Fréttablaðið - 28.02.2006, Page 19

Heimild: Almanak Háskólans
Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
FASTEIGNIR HEIMILI HEILSA HÚS BÖRN NÁM FERÐIR MATUR BÍLAR TÍSKA ATVINNA BRÚÐKAUP TILBOÐ O.FL.
GÓÐAN DAG!
Í dag er þriðjudagurinn
28. febrúar, 59. dagur
ársins 2006
Kærleikssamtökin veita fólki leiðsögn
við að yfirstíga erfiðleika í lífinu. Þau
standa fyrir unglingastarfi, bænahóp og
námskeiði sem nefnist Meðvitund. Þau
verða með opið hús í Gerðubergi annað
kvöld.
Sigurlaug G. Ingólfsdóttir er potturinn og
pannan í Kærleikssamtökunum sem stofnuð
voru haustið 2004. Hún kveðst vilja hjálpa
fólki að auka sjálfsaga og kærleika en hvern-
ig ætlar hún að fara að því? „Með því að
miðla því sem mér hefur reynst best í líf-
inu,“ svarar hún og heldur áfram. „Þetta
gengur út á að horfast í augu við sjálfan sig
og eigin hegðun og átta sig á hverju maður
vill breyta. Síðan er auðvitað að setja sér
markmið og vinna að þeim með jákvæðu
hugarfari. Finna hvernig maður getur nýtt
góða eiginleika og kærleika til að ná þessum
markmiðum.“
Sigurlaug hefur stundað heilunarnám hjá
Guðspekifélaginu og er jógakennari frá Jóg-
astúdíói Ásmundar. Hún kveðst leggja fram
námskeiðsgögn í einföldu formi og býður
líka upp á fjarnám gegnum tölvu, ef fólk vill
nýta sér tæknina. „Þetta byggist svo mikið á
sjálfsvinnu. Það sem á sér stað er að það er
á meðvitaðan hátt verið að taka út neikvætt
og setja inn jákvætt og læra að viðhalda því.
Við viljum ekki hafa vírus í tölvunum okkar
en við getum líka litið á heila okkar sem
tölvu og við getum sett þar inn vírusvarnir
með sjálfsvinnu,“ útskýrir hún. Hún ætlar
líka að sinna unglingum og þá verður hún í
Miðbergi, félagsmiðstöð Breiðhyltinga.
„Ég vil efla og styrkja unga fólkið með
ýmsum hætti og gera það meðvitað um eig-
inn persónuleika. Það hefur jákvæð áhrif á
líðan þess í daglegu lífi og samskiptum.“
Dagskráin mun hefjast 8. mars en Sigurlaug
ætlar að kynna starfsemina nánar annað
kvöld, kl. 20 í Gerðubergi.
gun@frettabladid.is
Markmiðið að skoða
og bæta sjálfan sig
Sigurlaug segir puðið í efnisheiminum ekki bestu leiðina til að öðlast hamingju heldur þurfi andlegt jafnvægi að koma til. FRÉTTABLAÐIÐ/HEIÐA
Sólarupprás Hádegi Sólarlag
Reykjavík 8.39 13.40 18.43
Akureyri 8.28 13.25 18.23
Djúpar karlmannsraddir höfða
frekar til kvenna þegar þær eru
frjóastar. Þetta kemur fram í
nýrri rannsókn sem gerð var í
Skotlandi. Ástæða þessa er talin
vera að konur álíti djúpraddaða
karlmenn líklegri til að halda
heilsunni og geta þeim fleiri
börn. Þegar konur eru ekki á
sínum frjóasta tíma kjósa þær
hins vegar karlmenn með hærri
og kvenlegri raddir þar sem
konum finnst þeir karlmenn
líklegri til að festa ráð sitt. Greint
var frá þessu á BBC.
www.brudkaup.is er mjög góð
heimasíða fyrir þá sem eru að
undirbúa brúðkaupið. Þar inni
má finna gátlista sem ættu að
gagnast vel við undirbúnininn.
Listunum er skipt upp eftir
tíma, það er, sérstakur gátlisti
er fyrir þá sem hafa níu til tólf
mánuði til stefnu, annar fyrir
þá sem hafa um
sex mánuði og
einnig eru gát-
listar sem gott
er að hafa
daginn fyrir
brúðkaupið
og á sjálfum
brúð-
kaups-
degin-
um.
ALLT HITT
[HEILSA BRÚÐKAUP]
SKÓRNIR
MIKILVÆGIR
Góðir skór eru mikilvægasti
útbúnaðurinn þegar farið
er út að hlaupa segir
Gunnar Páll Jóakims-
son þjálfari.
HEILSA 4
SÁLMAR
VINSÆLLI
Séra Bjarni Karlsson, sóknarprest-
ur Laugarneskirkju, segir vinsældir
hefðbundinna sálma í brúð-
kaupum hafi aukist undanfarið á
kostnað dægurlaga.
BRÚÐKAUP 6
HEILSUVERSLUNIN YGG-
DRASILL STENDUR FYRIR
FJÖLBREYTTUM UPPÁKOMUM
Í MARS.
Verslunin Yggdrasill á Skóla-
vörðustígnum hefur lengi
staðið fyrir margs konar
námskeiðum og fyrirlestrum.
Í mars stendur verslunin fyrir
vikulegum uppákomum sem
allar tengjast heilsuninni á
einhvern hátt. Á heimasíðu
verslunarinnar, yggdrasill.is,
má nálgast frekari upplýsingar
um atburðina. Atburðirnir eru
allt frá sígaunakvöldi með
magadansi og öllu tilheyrandi,
til fyrirlesturs um fæðuó-
þol þar sem fjallað verður
um greiningu fæðuóþols
og sjúkdóma frá sjónarhóli
náttúrulækninga. Námskeiðin
fara fram í verslun Yggdrasils,
Skólavörðustíg 16, og standa
frá klukkan 20 til 22.
Sígaunakvöld og fæðuóþol
Yggdrasill stendur fyrir vikulegum fyrirlestrum og uppákomum í mars.