Fréttablaðið - 04.01.2005, Blaðsíða 10

10 4. janúar 2005 ÞRIÐJUDAGUR
PRINSESSA TRÚLOFAR SIG
Sayako prinsessa í Japan, sem er 35 ára
gömul, tilkynnti á blaðamannafundi
trúlofun sína og Yoshiki Kuroda, 39 ára
borgarstarfsmanns af almúgaættum, sem
er í forgrunni á myndinni hér að ofan.
Blaðamannafundurinn fór fram í húsnæði
keisarafjölskyldunnar í Tókýó og batt enda
á áralangar umræður um mögulega
vonbiðla prinsessunnar.
Upplýsingum ekki safnað á einn stað sé fólk án heimilislæknis:
Allt að fjögur þúsund manns án læknis
HEILBRIGÐISMÁL Á milli þrjú til fjög-
ur þúsund manns eru án heimilis-
læknis í Reykjavík, Kópavogi og á
Seltjarnarnesi. Guðmundur Einars-
son, forstjóri Heilsugæslunnar í
Reykjavík, segir að hjá heimilis-
lækni eigi að vera upplýsingar um
nánast öll samskipti sjúklinga við
heilbrigðiskerfið. Sé fólk án heimil-
islæknis sé ekki svo.
Guðmundur segir tíu af þrettán
heilsugæslustöðvum á svæðinu
geta tekið við beiðnum fólks um
lækni. Það eigi þó að geta sótt lækn-
isþjónustu á heilsugæslu síns hverf-
is þrátt fyrir að vera án heimilis-
læknis. Ný heilsugæslustöð í Salar-
hverfi í Kópavogi taki við skráning-
um víðar að en úr hverfinu:
„Hún réði kannski ekki við ef
allir þessir þrjú til fjögur þúsund
kæmu í einu þangað en þeir sem
beinlínis þurfa á þjónustu að halda
eiga að geta fengið skráningu.“
Ný heilsugæslustöð í Voga- og
Heimahverfi í Reykjavík og stækk-
un heilsugæslustöðvarinnar í Árbæ,
þangað sem íbúum Grafarholts sé
beint, leysi mesta vandann.
- gag
Meiri sala á gömlu
skrifstofuhúsnæði
Sprenging í nýbyggingum á skrifstofuhúsnæði síðastliðin fimm ár. Skriður á markaðnum
fyrir eldri eignir sem hafa lengi staðið auð. Allt að helmings verðmunur á fermetranum
eftir ástandi og staðsetningu.
HÚSNÆÐISMÁL Heilu hverfin eru að
byggjast upp í borginni af
splunkunýju atvinnuhúsnæði.
Samkvæmt tölum frá bygginga-
fulltrúa Reykjavíkurborgar kom
kippur í nýbyggingar á verslunar-
og skrifstofuhúsnæði árið 1999.
Það ár voru byggð 47.791 m2 af
slíku húsnæði, en til samanburðar
voru í kring um fimmtán þúsund
fermetrar byggðir á ári milli 1996
og 1998. Mest var byggt árið 2000,
eða 66.198 m2 en á síðasta ári var
þessi tala í 35.527 m2.
Ekki er gott að segja til um
hvað verður um húsnæðið sem
fyrirtækin flytja úr. Samkvæmt
Guðmundi Theodóri Jónssyni,
fasteignasala hjá Fasteignamark-
aðnum ehf. fer eftir staðsetningu
eignanna hvað um þær verður.
„Til dæmis verið að breyta eldra
skrifstofuhúsnæði víða um borg-
ina í íbúðir.“
Ekki hefur farið framhjá
mörgum að hingað til hefur
gengið illa að selja gamalt
skrifstofuhúsnæði. Gamla Mogga-
húsið við Ingólfstorg og DV-húsið
í Þverholti hafa til að mynda stað-
ið auð um langt skeið. Fasteigna-
sölum ber saman um að veruleg
aukning hafi verið í sölu á slíku
húsnæði. „Þessar eldri skrifstofu-
byggingar hafa margar hverjar
verið úr sér gengnar sem slíkar
og eitthvað hefur verið um að
fjárfestar hafi verið að kaupa
slíkar eignir á góðum stöðum og
gera þær samkeppnishæfar á ný,“
segir Guðmundur.
Eins og gefur að skilja er verð-
ið mjög mismunandi á atvinnu-
húsnæði eftir aldri, staðsetningu
og ástandi. „Munurinn getur verið
allt upp í helmingur. Eldra hús-
næði er í sumum tilvikum að selj-
ast á verðbilinu 100 til 125 þúsund
á fermetrann á meðan nýtt, vel
staðsett skrifstofuhúsnæði er að
seljast á allt að helmingi hærra
verði.“
- at
Spánn:
Nýburi út
um glugga
GLÆPIR Þrítug spænsk kona hefur
verið handtekin grunuð um að
hafa fleygt nýfæddum syni sínum
út um glugga íbúðar á þriðju hæð
í fjölbýlishúsi. Móðir konunnar og
systir voru einnig handteknar, að
sögn lögreglu í bænum Burjassot
nærri Valencia. Talsmaður
lögreglu segir ástæður verknað-
arins ókunnar. Naflastrengur
drengsins hafði ekki verið slitinn
af þegar drengnum var kastað út
um gluggann. Hann lenti á þaki
bifreiðar og þaðan á gangstétt.
Hann var með lífsmarki er
lögregla fann hann, en lést á
sjúkrahúsi skömmu síðar. ■
Skattlagning félaga:
Fá félög
greiða mest
SKATTLAGNING Tiltölulega fá félög
greiða bróðurpart opinberra
gjalda félaga til Ríkisskattstjóra
fyrir árið 2004. Af rúmlega þrjá-
tíu þúsund félögum á skrá voru
gjöld lögð á rétt rúmlega tuttugu
þúsund þeirra.
Á s t æ ð a n
fyrir því að
mörg félög
greiða ekki
opinber gjöld
er tvíþætt að
sögn Indriða H.
Þorlákssonar
r í k i s s k a t t -
stjóra. „Mörg
félaganna hafa
lágar tekjur,
skila ekki
hagnaði og
greiða því ekki
skatt,“ segir
Indriði. „Þar
fyrir utan eru
sum félaganna
ekki virk.“
Indriði bendir einnig á að sum
félög skili hagnaði en eigi yfir-
færanlegt tap frá fyrri árum. „Ef
félag hefur skilað tapi á fyrri
árum má færa tapið milli ára,“
segir Indriði og bætir við að slíkt
sé nokkuð algengt, sérstaklega í
sveiflukenndum rekstri. Þá skili
ný félög oft ekki hagnaði fyrstu
árin. „Þessi félög safna tapi og
greiða ekki skatt fyrr en búið er
að jafna út tapið,“ segir Indriði. ■
Sævar Karl
Bankastræti
ÚTSALAN HEFST
5. JANÚAR
Sævar Karl Bankastræti 7 Sími: 551 3470
www.saevarkarl.is
BYGGINGAFRAMKVÆMDIR,
VERSLUNAR- OG SKRIF-
STOFUHÚSNÆÐI Á HÖFUÐ-
BORGARSVÆÐINU
2003 35.527 m2
2002 55.361 m2
2001 30.820 m2
2000 66.198 m2
1999 47.791 m2
1998 15.981 m2
1997 17.487 m2
1996 13.533 m2
SVEITARSTJÓRNIR Framlög jöfnunar-
sjóðs sveitarfélaga vegna fram-
kvæmda í sveitarfélögum með
færri en tvö þúsund íbúa, við
grunnskóla, íþróttahús, sundlaug-
ar, leikskóla og vatnsveitur nema
147 milljónum á næsta ári sam-
kvæmt áætlun félagsmálaráðu-
neytisins.
Af þeim fær Kaldraneshrepp-
ur hæst framlög, eða nítján millj-
ónir. Einnig hefur verið samþykkt
að úthluta stofnframlögum sem
nema allt að 200 milljónum til
sveitarfélaga með fleiri en 2.000
íbúa. Þau eru ætluð til fram-
kvæmda við grunnskóla. Hæst
framlag fær Reykjavík, 77 millj-
ónir, og þar á eftir kemur Hafnar-
fjörður með 64 milljónir.
Þá munu framlög vegna nýbúa-
fræðslu nema allt að 67 milljónum
króna, greiðslur vegna húsaleigu-
bóta um 640 milljónum og jöfnun
fasteignaskatts einum milljarði
og sjö hundruð þúsund krónum. ■
Jöfnunarsjóður:
Tæpir þrír milljarðar
REYKJAVÍK
Borgin fær 77 milljónir króna úr jöfnunar-
sjóði sveitarfélaga vegna framkvæmda við
grunnskóla.
KB BANKI
Er eitt af fyrirtækjunum sem hafa flutt sig, í nýja byggingu við Borgartún.
AÐALSTRÆTI 6
Gamla Moggahúsið er dæmi um
skrifstofubyggingu á besta stað sem
erfiðlega hefur gengið að selja.
INDRIÐI H.
ÞORLÁKSSON
Ríkisskattstjóri segir
mörg félög eiga yfir-
færanlegt tap frá
fyrri árum.
HEILSUGÆSLAN Í SALARHVERFI
Getur bætt við sig fólki á lista heimilis-
lækna. Forstjóri Heilsugæslunnar í
Reykjavík segir brýnt að fólk hafi aðgang
að þeim. Margt fólk sé til dæmis tvíbókað
sem hindri að aðrir komist að.
AP
M
YN
D