Atuagagdliutit - 18.05.1992, Page 11

NR. 56 1992
ATUAGAGDLIUTIT/GRØNLANDSPOSTEN
11
Qorlortorsuaq uummateqarpoq
AG-p Qaqortumi ilanngutassiortutata Lars Lundbladip Qorlortorsuarmi eqalunnik misiliivik assortuussutaasoq
takusarsimavaa, takusanilu oqaluttuaralugit
AG-p Qaqortumiilanngutassiortuata Lars Lundbladip Qor-
lortorsuaq takusarsimavaa, misiliivillu assortuussutaaqi-
soq, kusanaqisunilli avatangiisilikpillugu nalunaarut man-
na nassiullugu.
AG’s korrespondent i Qaqortoq, Lars Lundblad har besøgt
Qorlortorsuaq, og han sender denne rapport fra det smukke,
men stærkt omdiskuterede sted.
QORLORTORSUAQ - Mar-
lunngomeq 12. maj 1992
Qorlortorsuaq tikippara.
Ullormut suliassat inuisa
aallarteruttorsimagaat. Sa-
vat piaqqiulersimapput, ula-
paarfiup naligaa, taamaak-
kaluartoq ilaqutariit Eliak-
kormiut ilassissalluta neri-
sissallutalu piflissaqarflgaa-
tigut.
Ilaqutariit Eliakkormiut
Qorlortorsuaq nammineer-
lutik pilersitartik nuanna-
ralugu pilluarlutik nuna-
gaat, ukiorluit perluillu ani-
gortarsimallugit, suliap
ataqqinartup savaateqarne-
rup inerititaqarsinnaanera
upperigamikku.
Qorlortorsuaq savaate-
qarfiuvoq ilaqutariinnit
eqeersimaartunit ingerlan-
neqartoq. Savaateqarluni
inuutissarsiuteqarneq ta-
pertaqartittuartariaqarmat
periarfissat allat Eliakkor-
miut .atorluarlugit ingerlap-
put. Inuutissarsiutit aali-
sarneq arfanniarnerlu aam-
ma ingerlatissallugit nukis-
saqarfigaat. Inuit pinngorti-
tami assatik sarliaannarlu-
git utaqqinngisaannartut
akornanni isumassarsiul-
laqqissuseq malugilluarpa-
ra.
Nammineq pilersitaq
Eliap nammineerluni Qor-
lortorsuaq savaateqarfittut
pilersissimasani ineriartor-
tissimavaa. Illut, nunaleri-
nermi atortut imaatigullu
inuutissarsiornermi angal-
latit pileriartuaartissima-
vai.
Nammineerluni ingerla-
nerup uummataa nakkaan-
najuissuseq Makkaap, Eliap
nuliata, kusanartumik tak-
utittuarsimavaa. Savaatillit
arnartaasa peqatigiiffianni
siulittaasuuvoq. Nunatta
tunniussinnaasaanik ator-
toqarluni atisaliorneq nu-
natta silaannaanut naleq-
qunnerpaasoq savaateqar-
fimmi kingornunneqartar-
toq nunatta sinneranut si-
ammarsinnaanera savaatil-
lit arnartaasa sulissutigalu-
gu aallarteruttorpaat.
Eqaluit
Qorlortorsuaq tikillugu alia-
naallunilu najoruminarlu-
innartuuvoq. Nunatsinni
inuit sineriassuarmi isorar-
tuumi siammarsimasut
Qorlortorsuarmik takun-
ninnissaminnut periarflssa-
qanngitsut oqaluttuutissa-
gukkit oqartariaqarpunga,
eqalunnut tukertitsiviliar-
suaq savaatillit eqqartukka-
ma Eliakkut nukaatalu Or-
tooqqap illuisa matuisa sila-
tinnguanniimmat.
Eqaluaqqat peqqippalo-
qalutik baaliarsuarmi
45.000-kaarlutik alliartor-
put. Eqaluaqqat taakku mil-
lionilikkaat peqqissusersuat
tupinnarpoq. Ortooqqap
oqaatigaa qaqqaq putullugu
tatsip naqqaniit imeq +3-
mik kissassuseqartoq ukioq
kingulleq ammarneqarmat
eqaluaqqat alliartorneran-
nut malunniussimasoq.
Misiliinerit takussutissa-
qarput eqaluaqqat baaliami
erngup tatsip naqqaneersup
erngani najugallit taamaa-
qatiminnit marloriaatinga-
javimmik annerulersima-
sut. Eqaluit millionilikkaat
alliartornerat ilutigalugu
nutserneqartarput angeqa-
tigiiaartunngorlugit. Eqa-
luuteqarfiup matunissaa eq-
qartorneqalermat nutseri-
neq unikkallarsimavoq. Qa-
norlu siunissaqarnersut
soorunami sulisuusut ernu-
mageqaat.
Imeq
Eqaloqarfiup uummataa
Qorlortorsuup tasersua
qaqqaq putullugu 450 miite-
rit takitigisoq marlunnik
putoqarpoq. Pututigut taak-
kunatigut kuuppoq nukis-
suaq naassaanngitsumut
sulisussaq. Nukissuarmi
taanna tasersuarmiit piler-
sinneqarpoq pavannga ser-
mersuup ernganit nungut-
tussaanngitsumik pilersor-
neqartumik.
Imeq kissartoq Qorlortor-
suup tasiata naqqaneersoq
atorluarneqarsinnaaqaaq.
Maannamut erngup nukiata
taassuma ilaannaa atorne-
qarpoq. Qorlortorsuaq taa-
ma sarfalersorpaa, saniati-
gullu eqaluusiviit imermik
minguilluinnartumik piler-
sorlugit.
Erngup piginnaassusia
tupinnartuuvoq sorpassuar-
nullu atorneqarsinnaalluni.
Erngup tatsip naqqaneer-
sup ammarneqarnerata ki-
ngunerisimavaa pinngorti-
tamut malunniutilernera.
Kuuk kuullu akua ukioq
manna issittorsuugaluartoq
aputeqaranilu sikusiman-
ngilaq. Takusinnaalerpar-
put imeq taanna atorlugu
naatitsiverujussuit pilersin-
neqarsinnaasut. Imeq nam-
minermini erlinnartoq mi-
ngoqanngitsuusoq nunatta
siunissaanut pingaaruteqa-
lersussaavoq. Upperiniarti-
gu nunarsuarput tunnius-
sassaqarmat nukissuarmik
annertungaarami oqaatigi-
neq ajornartumik, qanorli
atornissaa uagut aqutassa-
raarput.
Kaasarfiit kaannagit
Qaqqakkut majuarpunga
Qorlortorsuarlu qulaaniit
naggammik isiginnaarakku
upperaara pilersitsisut isu-
maat tassaammat inuiaqati-
giinni pisussaaffik ingerlaq-
qinnissamut angusaqami-
arluni suliuarnissaq, kaa-
sarfiit kaallugit nilliajuar-
nermut taarsiullugu.
Anda Holm
død
Sydgrønlands Bogtrykkeris
tidligere trykkerileder
Anda Holm
er den 13. maj 1992 død
87 år gammel
på plejehjem i Danmark.
Anda Holm kom i lære
på Sydgrønlands Bogtrykkeri
i 1920’eme,
under Christoffer Lynge.
Han blev senere trykkerfaktor
og fra 1960 trykkerileder
indtil han gik på pension i 1973.
Anda Holm bliver
begravet i Danmark.
En dygtig mand
er død, efter et langt
og arbejdssomt liv
i trykkeriets tjeneste.
Æret
været hans minde
Personale,
direktion og bestyrelse
på Sydgrønlands Bogtrykkeri