Fréttablaðið - 04.01.2005, Síða 4

4 4. janúar 2005 ÞRIÐJUDAGUR
AFHENTI LYKLA OG LUKKUGRIP
Tinna Gunnlaugsdóttir tók við starfi þjóðleikhússtjóra í gær. Við þetta tilefni gaf Stefán
Baldursson, fráfarandi þjóðleikhússtjóri, henni lukkugrip, lítinn þríhöfða þurs, sem hann
keypti í Noregi fyrir nokkrum árum. Þjóðleikhúsið var þá á leikferðalagi í Björgvin og
keypti Stefán gripinn rétt áður en lagt var af stað heim. Þegar vélin var nýlögð af stað var
henni snúið við og lent í Osló þar sem farþegunum var sagt að hún hefði misst nokkra
lítra af olíu. Upp frá því leit Stefán svo á að um lukkugrip væri að ræða og gaf henni í
upphafi starfsferils hennar í Þjóðleikhúsinu.
ÓVEÐUR Hús hafa verið rýmd í Bol-
ungarvík, Hnífsdal, Ísafirði og Pat-
reksfirði vegna hættu á snjóflóðum.
Sólarhringsvakt er á Veðurstofunni
vegna hættunnar. Hún taldi ekki
tímabært að hleypa fólkinu heim í
gærkvöld. Aðstæður verða endur-
skoðaðar í dag. Snjóathugunarmenn
fylgjast með fannferginu á Vest-
fjörðum.
Alls hefur 38 manns verið gert
að yfirgefa heimili sín á Ísafirði, í
Hnífsdal, Dýrafirði og Önundar-
firði. Snjóflóð féllu á snjóflóðavarn-
argarð við sorpeyðingarstöðina
Funa í Engidal, skammt frá Ísafirði,
á aðalgötu bæjarins, Skutulsfjarð-
arbraut, á Hnífsdalsveg og við hest-
húsahverfið í Hnífsdal. Á miðnætti
var umferð um aðalgötuna lokað
samkvæmt upplýsingum almanna-
varnarnefndar bæjarins. Hún ráð-
leggur fólki að vera ekki á ferli.
Á Patreksfirði fóru um áttatíu
manns frá tuttugu heimilum sínum.
Hefill keyrir á undan lögreglunni á
staðnum þegar hún þarf að komast
leiðar sinnar um ófærar götur bæj-
arins. Lögreglan segir fólk flest
gista hjá vinum og vandamönnum
en fjöldahjálparstöð hafi verið kom-
ið á fót í félagsheimilinu. Björgun-
arsveit bæjarins hafi verið kölluð á
Klettháls þar sem fólksbíll og jepp-
lingur komust ekki leiðar sinnar.
Þeir hafi verið dregnir heim.
Í Bolungarvík voru sjö hús
rýmd. Jónas Guðmundsson lög-
reglustjóri, sem setu á í almanna-
varnanefnd, segir að samkomulag
hafi náðst við íbúana tuttugu. Sumir
þeirra höfðu deginum áður neitað
að yfirgefa hús sín.
Auk snjóflóðahættunnar á Vest-
fjörðum var rafmagnslaust á
Barðaströnd um nokkurra klukku-
stunda skeið. Flutningabíll Kaup-
félags Steingrímsfjarðar sat fastur
um eina og hálfa klukkustund við
Broddanes á Ströndum og mokstri
Vegagerðarinnar þar var hætt.
Hjörleifur Ólafsson hjá Vega-
gerðinni segir blindbyl og gríðar-
legt fannfergi á Vestfjörðum. Vegir
séu nær allir ófærir. Stefnt verði að
mokstri en ólíklegt sé að af því
verði eins og spáin sé. Veðurstofan
spáir ofankomu á Ísafirði fram á
fimmtudag. - gag@frettabladid.is
Austur-Húnavatnssýsla:
Rútur fengu
aðstoð í byl
ÓVEÐUR Fimmtán björgunarsveitar-
menn á sérútbúnum björgunar-
sveitarbílum frá þremur sveitum í
Húnavatnssýslu aðstoðuðu rútur
Norðurleiða og fólksbíla í gegnum
Víðidal í Húnavatnssýslu í gær.
Hilmar Frímannsson, formaður
svæðisstjórnar björgunarsveita á
svæði níu, segir veðrið hafa verið
snarvitlaust frá Gljúfrárbrú á
sýslumörkunum og yfir í Víðihlíð.
Ásgeir Yngvason, bílstjóri Norð-
urleiða, var síðdegis um fjóra tíma á
eftir áætlun á leið til Akureyrar
með þrjátíu og sex farþega og taldi
enn þrjá tíma eftir. „Fólkinu líður
vel. Við stoppuðum tvo tíma í Stað-
arskála og svo aftur í Víðihlíð,“
sagði hann. - gag
Stundar þú líkamsrækt?
Spurning dagsins í dag:
Fórst þú á áramótabrennu?
Niðurstöður gærdagsins
á visir.is
56%
44%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Heilbrigðisráðuneytið:
Samið við
lækna
HEILBRIGÐISMÁL Samninganefnd
heilbrigðismálaráðherra og fulltrú-
ar Íslenska bæklunarlæknafélags-
ins hafa gert nýjan samning um
greiðslur fyrir bæklunarlækningar
sjúkratryggðra samkvæmt lögum
um almannatryggingar.
Samningurinn tekur til læknis-
verka sjálfstætt starfandi bæklun-
arlækna. Hann gildir frá 1. janúar
2005 til 31. mars 2008 og er efnis-
lega í samræmi við nýgerðan samn-
ing við aðra klíniska sérfræði-
lækna. Með samningnum við bækl-
unarlækna eru allir samningar við
klíníska sérfræðilækna í höfn. ■
Forsetakosningar:
Mesic með
mest fylgi
KRÓATÍA, AP Stipe Mesic, forseti
Króatíu, sagðist í gær sannfærður
um að hann myndi ná endurkjöri
eftir að hann
fékk mest
fylgi í forseta-
kosningum á
sunnudag.
Mesic var
hársbreidd frá
því að fá
meirihluta at-
kvæða. Þar
sem það tókst
ekki verður
kosið á ný á
milli hans og
J a d r a n k a s
Kosor, varaforsætisráðherra
Króatíu, 16. janúar. Mesic segir að
aðalverkefnið verði að tryggja
Króatíu aðild að Evrópusamband-
inu. „Við munum í sameiningu
byggja nútímalega, evrópska
Króatíu.“
Mesic fékk rétt tæplega 49
prósent atkvæða en Kosor rúm 20
prósent. ■
Írak:
Sjö látast í bíl-
sprengjum
HRYÐJUVERK Sex íraskir öryggis-
verðir og einn óbreyttur borgari lét-
ust í tveimur bílsprengingum í Írak
í gær. Þrjátíu og níu særðust. Bíll
var sprengdur upp nærri höfuð-
stöðvum flokks Ayads Allawi for-
sætisráðherra í Bagdad og létust
þrír og tuttugu og fimm særðust.
Síðari árásin var í borginni
Balad, norður af Bagdad. Þar létust
fjórir íraskir þjóðvarðliðar og 14
særðust. Ökumaður bifreiðar sem
var sprengd í loft upp, hlaðin
sprengiefni, lést einnig í árásinni. ■
Háskólabíó vi› Hagatorg I Sími 545 2500 I sinfonia@sinfonia.is I www.sinfonia.is
Hljómsveitarstjóri ::: Michael Dittrich
Einsöngvari ::: Ingveldur Ýr Jónsdóttir
HÁSKÓLABÍÓI, MIÐVIKUDAGINN 5. JANÚAR KL. 19.30 – ÖRFÁ SÆTI LAUS
FIMMTUDAGINN 6. JANÚAR KL. 19.30 – ÖRFÁ SÆTI LAUS
FÖSTUDAGINN 7. JANÚAR KL. 19.30 – ÖRFÁ SÆTI LAUS
LAUGARDAGINN 8. JANÚAR KL. 17.00 – UPPSELT
Græn tónleikaröð #3
Óðum að seljast upp
á Vínartónleikana!
Ef að líkum lætur verða miðar á hina sívinsælu
Vínartónleika Sinfóníuhljómsveitar Íslands ófáanlegir innan skamms.
Enda ekki von, Vínartónleikarnir eru ávallt hátíðlegir og skemmti-
legir og í ár eru gestir Sinfóníunnar ekki af verri endanum:
Ingveldur Ýr Jónsdóttir, mezzósópran-söngkonan fjölhæfa og þýski
Strauss-sérfræðingurinn og hljómsveitarstjórinn Michael Dittrich.
Lögreglan í Búðardal:
Fær nýja
bifreið
LÖGREGLUMÁL Lögregluembættið í
Búðardal fékk nýja bifreið í vik-
unni. Bifreiðin er sömu tegundar
og sú sem skemmdist við lögreglu-
útkall að bænum Ásum í Saurbæj-
arhreppi um miðjan desember.
Samkvæmt upplýsingum lög-
reglunnar í Búðardal er bifreiðin
ekki ný heldur kemur hún notuð
frá bílamiðstöð Ríkislögreglu-
stjóra.
Lögreglan hefur ekki verið bíl-
laus, heldur fékk lánsbíl frá lögregl-
unni í Borgarnesi. Nýja bifreiðin af
tegundinni Trooper er sem stendur
á verkstæði í almennri viðhalds-
skoðun. - gag
FR
ÉT
TA
B
LA
Ð
IÐ
/E
.Ó
L.
ÓVEÐUR VÍÐA UM LAND
Víða um land var óveður og ófærð. Björgunarsveitir voru kallaðar til aðstoðar fólki á ferð
um landið. Á Vestfjörðum var veðrið verst. Í Reykjavík var mikið um leysingar og hér sést
borgarstarfsmaður hreinsa frá niðurföllum.
FR
ÉT
TA
B
LA
Ð
IÐ
/V
IL
H
EL
M
Hríðarbylur og
snjóflóð vestra
Allt að 140 manns yfirgáfu heimili sín á Vestfjörðum vegna hættu á snjóflóð-
um. Blindbylur var á svæðinu. Tveir fólksbílar voru sóttir á Klettháls. Ófært
er milli allra þéttbýlisstaða og óvíst með mokstur.
YFIRLIT ÁSTANDS
GÆRDAGSINS:
Ófært milli alla þéttbýlisstaða Vest-
fjarða
Ófært frá Hólmavík að Brú
Blindhríð í Víðidal í A-Húnavatns-
sýslu
Ófært milli Dalvíkur og Ólafsfjarðar
Ófært til Siglufjarðar
Afar hált á Vesturlandi
Þung færð milli Dalvíkur og Akureyrar
Hált í kringum Egilsstaði, færð að
spillast um þjóðveg eitt til Akureyrar
Óveður á Fjarðarheiði milli Egils-
staða og Seyðisfjarðar
Oddsskarð þungfært
Vatnsskarð ófært
* Upplýsingar lögreglu og Vegagerðar
Sæmundur Pálsson:
Hugleiðir
Japansför
UTANRÍKISMÁL Ekki er von á svari frá
japönskum stjórnvöldum varðandi
mál skákmeistarans Bobby Fischer
fyrr en í fyrsta lagi í dag, fyrsta
virka dag eftir áramót ytra, að sögn
Sæmundar Pálssonar, vinar
Fischers.
„Í augnablikinu er málið í far-
vegi okkur í vil,“ segir Sæmundur
og vill sjá til hvort ekki kemur bráð-
lega svar frá japönskum stjórnvöld-
um varðandi Fischer. Hann útilokar
þó ekki, verði dráttur á viðbrögðum
ytra, að halda til Japans með hópi
kvikmyndagerðarmanna í von um
að vera þeirra gæti orðið til að
þrýsta á um úrlausn mála. - óká
LANDI Í ELLIÐAÁRDAL Þrír stórir
plastpokar með 39 lítrum af landa
fundust í Elliðaárdal um miðjan
nýársdag. Tilkynning barst lög-
reglunni í Reykjavík um landann,
sem var í eins lítra flöskum. Lög-
reglan rannsakar málið.
■ LÖGREGLUFRÉTTIR
STIPE MESIC
Forseti Króatíu var
hársbreidd frá því að
ná endurkjöri í fyrstu
tilraun. Kosið verður
að nýju 16. janúar.