Fréttablaðið - 16.11.2002, Síða 2

2 16. nóvember 2002 LAUGARDAGUR
Alfreð Þorsteinsson, borgarfulltrúi R-listans, vegna
fréttar í blaðinu í gær þar sem Samtök verslunar-
innar gagnrýndu að Reykjavíkurborg stæði að veit-
ingarekstri í Alþjóðahúsinu í miðborginni.
„Ég veit það ekki frekar en hvað rukkað er
fyrir bjórinn í Perlunni. Ég vil meina það að
Sjálfstæðismenn hafi stofnað til mesta veit-
ingahúsareksturs á vegum borgarinnar með
opnun Perlunnar.“
SPURNING DAGSINS
Hvað rukkar borgin fyrir
bjórinn í Alþjóðahúsinu?
Bók veiðimannsins!
Stangaveiðihandbókin
svarar öllum helstu
spurningum veiði-
mannsins um veiðiár
og veiðivötn. Bók fyrir
þaulvana veiðimenn
jafnt sem byrjendur
í stangaveiði.
Metsölubók sumarsins!
Báti komið til bjargar:
Gírarnir
biluðu
BJÖRGUN Sex tonna línubáti, Sól-
eyju ÍS-651, var komið til bjargar
í gærmorgun. Báturinn var á leið-
inni á miðin á Selvogsbanka þegar
bilun varð í gírum bátsins. Björg-
unarbátur Slysavarnarfélagsins
Landsbjargar, Oddur V. Gíslason
frá Grindavík, var kallaður út
rúmlega tíu í gærmorgun. Kom
björgunarbáturinn að Sóleyju
klukkan 11.20 þar sem hún var á
reki um 11 sjómílur suðaustur af
Hópsnesi. Vel gekk að draga Sól-
eyju til hafnar og var komið með
hana til Grindavíkur korter fyrir
eitt. Veður var gott og engin hætta
á ferðum.
BRUNARÚSTIR
Ekki er vitað hver kveikti eldinn sem olli
gífurlegu tjóni þegar húsin númer 40 og
40a við Laugaveg stórskemmdust í eldi.
Bruninn á Laugaveg:
Ekkert nýtt
BRUNI Engar nýjar upplýsingar
hafa komið fram í rannsókn lög-
reglu vegna stórbrunans á Lauga-
vegi þegar húsin númer 40 og 40a
stórskemmdust í eldi. Að sögn
Harðar Jóhannessonar yfirlög-
regluþjóns er rannsókn málsins
ekki lokið.
Einn maður, Lalli Johns, var
úrskurðaður í gæsluvarðhald
vegna málsins. Hann hefur stað-
fastlega neitað að hafa valdið
brunanum, er öruggt er talið að
kveikt hafi verið í. Hörður vildi
ekki svara því hvort Lalli lægi enn
undir grun og ítrekaði að rann-
sókn málsins væri ekki lokið. Að-
spurður sagði hann engan vera í
yfirheyrslum vegna málsins.

VIÐVÖRUN FRÁ FBI Bandaríska
alríkislögreglan, FBI, varaði í
gær við því að al Kaída, hryðju-
verkasamtök Osama bin Laden,
væru að öllum líkindum með stór
hryðjuverk í undirbúningi.
OLÍUSKIP Í HÆTTU Spænska olíu-
skipið Prestige gæti hreinlega
brotnað í tvennt ef veður versn-
ar. Leki komst að skipinu á mið-
vikudaginn skammt norðvestur
af Spáni þegar hvassviðri mikið
gerði. Stórt gat er á hlið skipsins.
Í gær var verið að draga skipið
frá Spánarströndum, en óljóst
hvert farið yrði með það.
ERLENT
VILHJÁLMUR EGILSSON
Ósáttur við framkvæmd prófkjörsins um
síðustu helgi. Vill ekkert segja um sérfram-
boð.
Vilhjálmur Egilsson:
Ræði við
mitt fólk
STJÓRNMÁL Sjálfstæðismenn á
Norðurlandi vestra funda á morg-
un um prófkjör síðustu helgar og
eftirmál þess.
„Ég vil fá að ræða við mitt fólk,
hlusta á hvað það segir og hvað
það vill gera,“ segir Vilhjálmur
Egilsson alþingismaður, en vill
ekkert tjá sig um hvort þess megi
vænta að það skýrist á fundinum
hvort hann fari í sérframboð. Þær
raddir hafa heyrst að rétt sé að
Vilhjálmur fari í sérframboð verði
niðurstöður prófkjörsins látnar
standa, eins og nú stefnir í.

MÖRG FORSÆTISRÁÐHERRAEFNI
Recep Tayyip Erdogan, leiðtogi
Réttlætis- og þróunarflokks Tyrk-
lands, kom í gær með lista yfir
nokkra flokksmenn sem gætu
tekið að sér forsætisráðherra-
embætti fyrir flokkinn. Forseti
Tyrklands þarf nú að velja hvern
hann vill láta mynda stjórn.
FÁRVIÐRI Í AUSTURRÍKI Þök fuku
af hundruðum húsa í Austurríki í
gær þegar mikið fárviðri reið þar
yfir. Mörg tré féllu um koll og
ollu miklum skemmdum. Spáð er
hvassviðri áfram á þessum slóð-
um.
ERLENT
Spennandi kosningar hjá Framsókn:
Mikil óvissa um úrslit
STJÓRNMÁL Mikil spenna ríkir fyrir
kosningu framsóknarmanna í
Norðvesturkjördæmi á frambjóð-
endum þeirra fyrir næstu Alþing-
iskosningar.
Fimm sækjast eftir því að leiða
listann, þingmennirnir Kristinn
H. Gunnarsson, Magnús Stefáns-
son og Páll Pétursson auk þeirra
Árna Gunnarssonar og Þorvalds
T. Jónssonar. Viðmælendur blaðs-
ins telja erfitt að spá fyrir um
hvernig fer. Kosið er í hvert sæti
þar til einn nær meirihluta, en sá
sem fær fæst atkvæði í hverri
umferð fellur út. Þetta er sama
aðferð og Vestlendingar hafa not-
að fyrir tvær síðustu Alþingis-
kosningar.
Kosningaréttur er bundinn við
kosna fulltrúa. Félög flokksins fá
einn fulltrúa fyrir hverja fimm
félagsmenn. Þeim hefur fjölgað
um nær þriðjung að undanförnu.
200 hafa bæst við á Vestfjörðum,
150 á Vesturlandi og 100 á Norður-
landi vestra.
Það er athyglisvert að bera
fjölda fulltrúa hvers landshluta
við þau atkvæði sem flokkurinn
fékk í síðustu kosningum. Fram-
sóknarmenn á Vesturlandi fá einn
fulltrúa fyrir hverja 14 sem kusu
flokkinn 1999 en á Norðurlandi
vestra eru ellefu kjósendur fyrir
hvern fulltrúa, þó með þeim fyrir-
vara að Siglufjörður tilheyrir
kjördæminu ekki lengur. Vestfirð-
ingarnir fá svo einn fulltrúa fyrir
hverja átta sem kusu flokkinn síð-
ast.

PÁLL PÉTURSSON
Menn greinir á um styrk eina ráðherra
flokksins í kjördæminu. Sumir spá honum
1. sætinu en einnig hefur heyrst að hann
kunni að falla snemma úr leik.
Uppgjör deCODE:
Hálf ríkisábyrgð fór á níu mánuðum
VIÐSKIPTI Tap deCODE, móðurfé-
lags Íslenskrar erfðargreiningar
,fyrstu níu mánuði ársins er 9,7
milljarðar króna eða rúmur millj-
arður á mánuði. Tap síðustu þrjá
mánuði er 7,3 milljarðar. Það er
næstum tífalt meira tap en fyrir
sama tímabil árið áður. Mikill
kostnaður vegna uppsagna starfs-
fólks á síðasta ársfjórðungi er all-
ur gjaldfærður á tímabilinu.
Sérfræðingar á markaði segja
niðurstöðuna ekki koma á óvart.
Laust fé fyrirtækisins hefur
minnkað mikið og sá tími sem það
hefur til þess að skila hagnaði
styttist óðum. Hins vegar sé of
snemmt að afskrifa fyrirtækið.
Áætlanir geri ráð fyrir að jákvætt
tekjustreymi náist undir lok
næsta árs.
Kaup deCODE á Medicem virð-
ast að mati sérfræðinga ekki vera
að skila miklu inn í reksturinn.
Þar við bætist að gagnagrunnur-
inn sé nánast út úr myndinni. Önn-
ur fyrirtæki séu einfaldlega kom-
in lengra með slíka vinnslu. Á
móti komi að félagið hafi staðið
sig ágætlega í rannsóknum sem
eigi vonandi eftir að skila sér í
rekstrinum.

KOSTNAÐUR VEGNA UPPSAGNA
Kostnaður vegna uppsagna deCODE er
færður á síðasta ársfjórðungi. Fyrirtækið
tapaði rúmlega milljarði á mánuði það
sem af er ári.
Ég var svikinn
Steinar Berg Ísleifsson hljómplötuútgefandi hefur stefnt Skífunni til
greiðslu á 20 milljónum króna. Telur að ævistarfið hafi verið haft af sér
með blekkingum þegar fyrirtæki hans voru sameinuð Skífunni.
DÓMSMÁL Steinar Berg Ísleifsson
hljómplötuútgefandi hefur stefnt
Skífunni fyrir vanefndir á
greiðslu vinnu-
launa og samnings-
brot sem urðu til
þess að Steinar
hætti störfum hjá
Skífunni:
„Ítrustu kröfur
Steinars nema um
20 milljónum
króna,“ segir Hró-
bjartur Jónatansson, lögmaður
Steinars, en hann lagði málið fyr-
ir Héraðsdóm Reykjavíkur í gær.
Sjálfur telur Steinar að hann hafi
lagt lífsstarf sitt inn í Skífuna
þegar útgáfufyrirtæki hans runnu
þar inn við sameiningu og Steinar
var ráðinn í framkvæmdastjóra-
starf með höfuðáherslu á útflutn-
ing á íslenskri tónlist:
„Ég hætti þarna á síðasta ári
eftir að mér varð ljóst að Skífan
ætlaði sér ekkert með útflutning á
íslenskri tónlist. Um leið var brot-
inn á mér samningur og fótum
kippt undan launakjörum mínum
,sem voru tengd árangri í starfi.
Hjá Skífunni stóðu menn einfald-
lega ekki við orð sín og sýndu eng-
an áhuga á að gera gott úr málum.
Því stefndi ég þeim,“ segir Steinar
Berg, sem ætlar þó að halda áfram
þar sem frá var horfið og einbeita
sér að útflutningi á íslenskri tón-
list þó á eigin vegum sé. Hefur
hann fjárfest í góðri bújörð í Borg-
arfirði þaðan sem herjað verður á
erlenda markaði með íslenskt tón-
listarfólk. Steinar segist hafa náð
góðum samningum erlendis fyrir
tónlistarfólk eins og Svölu Björg-
vins, Selmu Björnsdóttur og Móu.
Andstaðan við starf hans innan
Skífunnar hafi hins vegar orðið til
þess að ekki varð það úr sem efni
stóðu til:
„Ég var alltaf að berjast upp
brekku í starfi mínu hjá Skífunni.
Ég lagði allt mitt þarna inn í trausti
loforða og samninga sem síðan
voru sviknir,“ segir Steinar.
Búist er við að mál Steinars
gegn Skífunni verði dómtekið í
desember. Til varnar fyrir Skífuna
er Kristinn Bjarnason hæstarétt-
arlögmaður. eir@frettabladid.is
STEINAR BERG ÍSLEIFSSON
Alltaf að berjast upp brekku hjá Skífunni.
„Ég lagði allt
mit þarna
inn í trausti
loforða og
samninga
sem síðan
voru sviknir.“
FR
ÉT
TA
B
LA
Ð
IÐ
/B
IL
LI