Tíminn - 06.03.1973, Side 7

Þriöjudagur 6. marz, 1973.
TÍMINN
7
Umsjón og ábyrgð: Samband ungra framsóknarmanna
Baldur Óskarsson:
57. þing Alþjóða
vinnumólastofnunarinnar í Genf:
Um ILO
Alþjóöa vinnumálastofnun-
in (International Labour
Organisation) tilheyrir Sam-
einuðu þjóðunum og hefur að-
alstöðvar sinar i Genf.
Stofnunin vinnur að málefnum
vinnumarkaðarins og hefur
alla sina starfstið rúmlega 50
ár, beytt sér fyrir félagslegu
réttlæti verkafólks um alla
veröld. Hún er einstök að þvi
leyti, að þrir aðilar eiga aðild
að henni, rikisstjórnir, samtök
verkalýðs og vinnuveitenda.
t ILO eru nú 123 riki, sem i
samvinnu marka stefnu, sem
miðar að þvi að bæta atvinnu-
og lifsskilyrði viðkomandi
landa, auka atvinnumöguleika
verkafólks og verja mannrétt-
indi þess. Gerðar eru alþjóð-
legar samþykktir varðandi
vinnu og vinnuskilyrði. Auk
þess vinnur ILO að umfangs-
miklum verkefnum á sviði
tæknisamvinnu og tækniað-
stoðar, margháttuðum
rannsóknum og upplýsinga- og
fræðslustarfi.
Æðsta vald stofnunarinnar
er i höndum þings ILO, sem
haldið er árlega, yfirleitt i
Genf. Hvert aðildarriki sendir
fjóra þingfulltrúa skipaða
þannig, að tveir eru fulltrúar
rikisstjórnar, einn verkalýðs-
samtaka og einn vinnuveit-
enda. Auk þess sækja þingið
mikill fjöldi ráðgjafa.
Þingið kýs aðalstjórn, skip-
aða 56 mönnum, 28 rikis-
stjórnarfulltrúum, 14 fulltrú-
um verkamanna og 14 at-
vinnurekendafulltrúum.
Stjórnin starfar milli þinga og
hefur umsjón með aðalskrif-
stofu ILO i Genf, en hjá ILO
vinna rúmlega 3000 manns af
um 100 þjóðernum, þar af lið-
lega helmingur á skrifstofun-
um i Genf, en aðrir að ýmsum
verkefnum, einkum i þróunar-
löndunum.
— BÓ.
TÆKNI VERDUR HÚSBÓNDINN,
EF MAÐURINN LÆTUR SÉR
NÆGJA HLUTVERK ÞRÆLSINS
Nefndarstörf
Mikill hluti þingstarfa fór fram
i nefndum. Þannig héldu verka-
lýðsfulltrúar, atvinnurekendur og
rikisstjórnarfulltrúar sérstaka
fundi. Auk þess var sérstaklega
fjallað um eftirtalin verkefni i
þingnefndum, skipuðum öllum
aðilum: Lágmarksaldur launþega
félagslegar afleiðingar nýrrar
tækni við lestun og losun i höfn-
um, sjálfvirkni og tækni og áhrif
hennar félagslegar og atvinnu-
legar. Auk þess starfaði sérstök
ályktunarnefnd og nefnd sem
fjallaði um kærur gegn einstaka
rikjum, sem talin voru brotleg
gegn sáttmála og samþykktum
ILO. Störf þessara nefnda voru
umfangsmikil og þung i vöfum,
umræður miklar og pappirsflóði
ringdi yfir fulltrúana. Ekki
megnuðu þær að afgreiða mikið,
en ég mun litillega drepa á
nokkur atriði sem frá þeim komu
og fengu framgang á þinginu.
Samþykktir
Bann við barnavinnu
Þingið sendi frá sér þá kröfu til
aðildarrikjanna, að þau setji lög-
gjöf um vinnu barna. Lágmarks-
aldur þeirra sem hefji vinnu verði
14 ár og 18 ár þegar um er að ræða
vinnu, sem felur i sér hættur fyrir
heilsu, öryggi eða óæskileg upp-
eldisáhrif.
Framtið hafnarvinnu:
Með gámum og nýrri tækni við
lestun og losun skipa, verður mik-
il umbyiting á vinnu hafnar-
verkamanna. Mjög var rætt um
hvernig bregðast skyldi við að
tryggja verkamönnum
áframhaldandi störf. Samþykkt
var að taka þetta vandamál til
lokaafgreiðslu á næsta þingi.
Áhrif tækni á
þjóðlif og vinnu:
Þá var bent á, að hlutverk ILO
væri að vera rikisstjórnum,
vinnuveitendum og verkalýðs-
samtökum ráðgefandi til að forð-
ast skaðlegar afleiðingar tækn-
innar á heilsu mannsins og starf.
Þyrftu þetta að vera megin-
sjónarmið við hönnun fyrirtækja.
Þingið lagði þunga áherzlu á
ábyrgð atvinnurekenda og rikis-
stjórna i þessu efni og einnig hvað
varðar atvinnuleysi vegna vél-
væðingar og nýrrar tækni. Lengri
sumarfrí og lægri eftirlaunaaldur
verða m.a. að vera svar við si-
auknum uppsögnum verkamanna
af þessum völdum. Þegar verka-
manni er sagt upp af þessum
sökum, er það skylda þjóðfélags-
ins að sjá honum fyrir nýju starfi
og þeirri menntun, sem það kann
að krefjast, honum að skaðlausu.
Þingið fól skrifstofu ILO að
semja uppkast að nýrri vinnulög-
gjöf sem tæki mið af áhrifum
tækni á vinnu verkafólks.
Framlag ILO til
umhverfisverndar
Þingið fagnaði ráðstefnu S.þ. um
umhverfisvernd, sem haldin var i
Stokkhólmi á svipuðum tima.
Stjórn ILO var falið að fjalla um
eftirtalin atriði i þessu sambandi:
að halda áfram og auka rann-
sóknir og aðgerðir til að bæta að-
búnað á vinnustöðum i hinum
ýmsu starfsgreinum, sérstaklega
hvað varðar gas, ryk og óloft,
SÍÐARI
GREIN
geislavirkni, hávaða og hvers
konar öryggi fólks gegn slysa-
hættum. Ennfremur að leggja
aukna áherzlu á vandamál, sem
skjóta upp kollinum við nýjar
framleiðslugreinar. Að rannsaka
nánar áhrif breyttra vinnuað-
stæðna á vinnuslys og bæta og
samræma skýrslur varðandi lög-
gjöf og venjur hinna ýmsu landa
varðandi meðferð þessara mála.
Mjög fjörug umræða var um
kjarnorkutilraunir i andrúmsloft-
inu og var samþykkt ályktun sem
fordæmir allar slikar tilraunir.
Útlent vinnuafl
Þingið samþykkti ályktun varð-
andi meðferð erlends verkafólks.
1 ályktuninni kveður svo á, að út-
lendingar fái sama rétt til starfa
og trygginga og innfæddir verka-
menn.
Konur i
atvinnulifinu:
Ályktun um jöfn laun og jafnan
rétt til starfa konum til handa var
einnig samþykkt á þinginu.
Einnig sagði i ályktuninni, að
þetta mál myndi fá sérstaka með-
ferð á þingi ILO 1975, en það ár
verðurhelgað alþjóðlegri baráttu
gegn misrétti kvenna.
Nýlendukúgun
Portúgala
Harðastar umræður á þinginu
urðu um nýlendustefnu Portú-
gala. Ým sir töldu, að þessar
umræður ættu ekki heima á þingi
ILO þar sem hér væri um
stjórnmál að ræða, en
engu að slður var kæra á hendur
Portúgölum samþykkt með 211
atkvæðum, gegn engu: 84 sátu
hjá, og i þessari samþykkt var
nýlendukúgun þeirra i Angola,
Mozambique og Guineu- Bissau
fordæmd. Var ILO falið að styðja
baráttuna fyrir sjálfsákvörð-
unarrétti og félagafrelsi og
stjórninni að fjalla um aðgerðir i
þessu sambandi á fundi sinum i
nóvember 1972. Af þessu tilefni
gekk sendinefnd Portúgal af
þinginu við lófatak fjölmargra
þingfulltrúa.
ísland og ILO
Islendingar hafa um langt árabil
átt aðild að ILO, og greiða i aðild-
arkostnað á fjórðu milljón króna
á ári. A hinn bóginn hefur þessari
stofnun litið verið sinnt af Islands
hálfu, sendinefndir ekki sendar til
þinganna nema endrum og sinn-
um og aðeins einn Islendingur er
þar starfandi.
Ég tel þetta mjög miður, þar
sem Island á hiklaust að láta að
sér kveða á alþjóðavettvangi,
einkum innan S.þ. Island er auk
þess á ýmsan hátt mjög einangr-
að frá alþjóðlegri stjórnmálaum-
ræðu, ekki slzt á sviði verkalýðs-
mála, þannig að virk þátttaka i
Alþjóða vinnumálastofnuninni
gæti opnað innsýn I þau vandamál
og viðfangsefni, sem efst eru á
baugi i málefnum vinnumarkað-
arins. Þótt ILO sé ekki áhrifa-
mikil stofnun, gætu Islendingar
einnig með öflugri þátttöku i
henni rétt hjálparhönd alþýðu
manna um allan heim, sem enn
býr við kúgun, ofbeldi og arðrán.
ÁRNESINGAR!
Fundur um byggðamál í Aratungu á fimmtudagskvöld
Samband ungra framsóknarmánna heldur fund um Byggðastefnu SUF í Aratungu fimmtudaginn
8. marz n.k. og hefst fundurinn kl. 21 með ávarpi formanns SUF.
Framsögumenn: Eggert Jóhannesson, Jóhann Antonsson og Ólafur Ragnar Grímsson.
Fundarstjóri: Guðni Ágústsson, formaður FUF í Árnessýslu. Fundurinn er öllum opinn.
Forráðamönnum sveitarfélaga í Arnessýslu og ýmissa félagssamtaka er boðið á fundinn.
Stjórn SUF