Fréttablaðið - 12.09.2007, Side 14

Fréttablaðið - 12.09.2007, Side 14
MARKAÐURINN F Ó L K Á F E R L I 12. SEPTEMBER 2007 MIÐVIKUDAGUR14 F Y R S T O G S Í Ð A S T GUÐMUNDUR DAVÍÐSSON hefur verið ráðinn forstjóri yfir starfsemi Eimskips á Íslandi. Norður-Atlantshafssvæði félagsins verður skipt í tvennt og er Ísland orðið að sérstöku sviði innan samsteypunnar. Guðmundur hefur áralanga reynslu af stjórnun fyrirtækja ásamt því að hafa setið í stjórnum margra félaga. Hann starfaði nú síðast sem framkvæmdastjóri fjárfestingar- félagsins Grettis. Hann var þar áður forstöðumaður markaðsmála og vöru- þróunar á fyrirtækjasviði Landsbankans á árunum 2003 til 2007. Hann var hjá SIF frá árinu 2000 til 2003, síðast sem framkvæmdastjóri vöruþróunar hjá SIF í Frakklandi. Guðmundur starfaði hjá Samskipum um 12 ára skeið í ýmsum stjórnunarstörfum hérlendis og erlendis. Guðmundur er kvæntur Kristjönu Ólafsdóttur og á hann þrjá syni. BRAGI ÞÓR MARINÓSSON hefur verið ráðinn forstjóri Norður- Atlantshafssvæðis Eimskips. Hann mun fást við frekari uppbyggingu á svæðinu fyrir utan Ísland, einkum í Færeyjum og Noregi. Bragi Þór Marinósson hefur gegnt stöðu framkvæmdastjóra Norður-Atlantshafssvæðis frá árinu 2006. Þar áður var hann framkvæmda- stjóri alþjóðasviðs Eimskips 2004-2006 og framkvæmdastjóri dótturfélaga Eimskips í Hollandi og Belgíu 1999-2004 en hafði áður gegnt ýmsum störfum hjá félaginu. Bragi er kvæntur Erlu Sigrúnu Sveinsdóttur og eiga þau tvær dætur. BRENT SUGDEN, forstjóri Versacold, hefur í kjölfar skipulagsbreytinga verið ráðinn forstjóri yfir kæli- og frysti- geymslusviði Eimskips í Ameríku. Bæði Versacold og Atlas Cold Storage, sem reka yfir 120 kæli- og frystigeymslur, tilheyra þessu sviði. Brent Sugden hefur undanfarin sex ár verið forstjóri Versacold og áralanga reynslu af rekstri kæli- og frystigeymslna. Brent hefur náð miklum árangri í Versacold og hefur verið farsæll stjórnandi í ört vaxandi fyrirtæki í hörðu samkeppnisumhverfi. REYNIR GÍSLASON sem gegnt hefur bæði stöðu forstjóra Eimskips í Ameríku frá júlí 2006 svo og forstjóra Atlas frá nóvember 2006 mun halda áfram sem forstjóri yfir annarri starfsemi Eimskips í Ameríku. Sú starfsemi tengist að mestu leyti skiparekstri félagsins í heimsálf- unni en nýlega hóf Eimskip strandsigl- ingar á austurströnd Bandaríkjanna. m þessar mundir eru þrír mán- uðir frá því William Fall tók við forstjórataumunum í Straumi. Þá sagðist hann ætla að taka sér níu- tíu daga til að skapa nýja framtíðar- sýn fyrir bankann undir sinni stjórn. Undan- farið hafa framkvæmdastjórar og millistjórn- endur bankans komið að þeirri vinnu. William kynnti blaðamönnum nýja stefnu bankans til ársins 2010 á mánudag. Nú er stefnan ekki aðeins sett á að Straumur verði leiðandi fjárfestingarbanki á Norður- löndunum, eins og stefnan hefur verið um hríð, heldur einnig í Mið- og Austur-Evrópu. Að þessu verður unnið bæði með því að styrkja núverandi starfsemi bankans og frek- ari fyrirtækjakaupum. HÁLEIT MARKMIÐ Fjárhagsleg markmið, sem ætlað er að ná fyrir árið 2010, eru háleit. Stefnt er að því að heildartekjur fari yfir 1.250 milljónir evra, um 112 milljarða króna. Það er 160 prósenta aukning tekna miðað við síðasta ár. Þá hefur markmið um hlutfall þóknunartekna verið hækkað úr fimmtíu í 75 prósent af heildar- tekjum. Stefnt er að því að heildareignir tvö- faldist á næstu þremur árum og verði fjór- tán milljarðar evra, arðsemi eigin fjár verði að jafnaði yfir tuttugu prósentum og eignir í stýringu tíu milljarðar evra. FJÖLGUN ERLENDRA HLUTHAFA Sérstaða Straums á að verða fólgin í því að bankinn hafi sterka stöðu á öllum skilgreindum markaðssvæðum. Náið samstarf verði á milli starfsstöðva bankans. Í máli Williams kom fram að mörkuðum Norður- og Mið-Evrópu væri iðulega stjórnað af áhættufælnum og nokkuð íhaldssömum bankastofnunum. Fjár- festingarbankar sem teygðu sig jafnt yfir allt svæðið og þjónustuðu alþjóðlega fjárfesta og lítil og meðalstór fyrirtæki væru í reynd ekki til. Þeirri þörf væri Straumur að svara. Ætlunin væri að bankinn yrði fyrsti kostur í hugum viðskiptavina bankans, á öllum starfs- svæðum hans. Þá er stefnan sett á að meira en fimmtíu pró- sent þess hlutafjár sem ekki er í eigu tengdra aðila verði í eigu erlendra fjárfesta. Björgólf- ur Thor Björgólfsson og tengdir aðilar eiga í dag tæp fjörutíu prósent hlutafjár í Straumi. Um tíu til fimmtán prósent af hlutafé sem ekki er í eigu Björgólfs eða tengdra aðila eru í dag í eigu erlendra fjárfesta. William sagð- ist búast við að skráning hlutabréfa bankans í evrum myndi laða fleiri erlenda fjárfesta að félaginu. Þá sagðist hann hafa orðið var við mikinn áhuga erlendra fjárfesta á bankanum frá því hann tók við. FLEIRI KONUR Í BANKANN Ný markmið Straums ná einnig til starfs- fólks bankans. Öllu starfsfólki bankans verða boðnir kaupréttarsamningar, sama hvaða störfum það gegnir. Þá eiga konur að verða fjörutíu prósent af starfsfólki bankans strax á næsta ári. Í dag er það hlutfall rúmlega þrjátíu prósent. Straumur hefur orðið fyrir nokkurri gagnrýni vegna ónógrar upplýsingagjafar. Við þessu verður brugðist með því að gefa út rekstraráætlanir fyrir árið 2008 og ársfjórðungslegar áætlanir frá árinu 2009. Á því sviði skákar Straumur hinum íslensku bönkunum en enginn þeirra hefur gefið slíkar áætlanir út hingað til. - hhs Stór markmið hjá Straumi Með innri vexti og fyrirtækjakaupum ætla stjórnendur Straums að skapa leiðandi fjárfestingarbanka í Norður- og Mið- Evrópu fyrir árið 2010. William Fall, forstjóri Straums, kynnti leiðirnar að því marki á blaðamannafundi á mánudag. Fjármálaeftirlitið (FME) og Kredittilsynet í Noregi hafa gert með sér samning um samstarf vegna starfsemi útibús Kaup- þings í Noregi. Í tilkynningu FME kemur fram að ástæða samningsins sé að Kaupþing hafi sótt um aðild að innistæðutryggingasjóði norskra banka (Bankenes sikringsfond), en það sé gert til að tryggja að viðskiptavinir bankans í Nor- egi njóti sömu innistæðutrygg- ingar og viðskiptavinir norskra innlánsstofnana. „Vernd inni- stæðueigenda er töluvert hærri í Noregi en á Íslandi. Með aðild Kaupþings að norska innistæðu- tryggingasjóðnum felst að sjóður- inn myndi þá greiða mismuninn á milli norsku og íslensku inni- stæðutryggingarinnar ef til þess kæmi,“ segir í tilkynningunni. Samstarfssamningur FME og Kredittilsynet er sagður snúa að samstarfi eftirlitsaðilanna varð- andi þessa aðild Kaupþings að sjóðnum, en forstjórar eftirlits- stofnananna, Jónas Fr. Jónsson og Björn Skogstad Aamo, skrif- uðu undir samninginn í Ósló síðastliðinn fimmtudag, þar sem stóð yfir árlegur forstjórafundur norrænna fjármálaeftirlita. - óká Samið um samstarf vegna Kaupþings Skipt var um stjórnarformann í Seed Forum á Íslandi auk þess sem þrír nýir stjórnarmenn komu inn á aðalfundi félagsins á fimmtudag í síðustu viku. Seed Forum velur og þjálfar íslensk nýsköpunar- og frumkvöðlafyrirtæki til að kynna sig fyrir fjárfestum hér heima og erlendis. Dr. Andri Ottesen, fram- kvæmdastjóri Klaks nýsköpunar- og frumkvöðlaseturs, tók við stjórnarformennsku af Jóni Helga Egilssyni, sem tók við stöðu framkvæmdastjóra hjá Seed Forum International í Bandaríkjunum í vor. Hinir eru Eggert Claessen, formaður Sam- taka viðskiptaengla, Jón Hreins- son, rekstrarstjóri Nýsköpunar- miðstöðvar Íslands, og dr. Rögn- valdur Sæmundsson, dósent við Háskólann í Reykjavík í nýsköp- unar- og frumkvöðlafræðum. Aðrir stjórnarmenn eru dr. Bjarki Brynjarsson hjá Askar Capital, Davíð Lúðvíksson, for- stöðumaður nýsköpunarsviðs Samtaka iðnaðarins, og Jón Helgi. Þá er Elsa Einarsdóttir, forstöðu- maður viðskiptaþjónustu breska sendiráðsins, áheyrnarfulltrúi. Nýir í stjórn Seed Forum Hrefna Ösp Sigfinnsdóttir hefur verið ráðin til Arev verðbréfa í nýtt starf sem fjárfestingarstjóri Arev N1. Fjárfestingar-sjóðurinn Arev N1 var stofnaður í apríl á þessu ári og sér- hæfir sig í fjárfestingum á íslenskum neytendavöru- fyrirtækjum. Hrefna er viðskiptafræðingur frá Háskóla Íslands og hefur að undan- förnu lagt stund á MS-nám í stjórnun og stefnumótun við Háskóla Íslands. F Ó L K Á F E R L I

x

Fréttablaðið

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Fréttablaðið
https://timarit.is/publication/108

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.