Tíminn - 08.10.1983, Page 3

Alvarleg f járhagsstaða borgarsjóðs:
VANTAM 349 MIUJÓNIR1IL
AÐ NA SLÉTTU í AGIÍSTMÁNUM
■ Nokkrar umrxður urðu á borgar-
stjórnarfundi í fyrrakvöld vegna fjár-
hagsörðugleika borgarsjóðs Reykjavík-
ur, en nú stefnir í að yfirdráttur borgar-
sjóðs hjá Landsbankanum verði 250-300
miiljónir króna komi ekkert nýtt fjár-
magn til.
I lok ágústmánaðar var yfirdráttur
borgarinnar hjá Landsbankanum 215
milljónir króna og ef við þá upphæð er
bætt 94 milljóna króna yfirdrætti hjá
bankanum um síðustu áramót hækkar
þessi tala upp i tæpar 210 milljónir króna
og ef tillit er tekið til þess að gjaldheimt-
an hefur afhent borginni 40 milljónir
króna umfram það sem hún hefur inn-
heimt kemur út að 349 milljónir króna
vantaði í lok ágúst til að borgarsjóður
stæði á sléttu.
Þessar upplýsingar komu meðal ann-
ars fram í máli Kristjáns Benediktssonar
borgarfulltrúa Framsóknarflokksins er
hann reifaði málið á borgarstjórnarfund-
inum. Þessi staða blasir við þrátt fyrir að
útsvör og aðstöðugjöld hafa innheimst
mun betur en áætlað var.
Kristján sagði að rekstrargjöld borgar-
sjóðs færu væntanlega 4% fram úr
áætlun eða um 60 milljónir. Eins og nú
horfir mun vanta 130 milljónir upp á
áætlaðar tekjur og stafar það af því að
innheimta hefur brugðist á gatnagerð-
argjöldum af Grafarvogssvæðinu svo að
skeikar um 155 milljónum króna frá því
sem áætlað var. „Þessar tölur," sagði
Kristján, „eru byggðar á því að inn-
heimta álagðra gjalda nái 80%.“ Um
síðustu áramót var innheimtuhlutfallið
73%, en hvert prósentustig til lækkunar
eykur fjárvöntunina um 11 milljónir.
Vegna hins alvarlega ástands í fjár-
málum borgarinnar taldi Kristján nauð-
synlegt að borgarstjóri gerði borgar-
stjórn sem fyrst grein fyrir hugmyndum
sínum og tillögum um hvernig bregðast
skuli við og hvernig fleyta megi borgar-
sjóði framyfir áramót. Hann sagði að
ekki væri hægt að ganga frekar á
fjármuni hinna ýmsu borgarfyrirtækja
en borgin skuldaði þeim nú þegar yfir 90
milljónir króna. Því væru engir kostir
aðrir sýnilegir aðrir en lántökur, þar sem
þegar væri búið að semja um mcst allar
framkvæmdir.
Davíð Oddsson borgarsjóri kvaðst
myndu gera borgarstjórn grein fyrir
fjármálum borgarinnar á næstunni.
Hann viðurkenndi að hann væri mjög
slæmur um þessar mundir og vaxandi
erfiðleikar framundan.
Borgarstjóri sagði að hann teldi eðli-
legt að viðskiptabanki borgarinnar hlypi
undir bagga með borgarsjóði og sagði
embættismenn sína vinna að lausn mál-
anna. Myndi hann gera nánari grein fyrir
stöðu mála þcgar þeir hefðu lokið athug-
unum sínunt.
- JGK.
Tónlistarfélag Akureyrar 40 ára:
Afmælistónleik-
ar í Borgarbíói
■ í tilefni af 40 ára afmæli Tónlistar-
félags Akureyrar verða haldnir veglegir
afmælistónleikar í Borgarbíói, í dag kl.
14:00. Fyrri hluti efnisskrárinnar verður
í höndunt Blásarakvintetts Reykjavíkur,
en á síðari hluta tónleikanna verður
frumflutt verkið „Oðurinn til steinsins"
eftir Atla Heimi Sveinsson. Þaðersamið
við myndir Ágústs Jónssonar og ljóð
Kristjáns frá Djúpalæk. Flytjendur
verða Jónas Ingimundarson píanóleikari
og Jóhann Pálsson leikari og grasafræð-
ingur, sem les Ijóðin. Auk þess verða
sýndar litskyggnur af steinamyndum Ág-
ústar.
Aðalviðfangsefni félagsins hefur verið
að efla tónlistarstarfsemi í bænum
endurvekja lúðrasveit á Akureyri, og fá
tónlistarmenn, innlenda og erlenda til
tónleikahalds. Lúðrasveitin varð óháð
Tónleistarfélaginu eftir 1947. Árið 1945
var stofnaður tónlistarskóli og var Mar-
grét Eiríksdóttir píaníanóleikari ráðin
til að veita honum forstöðu. Nú, árið
1983 er nemendafjöldi við Tónlistarskól-
ann á Akureyri rétt um 500. I desember
sl. gafst bæjarbúum kostur á að hlýða á
tónleika skólahljómsveitarinnar í Akur-
eyrarkirkju. Þetta var stór stund í
tónlistarlífi bæjarins, og hinir kornungu
hljóðfæraleikarar vöktu mikla hrifningu.
Fyrsti formaðurTónlistarfélags Akur-
eyrar var Stefán Ágúst Kristjánsson.
Núverandi formaður er Jón Arnþórsson.
BK
■ Ragnar D. Hermannsson formað-
ur Skjpstjóra- og stýrimannafclagsins
Öldunnar afhendir Þór Magnússyni
þjóöminjaverði fyrsta fána félagsins
við hátíðlega athöfn í Þjóðminjasafn-
inu í gær. Þetta er elsti stéttarfélagsfáni
á íslandi, frá árinu 1907. Aldan heldur
upp á 90 ára afinæli sitt um þcssar
stundir.
Tímamynd Róhert

Kennarar í
Fellaskóla og
Vesturbæjar-
skóla:
NEITA AD SINNA GÆSUI
NEMENDA í FRlMÍNÚTUM
Lögfræðingar menntamálaráðuneytisins og Kennarafélags Reykjavíkur kanna málið
■ Nú er komin upp su staða í tveimur grunnskolum borgarinnar, Fellaskola og
Vesturbæjarskóla að kennarar neita að sinna gæslu nemenda í frímínútum. Að vísu
er hér um ólík tilfelli að ræða, þar sem kennarar í Fellaskóla neita alfarið að sinna
gæslunni, og mælast til þess að ráðin verði manneskja í það starf, en kennarar í
Vesturbæjarskóla neita að sinna gæslunni í kaffítíma sínum, en þeir hafa vegna
þrengsla í skólanum þurft að tvískipta svokölluðum löngu frímínútum í skólanum,
þannig að þeir hafa æði oft þurft að fórna kafíitíma sínum til þess að gæta barnanna
úti á leiksvæði skólans. Gáfu kennarar í Vesturbæjarskóla frest þar til í dag að lausn
yrði fundin á þessu máli, og hafa þeir þvi fram til dagsins í gær sinnt þessari gæslu,
en á mánudag er óvíst hvað verður.
Tíminn hafði samband við nokkra
aðila vegna þessa máls, og spurðist fyrir
um stöðu þess. Þorbjörn Broddason í
fræðsluráði Reykjavíkur hefur kannað
þetta mál ásamt Sigurjóni Fjeldsted.
Þorbjörn tjáði blaðamanni Tímans að í
ljósi þess sem fram hefði komið eftir
könnun þeirra Sigurjóns, þá yrði ekki
betur séð en meira álag væri á kennurum
Vesturbæjarskóla en í flestum öðrum
skólum. „Það stafar af því," sagði
Þorbjörg, „að þeir hafa fundið sig knúna
til þess að hafa tvöfaldar löngufrímínút-
ur, og taka aðeins helming krakkanna út
í einu, vegna þrengsla á lóðinni. Þar af
Ieiðandi þurfa kennarar í Vesturbæjar-
skóla unnvörpum að missa af þremur
eða jafnvel fjórum kaffitímum í viku.
Þetta mál er nú til athugunar hjá
lögfræðingum á vegum Kennarafélags
Reykjavíkur og á vegum menntamála-
ráðuneytisins, og það verður ljósara
hvað verður ofan á, þegar álitsgerðir
þeirra liggja fyrir."
„Höldum uppi
lágmarksgæslu“
Tíminn snéri sér til Arnfinns Jónsson-
ar, skólastjóra í Fellaskóla og spurði
hann hvort mikil röskun hefði komist á
skólastarfið við það að kennarar hættu
að sinna gæslustörfum í frímínútum:
„Það er nú ekki hægt að segja að börnin
séu alveg gæslulaus, því við erum með í
gangi lágmarksgæslu, en í því felst að
það er sérstaklega fylgst með sex ára
börnunum af þeirra kennurum, vegna
þess að þau eru ný í skóla. Auk þess
höfum við, yfirkennari og ég, fylgst með
börnunum í lengstu frímínútunum að
morgninum. Við teljum okkur því vera
með þá lágmarksgæslu sem til þarf til
þess að geta starfað. Við erum að reyna
að láta þetta ganga svona á meðan
fræðsluskrifstofan og fleiri aðilar eru að
leita eftir lögfræðilegu áliti á þessu máli.
Það getur gengið um stuttan tíma að
vera með þessa lágmarksgæslu, á meðan
veður eru ekki verri og aðstæður allar,
en ég tel skólann alls ekki geta starfað ef
þessi gæsla verður engin."
Arnfinnur var spurður hvort hann
væri sáttur við þessa ákvörðun kennar-
anna að hætta að sinna gæslustörfum:
„Ég vil nú hvorki segja að ég sé sáttur
eða ósáttur. Ég skil í sjálfu sér þeirra
sjónarmið sem stéttar, þannig að það
má segja að það togist svolítið á hjá mér
sjónarmið mitt sem skólastjórnandi og
náttúrlega sem kennari.
Ég tel að gæslan þurfi að vera til
staðar, frá öryggissjónarmiði, en ég tel
ekkert endilega að kennari þurfi að
sinna henni. Það þarf bara að vera
einhver fullorðinn aðili til staðar, sem
krakkar geta leitað til og vitað af.“
„Vil jum að gangavörður
verði ráðinn“
Guðlaug Teitsdóttir, trúnaðarmaður
kennara í Vesturbæjarskóla varð fyrir
svörum, er Tíminn forvitnaðist um stöðu
mála á þeim bæ: „Þetta kom upp strax í
haust," sagði Guðlaug, að kennarar
munu ekki taka að sér gæslu í kaffitímum
í vetur, en okkur samdist þannig, að við
tókum að okkur að sinna þessari gæslu
til 1. október sl., en þá var farið fram á
það við okkur að við framlengdum um
viku, og önnuðumst þessa gæslu til 7.
október, og það höfum við gert, en sá
frestur rennur sem sagt út á morgun. Við
höfum nokkra sérstöðu hér í Vesturbæj-
arskóla, því við erum eingöngu að tala
um gæslu í kaffitímum, og vísum þar í
kjarasamninga, en samkvæmt þeim þá
eigum við rétt á 20 mínútna kaffitíma
fyrir hádegi og 15 mínútna kaffitíma
eftir hádegi. Við erum eingöngu að fara
fram á að við fáum þennan kaffitíma
sem okkur ber, samningum samkvæmt,
en í öðrum frímínútum sinnum við
gæslu." .
- Hvað leggið þið til að gert verði, til
þess að lausn finnist?
„Hér í Vesturbæjarskóla er töluverð
sérstaða, að því lcyti að við búum við
gífurleg þrengsli. Hér er enginn ganga-
vörður starfandi og hefur ekki verið og
svæðið í kringum skólann er svo lítið að
við verðum að skipta nemendahópnum
sem fer út í langar frímínútur. Við
leggjum til að hingað verði ráðinn starfs-
maður sem hafi með höndum gæslu úti
á leikvelli í kaffitímum, ásamt ganga-
vörslu."
í Vesturbæjarskóla eru um 280 nem-
endur, og er það næsta óvenjulegt að
ekki sé starfandi gangavörður í svo
stórum skóla. Guðlaug sagðist aðspurð
ekki vita um annan skóla, þar sem svo
væri ástatt.
Guðlaug sagðist vænta þess að það
fengist á hreint fyrir mánudaginn á
hvcrn hátt þetta mál yrði leyst, því svona
gæti þetta ekki gengið til lengdar.
- AB.