Mánudagsblaðið - 22.02.1971, Side 8

t
úr EINU
Grín í flugturninum — Trygging og mat — Nýtt „snilliyrði-1
Klámklúbbar vinsælir — Heyrnarhlífar — Þjóðleikhúsgestir
móðgaðir —
SAGT ER AÐ piltarnir í flugturninum hafi talsverða kímnigáfu
þegar til flugmanna hinna ýmsu flugfélaga kemur, einkum
gagnvart flugmönnum hjá litlu flugfélögunum, og nota þeir
hvert tsekifæri til að skopast hver að öðrum.
Flugturninn fékk einu sinni beiðni frá flugvél um hvað rétt
klukka væri, og spurði þegar:
„Hjá hvaða flugfélagi ertu?“
„Skiptir engu máli hjá hvaða félagi ég er“ svaraði flug-
maðurinn reiðilega, „segðu mér bara hvað rétt klukka er“.
„Allt í lagi" svaraði flugturninn. „Ef þú ert hjá Loftleiðum,
þá er klukkan eitt eftir miðnætti. Ef þú ert hjá flugfélagi ís-
lands, þá er klukkan 0-13, en ef þú ert hjá Þyt, þá er litli vísir-
inn á einum en stóri vísirinn á tólf.“
MATSMAÐUR FRÁ einu tryggingafélaganna stóð við rústir
by99in9ar’ sem emu sinni var hlaða, en var nú brunnin, og
skoðaði leyfarnar. ,,Jæja“ sagði hann loksins við bóndann,
hana upp á nýtt og sendu okkur reikninginn".
„Ég vildi heldur fá peningana" svaraði bóndinn.
„Því miður,' svaraði tryggingamaðurinn, „þannig vinnum
við ekki. Tryggingin endurgeldur þér það sem þú hefur tapað
með nákvæmlega eins grip og sá fyrri var“.
Bóndinn klóraði sér í kollinum en sagði síðan: „Fyrst þetta
er svona hjá ykkur, þá er ekkert við því að gera — en þegar
þú kemur aftur í borgina, þá afskrifaðu trygginguna á konunni
minni þegar í stað.“
ÁLLTAF BER að fagna nýyrðum í hverju máli, einkum ef þau
eru mynduð af víðsýni og á lýðr-æðislegan Jiátt. .í nýútkom-
inni Viku er alveg spánýtt orð, sem ætla mætti að hefði verið
algjör bannvara fyrir nokkrum árum. Þetta gullfallega orð,
sem heímilisblaðíð "ér' áð íhhrélðá 'ér — "Gréddútöffari —
stofninn „graður" úr íslenzku en afbökunin, seinni hluti orðs-
ins, úr ensku „tough". I gamla daga þótti orðið graðnagli
all-boðlegt a. m. k. í lúkar togaranna, en hvað breytist ekki
með menntun og menningu?
•-----------------------------
OG TALANDI um þessi vinsælu mál, þá er vert að geta þess,
að í Reykjavík eru nú einskonar samtök ungra pilta og stúlkna,
sem koma saman og skoða ýmsar klám- og samfaramyndir.
Klúbbar þessir eru einstaklingsfyrirtæki, en hafa þó nána
samvinnu, myndaskipti og hugmynda. Eftir sýningar er efni
myndanna rætt yfir hressingu og stundum leikið af viðstödd-
um. Framför að tarna —
ALDREI VERÐUR góð vísa of oft kveðin. Læknir tjáði oss
um daginn, að annarhver maður, sem stundaði „hávaða"-
vinnu væri meira og minna að missa heyrn eða deyfast í eyr-
um vegna þess, að hann brúkaði ekki heyrnarhlífar, sem
hér má fá í verzlunum. Sama máli, sagði læknirinn, gildir um
skotmenn, sem stunda skotæfingar og þess dæmi að annað
eyra þeirra skaddaðist verulega. Hann kvað og nálega úti-
lokað að koma þessu á framfæri hjá almenningi. Hér með
gert.
MJÖG MIKIL reiði ríkir meðal frumsýningargesta vegna þeirr-
ar óskiljanlegu afstöðu og ósvífni Þjóðleikhússins að taka
frumsýningarmiða af þeim gestum, sem að staðaldri sækja
frumsýningar stofnunarinnar. I rauninni er hér um svo fá-
heyrða ósvífni að ræða, að helzt mætti líkja við framkomu
ómenntaðra dóna. Sumir þessara gesta hafa verið tryggir
viðskiptavinir um árabil, jafnvel frá upphafi og eytt stórum
upphæðum í sýningar þessar auk viðkomu í kjallara o. s. frv.
Það er ómögulegt að gera sér Ijóst hvað liggur að baki svona
framkomu, því hún er á engan hátt afsakanleg. Ef peningar
frumsýningargesta eru verri þegar svona viðburðir ske, þá
er vandfundið á hvaða stigi þeir eru, sem þessar fáránlegu
og móðgandi ákvarðanir taka.
STAÐREYNDIR — sem ekki mega geymast:
(54)
Forysturíki lýðræðisins
gefst upp við geimrunnsóknir
Vísindin úr rústum Þriðja ríkisins — Sigrar og ósigrar árið
1970 — Hámenntaðir atvinnuleysingjar — SS frá Peene-
múnde — Boðskapur Eisenhowers —
„Það eru vissulega fyrir
hendi fullfrágengnar áætl-
anir. En ákvarðanirnar varð
andi þessar framtíðarfyrir-
ætlanir hafa aðeins hlotið
opinbert samþykki að hluta,
í þeim skílningi, að við get-
um treyst á hinar nauðsyn-
legu fjárveitingar, til þess
að unnt sé að hefjast
handa. Leyfið mér að
skilgreina þetta dálitið
nánar. Ein úrlausnarvið-
miðananna, sem Nixon
forseti hefir lagt fyrir okk-
ur, er: Þið verðið að gera
geimferðirnar ódýrari. Því
að margs konar gagnsemi,
er geimferðirnar gefa mann
kyninu eða vísindunum fyr-
irheit um, er blátt áfram
ekki dagskrártæk með til-
liti til núverandi verðlags og
og kostnaðar, sem geim-
ferðatæknin er háð.“
— Dr. Wernher von Braun
(1912—), þýzkur eldflaugavís-
indamaður, æðsti yfirmaður
geimferðastofnunar Bandaríkj-
anna:
í viðtali við „DER SPIEGEL",
(Nr. 7; Hamburg, 8. Febrúar
1971).
í FARARBRODDI
Síðan vísindamönnum Hitlers
tókst að koma Bandaríkjamönnun-
um Neil Armstrong og Edwin
Aldrin til tunglsins, og þeir félag-
ar festu stöng meo fána þjóðar
sinnar í yfirborð þess, hinn 20.
Júlí 1969, hafa Rússar ekki verið
forystuþjóð á sviði geimrannsólena
Framhald á 7. síðu.
Bre.zka þotan jrá BEA — Trident 2 — á Keflavíkurvelli sL miðvikjtdag.
. Á hádegi. s.l. .miðvikudag lenti
BEA-þota frá London á Keflavík-
urflugvelli. Var hér um reynsluflug
að.., ræða, en áætlunarflug. ,BEA
hefst í apríl n.k. Eftir helgina opn-
ar félagið skrifstofu í Bankastræti
11, en henni veitir Tony Wadlow
forstöðu.
Viönéður um samstarf hafa stað
ið milli BEA og F.í. undanfarið.um
samvinnu um flugið og.skiptingu
hagnaðar, en. frá.því er ekki ennþá
gengið. í apríl og til maí-loka
verður ein áætlunarferð í viku til
íslands með þotu þessari, sem er
’af Tridentl 2-gerð, en síðan 2svar. í
viku fram í okt. Flugtími London
—Keflavík er tæpar 3 smndir en
fargjald 61 pund. Auk Tony Wad-
low starfa á skrifstofu félagsins
hér á 'landi Helga Bjarnason og
Ölafur Smith Jórisson
Með vélinni s.l. miðvikudag
voru ýmsir gestir, starfsmenn og
blaðamenn, sem munu rita um ferð
ina, en.þeir voru frá blöðum í Eng
landi og Skotlandi.
Lækning vii timburmönnum — /oksins
„Dagurinn eftir" verður mörgum
manninum, sem fengið hefur sér
einum of mikið kvöldið áður erfið-
ur, og oft líta sumir til himna
og óska í hjarta sínu eftir timbur-
mannameðali. Nú hefur þeirri bæn
verið svarað a.m.k. í Bandaríkjun-
um Stofnunin, sem læknar heitir:
Hangover Heaven (himnaríki timb
urmanna). Stofnun þessi er stofn-
um af einum Erl P. Harris, búsett-
um í Atlanta, Georgia. Á stofnun-
inni, segir Harris er hægt að lækna
versm timburmenn fyrir litla 15
dollara auk 5 dollara í þóknun
fyrir aðstoðarstúlkuna — engilinn.
Allt þetta byrjaði, segir Harris,
fremur eins og gaman eitt, en ekki
annað. Eftir að hafa hugsað mikið
um vandræði og örvæntingu timb-
urmannafórnardýra, þá tók Harris
á leigu ónotaða rannsóknarstofu
við hlið eigin læknastofu og útbjó
hana með whirlpool-baði, gufu-
baði og lækningaherbergjum, sem
hlutu nöfn eins og himnahlið no.
1, himnahlið no. 2 og ákveðin lækn
ing. Því næst réði hann til sín
hóp af englum þ. e. stúlkum og
útbýtti nafnspjöldum. Síðan hefur
Himnaríki timburmanna verið yfir
fullt.
Þegar menn koma á staðinn kem
ur ung stúlka til dyra, sem kann
að aumkvast yfir mann á réttan
hátt og veita honum tilhlýðilega
samúð. Síðan gefur hún hon-
um „inntak" af súrefni og sérstaka
blöndu, sem er leyndarmál. „Efna-
fræðin mín er alveg rétt" segir
Harris, „drykkurinn inniheldur að-
eins efni, sem alkóhólið hefur eytt
úr líkamanum. Því næst er sjúk-
lingurinn settur í gufubað um
stund og enn síðar fær hann whirl-
pool-bað, því næst aðra leyni-
blöndu og, samkvæmt fullyrðinguu
Harris, þá eru timburmennirnir þar
með búnir. „Eg get Iæknað timb-
urmenn á 10 mínútum" segir hann
„en með „samúðinni," þá tekur það
30—40 mínútur."
Nokkrir dugmiklir drykkjumenn
hafa tekið upp á því, að panta tíma
fyrirfram og gera þannig ráð fyrir
vandrasðum eftir partý og frídaga.
Mest er að gera á sunnudögum og
mánudögum. Sjúklingarnir (30%
eru kvenfólk) eru bjartsýnir. „Þetta
tekst alveg prýðilega" segir fni
Billie Clark frá Atlanta. „í fyrsta
skipti, sem ég fór þangað, þá hefði
ég greitt fyrir mercy-killing. Kostn
aðurinn skiptir engu máli — bara
guði sé lof að lækning er fyrir
hendi — fyrir okkur drykkjufólk".
Áður en Harris hóf starfsemi þá
sótti hann og fékk einkaleyfi á
blöndu sinni og merkti hana lækn-
ingastofu sinni. Nú er hann að
byggja annað Himnaríki timbur-
manna í miðborg Atlanta, og um
leið að semja um flugvallarskilyrði.
Þá hefur hann í huga að stofna
samskonar stofur í New Orleans,
Las Vegas, St. Louis og Miami,
Florida.
1