Fréttablaðið - 05.03.2007, Blaðsíða 6

Tuttugu og níu prósent
þátttakenda í Þjóðarpúlsi Capacent
Gallup bera traust til Alþingis.
Hlutfallið er fjórtán prósentum
lægra en í fyrra og hefur ekki
verið jafn lítið síðan kannanir hóf-
ust 1993. Sólveig Pétursdóttir, for-
seti Alþingis, segir að breyta þurfi
vinnubrögðum á þingi og minnka
málþóf.
Traust til dómskerfisins er 31
prósent samkvæmt könnuninni og
lækkar um tólf prósent. Sjötíu
prósent sögðust treysta heilbrigð-
iskerfinu, 78 prósent bera traust
til lögreglunnar og 85 prósent
treysta Háskóla Íslands.
„Þessar niðurstöður eru mikið
áhyggjuefni fyrir þingið,“ segir
Sólveig. „Ég held að það þurfi að
breyta vinnubrögðum og setja
skýrari ramma utan um starfið á
þinginu. Það má vera að þessi
könnun endurspegli eitthvað
hvernig þetta fyrirkomulag hefur
verið, langar umræður og jafnvel
málþóf.“
Hún segist svo sannarlega vona
að Alþingi rétti úr kútnum því þar
sé afskaplega mikilvægt starf
unnið. „Svo verðum við að hafa í
huga að kosningar nálgast og þá er
meiri hiti í mönnum.“
„Ég held að það sé vaxandi
óánægja með ríkisstjórnina sem
fólk tengir við Alþingi,“ segir
Össur Skarphéðinsson, þing-
flokksformaður Samfylkingar.
„Mín skoðun er að minnkandi
sjálfstæði Alþingis undir ofur-
valdi ráðherraræðisins hafi leitt
til þess að fólk hefur ekki sömu
trú á sjálfstæði Alþingis og áður.“
Niðurstöður könnunarinnar
koma Ragnari Arnalds, fyrrum
þingmanni Alþýðubandalags, á
óvart.
„Augljóslega er eitthvað að, en
hver skýringin er get ég ekkert
sagt um að svo stöddu. Þetta er
ótvírætt áhyggju- og um-
hugsunarefni.“
Stefanía Óskarsdóttir stjórn-
málafræðingur segir erfitt að
segja til um hvað valdi niðurstöð-
unni en bendir á að traust til stofn-
ana á borð við þing og dómstóla
fari almennt dvínandi á Vestur-
löndum. Lífsstílsbreytingar og
gagnrýnin hugsun fái fólk oft til
að efast um valdið.
„Síðan hefur málþófið um RÚV
ohf. kannski haft áhrif á einhverja.
Pólitísk umræða hefur verið mjög
óvægin nú rétt fyrir kosningar, og
eitthvað hlaut að gefa eftir.“
Breyta þarf vinnu-
brögðum Alþingis
Tæpur þriðjungur þjóðarinnar treystir Alþingi samkvæmt Þjóðarpúlsi Gallup.
Traust til þingsins hefur ekki mælst minna síðan mælingar hófust. Þingforseti
segir að breyta þurfi vinnubrögðum og setja skýrari ramma um starf Alþingis.
Flugfélag Íslands
býður í sumar í fyrsta sinn upp á
flug milli Akureyrar og Keflavík-
ur og milli Keflavíkur og Nuuk á
Grænlandi.
Haldið var upp á tíu ára afmæli
Flugfélags Íslands á laugardag en
það varð til með sameiningu
innanlandsdeildar Flugleiða og
Flugfélags Norðurlands. Farþegar
félagsins voru rúmlega 370
þúsund í fyrra. Á þeim tíu árum
sem flugfélagið hefur starfað
hafa yfir þrjár milljónir farþega
flogið með félaginu.
Flýgur milli
Akureyrar og
Keflavíkur
Forsaga þess að Sam-
keppniseftirlitið gerði húsleit á
föstudaginn hjá Samtökum
ferðaþjónustunnar, Ferðaskrif-
stofu Íslands og Heimsferðum/
Terra Nova er minnst sex mán-
aða löng.
Rannsóknin hófst með ábend-
ingu sem ekki er dagsett í gögn-
um þeim sem fylgja úrskurði
Héraðsdóms Reykjavíkur um
húsleitarheimild.
Á grundvelli þessarar ábend-
ingar kallaði Samkeppniseftir-
litið hinn 4. september eftir
fundargerðum Samtaka ferða-
þjónustunnar allt aftur til ársins
2000. Tveimur vikum síðar senda
Samtökin gögnin á tölvutæku
formi til Samkeppniseftirlits.
Að auki er tilgreind í úrskurð-
inum umfjöllun í DV frá fimmtu-
deginum 2. febrúar 2006. Hún
„styðji ennfremur að ferðaskrif-
stofur eigi með sér samráð“.
Þessi gögn telur Samkeppnis-
eftirlit gefa „ríkar ástæður til að
ætla að innan ferðaþjónustunnar
eigi sér stað víðtækt samráð á
ýmsum sölustigum“.
Þau sýni að forsvarsmenn
fyrirtækja innan Samtakanna
hafi ítrekað rætt saman um verð-
lagningu og álagningu fyrir
þjónustu sína um árabil.
Eftir að meirihluti
atkvæða hafði verið talinn sýndu
tölur að ríkisstjórn Eistland hélt
velli í þingkosningunum sem fóru
fram í gær. Er það í fyrsta skipti
eftir að landið varð aðili að Evr-
ópusambandinu sem sitjandi ríkis-
stjórn heldur meirihluta eftir
kosningar.
Umbótaflokkurinn, sem er
miðhægriflokkur, og Miðjuflokk-
urinn, sem hallast til vinstri,
mynda samsteypustjórn. Þegar að
60 prósent atkvæða höfðu verið
talin var Umbótaflokkurinn með
tæp 27 prósent atkvæða og Miðju-
flokkurinn með tæplega 23 pró-
sent.
Stjórnmálaskýrendur sögðu
meginspurninguna í þessum kosn-
ingum snúast um hvor flokksleið-
toginn muni verða næsti forsætis-
ráðherra Eistlands og einnig hvort
að þeir myndu þurfa að leita til
þriðja flokksins til að mynda
meirihluta í þinginu. Þeir hafa
stjórnað undanfarið kjörtímabil
með stuðningi lítils landbúnaðar-
flokks.
Talið er að kjörsókn hefði verið
rúm 60 prósent en fyrirfram var
aðeins var búist við að helmingur
af þeim 895.000 Eistlendingum
sem eru á kjörskrá myndu kjósa.
Hægt var að kjósa á internetinu í
fyrsta sinn og lýstu sumir yfir
áhyggjum með að þessi aðferð
byði upp á svik og kosningasvindl.
Yfirvöld sögðu áhyggjur óþarfar
og þessi aðferð hefði sannað gildi
sitt í sveitastjórnarkosningum
árið 2005.
Ríkisstjórn Eistlands hélt velli
Ferð þú til útlanda í sumar?
Hefur þú fundið fyrir lækkun á
matvælaverði?