Fréttablaðið - 08.08.2002, Side 11
11FIMMTUDAGUR 8. ágúst 2002
FISKVINNSLA „Það er einfaldlega of
hátt hlutfall að tíundi hver fisk-
verkamaður á Íslandi sé útlend-
ingur með tíma-
bundið atvinnu-
leyfi, á sama tíma
og 3 til 4 þúsund
manns ganga at-
vinnulausir hér. Þá
er ég alls ekki að
kasta rýrð á þá út-
lendinga sem
koma hingað til að vinna í fiski.
Það má ekki gleyma því að þeir
hafa haldið heilu húsunum gang-
andi. Þetta segir okkur hins vegar
að það þarf að lyfta greininni á
hærra plan þannig að íslending-
um þyki eftirsóknarverðara en nú
að vinna í fiski,“ segir Aðalsteinn
Baldursson, formaður matvæla-
sviðs Starfsgreinasambands Ís-
lands.
Fram kom í blaðinu í gær að
útlendingar skipta sköpum fyrir
fiskvinnslu á Íslandi og hafa gert
það í mörg ár. Nær lætur að 600
heilsdagsstörf í fiskvinnslu séu
nú unnin af útlendingum eða tí-
unda hvert starf og þannig hefur
það verið um nokkurra ára bil. Ís-
lendingum þykir fiskvinna hins
vegar ekki aðlaðandi.
„Það skýrist aðallega af þren-
nu. Launin eru léleg, svo einfalt
er það. Aðbúnaður hefur batnað
til muna en þar má gera betur.
Það sem kannski skiptir mestu
máli er starfsöryggið. Það er nán-
ast ekkert,“ segir Aðalsteinn
Baldursson. „Við höfum farið
óteljandi ferðir til ráðamanna og
reynt að knýja á um breytingar á
lögum og reglum þannig að heim-
ildir til að senda fiskverkafólk
heim vegna hráefnisskorts eða
annars verði þrengdar verulega.
Það hefur lítið fengist úr þeim
ferðum nema slit á teppum ráðu-
neyta,“ segir Aðalsteinn Baldurs-
son.
Hann segir mörg dæmi þess að
vinnuveitendur noti frjálslega
heimild til að senda fólk heim,
ekki síst í kringum stórhátíðir.
„Þessa heimild verður að
þrengja og auka starfsöryggið.
Takist það sem og að lagfæra
launin þá verður miklu eftirsókn-
arverðara en nú að vinna í fiski,“
segir Aðalsteinn Baldursson.
the@frettabladid.is
SNJÓFLÓÐAVARNIR Skipulagsstofnun
er nú að skoða matskýrslu vegna
fyrirhugaðra snjóflóðavarna á
Seyðisfirði.
Í matsskýrslunni segir að ekki
sé talið að framkvæmdin við fjall-
ið Bjólf muni hafi áhrif á fuglalíf
eða annað dýralíf enda sé það
fremur rýrt. Áhrifin muni fyrst og
fremst verða sjónræns eðlis vegna
mikils jarðrasks og gerð varnar-
garðs. Þá muni taka langan tíma að
endurheimta gróður sem muni
hverfa á stóru svæði.
Tvær útfærslur á snjóflóðavörn
við bæinn þykja koma til greina.
Annars vegar 310 metra langur
garður og hins vegar 490 metra
garður. Garðurinn verður allt að 30
metra hár og 50 til 80 metra breið-
ur. Efnisþörfin verður á bilinu 150
til 240 þúsund rúmmetrar eftir því
hvor kosturinn verður fyrir valinu.
Garðurinn er talinn munu draga
úr hættu vegna snjóflóða sem eiga
upptök í Bjólfstindi ofan Brúnar.
Hins vegar muni hann ekki veita
vörn gegn snjóflóðum með upptök
neðan Brúnar. Garðurinn sé því að-
eins fyrsti áfangi í að veita Seyð-
firðingum „ásættanlegt öryggi“
fyrir snjóflóðum.
Áætlað er að hefjast handa
næsta vor og ljúka verkinu á einu
ári. Kostnaðaráætlun hljóðar upp á
225 til 360 milljónir króna.
Milliuppgjör Tanga hf.
Methagnaður
UPPGJÖR Afkoma af reglulegri
starfsemi Tanga hf. á Vopnafirði
fyrstu sex mánuði ársins er sú
besta á sambærilegu tímabili í
sögu félagsins. Hagnaður af
reglulegri starfsemi félagsins
nam 334,4 milljónum króna á
tímabilinu. Á sama tíma í fyrra
nam tap af starfsemi félagsins
296,9 milljónum króna.
Nettóskuldir félagsins lækkuðu
um 507,4 milljónir króna frá síð-
ustu áramótum og eiginfjárhlut-
fall hækkaði úr 20,7% í 33,1% á
sama tíma. Velta félagsins jókst
um 37,8% frá sama tímabili 2001.
Það skýrist einkum af því að fé-
lagið tók nú á móti mesta magni af
uppsjávarfiski á samsvarandi
tímabili til þessa.
NESKAUPSTAÐUR
Þar hafa verið reistir snjóflóðavarnargarðar.
Fyrirhugaður snjóflóðavarnargarður á Seyðisfirði
kostar allt að 360 milljónum:
Aðeins áfangi í
öryggisátt
ÍSLENDINDINGAR VILJA EKKI VINNA Í FISKI
Nauðsynlegt að lyfta fiskvinnslunni á hærra plan. Þarf að hækka laun fiskverkafólks og
auka starfsöryggið.
Fiskvinnsluna
á hærra plan
Aukið starfsöryggi og leiðrétting launa forgangsmál.
Það hefur lítið
fengist úr
þeim ferðum
nema slit á
teppum ráðu-
neyta.