Tíminn - 06.07.1983, Blaðsíða 3
MIÐVIKUDAGUR 6. JÚLÍ 1983
Wivmm
3
fréttir
■ Móttökuathöfninni lokiö, varaforsetinn og fylgdarmenn hans að leggja af stað til
Reykjavíkur.
■ Frú Edda Guðmundsdóttir og frú Bush ganga til bifreiðanna.
■ í ræðu sinni í kvöldverðarboðinu til
heiðurs George og Barböru Bush í
gærkvöldi vitnaði Steingrímur Her-
mannsson forsætisráðherra til Franklins
D. Roosevelt um hinar fjórar eigindir
frelsisins. Frelsið til tjáningar í orði og
riti, frelsi til guðsdýrkunar í samræmi við
trú hvers og eins, frelsi undan skorti og
frelsið undan ótta. Síðan benti hann á að
mikið skorti á að tekist hafi að gera
þessar fjórar eigindir frelsisins að veru-
leika í heiminum. Mikið skorti á að mál
og tjáningarfrelsi hafi verið tryggt, sama
gildi um trúfrelsið, skortur væri enn
hlutskipti milljóna og vígbúnaðarkapp-
hlaupið hafi valdið því að mannkynið
búi nú við stöðugan ótta. „Ég er þess
fullviss, að með sjálfum okkur erum við
sammála um, að friður sem byggist á
ótta er ekki raunverulegur friður. Við
verðum að keppa að breytingu til batn-
aðar,“ sagði forsætisráðherrann. Ræðu
sinni lauk hann með þcssum orðum:
„Herra varaforseti, ég er þess fullviss,
að ég mæli fyrir fslendinga alla, þegar ég
legg áherslu á von okkar um að úr
vopnabúnaði dragi um heim allan, svo
engir þurfi að búa í ótta við hemaðar-
árásir, svo ekki sé minnst á tortímingu á
heimsmælikvarða.
í þessu efni væntir hinn frjálsi heimur
forustu Bandaríkjanna.“
JGK
■ Allt með fclldu hér.
Ekkert má
út af bera:
SJÁLFVIRKUR
SÍMI LAGÐUR
AÐ VEIÐISTAÐ
GEORGE BUSH
■ Mikill viðbúnaður hefur átt sér stað
að undanförnu í sambandi við heimsókn
George Bush varaforseta Bandaríkj-
anna og fátt til sparað í sambandi við
hana.
Eins og fram hcfur komið í fréttum er
varaforsetanum boðið að renna fyrir lax
í Þverá í Borgarfirði og verður viðdvöl
hans þar í mesta lagi tveir og hálfur tími.
Hingað til hefur aðeins verið sveitasími
í veiðiskálann við ána en úr því hefur nú
verið bætt. Tengdur hefur verið sér-
stakur sjálfvirkur sími við skálann til að
unnt verði að ná í varaforsetann með
hraði ef á þarf að halda. Bandaríkja-
menn munu hafa óskað eftir því að þetta
yrði gert og bera af því kostnað en
tæknimenn Landsímans sáu um fram-
kvæmdina.
Ekki tókst að fá uppgefið símanúmer-
ið hjá upplýsingum, í gær, þar var sagt
að hér væri um einkalínu að ræða og
númerið því ekki.á skrá hjá Landsíman-
um.
JGK
Hjónin á Þing-
vallastræti 22
Eiga 5
börn
■ í frétt Tímans um að hjónin á
Þingvallastræti 22 Akureyri hefðu ekki
fengið umbeðinn frest á framkvæmd
Hæstaréttardómsins sem kveður á um
að þau skuli rýma íbúð sína fyrir helgina
kom ekki fram að þau eiga fimm börn á
aldrinum 2 til 11 ára og leiðréttist það
hér með.
Samningur um nýja flugstöd á Keflavíkurflugvelli:
BANDARÍKIAMENN bera
UM 70% AF KOSTNADI
— samtals um 56 milljónir bandaríkjadala
■ „Ég vona að þessi samningur verði
okkur Islendingum til heilla og gagns í
framtíðinni,“ sagði Geir Hallgrímsson,
utanríkisráðherra, eftir að hann og
Marshall Brement, sendiherra Banda-
ríkjanna á íslandi, höfðu undirrítað
samning bandarískra og íslenskra stjórn-
valda um byggingu nýrrar flugstöðvar á
Keflavíkurflugvelli.
Samkomulagið var undirritað í fund-
arsal utanríkisráðuneytisins í gær að
viðstöddum embættismönnum beggja
landa og blaðamönnum. í því felst að
ríkisstjórnirnar skuldbindi sig til að
leggja fram allt að 20 milljónum króna
að jöfnu til að hefja framkvæmdir og
skal féð handbært fyrir 1. október næst-
komandi. Bandaríkin skuldbinda sig til
að leggja fram samtals 20 milljónir
dollara - jafnvirði um 550 milljóna
íslenskra króna á núverandi gengi - til
byggingarinnar. Að auki munu Banda-
ríkjamenn kosta alla jarðvegsvinnu,
frágang bílastæða og stæða fyrir flugvél-
ar, lagningu eldsneytisleiðslna og fleira,
sem samtals kostar 36 milljónir dollara -
þannig að framlag þeirra til verkefnisins
Tímamynd Ari.
■ Marshall Brement og Geir Hallgrímsson undirrita samkomulagið.
verður 56 milljónir dollara miðað við
núgildandi verðlag, sem er tæpur mill-
jarður íslenskra króna, á móti 550 mill-
jónum króna frá íslendingum.
Geir Hallgrímsson sagði eftir undirrit-
unina í gær að forsendur fyrir þessum
samningi væru þrjár. í fyrsta lagi aðskiln-
aður varnarliðsins frá umferð ferða-
manna um Keflavíkurflugvöll. Þá væri
Bandaríkjamönnum hagur af því að fá
flugstöðina, sem nú er í notkun á
Keflavíkurflugvelli, til afnota og loks
væri beggja hagur að fá aðgang að nýrri
flugstöð í neyðartilvikum, það er að
segja að stríðstímum eða í náttúruham-
förum.
í kosnaðaráætlun um byggingu nýrrar
flugstöðvar frá 1981 var gert ráð fyrir að
hún mundi fullgerð kosta 46 milljónir
bandaríkjadala. Ný kostnaðaráætlun
liggur ekki fyrir, en ekki er búist við að
kostnaður verði meiri en reiknað var
með fyrir tveimur árum. íslendingar þurfa
ekki að borga sinn hluta, 20-25 milljónir
dollara, fyrr en flugstöðin verður tekin í
notkun.
Geir Hallgrímsson var spurður hverra,
íslendinga eða Bandaríkjamanna, væri
að meta það hvenær væri um neyðartil-
vik að ræða. kvað hann það samkvæmt
varnarsamningi vera á valdi íslenskra
stjórnvalda.
Loks sagði Geir Hallgrimsson: „Það
er ánægjulegt að geta leitt þetta mál til
lykta,“ og nefndi að fyrirrennari hans í
utanríkisráðuneytinu, Ólafur Jóhannes-
son, hefði unnið ötullega að framgangi
þess í tíð fyrri ríkisstjómar.
Búist er við að flugstöðin verði tilbúin
eftir tvö til þrjú ár.
-Sjó.