Morgunblaðið - 10.11.2005, Blaðsíða 4

4
MYNDASÍÐA
BUBBI
Bubba Morthens þarf að sjálfsögðu ekki að kynna
fyrir lesendum Málsins og aðdáendur hans geta
glaðst yfir því að Bubbi ætlar að halda síðbúna út-
gáfutónleika í Þjóðleikhúsinu næsta mánudags-
kvöld, það verða tvennir tónleikar, klukkan 19 og
21.30.
Þar spilar Bubbi lög af plötunum sem hann gaf út
síðastliðið sumar, Ást og Í sex gráðu fjarlægð frá
paradís, en Bubbi lofar að gamlir klassíkerar eins
og „Rómeó og Júlía“ og „Svartur Afgan“ fái að
fljóta með. Þegar MÁLIÐ náði tali af Bubba var
hann á fullu að gera allt klárt og æfa fyrir tón-
leikana. „Maður mætir ekki óundirbúinn í stærsta
leikhús landsins.“
Flottir strákar
„Tilgangurinn með tónleikunum er líka bara að
hafa gaman af og stunda vinnuna sína,“ segir
Bubbi sem hefur fengið nokkra af efnilegustu tón-
listarmönnum yngri kynslóðarinnar með sér í lið.
Með honum á tónleikunum spila Barði í Bang Gang
og trommari og gítarleikari Mínuss, þeir Bjössi og
Bjarni. „Þetta eru flottir strákar. Ég hef alltaf verið
mikill Mínuss-aðdáandi þannig að mér finnst æð-
islegt að spila með þeim og ég held að þeir séu
gallharðir Bubba-aðdáendur.“ Það er reyndar
óhætt að segja að flestir tónlistarmenn af þeirra
kynslóð séu Bubba-aðdáendur.
Hvernig finnst þér að spila með yngri tónlistar-
mönnum?
„Mér finnst ég vera á sama aldri og þeir,“ segir
Bubbi og hugsar sig um. „Ég hef kannski lengri
spilareynslu í tónlist en músík er bara litir og þegar
þeir passa saman skiptir engu máli hvort fólk er átt-
rætt eða tvítugt. Tónlist hefur engin landamæri
sem slík og enga þröskulda.“ Sem útskýrir vinsældir
Bubba og hvernig nýjar kynslóðir taka upp gömlu
lögin hans. Þess má geta að nýlega voru endur-
útgefin Konu-platan og Ísbjarnarblús.
Jakob Smárason bassaleikari sem hefur spilað með
Bubba í áratugi og Hrafn Thoroddsen spila einnig á
þessum tónleikum: „Síðan vænti ég þess að Esther
Talía komi og syngi með mér.“
Með annan fótinn í Bretlandi og Danmörku
Þessa dagana er Bubbi ekki mikið á Íslandi. Hann er
að vinna bæði í Bretlandi og Danmörku. „Ég var að
gefa út barnabók í Bretlandi sem kom út fyrir mán-
uði og ég skrifaði með Robert Jackson, sem er
breskur rithöfundur.“
Í Danmörku er hann að vinna í tónlist en vill ekki
gefa mikið meira upp um það.
„Ég kann mjög vel við mig í Bretlandi og ég kann
sérstaklega vel við mig í Danmörku enda er það
móðurlandið mitt. Þar á ég föðurland og móð-
urland.“
Miðasala er hafin og hægt er að nálgast miða í
Þjóðleikhúsinu.
BUBBI STÍGUR Á SVIÐ
TÓNLEIKAR Í ÞJÓÐLEIKHÚSINU
Texti
Hanna Björk
Á föstudaginn síðastliðinn var opnuð
fataverslunin Gyllti kötturinn í Aust-
urstræti 8. Þar má finna notuð föt og
ný föt, pallíettur, fína síðkjóla, pelsa,
hettupeysur, eldgamalt Adidas-dót,
stígvél, belti, ýmislegt glingur, klukk-
ur og gamla síma. Markmiðið er að
bjóða upp á íslenska hönnun líka.
Búðin er bæði fyrir stráka og stelpur
og fyrir strákana fást gamlar Adidas-
vörur sem eru ónotaðar en eru pruf-
ur sem hafa aldrei farið í framleiðslu
og því algjörir dýrgripir.
GYLLTI KÖTTURINN
GLYS OG GLAMÚR
Myndir
Árni Torfason
Tónlist hefur engin landamæri