Fréttablaðið - 16.10.2002, Blaðsíða 11

11MIÐVIKUDAGUR 16. október 2002
Hvalur hf. stefnir ríkinu:
Sektar-
úrskurður
verði ógiltur
DÓMSMÁL Hvalur hf. hefur stefnt ís-
lenska ríkinu vegna sektarúrskurð-
ar Fiskistofu sem fyrirtækið vill fá
ógiltan. Hvalur hf. hafði veitt á ann-
an tug tonna af djúpkarfa fram yfir
aflaheimildir sínar fyrir um tveim-
ur árum að sögn Haraldar Blöndal ,
lögmanns Hvals.
Haraldur segir það vera tvö
meginatriði sem Hvalur vilja láta á
reyna fyrir dómstólum. Í fyrsta
lagi telji fyrirtækið að útgerðum sé
mismunað eftir því hvort þær búa
yfir þorskkvóta eða djúpkarfa-
kvóta. Djúpkarfakvóta megi ekki
flytja milli fiskveiðiára eins og
gildir um þorskkvótann. „Veiði
menn ekki allan djúpkarfakvótann
eitt árið fellur hann niður. Við vilj-
um láta reyna á hvort þetta stenst.“
Hitt atriðið segir Haraldur
varða hvernig aflavermætið sé
reiknað. Séu fyrirtækin sektuð er
sektin miðuð við aflaverðmætið.
„Við teljum eðlilegt að miða við það
verð sem borga þyrfti fyrir aflann
óunninn við bryggju. Þeir vilja
miða við verðmæti fullunnins
karfa. Það er tvöfalt hærri upp-
hæð,“ segir Haraldur. 
SVEIGJANLEGRI VINNUVIKA
Franska þingið samþykkti í gær
að breyta nýlegum lögum um 35
stunda vinnuviku þannig að regl-
urnar verði sveigjanlegri. Lögin
um styttu vinnuvikuna voru eitt
helsta stolt vinstristjórnarinnar,
sem missti meirihluta í kosning-
um í vor.
UPPSTOKKUN Í SVÍÞJÓÐ Göran
Persson, forsætisráðherra Sví-
þjóðar, segist ætla að stokka upp
í ríkisstjórn sinni í næstu viku úr
því að Björn Rosengren iðnaða-
ráðherra hafi ákveðið að segja af
sér. Fjórir aðrir ráðherrar í
stjórninni hafa einnig sagt af sér
undanfarið.
IRA VERÐUR AÐ HÆTTA Breskir og
bandarískir ráðamenn sögðu í gær
að eina lausnin á deilunum á Norð-
ur-Írlandi sé að Írski lýðveldisher-
inn IRA leggi upp laupana. Að öðr-
um kosti geti mótmælendur vart
fengist til þess að taka þátt í stjórn-
arsamstarfi með Sinn Fein á ný.
ERLENT
ALÞINGI Mikil réttarbót er falin í
frumvarpi til nýrra barnalaga
sagði Sólveig Pétursdóttir,
dómsmálaráðherra, þegar hún
mælti fyrir frumvarpinu. Meðal
helstu breytinga frá núverandi
lögum má nefna að móður verð-
ur skylt að feðra barn sitt þannig
að barnið þekki báða foreldra
sína. Þá er kveðið á um réttar-
stöðu sæðisgjafa, heimild feðra
til að höfða faðernismál og
möguleika foreldra til að semja
um tímabundna forsjá barns. Þá
verður dómsmálaráðuneyti ekki
lengur heimilt að skera úr um
ágreining um forsjá. Börn geta
hér eftir tjáð sig um mál sín þó
þau séu ekki orðinn tólf ára göm-
ul teljist þau hafa náð nægum
þroska.
Ásta Ragnheiður Jóhannes-
dóttir, Samfylkingu, fagnaði því
að karlmenn gætu samkvæmt
frumvarpinu fengið skorið úr
því að eigin beiðni hvort þeir
væru feður barns. Hún lýsti þó
vonbrigðum sínum með að ekki
væri lagt til í frumvarpinu að
sameiginlegt forræði yrði meg-
inregla við hjónaskilnaði og
sambúðarslit. Slíkt samræmdist
betur samningi Sameinuðu þjóð-
anna um réttindi barna. 
Ný barnaverndarlög rædd á þingi:
Felur í sér mikla
réttarbót
SÓLVEIG PÉTURSDÓTTIR
„Kastljósinu hefur í auknum mæli verið beint að rétti barns til að þekkja báða foreldra
sína og rétti þess til að njóta samvista við þá. Viðurkenning á rétti manns sem telur sig
föður barns til að höfða faðernismál er fallin til að styrkja þessi réttindi barns.“
ALÞINGI Ef Alþingi leyfir aukna
samþjöppun veiðiheimilda er það
ávísun á aukna einokun sagði Svan-
fríður Jónasdóttir, Samfylkingu,
sem hóf í gær umræðu á Alþingi
um samþjöppun kvóta í sjávarút-
vegi. Hún sagði ástæðu til þess að
þingmenn hefðu áhyggjur af því
hversu mikil fjarlægð væri orðin
milli fólksins í landinu og sjávarút-
vegsins. Ljóst væri að ókeypis út-
hlutun veiðiheimilda yki ekki tiltrú
almennings á kerfið. Réttlæting
slíkrar úthlutunar á grunni veiði-
reynslu væri langsótt. „Hvar er til
dæmis veiðireynsla Eimskipafé-
lagsins? Hvar sannaði það getu
sína?“ Svanfríður kvaðst efast um
að sú hagræðing sem rætt væri um
hefði skilað sér.
Árni M. Mathiesen, sjávarút-
vegsráðherra, kvað hagræðingu
nást fram í krafti stærðar. Hann
sagðist þó engin áform hafa uppi
um að breyta kvótaþakinu. „Þetta
er eitt af þeim skiptum sem Alþingi
getur horft til baka og verið sátt við
sjálft sig,“ sagði hann um lagasetn-
ingu sem takmarkar hlutdeild ein-
stakra útgerða í úthlutuðum kvóta.
Íslensk sjávarútvegsfyrirtæki
sagði hann lítil í alþjóðlegum sam-
anburði og ekki stór á íslenskum
markaði. Það sæist á því að stærsta
sjávarútvegsfyrirtækið væri sautj-
ánda stærsta fyrirtæki landsins
samkvæmt úttekt Frjálsrar versl-
unar. Árni benti á að samþjöppun í
sjávarútvegi ætti sér víðar stað en
hjá stórum útgerðum. Þess væru
dæmi að einstakir menn gerðu út
nokkra báta í sóknardagakerfinu.
Árni Steinar Jóhannsson,
Vinstri-grænum, sagði ljóst að stór-
útgerðir vildu hækka kvótaþakið.
Sá vilji hefði komið fram hjá stjórn-
arliðum síðasta vor. Guðjón A.
Kristjánsson, Frjálslyndum, sagði
samþjöppunina fjandsamlega fólk-
inu í sjávarbyggðum. Vegið væri að
atvinnumöguleikum þess. Árni R.
Árnason, Sjálfstæðisflokki, gaf lítið
fyrir að kvótakerfið væri einokun-
arkerfi.
Þannig hefði stærsta sjávarút-
vegsfyrirtæki landsins á síðasta ári
ekki verið til þegar kerfið var tekið
upp. „Þetta mál snýst fyrst og
fremst um fólk, möguleika fólks til
að komast af,“ sagði Lúðvík Berg-
vinsson, Samfylkingu, og kvað al-
menning verða að greiða verðið
fyrir hagræðingu fyrirtækjanna.
Enginn þingmaður mælti fyrir því
að kvótaþakinu væri lyft.
brynjolfur@frettabladid.is
Engin áform um að
hækka kvótaþakið
Aukin samþjöppun veiðiheimilda er ávísun á aukna einokun segir þingmaður Samfylkingar.
Sjávarútvegsráðherra segist engin áform hafa um að breyta kvótaþakinu.
ÁRNI M. MATHIESEN, SJÁVARÚTVEGSRÁÐHERRA
Svaraði beiðni Svanfríðar um úttekt á hagræðingu í sjávarútvegi með því að skammt væri síðan þrír hagfræðingar hefðu unnið slíka út-
tekt. Hafnaði þó ekki að gera mætti aðra slíka úttekt.
HVALVEIÐAR Ásgeir Björgvinsson,
forstöðumaður hvalamiðstöðvar-
innar á Húsavík, líst illa á áform
Íslendinga um að hefja hvalveiðar
í vísindaskyni á næsta ári. „Þetta
kemur mér í sjálfu sér ekki á
óvart í ljósi þeirra fjármuna og
tíma sem stjórnvöld hafa eytt í
málið. Við erum hins vegar að
skjóta okkur í fótinn, umræðan
ein um að við ætlum að hefja hval-
veiðar getur skaðað ímynd lands-
ins. Ég fékk strax viðbrögð að
utan, menn eru mjög uggandi
vegna inngöngu Íslands í ráðið,“
sagði Ásgeir Björgvinsson, for-
stöðumaður hvalmiðstöðvarinnar
á Húsavík.
Ásgeir segir hvalveiðar og
hvalaskoðun einfaldlega ekki fara
saman. Í raun sé hlálegt að horfa
upp á að ráðamenn og aðrir sem
fagni inngöngu Íslands í Alþjóða-
hvalveiðiráðið, láti eins og hvala-
skoðunarferðir séu hreint ekki til
sem atvinnugrein á Íslandi.
„Það eru 12 fyrirtæki sem
bjóða upp á slíkar ferðir, hundruð
manna vinna við þetta og 60 þús-
und manns keyptu slíkar ferðir í
fyrra. Þetta verða menn að taka
með í reikninginn. Ég held að ís-
lensk stjórnvöld verði að gera það
upp við sig hvort við verðum hval-
veiðiþjóð og látum þar með stóra
atvinnugrein eins og hvalaskoðun
sigla sinn sjó, með tilheyrandi
skaða fyrir ímynd landsins. Fyrr
geta menn ekki rætt um vísinda-
veiðar,“ sagði Ásgeir. 
Ásbjörn Björgvinsson:
Hvalveiðar skaða
ímynd Íslands
Fyrirtækið sem tekið hefur að sér
þjónustu við meira en 22 þúsund
viðskiptavini tryggingarmiðlunar
Ísvár heitir Tryggingar og ráðgjöf
hf. Ranglega var greint frá því í
blaðinu í gær að fyrirtækið héti
Tryggingar og miðlun.
LEIÐRÉTTING
ERLENT