Tíminn - 21.02.1984, Síða 5

5
Siíliii'
fréttir
Búnadarþing sett í gær:
BJARGRAÐASNHN VERÐIUTVEGAÐ-
M 60 MILUÓNIR1IL ENDURUNA
— er tillaga Vorhardindanefndar vegna þeirra sem harðast urdu uti
Vorharðindanefnd (sem skipuð'var í
fyrravor) hefur eftir athuganir sínar á
aflciöingum vorharðindanna í fyrra og
óþurrkana sem við tóku í fyrrasumar
lagt til að Bjargráðasjóði verði útvegað-
ar 60 milljónir króna til endurlána til
þeirra sem harðast urðu úti, að því er
fram kom hjá Ásgeiri Bjarnasyni, form.
Búnaðarfélags íslands í ræðu hans við
setningu Búnaðarþings í gær. Helmingi
fjárins, 30 milljónum króna, verði varið
til endurlána vegna fóðurvöntunar sem
margir bændur standi nú frammi fyrir og
aðrar 30 milljónir kr. verði lánaðar
kartöflubændum sem á síðasta sumri
urðu fyrir meiri uppskerubresti en
nokkru sinni fyrr - svo þeir eigi nú m.a.
varla til innlent útsæði til niðursetningar
að vori.
Ásgeir sagði það hafa komið í ljós
þegar forðagæsluskýrslur voru athugað-
ar hjá Búnaðarféíagi íslands, að víða
vanti bændur fóður fyrir ásettann búpen-
ing sinn. Jafnframt sagði hann fáa bænd-
ur aflögufæra með hey, svo nota verði,
grasköggla og fóðurbæti með þeim litlu
heyjum sem til eru á hverjum stað. Ekki
bæti heldur úr skák að lítið hafi verið
hægt að spara af fóðri í vetur, þar sem
jarðbönn hafi nú verið í nær 2 mánuði í
nær öllum landshlutum. Ásgeir sagði
Vorharðindanefnd hafa haft þessi forða-
gæslumál til athugunar og hafi hún gert
tillögu um að Bjargráðasjóði verði út-
vegaðar 30 millj. kr. í því skini að þær
verði endurlánaðar þeim sveitarfélögum
þar sem fóðurvöntun bænda er hvað
mest.
Þá hafa á sjöunda hundrað bændur
sótt um að fá lausaskuldum sínum breytt
í föst lán til lengri tíma, en landbúnaðar-
ráðherra hefur sern kunnugt er lagt fram
frumvarp á Alþingi um þau mál.
Ásgeir sagði efnahag margra bænda
hafa versnað hin síðari ár. Því valdi m.a.
dýrari lán til framkvæmda en áður.
lækkandi verðlag á þeim hluta framleið-
slunnar sem illa gangi að selja erlendis
ásamt verra árferði sem auki kostnað við
búreksturinn og gefi oft minni afurðir
en ella. -HEI
Forseti íslands, Vigdís Finnbogadóttir, var meðal gesta við setningu Búnaðar þings.
Búnaðarsambandanna:
Bíður stórverk
efni að taka
tölvutæknina í
sína þjónustu
■ „Búreikningar eru undirstöðuatriði
í búskap. Á þeim byggist góð leiðbein-
ingaþjónusta. Það bíða því á allra næstu
árum stór verkefni fyrir búnaðarsam-
böndin að taka tölvutæknina í þjónustu
sína í almennu leiðbeiningastarfi", sagði
Ásgeir Bjarnasön, form. Búnaðarfélags-
ins m.a. á Búnaðarþingi í gær.
Ef vel á að vera sagði hann bændur
þurfa að hafa nákvæmt bókhald svo það
sjáist hvernig hægt er að hagræða fram-
leiðslunni, án mikils tilkostnaðar og
hvert eða hvar hægt er að spara í
framleiðslunni. „Stóraukið búreikninga-
hald bænda verður að koma til á næstu
árum", sagði Ásgeir. Hann sagði tölvu-
tæknina nú auðvelda allt slíkt starf og
eiga að gera mögulegt að ætíð sé unnið
með nýjar upplýsingar.
-HEI
■ „A síðustu 5 árum hafa verið 3 köldustu ár aldarinnar til þessa. Þetta hefur haft stórfelld áhrif á auðsuppsprettur okkar
til lands og sjávar“, sagði Ásgeir Bjarnason, formaður Búnaðarfélags íslands m.a. við setningu búnaðarþings í
Bændahöllinni í gær.
Verðmæti landbúnaðar-
framleiðslunnar:
TAUÐ VERA NÁLÆGT
4.4 MILLIÖRDUM KR.
Fimm stöður héraðsráðunauta nú lausar:
Litlar líkur
á að einhverjir
fáist í þær
■ Minni áhugi á búvísindum og minni
áhugi á ráðunautastarfl en áður var,
veldur því m.a. að 5 stöður héraðsráðu-
nauta eru nú lausar og litlar líkur taldar
til að aðrir fáist í þeirra stað á næstunni
þar sem aðeins 3 nemendur stunda nú
búvísindanám í Bændaskólanum á
Hvanneyri og færri erlendis en áður var,
samkvæmt því er fram kom hjá Ásgeiri
Bjarnasyni á Búnaðarþingi í gær.
Ásgeir taldi það þess virði fyrir fram-
tíð iandbúnaðarins að kanna hvað veldur
þessu hvorutveggja. M.a. sé það íhug-
unarefni hvort neikvæðar umræður um
landbúnað og gildi hans fyrir þjóðina
valdi því hve fátt ungt fólk sækist ’eftir
búvísindanámi á háskólastigi. Jafnframt
sagði hann það spurningu hvort æskilegt
sé að koma á meiri tengslum á milli
búvísindanáms á Hvanneyri og líffræði-
náms í Háskóla íslands í því skyni að
efla búvísindamenntun í landinu og örva
áhuga á henni.
-HEI
■ „Verðmæti iandbúnaðar-
framleiðslunnar er talið vera sam-
kvæmt nýjustu tölum kr. 4,4 millj-
arðar, þar af er langmestur hlutinn
notaður innaniands en verðmæti
útflutnings á landbúnaðarvörum
nam tæpum 1,1 milljarði kr. árið
1983“, sagði Ásgeir Bjarnason
m.a. við setningu búnaðarþings.
Af útflutningnum sagði hann tæp-
lega 826 milljónir kr. hafa fengist
fyrir iðnaðarvörur frá landbúnaði
og tæpar 246 milljónir fyrir óunnar
vörur frá landbúnaði.
Til að átta sig betur á stærð tölunnar
4,4 milljarðar má geta þess til saman-
burðar að allur innflutningur til landsins
á síðasta ári nam um 20,6 milljörðum
króna. Verðmæti landbúnaðarframleið-
slunnar nemur því sem svarar um 21,4%
af verðmæti alls innflutnings til landsins
það ár.
-HEI
■ Þóranna Björgvinsdóttir frá Leifs-
húsum í Svalbvarðsstrandarhrcppi er
fyrst kvenna til að sitja sem þingfulltrúi
á búnaðarþingi.
Landbúnaðurá
harðbýlum svæðum:
Ráðstefna
Evrópuríkja
innan FAO
á íslandi
■ Landbúnaður á harðbýlum svæðum
verður umræðuefni á ráðstefnu Evrópu-
ríkja innan FAO, matvæla- og landbún-
aðarstofnunar Sameinuðuþjóðanna sem
haldin verður hér á landi í september-
mánuði n.k. Til þessarar ráðstefnu buðu
fyrrverandi landbúnaðarráðherra Hall-
dór E. Sigurðsson og Pálmi Jónsson og
er það í fyrsta skipti sem hún er haldin á
Norðurlöndum, að því er Jón Helgason,
landbúnaðarráðherra sagði á Búnaðar-
þingi í gær.
Ráðstefnuna munu sækja forystu-
menn í landbúnaði á vettvangi stjórn-
málanna í þátttökuríkjunum. Sagði Jón
þetta verða einstakt tækifæri til að kynna
íslenskan landbúnað og staðhætti hér
fyrir þessum fulitrúum Evrópuríkjanna.
„Heimsókn þessara góðu gesta ætti að
hjálpa til að opna augu þeirra þröngsýnu
afturhaldsmanna, sem fundið hafa hvöt
hjá sér til að hafa horn í síðu landbúnað-
ar og telja hann bölvald í íslensku
efnahagslífi", sagði landbúnaðarráð-
herra. -HEI