Tíminn - 10.01.1984, Blaðsíða 4

4
ÞRIÐJUDAGUR 10. JANÚAR 19M
fréttir
Guðmundur Matthíasson, fram-
kvæmdastjóri Flugumferðarþjón-
ustunnar'
„Það stefnir allt
í það að
gervihnettir taki við“
■ „Það er Ijóst að miklar tæknibreyt-
ingar eru á næsta lei'ti, hvað varðar
flugumferðarstjórn, og það er ekki
seinna vænna fyrir okkur að taka afstöðu
til ýmissa atriða sem verða í sviðsljósinu,
innan skamms tíma,“ sagði Guðmundur
Matthíasson, framkvæmdastjóri Flug-
umferðarþjónustunnar m.a. í samtali
við Tímann á Loftlciðum í gær, en
Guðmundur flutti á þessari flugmálaráð-
stefnu erindi um flugumferðarstjórnar-
kerfi það sem við búum við í dag, auk
þess sem hann rakti sögu þess frá byrjun.
Aðspurður um hvers konar tækni-
breytingar yrðu í sviðsljósinu á næstu
árum eða áratugum, sagði Guðmundur:
„Það eru m.a. gervihcttir. Þessi þróun
er þegar hafin, því það má segja að hún
hafi hafist, þegar nýjum og fullkomnum
leiðareiknitækjum var komið fyrir í vélun-
um, sem varð til þess að ákveðinn hluti af
Norður-Atlantshafi var tekinn frá fyrir
vélar sem voru búnar þessum tækjum,
þannig að það var hægt að fara með
aðskilnaðinn mikið neðar, heldur en
annars staðar á Atlantshafinu. Þróunin
verður svo áfram í sambandi við tölvu-
búnað. Sú þróun er þegar hafin, og hún
er líka hafin hjá okkur, þó að það sé ekki
í jafnstórum stíl og hjá grannþjóðunum.
Auðvitað stcfnir þctta allt að því að
, þetta fari yfir á gervihnctti, og þá er ekki
gott að segja hver okkar framtíð verður.
Það er náttúrlega heilmikil óvissa hvort

BUFJARMERKI
m
Bændur — dragið ekki
öllu lengur að panta bú-
fjármerkin vel þekktu.
Notið bæjar- sýslu- og hreppsnúmer
Töluröð allt að 50 stafir
Lágmarksröð 50 stk.
Nú eru siðustu forvöð að panta fyrir vorið
B TRAKTORSGRAFA 1 n n 1 A A /otl 1 K
K 1 snjornoKsiur BJARNI KARVELSSON
IV Stigahlíö 28. Sími 83762
Snjómokstur
Vélaleiga Magnúsar Jósefssonar
'S* 66900
Traktorsgrafa
til leigu í alla jarðvinnu
Vanur maður
tryggir afköstin
Sími66900
■ „Miklar tæknilegar breytingar fram-
undan,“ sagði Guðmundur Matthíasson
framkvæmdastjóri Flugumferðarþjónust-
unnar.
við dettum út úr myndinni eða ekki. Við
höfum fuilan hug á að vera áfram með í
myndinni, eins lengi og við getum. Það
er ýmislegt sem kemur til greina til þess
að vera áfram með sem lengst. Það er til
dæmis í sambandi við endurnýjun á
radarstöðvum. Við fáum upplýsingar
frá einni radarstöð, þeirri í Keflavík, en
við höfum mikinn hug á að fá upplýsing-
ar frá fleiri radarstöðvum, og jafnvel frá
radarstöð Atlantshafsbandalagsins í
Færeyjum. Því ef við hefðum þær upp-
lýsingar, þá stæðum við mikið betur að
vígi, að vera lengur inni í myndinni, en
við yrðum ella.“ -AB
■ „Flugmálastjórn er nú að draga
saman ýmsar upplýsingar fyrir mótun
framtíðarstefnu íslenskra flugmála,"
sagði Pétur Einarsson flugmálastjóri er
Tíminn hitti hann á Hótel Loftleiðum í
gær, en þar voru saman komnir fjöl-
margir aðilar sem tengjast flugmálum
hér innanlands, auk þess sem þar voru
nefndarmenn úr nefnd sem stjórnar og
skipuleggur flug yfir Norður-Atlantshaf-
ið.
„í hnotskurn má segja að við séum að
líta á það, hvernig ísland getur mætt
kröfunum í dag og í nánustu framtíð,
eða fram til aldamóta," sagði Pétur.
- Aðspurður hvort einkum væri þá
verið að ræða mismunandi tæknibúnað
varðandi flugumferðarstjórn, sagði flug-
málastjóri: „Það er verið að ræða hvern-
ig stjórnkerfin eru austan og vestan
hafsins, og svo á miðju hafinu, sem sagt
hér á íslandi. Það er verið að ræða hvaða
kerfi eru tilbúin til notkunar og hvaða
■ ‘Unnið að mótun framtíðarstefnu
flugmála hér á landi,“ sagði Pétur Ein-
arsson flugmálastjóri.
Tímamyndir - Árni Sæberg
tæknibúnaður verður fyrir hendi í nán-
ustu framtíð.“
Pétur sagði að undirbúningsnefnd á
vegum flugmálastjóra sem ynni að
mótun framtíðarstefnu íslenskra flug-
mála hefði ákveðið að halda þennan
fund í gær með fulltrúum viðkomandi
ráðuneytis, ríkisstofnana og flugmála-
stjórnar, nú þegar nefndarmenn úr þess-
ari Norður-Atlantshafsflugsstjórnar-
nefnd funduðu hér á landi, því þeir sem
væru í þessari nefnd væru fremstu sér-
fræðingar sinna landa á þessu sviði.
Nefndarmenn væru frá Bandaríkjunum,
Kanada, Portúgal, Bretlandi, Spáni,
Danmörku og íslandi, og það væri
geysilega þýðingarmikið að fá upplýsing-
ar um þá tækniþekkingu sem þessir
sérfræðingar byggju yfir. -AB
MÓTUN FRAMIÍD-
ARSTEFNU ÍS-
LENSKRA FLUGMÁLA
■ Frá fundinum á Hótel Loftleiðum í gær.
Skeytadreifikerfið:
„Skeytið kemur beint á
skerm hjá viðkomandi
flugumferðarstjóra"
■ „Eg gerði grein fyrir okkar stöðu í
þessum málum. Það var verið að ræða
sjálfvirkni í flugumferðarstjórninni og
þá sérstaklega fyrir úthafs flugstjórnina,
en við erum með mjög mikilvæga þjón-
ustu á því sviði,“ sagði dr. Þorgeir
Pálsson, flugvélaverkfræðingur er Tím-
inn spurði hann um hvað hans erindi á
fundi flugmálastjórnar í gær hefði
fjallað, en Þorgeir er cinmitt einn aðal-
hönnuður þessa hugbúnaðar í flugum-
ferðarstjórn sem Kanadamenn og fleiri
hafa hrósað mjög mikið og einn fulltrúi
Kanadamanna sagði m.a.s. í gær að
svona hugbúnaður væri einmitt það sem
flugumferðarstjórn í Kanada vantaði.
Þetta kerfi sem hér um ræðir nefnist
MDS (Message Distribution System)
Aðspurður um hvernig þessi hugbún-
aður virkaði, sagði dr. Þorgeir: „Þetta
hefur þróast á allt annan hátt hjá okkur,
en annars staðar, því þessi hugbúnaður
var ekki tekinn í notkun hér fyrr en
1981, en t.d. bæði Bretar og Kanada-
menn hafa verið með tölvukerfi í sínum
flugstjórnarmiðstöðvum fyrir úthafið,
frá því snemma á sjöunda áratugnum.
Þau tölvukerfi vinna úr flugáætlunum og
byggja upp mynd af því hvaða vélar eru
að koma út og inn á svæðið og átta sig á
því hvort vélar nálgast nokkuð aðrar vélar
og svo framvegis. Þetta höfum við hins
vegar ekki leyst ennþá hér á landi. Það
sem við þurftum að leysa, var að koma
skeytum frá flugvélunum til flugumferð-
árstjórans. Það er út á það sem MDS
gengur. Það vgr mikill flöskuháls í
flugstjórnarmiðstöðinni hérna, þar sem
um það var að ræða að koma skeytunum
til skila, þar sem þau komu frá Gufunesi.
Þau eru send eftir fjarritalínum til flug-
stjórnarmiðstöðvarinnar, en síðan var
þeim bara hanodreift, þ.e. þau voru
bara rifin af fjarrita og afhent viðkom-
andi flugumferðarstjóra. Þetta voru upp-
lýsingarnar sem flugumferðarstjórarnir
höfðu til að vinna með, og þetta var
álitið mikið vandamál að skeytin skyldu
ekki geta komist sjálfvirkt og milliliða-
laust til flugumferðarstjórans. Það er
það sem þetta svokallaða skeytadreifi-
kerfi okkar gerir, eða Message Distribut-
ion System eins ogþað er kallað á ensku.
Það tekur á móti skeytinu og skýtur því
á skerm, beint fyrir framan þann flugum-
ferðarstjóra sem á að fá það. Þetta kerfi
gerir að vfsu ýmislegt fleira, en þetta er
þó megin markmiðið. Þetta kerfi hefur
verið notað með góðum árangri sl. tvö
ár, eða liðlega það, en við hófumst
handa við hönnun þess 1979.“
Dr. Þorgeir var spurður hvort ekki
væri hægt að selja Kanadamönnum hug-
myndina: „Ja, hugmyndin er út af fyrir
sig ekkert til að selja. Það er vitanlega
einkum hugbúnaðurinn sem er um að
ræða, því við kaupum tölvurnar erlendis
frá. Það væri að sjálfsögðu hugsanlegt að
selja þennan hugbúnað en það þarf nú
alltaf að aðlaga hann breyttum aðstæð-
um hverju sinni. Auk þess höfum við haft
nóg með að koma þessu kerfi upp hérna
og gera á því endurbætur."
Dr. Þorgeir var spurður hvort hann
teldi að íslendingar myndu halda sínum
hlut í stjórnun Atlantshafsflugsins fram
til aldamóta: „Hann á væntanlega ekki
eftir að aukast, því við erum með það
stórt svæði. Það hlýtur að sjálfsögðu að
verða okkar markmið að halda áfram að
■ „Hefur reynst vel,“ sagði dr. Þorgeir
Pálsson, er hann var spurður um hvernig
MDS hugbúnaður hans hefði reynst,
varðandi flugumferðarstjórn.
veita þessa þjónustu. Hvort okkur tekst
það er auðvitað mikið undir því komið
hvernig við stöndum okkur í því að
komast inn í tæknibúnað og ráða yfir
þéirri tækni sem verið er að beita á
hverjum tíma. Ef við drögumst aftur úr,
þá getur verið að við einfaldlega missum
af lestinni. Ég vil hinsvegar vona að svo
verði ekki. Það er einmitt hluti af þessari
starfsemi sem fer hér fram í dag. Mark-
mið þeirrar nefndar sem undirbýr mótun
framtíðarstefnu flugmála okkar er auð-
vitað m.a. að finna og benda á þær leiðir
sem færar eru, til þess að við drögumst
ekki aftur úr.“
Dr. Þorgeir sagði að fram hefði komið
í fyrirlestrum á fundinum í gær að menn
vissu sáralítið um það hversu hratt þessi
nýja flugstjórnartækni kæmi til með að
taka við, og því væri lítið hægt að spá um
hlutdeild íslendinga í Atlantshafsfluginu
á næstunni. -AB