Fréttablaðið - 19.04.2005, Blaðsíða 4

HEILBRIGÐISMÁL „Þetta er stór
vinnustaður og margar starfs-
einingar,“ sagði Oddur Gunnars-
son, lögmaður á skrifstofu
starfsmannamála á Landspítal-
anum. „Við vitum að því miður
koma aðstæður annað slagið
vegna mönnunar, þar sem fólki
líður illa vegna álags. Þá er það
stjórnenda að bregðast við og
reyna að jafna álagið. Það hefur
enginn hagsmuni af því að yfir-
keyra starfsemina.“
Forystumenn stéttarfélaga
hjúkrunarfræðinga, ljósmæðra
og sjúkraliða á Landspítalanum
segja starfsfólk kvarta undan
miklu vinnuálagi.
Oddur sagði að sparnaðarað-
gerðir á síðasta ári hefðu að
hluta beinst að því að minnka
yfirvinnu. Sums staðar kæmu
þær þannig út að fólk þyrfti að
leggja meira á sig en áður. Með
því að halda sama þjónustustigi
væri hætt við að sparnaðar-
aðgerðirnar gætu leitt til aukins
álags á starfsmenn. Landspítal-
inn hefði ekki haft sömu mögu-
leika og ýmsar aðrar stofnanir á
að draga úr þjónustu. Samdrátt-
ur í starfsemi hjá öðrum stofnun-
um í heilbrigðiskerfinu kynni að
leiða til aukins álags á Landspít-
alanum, sem væri yfirleitt enda-
stöðin í heilbrigðiskerfinu. Á
spítalanum væri starfsmönnum
og yfirmönnum nú boðin þjón-
usta til að aðstoða þar sem álag
og streita hrjáði fólk og gæti
truflað eðlilega starfsemi. Á ár-
inu 2003 hefði tekið til starfa
stuðnings- og ráðgjafateymi,
sem tæki á málum sem upp
kynnu að koma hjá einstökum
starfsmönnum og rekstrarein-
ingum. Í teyminu væru sálfræð-
ingar, félagsráðgjafar, prestar,
hjúkrunarfræðingar og geð-
læknir. Síðan væri allt frá árinu
2000 starfandi deild heilsu, ör-
yggis og vinnuumhverfis á skrif-
stofu starfsmannamála LSH sem
sinnti málum er varðaði líðan
starfsmanna. Eitt meginmark-
mið þeirrar deildar væri að
stuðla að öryggi, vellíðan og
ánægju í starfi.
„Það hafa verið tekin mark-
viss skref af hálfu spítalans til
að aðstoða fólk til að reyna að
mæta auknum kröfum til heil-
brigðisstarfsfólks um að sinna
sjúklingum sem eru veikari nú
en áður vegna skemmri legu-
tíma,“ sagði Oddur, „svo og auk-
inni vöktun samfélagsins á
hugsanlegum mistökum þess-
arra stétta í starfi.“
jss@frettabladid.is
KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
62,67 62,97
119,11 119,69
81,34 81,80
10,91 10,98
9,90 9,96
8,86 8,91
0,58 0,59
94,74 95,30
GENGI GJALDMIÐLA 18.04.2005
GENGIÐ
Heimild: Seðlabanki Íslands
SALA
112,01 +0,48%
4 19. apríl 2005 ÞRIÐJUDAGUR
Sameining heilsugæslustöðva:
Ekki í óþökk heimamanna
ALÞINGI Sameining heilsugæslu-
stöðva á höfuðborgarsvæðinu
verður ekki knúin fram með ráð-
herraskipun. Þetta kom fram í
svari Jóns Kristjánssonar heil-
brigðisráðherra við fyrirspurn
Guðmundar Árna Stefánssonar,
þingmanns Samfylkingarinnar, í
gær. Sagði Guðmundur að með
þessari breytingu yrðu heimilis-
hjálp og öldrunarþjónusta ekki
tengdar með sama hætti og fyrr.
Jón neitaði því þó að um stefnu-
breytingu væri að ræða af hans
hálfu. Ef sveitarfélög væru tilbúin
til þess á landsvísu að flytja mál-
efni heilsugæslu og öldrunarþjón-
ustu heim í hérað væru stjórnvöld
tilbúin til umræðu um þau mál.
Hann sagðist þó ekki sjá að það
væri mikil hreyfing á því máli um
þessar mundir.
Í máli heilbrigðisráðherra kom
fram að verið væri að skoða skipu-
lag heilbrigðisþjónustunnar á
landsvísu. Sameining heilsugæslu-
stöðva á Suðurlandi hefði reynst
vel og því verið settar fram hug-
myndir um svipaða sameiningu á
höfuðborgarsvæðinu. Þó svo að af
þessu yrði taldi hann það ástæðu-
laust að óttast að boðleiðir lengd-
ust eða þjónusta breyttist. Helst
væri það að sameinaðar heilsu-
gæslustöðvar gætu tekið myndar-
legar á stærri verkefnum. - ss
Aukið álag á starfsmenn
vegna sparnaðaraðgerða
Sparnaðaraðgerðir á Landspítala – háskólasjúkrahúsi hafa leitt til aukins álags á hluta starfsmanna.
Reynt er að aðstoða starfsfólk sem hrjáist af streitu og álagi.
HÆTT VIÐ ÞJÓÐARATKVÆÐI? Tony
Blair, forsætisráðherra Bret-
lands, ýjaði að því í gær að ef
Frakkar felldu stjórnarskrá Evr-
ópusambandsins í þjóðaratkvæða-
greiðslu væri í raun sjálfhætt við
slíka atkvæðagreiðslu í Bretlandi.
Stjórnmálaskýrendur telja að
Blair yrði frönsku nei-i feginn því
þá yrði skuldinni ekki skellt á
hann ef Bretar kysu á sömu leið.
BILIÐ EYKST Á MILLI FLOKKANNA
Skoðanakönnun ICM fyrir Daily
Mirror og ITV-sjónvarpsstöðina
frá því í gær sýnir sterka stöðu
Verkamannaflokksins fyrir kosn-
ingarnar 5. maí. 41 prósent að-
spurða kvaðst ætla kjósa Verka-
mannaflokkinn, 33 prósent
Íhaldsflokkinn og 20 prósent
Frjálslynda demókrata.
Eldgos á Kómoreyjum:
Engar fregnir
af manntjóni
NAIROBI, AP Þúsundir manna urðu að
flýja heimili sín á Kómoreyjum í
gær eftir að eldfjallið Karthala
byrjaði að gjósa. Ekki er þó talið að
nokkur sé í bráðri hættu.
Karthala er á Stóru-Kómoreyju
en eyjaklasinn er í vestanverðu Ind-
landshafi. Mikil gjóska steig upp af
2.361 metra háu fjallinu og varð
talsvert öskufall í nálægum byggð-
um. Tíu þúsund manns flýðu heimili
sín. Þegar leið á gærdaginn létti
hins vegar öskufallinu og gat þá
fólkið snúið aftur til síns heima.
Lítið tjón virðist hafa orðið á eigum
fólks og engar fregnir hafa borist af
mannfalli. ■
Heilbrigðiseftirlitið:
Ráðningu
frestað
BORGARMÁL Tillögu um að ráða Ár-
nýju Sigurðardóttur forstöðu-
manns heilbrigðiseftirlits var
frestað á fundi Umhverfisráðs
Reykjavíkurborgar í gær eftir að
sjálfstæðismenn óskuðu eftir áliti
borgarlögmanns á nýju skipuriti
Umhverfissviðs.
Í bókun sjálfstæðismanna
segir að samkvæmt nýju skipuriti
verði ráðinn sérstakur forstöðu-
maður yfir heilbrigðiseftirliti en
sviðsstjóri Umhverfissviðs verði
framkvæmdastjóri heilbrigðis-
eftirlitsins. Mikilvægt sé að fá úr
því skorið hvort þetta fyrirkomu-
lag standist lög um hollustuhætti
og mengunarvarnir. - ss
■ LÖGREGLUFRÉTTIR
■ BRETLAND
HEILBRIGÐISMÁL Samanburður sem
sviðsstjórar Landspítala – háskóla-
sjúkrahúss hafa
gert á fjarvistum
starfsmanna spít-
alans í janúar og
febrúarmánuði í
fyrra og á sama
tíma í ár sýndu að
umtalsvert meira
var um veikindi
starfsmannanna í
ár en í fyrra, að
sögn Eydísar Sveinbjarnardóttur,
starfandi hjúkrunarforstjóra. Hún
sagði því ekki að neita að mikið
vinnuálag væri á spítalanum.
„Þessi veikindi innan spítalans
endurspegla ástandið eins og það
hefur verið í samfélaginu,“ sagði
Eydís. „Umgangspestir svo sem
flensan, kvef og magapestir hafa
komið hart niður á starfsfólkinu í
ár og það þýðir að þá er verið að
biðja það að vinna meira en í
venjulegu árferði. Það lendir á
hinum sem uppi standa, auk þess
sem fólk hefur kannski verið að
koma hálflasið til vinnu til að fjar-
vera þess bitnaði ekki á starfs-
félögunum.“
Eydís sagði að almennt talað
hefðu afköst spítalans verið að
aukast á undanförnum misserum,
en ekki hefði verið bætt við vinnu-
afli í takt við það. Ef slæmt ástand
myndaðist á einhverri tiltekinni
deild vegna mönnunar væri mark-
visst gengið í að laga það. - jss
HUGMYNDIR SETTAR FRAM
Jón Kristjánsson sagði á alþingi í gær að
hugmyndir um sameiningu heilsugæslu-
stöðva á höfuðborgarsvæðinu hefðu ein-
ungis verið settar fram til umræðu.
LANDSPÍTALINN
Starfsfólk sem rætt hefur við Fréttablaðið og borið sig illa undan því álagi sem það sé
undir á vinnustað nefnir oft „kulnun í starfi“ sem það segist vera farið að finna fyrir.
EYDÍS SVEIN-
BJARNARDÓTTIR
Hjúkrunarforstjóri.
Auknar fjarvistir hafa aukið álagið
SLUPPU ÁN MEIÐSLA Engin
meiðsl urðu á fólki þegar Bronco-
jeppa var ekið framan á strætis-
vagn á gatnamótum Tómasar-
haga og Dunhaga í gærmorgun.
Jeppinn skemmdist nokkuð en
strætisvagninn lítið.