Fréttablaðið - 05.04.2005, Page 2

2 5. apríl 2005 ÞRIÐJUDAGUR
Stóriðjuáhugi Skagfirðinga:
Fleiri andvígir álveri en fylgjandi
IÐNAÐUR „Þetta eru svipaðar nið-
urstöður og ég átti von á og mót-
staða Skagfirðinga við álver
kemur ekkert á óvart,“ segir Ár-
sæll Guðmundsson, sveitar-
stjóri Skagafjarðar, en á fundi
sem Valgerður Sverrisdóttir,
iðnaðar- og viðskiptaráðherra,
hélt á Sauðárkróki í gærkvöldi
kom fram að 45 prósent Skag-
firðinga eru á móti álversfram-
kvæmdum á svæðinu.
Könnunin var unnin af Gallup
fyrir tilstuðlan ráðherra en í
henni var spurt almennt um hug
íbúa í Skagafirði til stóriðjuupp-
byggingar. Rúm 37 prósent íbú-
anna er hlynnt álveri í Skaga-
firði meðan 45 prósent eru á
móti. Afstaðan breyttist þegar
spurt var um vatnsaflsvirkjun,
55 prósent eru hlynnt slíkri
framkvæmd en 37 prósent á
móti. 53 prósent íbúa er hlynnt-
ur álveri annars staðar í fjórð-
ungnum.
- aöe
Nautgripabændur í mjólkurframleiðslu:
Fá rúma fjóra milljarða í styrki
LANDBÚNAÐUR 854 bændur deila með
sér 4,2 milljörðum króna sem
greiddir eru í beingreiðslur vegna
mjólkurframleiðslu. Það þýðir að
hver og einn fær að meðaltali sem
nemur 4,9 milljónum króna í beina
ríkisstyrki á ári hverju.
Nýja mjólkursamlagið Mjólka,
sem hyggst framleiða osta, stendur
utan þessa kerfis. Það hefur orðið til
þess að Þórólfur Sveinsson, formað-
ur Landssambands kúabænda hefur
lýst efasemdum um hvort starfsemi
Mjólku sé lögleg þar sem lög kveði
á um að kúabændur fái greiddar
ákveðnar beingreiðslur og geti
framleitt fyrir innlendan markað
sem því nemur en verði að flytja
umframframleiðslu til útlanda á
lægra verði.
„Það er mjög langsótt að hann
taki eitthvað á þessu máli,“ segir
Ólafur M. Magnússon, fram-
kvæmdastjóri Mjólku, um dóm sem
Þórólfur hefur vísað til. „Ég skil
ekki alveg hvernig þeir geta dregið
samnefnara þarna á milli.“
Haustið 2003 lét Fréttablaðið
reikna fyrir sig hversu mikið þeir
bændur sem fá mest og minnst í
sinn hlut fengu greitt ár hvert. Þeir
fimm sem hæstar greiðslur fengu
voru með 15,5 milljón króna að með-
altali en bændurnir fimm á hinum
endanum fengu 350 þúsund krónur
að meðaltali. Síðan þá hefur bænd-
um fækkað en greiðslur hækkað.
- bþg
Deilt á ríkisstjórn
vegna sölu Símans
Stjórnarandstaðan gagnrýndi harðlega fyrirætlun ríkisstjórnarinnar að selja
Símann með grunnnetinu. Halldór Ásgrímsson kynnti sölufyrirkomulagið á
Alþingi í gær og varði að grunnnet Símans skuli selt með fyrirtækinu.
SÍMINN „Ákveðið hefur verið að
selja hlut ríkisins í Símanum í
einu og heilu lagi einum hóp kjöl-
festufjárfesta,“ sagði Halldór Ás-
grímsson forsætisráðherra á Al-
þingi í gær er hann kynnti skýrslu
framkvæmdanefndar um einka-
væðingu varðandi sölu á Síman-
um.
Össur Skarphéðinsson, for-
maður Samfylkingarinnar, spurði
hvað valdi því flókna kerfi um
eignarhald á þeim hópi sem má
kaupa Símann. „Af hverju þurfa
það að vera þrír aðilar að minnsta
kosti sem kaupa Símann? Er svar-
ið kannski það að með því sé verið
að hámarka líkurnar á því að ýmis
vildarfyrirtæki sem standa í
skjóli ríkisstjórnarinnar geti
komist að kjötkötlunum?“ Lúðvík
Bergsveinsson, þingmaður Sam-
fylkingarinnar, sagði að í við-
skiptalífinu væri þrálátur og
sterkur orðrómur að búið sé að
ákveða hverjir eigi að kaupa Sím-
ann.
Halldór gerði að umtalsefni
gagnrýni þeirra sem mótfallnir
eru því að selja Símann með
grunnnetinu: „Ríkisstjórnin hefur
lagst gegn því að aðskilja grunn-
netið frá Símanum á þeim for-
sendum að hvergi í Evrópu hafi
grunnnet verið aðskilið við einka-
væðingu fjarskiptafyrirtækja og
lagaumhverfið á Evrópska efna-
hagssvæðinu geri ráð fyrir sam-
keppni í rekstri grunnneta í fjar-
skiptageiranum. Nú síðast hefur
fallið um það úrskurður og fram-
kvæmdastjórn Evrópusambands-
ins hefur sent sænskum stjórn-
völdum rökstutt álit þess efnis að
Svíar uppfylli ekki skuldbinding-
ar sínar samkvæmt tilskipun sem
fjallar einmitt um samkeppni á
fjarskiptamarkaði,“ sagði Hall-
dór.
Össur sagði þetta ekki rétta
túlkun hjá forsætisráðherra. „Hið
rétta er að óheimilt er að veita
ríkisfyrirtæki eða öðru fyrirtæki
einkarétt á því að veita fjarskipta-
þjónustu eða grunnnetsþjónustu,“
sagði Össur. Hann benti jafnframt
á að framkvæmdastjórn Evrópu-
sambandsins hafi nýlega lagt
fram skýrslu þar sem bent var á
að ofurtök símafyrirtækja sem
búið er að einkavæða stafi af því
að þau hafa hin sterku tök sín á
markaðinum gegnum grunnnetið.
„Það er algert skilyrði hjá okk-
ur í Samfylkingunni að Síminn
verði ekki seldur nema grunnnet-
ið verði skilið frá,“ sagði Össur.
sda@frettabladid.is
STEINGRÍMUR J. SIGFÚSSON
Sagði ákvörðun um fyrirkomulag sölu Sím-
ans vera hrossakaup.
Steingrímur J.:
Hrossakaup
formanna
SÍMINN Steingrímur J. Sigfússon,
formaður Vinstri-grænna, sagði í
umræðum á Alþingi um sölu Sím-
ans að ríkisstjórnin væri að hanna
fákeppni. Hann benti jafnframt á
að meirihluti landsmanna væri
samkvæmt skoðanakönnunum á
móti því að selja Símann. Stein-
grímur benti á að í fjölmiðlum
hefði komið fram að Halldór og
Davíð hefðu handsalað samkomu-
lag um sölu Símans áður en einka-
væðingarnefnd skilaði niðurstöð-
um sínum. „Hér er á ferðinni
áframhaldandi hrossakaupafor-
ingjalýðræði í anda stjórnarflokk-
anna. Þetta er Írak-aðferðin,“
sagði Steingrímur J. - sda
ELDUR Í BÍLSKÚR Tilkynnt var
um eld í bílskúr að Birkihvammi
17 í Kópavogi seinnipartinn í
gær. Tókst greiðlega að slökkva
eldinn en talsverðar skemmdir
urðu á innanstokksmunum vegna
elds og sóts.
ÁRNI ÞÓR VIGFÚSSON
Ráðinn til starfa hjá 365 prent- og ljós-
vakamiðlum.
Fjölmiðlun
Árni Þór
til starfa
365 Árni Þór Vigfússon, fyrrum
sjónvarpsstjóri Skjás eins, hefur
verið ráðinn til starfa hjá 365. Hann
kemur til með að stýra sókn fyrir-
tækisins í fjölmiðlun ætlaðri ungu
fólki og kemur fyrirtæki hans 3
Sagas Entertainment að því starfi.
„Það eina sem ég get sagt á þess-
um tímapunkti er að þetta er virki-
lega spennandi verkefni sem við
hlökkum til að takast á við. Þetta
bar brátt að og við munum kynna
okkar sýn innan fárra vikna,“ er það
eina sem Árni Þór var reiðubúinn að
segja í gærkvöldi.
Árni Þór vinnur hvort tveggja
fyrir 365 ljósvakamiðla og 365
prentmiðla, sem gefa út Frétta-
blaðið. - bþg
■ LÖGREGLUFRÉTTIR
SEX BÍLAR Í ÁREKSTRUM Sex bílar
lentu í tveimur árekstrunum á mót-
um Njarðarbrautar og Grænásveg-
ar í Reykjanesbæ síðdegis í gær.
Fjórir bílar lentu saman í öðrum
árekstrinum en tveir í hinum. Eng-
inn meiddist en bílar skemmdust.
KEYRÐI Á KYRRSTÆÐAN BÍL Þrítug
kona keyrði aftan á kyrrstæðan bíl
í Njarðvík síðdegis í gær. Hún er
grunuð um að hafa ekið undir
áhrifum áfengis. Minniháttar um-
ferðaróhöpp urðu í Njarðvík og
Sandgerði skömmu eftir hádegi.
SPURNING DAGSINS
Óðinn, veitti Markús Örn
þér ráðningu?
„Nei. Hann réði mig og við róuðumst
báðir við það.“
Óðinn Jónsson er nýráðinn fréttastjóri fréttadeild-
ar Ríkisútvarpsins. Markús Örn Antonsson er
útvarpsstjóri.
Vinsælt námskeið um öll helstu grundvallaratriði stafrænna
myndavéla og meðferð stafrænna mynda í heimilistölvunni.
Næstu námskeið:
1. Föstudagana 8. og 15. apríl
kl. 17:30 – 21:30 báða dagana.
2. Laugardagana 9. og 16. apríl
kl. 13:00 – 17:00.
Innritun og upplýsingar
í síma 544 2210
Verð kr. 15.000,-
(Innifalin er ný kennslubók á íslensku).
Stafrænar myndavélar
H A G N Ý T T T Ö L V U N Á M
Faxafen 10 • 108 Reykjavík • Sími: 544 2210 • www.tsk.is • skoli@tsk.is
ÁRSÆLL GUÐMUNDSSON
Segir niðurstöður Gallup ekki koma á
óvart enda meirihluti íbúa á móti álvers-
uppbyggingu í héraðinu.
HALLDÓR ÁSGRÍMSSON Í RÆÐUSTÓL
Forsætisráðherra gerði þingheimi grein fyrir því hvernig staðið yrði að sölu Símans. Stjórn-
arandstæðingar gagnrýndu fyrirkomulagið og sögðu það til þess fallið að verðlauna vildar-
fyrirtæki stjórnarinnar.
KÝR Á BEIT
Kúabændur fá greitt fyrir hvern þann lítra sem þeir mega framleiða og selja
innanlands, samanlagt 4,2 milljarða.
Deilur í Festingu:
Lögbanni
frestað
VIÐSKIPTI Fulltrúi sýslumannsins í
Reykjavík frestaði í gær úrskurði
um lögbannsbeiðni á hlutafjáraukn-
ingu í Festingu, sem á og rekur fast-
eignir Essó og Samskipa. Verður
málið tekið fyrir næsta föstudag.
Meirihluti stjórnar Festingar
samþykkti að auka hlutafé 22. mars
gegn vilja meirihluta eigenda en í
samræmi við samþykktir aðalfund-
ar og náði þannig ítökum í félaginu.
Sigurður G. Guðjónsson hæsta-
réttarlögmaður lagði fram lausn á
málinu hjá sýslumanni fyrir hönd
sinna umbjóðenda. Hafa stjórnar-
menn í Festingu frest til föstudags
til að leysa málið. - bg
■ ELDSVOÐI
HALLDÓR SELDUR Ævisaga Hall-
dórs Laxness eftir Halldór Guð-
mundsson hefur verið seld til
Forlaget Vandkunsten í Dan-
mörku. Áður hefur bókin verið
seld til Þýskalands og Svíþjóðar.
■ ÚTGÁFA