Fréttablaðið - 05.01.2005, Page 18

Námskeið
Ætíð er þörf á nægri þátttöku til að námskeið séu haldin og því er mikilvægt að skrá sig sem fyrst
ef þú sérð námskeið sem þú ætlar þér á. Sum námskeið fyllast líka fljótt og þá er einnig gott að
hafa skráð sig tímanlega. Ef þú ert óviss um hvort þú ætlir að sækja námskeiðið eða ekki skaltu
láta vita af því þegar þú skráir þig að það sé möguleiki á því að þú hættir við.[
Dyslexía – hvað er til ráða?
Margar leiðir eru til þess að auðvelda nemendum með dyslexíu lífið - bæði heima og í skólanum.
Jónas Halldórsson sálfræðingur hefur unnið mikið
með börnum og unglingum með dyslexíu. Hann
segir mikilvægt að greina dyslexíu sem allra fyrst
vegna þess að því fyrr sem greining liggur fyrir og
markviss íhlutun hefst þeim mun auðveldara sé að
ná tökum á vandanum. Með sérhæfðri meðferð,
stuðningi og skilningi er hægt að byggja upp sjálfs-
traust, bæta líðan og hvetja viðkomandi. Þá þurfi
að nálgast námsefnið úr mörgum áttum og nýta
mismunandi skynjunarleiðir og minnisþætti.
Krefst sú kennsla og þjálfun handleiðslu sérmennt-
aðs sérkennslu- og meðferðaraðila sem þekkir þær
aðferðir og rannsóknir sem hafa sýnt að gagnist.
En hvað geta foreldrar gert til að hjálpa barni
sem glímir við þennan vanda?
Hvað heimavinnuna varðar er nauðsynlegt að
lesa fyrir barnið, útskýra orð, ræða námsefnið og
hlýða yfir. Auka þarf markvisst þekkingar- og
orðaforða með utanbókalærdómi og nýta aðferðir
minnistækni í því samhengi. Mælt er með góðum
bókmenntum undir handleiðslu í þeim tilgangi að
styrkja orðaforða, málsskilning og máltjáningu. Til
að auka skilning er tilvalið að ræða fréttir og þætti
úr daglegu lífi. Lestur og skrift er nauðsynlegur
allt árið um kring, hæfilega lengi í senn. Gott er að
nýta ritvinnslu í tölvu við lestrar- og stafsetningar-
námið og þá er gott að tengja námið við áhugasvið
barnsins.
Hvað geta kennarar gert til að auðvelda nám
nemanda með dyslexíu?
Nauðsynlegt er að kennarinn geri sér grein
fyrir vandamáli nemandans, viðurkenni það og
leggi sitt af mörkum til að hjálpa honum. Nýta
þarf aðferðir námstækni til að vinna gegn áhrif-
um athygli- og úthaldsvanda. Það er því nauðsyn-
legt fyrir kennarann að nota fjölbreyttar kennslu-
aðferðir, hefðbundnar aðferðir í bland við aðrar,
svo sem nýtingu tölvu og segulbands við verk-
efnavinnu í kennslustundum. Þá þarf hann að
huga að því að hafa verkefnin hæfilega löng og
vel skipulögð. Nálgast þarf námsefnið úr mismun-
andi áttum, varast skal að byggja um of á veik-
leikum og reyna að kenna nemandanum í gegnum
styrkleika hans. Kennarinn þarf að nýta námsefni
og bókmenntir á snældum og einnig þau kennslu-
forrit í tölvu sem þjálfa þætti eins og stafsetningu
og málfræði. Þá er nauðsynlegt að nemandinn
komi þekkingu sinni á framfæri í prófum, tími
þarf að vera nægur, aðstæður rólegar og stuðn-
ingur nálægur. ■
Aukin ökuréttindi
Nú er rétti tíminn til að afla sér nýrra atvinnumöguleika !
Kennt er á leigu-, vöru- og hópferðabifreið,
einnig vörubifreið með eftirvagni.
Skólinn býður uppá nútíma kennsluaðstöðu og reynda kennara.
Innritun alla miðvikudaga, áfangakerfi.
Einnig eru í boði námskeið í vistakstri fyrir einstaklinga
og hópa.
Sími 567-0300
Þarabakka 3 109 Reykjavík
Netfang mjodd@bilprof.is
www.bilprof.is
LJÓSMYNDANÁMSKEIÐ
Fyrir stafrænar vélar og filmuvélar
Námskeiðin eru haldin að Völuteigi 8, Mosfellsbæ.
Leiðbeinandi Pálmi Guðmundsson
10. janúar 8 vikna Mánudaga kl. 17-19 ( Stafrænt)
10. janúar 8 vikna Mánudaga kl. 20-22 ( Stafrænt)
12. janúar 8 vikna Miðvikudaga kl. 17-19 ( Stafrænt)
12. janúar 8 vikna Miðvikudaga kl. 20-22 ( Stafrænt)
13. janúar 8 vikna Fimmtudaga kl. 17-19 ( Filma)
13. janúar 8 vikna Fimmtudaga kl. 20-22 ( Filma )
HELGANÁMSKEIÐ
Fyrir stafrænar vélar
8. - 9. janúar
15. - 16. janúar
12. - 13. febrúar
19. - 20. febrúar
FJARNÁMSKEIÐ
Fyrir stafrænar vélar og filmuvélar
Nánari upplýsingar og skráning á www.ljosmyndari.is
Eða í síma 898-3911
]
FR
ÉT
TA
B
LA
Ð
IÐ
/V
AL
LI
Helstu einkenni dyslexíu:
Erfiðleikar við lestur, lestur mjög hægur og hikandi
Ruglar stöfum, sleppir úr stöfum og jafnvel heilum orðum
Þekkir ekki orð í texta, snýr við orðum
Endurtekur oft orðhluta, orð og setningar
Erfiðleikar í stafsetningu og hljóðvillur algengar
Greinir ekki mun á líkum hljóðum svo sem smíða/sníða
Erfiðleikar við að stafsetja einföld orð
Stafavíxl og brottfallnir eða viðbættir stafir
Erfiðleikar við að tjá hugsanir með orðum
Orsakir dyslexíu:
Skert hljóðkerfisvitund, þ.e. erfiðleikar við að vinna úr hljóð-
rænum áreitum (umskráningarerfiðleikar).
Misstór heilahvel. Hjá fólki sem er ekki með dyslexíu eru
vinstra og hægra heilahvel jafnstór en hjá fólki með dyslexíu
eru heilahvelin misstór. Ósamhverf heilahvel virðast því vera
forsenda fyrir þroska hljóðkerfisvitundar en vinstra heilahvel er
nátengt málhæfninni.
Langvarandi eyrnabólgur geta gert það að verkum að ung
börn eiga erfitt með að greina milli hljóða sem eru lík.
Dyslexía verður ekki rakin til einnar orsakar heldur er um
orsakasamhengi fleiri þátta að ræða. Fræðimenn telja fleiri
orsakaþætti eigi eftir að koma í ljós með nýjum rannsóknum.
Rannsóknir benda til að dyslexía sé ættgeng og að tíðni
dyslexíu innan fjölskyldna þar sem einhver hefur greinst með
dyslexíu sé meiri en annars mætti gera ráð fyrir.
Sjálfstraustið eflt í Sönglist
Námskeiðin enda með sýn-
ingu í Borgarleikhúsinu.
Söng- og leiklistarskólinn Söng-
list er með innritun þessa dagana
á námskeið vorannar sem hefjast
10. janúar. Skólinn er til húsa
í Borgarleikhúsinu og aðal-
kennslugreinar eru söngur og
leiklist bæði fyrir byrjendur og
lengra komna. Nemendur eru á
aldrinum 7-19 ára og er þeim
skipt í hópa eftir aldri og getu
að sögn Ragnheiðar Hall söng-
kennara sem er stofnandi skól-
ans ásamt Erlu Ruth Harðardótt-
ur leikkonu.
„Þetta eru 12 vikna námskeið,
24 tíma, það er semsagt kennt
tvisvar í viku, tvo tíma í senn.
Annar tíminn er söngtími og hinn
leiklistar,“ útskýrir Ragnheiður
og bætir því við að unnið
sé markvisst að því að virkja
sköpunarkraft nemenda og efla
sjálfstraust þeirra.
Námskeiðin enda með nem-
endasýningu í 13. viku sem hald-
in er á nýja sviðinu í Borgarleik-
húsinu. Þá fær hver nemandi að
syngja sitt besta lag og taka þátt
í söngleik. Svo það er mesta fjör
í Sönglist enda aðsóknin góð. ■
Hér syngur Helena Kjartansdóttir
af innlifun í Sönglist.
Talið er að um 10 prósent allra nemenda í íslenskum skólum glími við dyslexíu. Afleiðingar
hennar geta verið alvarlegar og má þar nefna lágt sjálfsálit, áhugaleysi, uppgjöf eða reiði
nemandans sjálfs eða misskilning, fordóma og stríðni annarra.