Fréttablaðið - 02.07.2008, Blaðsíða 14

MARKAÐURINN 2. JÚLÍ 2008 MIÐVIKUDAGUR14
F Y R S T O G S Í Ð A S T
D A G U R Í L Í F I …
Margrétar Sanders, framkvæmdastjóra hjá Deloitte.
06.15 Vakna, er komin á Reykjanesbrautina hálftíma síðar.
07.30 Komin í vinnu, kaffisopi, yfirferð yfir tölvupóstinn. Síðasta
hönd á undirbúning undir stjórnarfund.
08.30 Stjórnarfundur. Mikið að gerast á þessum tíma, áramót hjá
okkur maí/júní.
11.00 Yfirferð yfir bílastyrki, ótrúlegur kostnaðarauki! Allt of mörg-
um skilaboðum svarað, er tæp á að komast á réttum tíma á hluthafa-
fund.
12.00 Hluthafafundur á hinum frábæra veitingastað 19. hæðinni í
Turninum.
14.00 Farið betur yfir tölur úr fjárhagsáætlun, hvar er möguleiki á
kostnaðarlækkun...
15.00 Yfirferð yfir ýmislegt tengt ársreikningi Deloitte með
Þorvarði forstjóra og Pétri Odds viðskiptafræðingi.
16.00 Fundur með nokkrum eigendum vegna breytinga á skipulagi
innanhúss.
17.00 Er á leið í boð hjá Auði Capital þegar Sigga (dóttirin) hringir,
þarf að sækja hana. Missi af flottu boði. Sigga var að spila fótbolta
ásamt nokkrum krökkum í myndbandi TM með Margréti Láru. Var
búið fyrr en áætlað var.
17.05 Hringi í Alla Kalla (soninn) til að láta vita að ég fari snemma
heim og að hann fái far þar sem hann þarf að komast á fótbolta-
æfingu.
17.15 Reykjanesbrautin, góður tími til að spjalla við soninn og dóttur-
ina. Vön að vera ein á brautinni, mun skemmtilegra að vera í þeirra
félagsskap. Syninum skutlað á æfingu.
17.50 Komin heim, hendi í mig samloku og byrja að undirbúa veiði-
ferðina í Langá. Dótturinni skutlað til vinkonunnar.
18.45 Evrópukeppnin, náðum ekki öllum leiknum en fréttum
á leiðinni í Langá að bölv. Portúgalarnir séu dottnir út! Nú eru
Hollendingar síðasta vonin.
20.30 Við hjónin leggjum af stað í Langá.
22.00 Mættum í veiðihúsið með góðum hópi Deloitte-ara. Mikil
spenna fyrir morgundeginum enda opnun árinnar. Frábært veður en
ömurlegt veiðiveður fram undan. Er og spáir glampandi sól. Veiðidót
græjað.
22.30 Berglind kona Knúts stjórnarformanns tók til ýmislegt snarl
fyrir okkur þessi svöngu. Við aðstoðum eftir bestu getu. Höfðum
góða lyst með góðu rauðvíni. Frábært útsýni úr veiðihúsi inn í
Jónsmessuna.
01.00 Ekkert vit í öðru en að koma sér í bælið enda eigum við að
byrja að veiða í fyrramálið kl. 7.
MARGRÉT á fundi með Sigrúnu Daníelsdóttur. MARKAÐURINN/VILHELM
„Ég hljóp 530 kílómetra í
maí, sem er met hjá mér, Ég
reikna með að hlaupa 400
kílómetra á mánuði fram að
Mont Blanc-hlaupinu í lok
ágúst,“ segir Börkur Árna-
son, sjóðsstjóri hjá Íslensk-
um verðbréfum á Akureyri.
Hann býr sig nú undir þátt-
töku í einu stærsta og erf-
iðasta fjallahlaupi í Evrópu,
en hann tók einnig þátt í því
í fyrra.
,,Hlaupið í fyrra var mikil
upplifun enda frábært útsýni
og mikil stemning í kringum
þetta hlaup. Þetta var vissu-
lega erfitt, mikill hiti var á
tímabili sem gerði hlaupur-
um erfitt fyrir og sá ég þann
kost vænstan að henda mér
niður á dýnu í hálftíma eftir
25 klukkustundir á ferðinni
til að safna smá orku fyrir
„endasprettinn“ sem tók
bara tíu tíma. En það var
ólýsanlega gaman að koma í
mark snemma á sunnudags-
morgun í Chamonix eftir að
hafa farið þessa löngu og
erfiðu leið,“ segir Börkur.
Hlaupaleiðin liggur í
kringum fjallið Mont Blanc, í
gegnum Frakkland, Sviss og
Ítalíu. Hlaupið er yfir fjöld-
ann allan af fjöllum og fjalla-
skörðum og þar af eru fjög-
ur fjöll sem eru í 2.500 metra
hæð. Hlaupið er alls 166 kíló-
metrar að lengd.
Hann segist fyrst hafa
byrjað að hlaupa af ein-
hverju marki árið 2002. Yfir-
leitt æfir hann ekki mikið
í lok árs en byrjar aftur
markvisst í kringum áramót.
,,Ég lagði meiri áherslu á
styrktar æfingar í vetur en
áður,“ segir Börkur.
Börkur tók einnig þátt í
fyrsta 100 kílómetra hlaup-
inu sem haldið var hérlend-
is í byrjun mánaðarins, sem
og Mývatnsmaraþoni vik-
una áður. Hann stefnir að
því að taka þátt í Laugavegs-
maraþoni og Jökulsárhlaupi
nú í júlí en reiknar ekki með
að taka þátt í Reykjavík-
urmaraþoni sem er haldið
vikuna fyrir Mont Blanc-
hlaupið. Hugsanlega bætist
við eitt 180 km hlaup í Bret-
landi seinna í haust. Þess
má til gamans geta að Börk-
ur tók ,,létt skokk“ um liðna
helgi og hljóp Fimmvörðu-
hálsinn á innan við þremur
klukkustundum.
Hljóp 530 km í maí
BÖRKUR ÁRNASON
undirbýr sig nú af krafti
fyrir 166 kílómetra hlaup
í kringum Mont Blanc
sem fer fram í lok ágúst.
MYND/RAGNHEIÐUR
GUÐMUNDSDÓTTIR
F R Í S T U N D I N
Annas Sigmundsson
skrifar
Ekki eru allir búnir að missa trúna á Laugaveginum
sem verslunargötu. Fyrir stuttu opnuðu fyrirtækin
Epal og Liborius nýja verslun á Laugavegi 7. Epal
hefur fram að þessu verið með verslun í Skeifunni
og fríhöfninni í Leifsstöð.
,,Okkur fannst það skemmtilegur leikur að fara
niður á Laugaveg,“ segir Ingibjörg Friðjóns dóttir,
sölustjóri hjá Epal. Spurð um markhópinn segir hún
að búðin á Laugaveginum sé ætluð öllum. ,,Bæði Ís-
lendingum og erlendum ferðamönnum,“ segir Ingi-
björg.
Hún segir að viðbrögðin við nýju búðinni hafi
verið góð en þó séu einungis þrjár vikur síðan búðin
var opnuð.
Epal og Liborius deila með sér um 120 fermetra
húsnæði. Þar er seld gjafavara frá Epal, nytja hlutir
og skrautmunir fyrir heimilið. Liborius býður há-
tískufatnað fyrir dömur og herra frá hönnuðunum
Christian Dior í Frakklandi, Ann Demeulemeester í
Belgíu, Number (N)ine og Undercover í Japan sem
dæmi. Einnig fást í versluninni sérvalin ilmvötn
og ýmiss konar fylgihlutir, meðal annars úr silki,
kasmírull, leðri og silfri, að ógleymdum svörtum
demöntum.
Flestar vörurnar eru til í takmörkuðu upplagi og
einungis í boði í tengslum við árstíðabundna fram-
leiðslulínu hönnuðarins, og eru sagðar afar eftir-
sóttar víðs vegar um heim.
Liborius fylgir einnig fordæmi kunnra verslana
í París sem kynna reglulega sérvalin bókmennta-
verk. Minnisbók Sigurðar Pálssonar var fyrst kynnt
þar og nýlega var bók Charlies Strand, Project Ice-
land, kynnt hjá Liborius og eru allar bækur eru árit-
aðar af höfundi.
Þessi nýja verslun er ekki í einu af elstu húsum
á Laugaveginum því að húsið að Laugavegi 7 var
reist snemma á 8. áratugnum undir starfsemi
Landsbankans. ,,Nú bjóða menn viðskiptavini Epal
og Liborius velkomna og vona að þeir gangi út aftur
ekki óglaðari en úr bankanum forðum,“ segir Ingi-
björg að lokum.
Epal og Liborius
saman í miðbæinn
Þessi tvö fyrirtæki hafa nú sameinað krafta sína og opnað
nýja verslun í miðbæ Reykjavíkur.
HILDUR BJÖRGVINSDÓTTIR Starfsmaður í nýju versluninni. Verslunin er bæði ætluð Íslendingum og erlendum ferðamönnum.
FRÉTTABLAÐIÐ/GVA