Fréttablaðið - 28.02.2006, Qupperneq 48

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 550 5000
����������
���������������
�������������
Níutíu þúsund kall fær nýliði í slökkviliðinu útborgaðan í
grunnlaun um mánaðamót. Hann
hefur þá gengið í gegnum þjálfun
til að geta fyrirvaralaust stokkið í
gallann og vaðið eld og reyk fyrir
okkur hin. Hann er tilbúinn til að
sækja meðvitundarlaust fólk inn í
logandi hús – þjálfaður til að mæta
aðstæðum sem við í okkar daglega
amstri getum vart gert okkur í
hugarlund. Auk þess kemur hann
kallaður innan örfárra mínútna ef
við þurfum á sjúkrabíl að halda í
skyndi og þar skipta mínútur oft
sköpum. Hann æfir linnulaust til
að koma til bjargar á erfiðustu
stundum lífsins. Níutíu þúsund
kall útborgaður í grunnlaun.
NÝVERIÐ tók þessi þjóð umræð-
una um laun leikskólakennara og
flestir voru sammála um að reyna
að halda þeim hópi af götunni og
tosa mannskapinn upp fyrir hung-
urmörkin – hvernig sem það hefur
þó lukkast. Á sama tíma þurfa
aldraðir að skilja að borði og sæng
á ævikvöldinu vegna húsnæðis-
eklu.
EF verðbréfasali, stjórnmálamað-
ur og forstjóri strönduðu snekkju
sinni á eyðieyju og dönsk þyrla
með íslenskri björgunarsveit lenti
þar á ströndinni gætu björgunar-
menn kannski spurt glópana hver
hin eiginlegu verðmæti væru.
Myndu strandaglóparnir þá nefna
bréfin í Aktavís og KB, einkavæð-
ingu bankanna, stóriðjuna, virkj-
anirnar, útrásina, rússneska bjór-
inn og EES? Það er ólíklegt – og ef
þeir gerðu það væri freistandi að
skilja þá eftir. Nei, þeir myndu
nefna börnin, fjölskylduna og
heimilið. Þeir myndu nefna örygg-
ið og heilsuna og kannski biðja um
matarbita líka.
ÞÓ er það nú svo að flestir sem
starfa við að tryggja þetta öryggi,
hlúa að börnum, grípa inn í þegar
heilsan gefur sig og vaða inn í log-
andi byggingar eru á mánaðar-
launum sem jafngilda launum
verðbréfasalans fyrir hádegi á
þriðjudegi. Öfugsnúið verðmæta-
mat er gömul saga og ný og ekki
líður á löngu þar til eina leiðin til
að hafa þetta lykilfólk á mann-
sæmandi launum verður að fá
kostunaraðila á björgunaraðgerð-
ir. Þá má merkja slökkviliðsbún-
ingana hinum og þessum stórfyr-
irtækjum og mála á bílana í bleiku
og gulu: Þessi björgunaraðgerð er
í boði Glaums, Haugs eða Draugs.
ER nema von að slökkviliðsmenn
séu bálreiðir?
Verðmæta-
matið
��������������
�������
����������
����
����������������
��������������
������
AUGL†SINGASÍMI
550 5000
FYLGIR FRÉTTABLA‹INU ALLA MI‹VIKUDAGA