Fréttablaðið - 02.07.2008, Blaðsíða 11

MARKAÐURINN 11MIÐVIKUDAGUR 2. JÚLÍ 2008
S K O Ð U N
Afríka
Afríka er staðurinn í dag. Þá
er ég að tala um allt frá Mar-
okkó í norðri niður til miðhlut-
ans. Suður-Afríka er ekki upp á
marga fiska og Simbabve í tómu
rugli. Vesturhlutinn er fínn og
þangað hef ég nú komið nokkr-
um sinnum síðustu árin.
Þótt flestir tali illa um löndin
þarna fyrir sunnan leynast dem-
antar innan um. Og þá er ég að
tala um þá í bókstaflegum skiln-
ingi orðsins.
Raunar eru það hvorki kon-
urnar né áfengið sem ég sæki
í og er ekki mikið fyrir mat-
inn. Smakkaði á honum þegar
ég kom hingað fyrst og skolaði
gjarnan niður með innlendri og
rótsterkri framleiðslu. Það var
ágætt. En ég fékk oftast niður-
gang næsta dag.
Núorðið snerti ég ekki á
honum heldur kýs að burðast
með úttroðna ferðatösku af
Oramat í dósum. Sem er fínt.
Maður þekkir auðvitað bragðið.
Og því er ekki að neita að ég er
ekki einn um þetta. Fjárfestarn-
ir heima á skerinu kannast við
þetta enda víst margir komnir
í hann. Ef þeir eru ekki þegar
byrjaðir að borða úr dósunum
þá eru þeir að birgja sig upp.
Það er svo spurning hvort marg-
ir hafi efni á upptakara núorðið.
En það er þeirra mál.
Það eru kínversku peningarn-
ir sem mitt ofurnæma nef hefur
þefað uppi í Afríku. Ég er auð-
vitað ekki einn um það. Kínverj-
ar hafa í mörg ár dundað sér
við fjárfestingar þarna niðri í
henni svörtustu og tryggt sig
fyrir traustum hlutum í hrá-
vöru og jarðhita án þess að fjár-
festa beint í þessum eignum
fólksins. Sniðugur gjörningur.
Enda verða náttúruauðlindirn-
ar með þessu móti í eigu fólks-
ins um aldur og ævi á meðan
Kínverjarnir stinga hagnaðin-
um í vasann. Og allir sáttir. Því
er auðvitað ekki að neita að Kín-
verjarnir kunna að fara í kring-
um hlutina. Sem er að skila sér
núna.
Enda finnst mér stundum sem
við séum bræður í anda. Sér-
staklega hugsa ég það þegar ég
læði hendi undir kodda á kvöld-
in og þreifa á evrunum sem ég
sankaði að mér í haust. Já, við
Kínverjarnir kunnum þetta.
Spákaupmaðurinn á horninu
S P Á K A U P M A Ð U R I N N
Halldór Jón Kristjánsson, bankastjóri
Landsbankans, hefur í nógu að snúast
þessa dagana. Ekki aðeins mæðir mikið
á honum vegna rannsóknar Kauphallar-
innar á kaupum bankans á íbúðabréf-
um, sama dag og ríkisstjórnin kynnti
breytingar á Íbúðalánasjóði, heldur er nú
unnið hörðum höndum að því að bjarga
fyrirtækinu Nýsi. Þá stendur Halldór líka
í stórræðum sem formaður Samtaka fjár-
málafyrirtækja vegna rannsóknar ESA á
sjóðnum.
Halldór er reyndur bankamaður og
hefur verið í bankabransanum í næst-
um tvo áratugi. Hann var deildarstjóri
í iðnaðar- og viðskiptaráðuneytinu eftir
nám, en árið 1991 varð hann aðstoð-
arbankastjóri Evrópubankans í Lundún-
um. Þar var hann í fjögur ár, en sneri
síðan heim í ráðuneytið. Þar varð hann
skrifstofustjóri og síðan ráðuneytisstjóri.
Það var síðan árið 1998 að hann gerðist
bankastjóri Landsbankans og hefur sinnt
því starfi síðan.
Halldór tók stúdentspróf í Noregi og
nam lífefnafræði eftir það, áður en hann
hóf lögfræðinám við Háskóla Íslands.
Því lauk hann árið 1979 og tveimur árum
síðar lauk hann framhaldsnámi í þjóðar-
rétti. Eftir það nam hann samningarétt
við Harvard-háskóla í Bandaríkjunum.
Halldór hefur sinnt mörgum trúnaðar-
störfum. Til að mynda sat hann í fjöl-
mörgum nefndum iðnaðarráðuneytisins
árin 1981 og áratuginn þar á eftir. Þá sat
hann í stjórn Landsvirkjunar, var stjórn-
arformaður Steinullarverksmiðjunnar og
Þróunarsjóðs lagmetisiðnaðarins. Hall-
dór var formaður nefndar sem undir-
bjó hlutafélagavæðingu Landsbankans og
Búnaðarbankans árin 1997 til 98. Síðan
hefur hann setið í ýmsum stjórnum, til
að mynda stjórn Samtaka atvinnulífs-
ins og er nú formaður Samtaka fjármála-
fyrirtækja.
Halldór er fæddur árið 1955. Hann er
kvæntur Karolinu Fabínu Söebech stjórn-
málafræðingi og eiga þau tvö börn.
S A G A N Á B A K V I Ð . . . H A L L D Ó R J . K R I S T J Á N S S O N , B A N K A S T J Ó R A L A N D S B A N K A N S
Reyndur í heimi viðskiptanna
„Ég sá það fyrst á visir.is“
Öll mörkin í Landsbankadeildinni
Visir.is var langfyrstur með mörkin í Landsbankadeildinni. Boltavakt visir.is og Fréttablaðsins er á öllum
leikjum sumarsins í Landsbankadeild karla. Öll mörk, spjöld og helstu atriði leikjanna eru í beinni
textalýsingu. Visir.is er öflug frétta- og upplýsingaveita í stöðugri sókn sem leggur metnað sinn í að
flytja fréttir líðandi stundar fljótt og örugglega. Fréttir, dægurmál, umræða, blogg, sjónvarpsfréttir
Stöðvar 2 og fréttatengdir þættir – allt er þetta aðgengilegt á einum stað í einfaldri umgjörð með
skýrri framsetningu. Notendur vita að hverju þeir ganga þegar þeir heimsækja visir.is.
...ég sá það á visir.is





Netverslun ishusid.is
Er of hátt hitastig?
Loftkæling fyrir:
-Netþjóna
-Skrifstofur
-Veitingastaði
-Verslanir
Netversl ishusid.is