Fréttablaðið - 28.03.2006, Side 17

ÞRIÐJUDAGUR 28. mars 2006
Eimskip eignast helming hlutafjár
í breska landflutningafyrirtækinu
Innovate Holdings fyrir lok apríl.
Samkomulag er milli aðila um að
Eimskip eignist félagið að fullu
síðar en stjórnendur Innovate
munu halda áfram störfum.
„Innovate Holdings er leiðandi
fyrirtæki í frysti- og kæliflutning-
um í Bretlandi og vill vaxa frek-
ar,“ segir Baldur Guðnason, for-
stjóri Eimskips. „Hluti af okkar
stefnu er að vaxa með innri og ytri
vexti.“
Velta Innovate er áætluð
fimmtán milljarðar króna á þessu
ári en fyrir stuttu tvöfaldaðist
félagið að stærð með kaupum á
sambærilegu fyrirtæki. Fyrir-
tækið rekur 25 vörugeymslur á
ellefu stöðum á Bretlandseyjum
og er geymslugetan 370 þúsund
tonn, eða fimmtíuföld geymslu-
geta Eimskips á Íslandi. Meðal
viðskiptavina Innovate má nefna
Tesco, Sainsbury´s, Nestlé og
Northern Foods.
Baldur segir að Eimskip hafi
haft mikinn áhuga á að fara inn á
breska markaðinn sem stendur
framarlega á þróun á kældri mat-
vöru. Með þessu geti félagið aukið
þjónustu við sína viðskiptavini en
jafnframt boðið öðrum fyrirtækj-
um á borð við Bakkavör og Ice-
landic upp á sambærilega þjón-
ustu.
Kaupverð hlutanna fæst ekki
gefið upp en Glitnir annaðist ráð-
gjöf vegna kaupanna.
Jafnframt hafa stjórnendur
Eimskips greint frá því að þeir
séu að ganga frá kaupum á land-
flutningaleiðinni í Færeyjum sem
hefur verið í höndum opinberra
aðila. - eþa
STJÓRNENDUR Í AVION GROUP Skrifað hefur verið undir viljayfirlýsingu um kaup Eimskips á
helmingshlut í Innovate, bresku landflutningafyrirtæki.
Eimskip kaupir
helming í Innovate
Vinnur að kaupum á færeysku landleiðinni.
Tap af rekstri Avion Group á
fyrsta ársfjórðungi reikningsárs-
ins, sem lauk í lok janúar, nam
9.942 milljónum Bandaríkjadala
sem samsvarar um 715 milljónum
króna. Afkoman var í takt við
væntingar stjórnenda en hafa ber
í huga að hagnaður fyrirtækisins
myndast á seinni hluta ársins.
Tap félagsins minnkaði snar-
lega á milli ára og varð rekstrar-
hagnaður samstæðunnar fyrir
afskriftir (EBITDA) jákvæður um
8,21 milljón dala en var neikvæður
að upphæð 5,2 milljónir dala á
fyrsta fjórðungi árið 2005. Fram-
legðarhlutfallið, það er EBITDA af
rekstrartekjum, var 2,6 prósent.
Tekjur félagsins á tímabilinu
námu um 321 milljón dala og juk-
ust um 84 prósent frá fyrsta árs-
fjórðungi í fyrra. Kostnaður var
332 milljónir dala og jókst um 71
prósent.
Rekstur dótturfélaga Avion er
nokkuð sveiflukenndur. Varð
mikið tap af starfsemi Excel Air-
ways í Bretlandi en gott jafnvægi
í rekstri Air Atlanta og Eimskips,
en bæði fyrirtækin skiluðu aukn-
um rekstrarhagnaði fyrir afskrift-
ir á milli ára. - eþa
Avion Group skilar
bættri framlegð
Umsjón: nánar á visir.is
KAUPHÖLL ÍSLANDS* [Hlutabréf]
ICEX-15 5.957 +2,38% Fjöldi viðskipta: 596
Velta: 4.823 milljónir
HLUTABRÉF Í ÚRVALSVÍSITÖLU: Actavis 61,00 +3,39% ... Alfesca 4,03 +3,33%... Atorka
6,05 -1,63% ... Bakkavör 52,20 -0,38% ... Dagsbrún 7,01 +0,72% ... FL Group 21,90
+4,29% ... Flaga 3,17% ... Glitnir 17,60 +3,53% ... KB banki 830,00 +2,47% ... Kögun
75,00 +0,13% ... Landsbankinn 25,40 +2,01% ... Marel 70,80 -3,01% ... Mosaic Fashions
17,90 +4,07% ... Straumur-Burðarás 17,30 +2,37% ... Össur 113,50 +0,89%
MESTA HÆKKUN
FL Group +4,29%
Mosaic Fashions +4,07%
Glitnir +3,53%
MESTA LÆKKUN
Marel -3,01%
Atorka -1,63%
Avion -0,48%
* KLUKKAN 14.15 í gær.