er mikið notaður og margar pantanir
lágu fyrir, en það er ljóst að hann mun ekki
hýsa fleiri ferðamenn þetta sumarið,“ segir
Helgi Hjörleifsson skálavörður, sem varð
eldsins var er hann sá reyk koma undan
þaki skálans. Eftir að hafa reynt sjálfur að
slökkva eldinn kallaði hann á hjálp og kom
lið frá Brunavörnum Rangárþings á staðinn
um einum tíma síðar. Að sögn Guðna Krist-
inssonar varðstjóra gekk slökkvistarfið vel
en tveir reykkafarar skriðu inn í skálann til
að forða þaðan gaskútum.
Skáli við Landmannahelli
stórskemmdist í eldi
Skálinn er stór-
skemmdur að innan.
„Gerist á
versta mögu-
lega tíma“
TVÖ vopnuð rán voru framin í Reykjavík í
gær. Hið fyrra átti sér stað í apótekinu í
Austurveri. Tveir menn, vopnaðir skrúfjárni
og sveðju, réðust inn og ógnuðu starfsfólki og
höfðu eitthvað af lyfjum á brott með sér.
Seinna ránið var framið í Domino’s í
Spönginni kl. 14.30 og þaðan höfðu ræningj-
arnir með sér peninga.
Fljótlega vaknaði grunur um að sömu
mennirnir stæðu á bak við ránin. Lögregl-
unni barst svo tilkynning kl. 14.45 um und-
arlegt aksturslag á bíl og þegar hann var
stöðvaður reyndust ökumaðurinn og farþeg-
inn vera hinir seku. Mennirnir, sem voru í
annarlegu ástandi, voru færðir í fanga-
geymslu lögreglunnar í Reykjavík. Þeir
verða yfirheyrðir í dag en málið telst upplýst.
Frömdu tvö
vopnuð rán í
Reykjavík
VEFÚTGÁFA breska ríkisútvarpsins BBC
fjallaði ítarlega um helgina um dr. Evu-
Elviru Klonowski réttarmeinafræðing og
störf hennar í Bosníu. Eva er íslenskur rík-
isborgari en sem kunnugt er var hún nýverið
tilnefnd meðal þúsund kvenna til frið-
arverðlauna Nóbels fyrir störf sín, en Eva
vinnur við að bera kennsl á beinagrindur
fólks sem var drepið í Bosníustríðinu á ár-
unum 1992–1995.
Í grein BBC kemur fram að talið sé að
uppgröfturinn gæti tekið allt að tíu ár til við-
bótar og segist Eva ætla að fylgjast með
verkinu allt til loka. Í dag munu tugþúsundir
manna sækja minningarathöfn í Srebrenica,
flestir þeirra ættingjar fórnarlamba, auk
fjölda erlendra erindreka. Við athöfnina
verða lík 610 fórnarlamba, sem fundust í
fjöldagröfum umhverfis bæinn og borin hafa
verið kennsl á, borin til grafar. | 4 | 12
Eva Klonowski
í sviðsljósinu
VALGERÐUR Sverrisdóttir við-
skiptaráðherra ætlar að láta skoða
hvort tilefni sé til að breyta hluta-
félagalögum í þá veru að upplýs-
ingar um eigendur hlutafélaga
verði aðgengilegri en nú er. Sam-
kvæmt lögunum hafa eingöngu
hluthafar í viðkomandi félagi og
stjórnvöld aðgang að hluthafaskrá
og mega kynna sér efni hennar.
Pétur H. Blöndal, formaður
efnahags- og viðskiptanefndar Al-
þingis, segir að skoða þurfi breyt-
ingar á hlutafélagalögum í þá veru
að upplýst verði um eigendur
hlutafjár. Þó þurfi að fara mjög
varlega í slíkar breytingar vegna
þess að það gæti hindrað erlend
hlutafélög í því að fjárfesta í inn-
lendum hlutafélögum.
Hlutafélagalögin
í endurskoðun
„Við höfum álitið að okkar lög-
gjöf sé í samræmi við það sem al-
mennt gerist en hún byggist á
dönsku lögunum,“ segir Valgerður
og bætir við:
„Engu að síður teljum við rétt
að fara yfir [lögin], bæði með at-
vinnulífinu og Kauphöllinni, til
þess að átta okkur betur á því
hvort það sé ástæða til þess að
gera ákveðnar breytingar á,“ segir
Valgerður.
Hún segir að farið verði í þessa
vinnu á næstu vikum. Hlutafélaga-
lögin séu í endurskoðun í ráðu-
neytinu og breytingar á þeim
verði lagðar fyrir þingið í haust.
Pétur segir það vandamál að
smærri hluthafar í félagi geti ekki
fengið upplýsingar um eigendur
annarra hlutafélaga sem jafnframt
eiga hlut í félaginu. Hann segir
nauðsynlegt fyrir hluthafa, sér-
staklega þá smærri, að vita hvort
einhver aðili sé kominn með ráð-
andi hlut í félagi, „en þá þarf líka
að liggja fyrir hverjir eru raun-
verulegir eigendur þess hlutafjár
sem er í félögunum.“
Ráðherra hyggst skoða
aðgengi að hlutaskrá
ÍSLENSKI
safnadag-
urinn var
haldinn há-
tíðlegur í
gær. Af því
tilefni var
fjölbreytt
dagskrá á
söfnum og
setrum víða
um land
fyrir alla fjölskylduna. Þegar ljós-
myndari Morgunblaðsins kom við á
Árbæjarsafninu í gær var margt í
gangi, prúðbúnar konur jafnt að
baka kökur sem spinna á rokk og
teyma undir börnum.
Að sögn Rakelar Halldórsdóttur,
framkvæmdastjóra safnaráðs, gekk
dagurinn vel. Víða var mjög líflegt
og aðsókn með ágætum. Morgunblaðið/Jim Smart
Góð aðsókn
á safnadegi
ÉG var vel tækjum búinn og hefði getað verið á
jöklinum í viku. Á fimmtudaginn var ég búinn að
liggja hreyfingarlaus í tjaldinu of lengi þannig
að ég fór út til að moka frá því og fékk þá í bak-
ið,“ segir Dieter Graser, landfræðingur og fjall-
göngumaður frá Þýskalandi, í samtali við Morg-
unblaðið en honum var bjargað af Langjökli á
laugardagskvöld eftir að hafa verið þar veð-
urtepptur í þrjá daga.
Hann lagði á jökulinn á þriðjudag á skíðum
og með 55 kíló af búnaði. Á miðvikudagskvöld
versnaði hins vegar veðrið og hann sá sér ekki
fært að halda ferð sinni áfram.
Bakverkurinn var það slæmur, að sögn Diet-
ers, að hann gat ekki staðið í fæturna. „Ég varð
að vera á hnjánum að moka og allar hreyfingar
voru mjög erfiðar. Ég skreið þannig og mokaði
hring í kringum tjaldið til að bægja skafrenn-
ingnum frá. Það var ekki nema dagsferð til baka
og ég hélt í vonina um að verkurinn gengi til
baka og kallaði því ekki strax á hjálp,“ segir
Dieter.
Frekar að fara á elliheimili
Á laugardaginn var veðrið orðið eitthvað
betra og þá ákvað Dieter loks að kalla eftir
hjálp. „Ég vissi ekki hvort veðrið myndi versna
aftur eða ekki og ákvað því að kalla á hjálp til að
nýta góða veðrið. Ég var líka búinn með báðar
bækurnar sem ég tók með mér og farið að leið-
ast, þannig að andlega hliðin hefur eflaust haft
sitt að segja,“ segir Dieter, sem kveikti á neyð-
arsendinum skömmu eftir hádegi. Um þrjúleyt-
ið heyrði hann þyrlu Landhelgisgæslunnar, TF-
LÍF, sveima yfir sér og vissi þá að búið væri að
staðsetja sig.
Björgunarsveitarmenn af Suður- og Vest-
urlandi höfðu verið kallaðir út og komu þeir á
vélsleðum um kvöldið og fluttu Dieter til
byggða. Hann kann björgunarmönnum sínum
bestu þakkir.
„Þeir hlógu mikið að mér þegar ég var að
rembast við að koma mér af vélsleðanum. Sögðu
að ég ætti frekar að fara á elliheimili en að vera
að príla upp á jökla í bandbrjáluðu veðri. Það fór
vel á með okkur og ég vil koma á framfæri þakk-
læti til þeirra og allra annarra sem komu að
björguninni,“ segir Dieter, sem er ekki
ókunnugur íslensku hálendi.
Þetta er nítjánda Íslandsheimsóknin frá
árinu 1987 og hefur hann gengið meira en þrjú
þúsund kílómetra um hálendið og jöklana. Hann
heldur úti heimasíðu, www.isafold.de, þar sem
hann segir frá ferðum sínum um Ísland.
Fékk í bakið og var veðurtepptur á Langjökli í þrjá sólarhringa
Á hnjánum að moka frá tjaldinu
Eftir Kristján Torfa Einarsson
kte@mbl.is
Morgunblaðið/Jim Smart
Dieter Graser var veðurtepptur á Langjökli í þrjá daga. Á öðrum degi fékk hann þursabit og
gat varla hreyft sig. Nú er hann hressari og kominn með tjaldið í Laugardalinn.
♦♦♦
♦♦♦