Fréttablaðið - 07.10.2005, Blaðsíða 54
30 7. október 2005 FÖSTUDAGUR
50% afsláttur
af öllum tækjum.
Rýmum fyrir nýjum vörum.
50% afsláttur af eldri vörum
Erotica Shop • Hverfisgata 82
Meistararnir mætast í Keflavík
KÖRFUBOLTI Góðgerðaleikir KKÍ
fara fram á sunnudaginn en þar
mætast Íslands- og bikarmeistar-
ar karla og kvenna í Meistara-
keppninni en sú venja hefur skap-
ast að ágóði leikjanna rennur til
góðgerðarmála. Að þessu sinni er
það Foreldrafélag barna með axl-
arklemmu sem fær að njóta góðs
af leikjunum.
Sigrún Sigmarsdóttir, formað-
ur foreldrafélagsins, segir pen-
ingana sem renna til félagsins
koma sér sérstaklega vel. „Þetta
skiptir okkur miklu máli því fé-
lagið hefur ekki verið sérstaklega
sýnilegt til þessa, enda félagið fá-
mennt og frekar lítið. En við ætl-
um að nota peningana til þess að
setja upp aðgengilega heimasíðu
þar sem foreldrar barna með axl-
arklemmu geta leitað sér upplýs-
inga.“
Sverrir Sverrisson, þjálfari
kvennaliðs Keflavíkur og leik-
maður karlaliðsins, á von á erfið-
um leikjum. „Að mínu mati eru
báðar þessar viðureignir mjög at-
hyglisverðar því þarna mætast að
mínu mati sterkustu lið landsins
um þessar mundir. Stundum hafa
orðið miklar breytingar á leik-
mannahópum liðanna milli ára en
að þessu sinni hafa þeir haldist
nánast óbreyttir. Þannig að þetta
verða örugglega jafnir og spenn-
andi leikir.“
Ómar Rafnsson, formaður
KKÍ, á von á skemmtilegu körfu-
boltatímabili en það hefst form-
lega með þessum tveimur leikj-
um.
„Ég finn fyrir miklum meðbyr
með körfuboltahreyfingunni. Sér-
staklega í unglingastarfi hjá fé-
lögunum sem er að alltaf að bæta
gæði íslensks körfubolta. Ung-
lingalandsliðin hafa náð frábær-
um árangri og við erum nú eina
Norðurlandaþjóðin í karlaflokki
sem á landslið í A-deild og það
segir mikið um það góða starf sem
unnið hefur verið á undanförnum
árum. Við höfum líklega aldrei átt
fleiri atvinnumenn í körfubolta en
núna og það sýnir hversu langt er
hægt að ná ef menn eru tilbúnir til
þess að leggja mikið á sig.“
Báðir leikirnir fara fram á
heimavelli Íslandsmeistaranna í
karla- og kvennaflokki, í Keflavík.
magnush@frettabladid.is
HEFUR LOKIÐ KEPPNI Birgir Leifur mun
ekki taka þátt á lokamóti Áskorenda-
mótaraðarinnar í golfi.
Birgir Leifur Hafþórsson:
Kemst ekki inn
á lokamóti›
GOLF Birgir Leifur Hafþórsson,
kylfingur úr GKG, tekur ekki þátt
í lokamótinu á Áskorendamóta-
röðinni í golfi sem hefst á
Tenerife á Kanaríeyjum í dag.
Ástæðan er sú að mótið er sameig-
inlegt fyrir evrópsku mótaröðina
og Áskorendamótaröðina og fleiri
kylfingar ofar á styrkleikalistan-
um sem ganga fyrir en Birgir
Leifur er fimmtándi á varalista.
Birgir Leifur tekur næst þátt í
öðru stigi fyrir evrópsku móta-
röðina í næsta mánuði á Spáni en
hann var aðeins einu höggi frá því
að tryggja sér fullan þátttökurétt
inn á evrópsku mótaröðina í fyrra.
- þg
Meistarakeppni KKÍ fer fram á sunnudaginn en flar mætast Keflavík og Njar›-
vík í karlaflokki en Keflavík og Haukar í kvennaflokki.
STYRKÞEGAR MEISTARA-
KEPPNI KKÍ
1995: Samtök krabbameinssjúkra
barna
1996: Jafningjafræðsla framhaldsskól-
ana
1997: Neistinn – styrktarfélag hjart-
veikra barna
1998: FSBU – foreldrafélag sykursjúkra
barna
1999: LAUF – landssamtök áhugafólks
um flogaveiki
2000: Samtök barna með tourett heil-
kenni
2001: PKU – Samtök foreldra barna
með efnaskiptasjúkdóma
2002: Foreldrafélag geðsjúkra barna og
unglinga
2003: Einstök börn
2004: MND-félagið
2005: Foreldrafélag barna með axl-
arklemmu
Hva› er axlar-
klemma?
Axlarklemma getur myndast
þegar ljósmóðir þarf að taka á
móti barni með miklu afli. Oft
stendur á öxlum barnsins og við
það getur myndast mikil spenna
sem getur valdið tauga-
skemmdum.
Börn geta lamast í hand-
leggjum til skamms tíma en
oftast nær gengur lömunin til
baka. Í sumum tilfellum þurfa
börnin að glíma við tauga-
skemmdir sem erfitt er að
lækna og þurfa oft að gangast
undir kostnaðarsamar aðgerðir
sem ekki er hægt að fram-
kvæma hérlendis.
JEB IVEY OG
SVERRIR
SVERRISSON
Jeb Ivey, sem
fór frá Fjölni
fyrir skömmu
og gekk til
liðs við
Njarðvík, og
Sverrir Sverr-
isson takast
hér á um
bikarinn sem
keppt verður
um á sunnu-
dag.
FRÉTTABL./VALLI