Morgunblaðið - 22.12.2005, Blaðsíða 27

MORGUNBLAÐIÐ FIMMTUDAGUR 22. DESEMBER 2005 27
Ájólum gera allir eins vel viðsig og efni standa til og ergrjónagrauturinn þar eng-in undantekning. Jóla-
grautnum fylgir oftast möndlugjöf
sem þarf að henta öllum aldurs-
hópum því enginn má vita fyrir fram í
hvaða skál mandlan lendir. Hér á eft-
ir eru uppskriftir að hvoru tveggja og
sýnishorn af hefðbundnum út-
færslum og nýstárlegum.
Möndlugrautur
Fyrir 4
1 msk. smjör eða matarolía
1 b. hrísgrjón ( búðingsgrjón)
½ vanillustöng
1 b. vatn
1 b. mjólk
1 b. rjómi
salt
2 dl rúsínur
Bræðið smjörið í þykkbotna potti.
Setjið vatnið út í og hitið að suðu.
Setjið vanillustöngina út í og bætið
grjónunum hægt saman við. Hrærið
stöðugt í á meðan. Hellið mjólkinni og
rjómanum smátt og smátt saman við.
Látið grautinn malla í a.m.k. 45 mín-
útur en hrærið af og til í honum. Fjar-
lægið vanillustöngina. Saltið grautinn
örlítið og bætið rúsínum saman við ef
vill. Setjið grautinn í skálar og setjið
möndlu í eina skálina. Berið fram
með kanilsykri, ískaldri mjólk og/eða
berjasaft.
Með brenndu smjöri
Tilbrigði við þennan hefðbundna
jólagraut er að bera hann fram með
brenndu smjöri. Látið smjör í pott og
látið malla þar til það hefur fengið á
sig dökkan lit og hellið út á grautinn í
skálunum.
Ris à l’amande
Fyrir 4
1 msk. smjör
1 b. hrísgrjón (búðingsgrjón)
2–3 b. mjólk
½ vanillustöng
½ tsk. salt
50 g möndluflögur
2 msk. sykur
2 msk. sérrí (má sleppa)
½ lítri rjómi (þeyttur)
Bræðið smjörið í þykkbotna potti.
Setjið tvo bolla af mjólk út í og hitið
að suðu. Setjið vanillustöngina út í
ásamt salti og bætið grjónunum hægt
saman við. Hrærið stöðugt í á meðan.
Látið malla í a.m.k. 45 mínútur en
hrærið af og til í grautnum. Bætið
meiri mjólk út í eftir þörfum. Takið af
hitanum og fjarlægið vanillustöngina.
Látið grautinn kólna í pottinum með
lokið á. Þegar grautinn er orðinn
kaldur er möndluflögum, sykri og
sérríi bætt vandlega saman við og að
lokum þeytta rjómanum. Berið fram
með t.d. þykkri kirsuberjasósu sem
fæst í litlum fernum fyrir jólin eða
karamellusósu.
Karamellusósa
300 g sykur
3 msk. smjör
1 peli rjómi
Brúnið sykurinn á þurri pönnu
þar til hann er farinn að freyða.
Bætið smjörinu saman við og bland-
ið vel. Takið af hitanum og bætið
rjómanum saman við. Setjið aftur á
helluna og látið malla í a.m.k. 5 mín-
útur.

MATUR
Það er lítið mál að sparibúa jólagrautinn og bera
á borð fyrir gesti, hvort sem hann er í formi
möndlugrauts, sem yfirleitt er borinn fram á undan
jólasteikinni, eða sem eftirréttur á franska vísu,
„Ris à l’amande“. Margrét Þóra Þorláksdóttir
eldaði jólagraut.
Höfundur er matgæðingur.
Jólagrauturinn
Morgunblaðið/Þorkell
Ris á l’amande með kirsuberjasósu.
DAGLEGT LÍF