Atuagagdliutit - 03.06.1987, Side 3

NR. 23 1987
ATUAGAGDLIUTIT/GRØNLANDSPOSTEN
3
Inatsisartuni ilaasortat arfineq-marluk
arfmeq-pingasulluunniit
Siumut LA.-lu suli isumaqatigiinngillat
Naalakkersuisuni ilaasortat arfineq-pingasuunissaat akuersissutigisinnaavarput, arfinillit uagut pissagutsigit, Siumup siulersuisuunerinut
qanittut ilaat taama oqarsimaneraavoq
Siumut Inuit Ataqatigiillu naalak-
kersuisunngortitseqatigiinnissartik
pillugu sapaatiummat, ataasingor-
mat marlunngormaliu isumaqati-
giinniarput. Naqitingajalernitsin-
nilu suli angusaqarsimanngillat, i-
sumaqatigiinngissutigineqartuar-
poq naalakkersuisunngortussat
qassinik ilaasortaqassanersut. Siu-
mup kissaatigaa naalakkersuisun-
ngortussat arfineq-marlunnik ilaa-
sortaqassasut, Inuit Ataqatigiilii
arfineq-pingasuunissaat kissaati-
galugu. I.A. piumasaraa arfineq-
pingasut ilaat pingasut namminneq
piumallugit. Arfineq-marluunis-
saat Siumup manna tikillugu aala-
jangiusimasimagaluarpaa, tusar-
fiilli Siumup siulersuisuunerinut
qanittut oqaatigaat arfineq-pinga-
suunissaat Siumup akuersaarumal-
lersimagaa. — Kisiannili piumasa-
ralugu inissat arfinillit Siumup pis-
sagai.
Siumup I.A.-llu suleqatigiinnis-
saannut ajornartorsiutaasup taas-
sumap kingulliugunartup — qaa-
ngerneqannginnerani I.A.-p kis-
saatigaa partiip siulersuisuunerini
ilaasortat tamarmik Nuummut ka-
tersuuteqqaarallassasut. Taman-
nalu aatsaat pisinnaavoq ippassaq
marlunngornerup ingerlanerani.
Taamaattumillu isumaqatigiinni-
arnerit naammassiniarneqarnissaat
kinguartinneqarsimavoq marlun-
ngornermi pingasuniit ullumi, pi-
ngasunngornermi, nalunaaqutaq
aqqanernut.
Siumup ministerinngortinniagai
Naalakkersuisunngortitsiniarner-
mi ministerissatut siunnersuutigi-
neqartut aternik nutaanik pingasu-
nik ilaqarput, Siumullu taakkua i-
sumaqatigiinniarnermi siusissuk-
kulli saqqummiuppai. Tassalu sa-
vaatillit siunnersortaat Kaj Egede,
Upernaviarsuk, piniartoq Pavia
Nielsen, Uummannaq, Inatsisartu-
nut qinigaaqqinngitsoortoq, kat-
tuffiullu siulittaasua Jens Lyberth,
Inatsisartunut qinigaasoq, aamma-
lu qinersisoqarnissaali sioqqullugu
Inatsisartuni ilaasortassatut taatsi-
arneqartalereersoq.
Siumup naalakkersuisuni ilaa-
sortanngortinniagai makkuupput:
JONATHAN MOTZFELDT naa-
lakkersuisunut Siulittaasuuginnar-
tussaq, ilanngullugilli akisussaaffi-
gilissallugit piorsarsimassutsimut i-
lageeqarnermullu tunngasut. KAJ
EGEDE Moses Olsen kingoraarlu-
gu Inuutissarsiutinut Suliffissua-
qarnermullu naalakkersuisunngor-
tussaq, taamalu oqartussaaffigilis-
sallugit aalisarnikkut inuutissarsi-
ornermik naalakkersuinikkut aqut-
sineq. Jens Lyberth Kaj Egede-
tuulli ministerinngortussatut piuk-
kunneqartareernikkuvoq. HANS-
PAVIA ROSING inatsisartunut qi-
nigaanngikkaluarpoq, aningaasa-
qarnermulli naalakkersuinikkut
qullersaanermini ima ingerlatsillu-
arsimatigaaq, allaat Siumup kis-
saatigalugu ingerlaannassasoq. Si-
umullu isumaqarpoq aningaasa-
qarneq piinnarnagu aammali piler-
saarusiorneq aqutarissagaa. PA-
VIA NIELSEN Uummannami qi-
nigaalluni ilaasortaasareernikku-
voq taamaattumillu ajornartorsiu-
tit isorliunerusunut tunngasut ta-
kornartarinagit. Nunaqarfinnut i-
sorliunerusunullu tunngasut Siu-
mup taassumunnga suiiassissuti-
gai, tassanilu taarsissavaa Hendrik
Nielsen, Inatsisartunut qinigaasi-
manera suli iluamik qularnaalline-
qanngitsoq. JENS LYBERTH na-
luneqanngitsutut sulinermik inuu-
tissarsiuteqartut kattuffiata S.I.K.-
p siulittaasorigaluarpaa. Naalak-
kersuisuni ilaasortanngoruni ner-
riviullusooq illua’tungaanut nus-
saaq, tassa sulisoqarnermut tun-
ngasut oqartussaaffigilissagamigit.
Siumup imatut taaguuteqalersinni-
arpaa: Atuarfeqarnermut Inuutis-
sarsiutitigullu Ilinniartitaanermut,
Inuusuttunut Sulisoqarnermullu
tunngasunut naalakkersuisoq.
I.A. ministerinngortinniagai
I.A. suleqataanissamini naalakker-
suisoqarfiit arfineq-pingasuunis-
saat kissaatigiinnarnagu aammali
suliassaqarfiit ilaasa allanut nuun-
neqarnissaat kissaatigaat, soorlu
GTO-p ilaata naalakkersuisut siu-
littaasuannit oqartussaaffigineqar-
nissaa kissaatigalugu. Partiilu isu-
maqarpoq Isumaginninnermut
tunngasut illoqarnermut tunngasu-
nut ilanngullugit ingerlanneqartari-
anngitsut, nutaaliariniarpaallu Ila-
qutariinnut Peqqinnissamullu Mi-
nistereqarfik.
I.A.-p piumasaqaataani I.A.-
meersut pingasuussapput Siumu-
meersullu tallimaassallutik, ukuu-
sut: TUUSI MOTZFELDT Niuer-
nermut Angallannermullu naalak-
kersuisuuginnartussaq. Tuusi
Motzfeldtip inissisimanera pitsan-
nguallannikuuvoq. »Qinigaanani
naalakkersuisoq«-junnaarluni Ku-
jataani Qinersiviani qinigaasimal-
luni maanna Inatsisartuni ilaasor-
tavinngorsimagami. AQQALUK
LYNGE illoqarnermut naalakker-
suisuuginnassaaq, I.A.-Ili pilersaa-
rutai malillugit isumaginninneq ti-
gummiunnaassallugu. Kissaatigi-
neqarporli GTO-p ilaattaaq naa-
lakkersuisoqarfianut atassasoq.
JOHANNE PETRUSSEN, tusa-
gassiortoq, Tusarliiviup atorun-
naarsitaanerata kingornatigut
maanna aalajangersimasuunngit-
sumik suliffeqartoq, Inuit Ataqati-
giit nutaamik ministerinngortussa-
tut siunnersuutigaat. Taamalu
I.A.-p isumai ajugaassappata —
Johanne Petrussen, siunissami naa-
lakkersuisoqarfimmi nutaami tas-
salu Ilaqutariinnut Peqqinnissa-
mullu naalakkersuisoqarfimmi
naalakkersuisunngussaaq.
Inatsisartut siulittaasoqalissapput
Siumut inissitsiterimmat inissaq a-
taaseq iluatsitsinngitsoorpoq. Tas-
salu manna tikillugu naalakkersui-
suni ilaasortaasimasut Moses Olsen
aamma Stephen Heilmann.
Moses Olsenili eqqarsaatigalugu
aaqqiisoqannguatsiarpoq, tassa si-
unnersuutigineqarmat Kalaallit
Nunaata Inatsisartuni siulittaaso-
qartalissasut taannalu tassunga i-
vertinneqassasoq. Taamaattun-
ngoruni inatsisartut ataatsimiinne-
rinik aqutsisuusassaaq, suliassallu
oqaluuserisassanut ilanngunneqar-
tarnissaat akisussaaffigisassallugu.
Tamanna manna tikillugu naa-
lakkersuisut siulittaasuata, inatsi-
sartunuttaaq siulittaasuusup isu-
magisarsimagaluarpaa.
Inissaq ataaseq suli nalorninartoq
Inatsisartunut qinersineq qinigas-
sanngortittut marluk — qujanartu-
mik partiimit ataasiinnarmeersut
— naligiimmik angusaqarnerannik
kinguneqarpoq. Tassalu Hendrik
Nielsen Anders Kielsenilu Kujataa-
ta Qinersiviani qinigassanngortit-
tut, amerlaqatigiingaj alluinnarnil-
lu taaneqarsimasut.
Qinersinerup unnuaani kisitsi-
nermi oqaatigineqarpoq Hendrik
Nielsen 241-init taaneqarluni qini-
gaasimasoq Anders Kielsenilu 240-
init taaneqarsimalluni qinigaan-
ngitsoorsimasoq.
Kisitseqqissaarnikkut Hendrik
Nielsenip taasineq ataaseq annaa-
vaa, taamalu naligiilerput. Kom-
munip tulliani Anders Kielsen taa-
sinermik ataatsimik annaasaqar-
poq, taamalu Hendrik Nielsen siu-
aqqilaarpoq. Taamalu kisitseqqis-
saarnikkut Hendrik Nielsen aju-
gaatinneqarpoq 24linit taaneqarsi-
malluni Anders Kielsenillu ajorsar-
tinneqarluni 239-init taaneqarsi-
malluni.
Tamanna qinersinermik nakku-
tilliisut naammagissavaat, qinigas-
sanngortittut naammagisimassap-
passuk. Naammagissanngippas-
sullu taasiviit tamarmik Nuummut
nassiunneqassapput, kiseqqissaaq-
qinneqassallutik.
Juuntaat
»uukussuutilaariarlugu«
saammaappaat
Juuntaap Otto Steenholdt oqaloqatigisinnarlugu Kujataaliarluni aallarmat
Siumukkormiut puffavikkaluarput — Lars Emil Johansen Siumumi
siulittaasunngortussatut piukkunneqaleraluarpoq
Qularnarunnaarluinnarunarpoq
naalakkersuisunngortussat Inatsi-
sartunut ilisaritinneqarpata naa-
lakkersuisut siulittaasuat suli tas-
saajumaartoq Jonathan Motzfeldt.
Qinersinerulli kinguninngua uiver-
toqaleraluarmat Juuntaat sarmi-
taangajalluinnaleraluarpoq. Naa-
lakkersuisuni inissat amerliartorne-
rat ilutigalugu Motzfeldtip partiini
qinersinerit pingasut aqqutigalugu
milliartortissimavaa qinersinermi
siullermi inissanit 13iniit maannak-
kut inissanut 11-inut. Nordisk Rå-
dip Helsingforsimi ataatsimiinne-
rani Atassummeersoq Otto Steen-
holdt peqqaannagu qaninniarfige-
reersimallugu qinersinerup kingu-
ninngua qanilleqqikkaluarmagu Si-
umukkormiut puffalluinnaraluar-
put. Majillu 26-ianni qinersinerup
kinguninngua ittortik Kujataanut i-
laqutsiarluni aallarniariartorlu u-
lappuserluinnarput.
- Jonathan Motzfeldt taamatut
pisinnaatitaaffilerneqarsimanngi-
laq, Moses Olsen Kalaallit Nunaata
Radioaviisiatigut oqarpoq. Siu-
mullu immikkoortoqarfiisa arfinil-
lit piumasaraat Juuntaat naalak-
kersuisut siulittaasussaattut Lars
Emil Johansenimit taarserneqassa-
soq.
Jonathan Motzfeldt aatsaat par-
teeqatiminit misigitinneqanngilaq.
Pisarnermisullumi »makeqqiler-
torpoq«.
Nalunarpoq tamatumunnga pis-
sutaanersoq Lars Emil Johansen o-
qarmat taamaaliornertik »uukus-
suussinerinnaasoq«, imaluunniit
Juuntaap akerlilersortini inissikut-
soorsimanerai. Siumukkut nalu-
naaginnarput pisarnermissut eqqis-
sillutik ajornartorsiutit oqaloqati-
giissutigisimagitik.
Nalunanngilarli Juuntaap illersi-
ni annaanaveersimagaa: Kaj Ege-
de, Juuntaap malitsigilluagaa, mi-
nisterinngortussanngorpoq, Moses
Olsenili tunuarluni. Siornatigut
Vindernumre af
lodseddellodtrækning
Herunder følger 8. U.’s lodseddel-
lodtrækning, der skete ved 8. U.’s
bingo den 30. mai i Nuuk:
1.000 kr. —Nr. 1141.
2.000 kr. — Nr. 1135.
3.000 kr. — Nr. 0008.
Præmierne kan afhentes i Ukali-
ussaq Skolens kontor inden fredag
den 3. juli 1987. Skolens kontor har
åbent hver dag fra kl. 8 til kl. 14.
Pengene, der er indsamlet, skal bru-
ges til klassens rejse til Ilulissat i
sommer.
Moses Olsen Lars Emil Johansenilu
tassaasaraluarput isumalioriataal-
laqqissut, siulittaasoq sanguvallaa-
leraangat aquutaanik ipitsisartut.
Tusatsiarnarpoq Jonathan
Motzfeldtip naalakkersuisunngor-
tussanut siulittaasussatut siunner-
suutigineqarnissani pinngitsaaliil-
luni piumasarisimagaa sioorasaari-
gami Siumut qimallugu naalakker-
suinikkut kimittunngorumalluni,
tusatsiakkalli tamakkua — tupin-
nanngitsumik — Siumup tungaani-
it uppernarsarneqanngillat.
Lars Emil partiimi siulittaasutut
Qinersinerup kinguninnguatigulli
eqqoriarneqartalereerpoq Siumup
augustimi nunamit tamarmeersu-
nik ataatsimeersuartitsinissaani Jo-
nathan Motzfeldt sakkortuuliorfi-
gineqartarumaartoq. Taamali sivi-
sutigisumik utaqqinngillat.
Naalakkersuisunngortitsiniar-
nermi sunniuteqartut ilagaat Lars
Emil Johansen oqareersimammat
nunamit tamarmeersut ataatsime-
ersuartinneqarnissaanni partiimi
siulittasussatut qinigassanngortin-
niarluni.
Siumumi perulluliuunnerup kin-
gunerisa ilagaat partiip nassueruti-
gimmagu qiterliunerusunik saa-
merliunerusunillu ilaqarlutik. Nas-
suerutiginninnerulli tamatumap
suut kinguneriumaarnerap suli
oqaatigineqarsinnaan-’ ngikkallar-
put.
Grønlands Skibs- og Entreprenørværksted Aps
Telefon 2 22 52
Store vogne

»21818«
Døgnvagt
minitransport