Tíminn - 29.04.1986, Qupperneq 9

Þriðjudagur 29. apríl 1986
Tíminn 9
Tímamynd-Pétur Sigurð.sson
FRAMSÓKNARFLOKKURINN
LEGGUR Á RÁDIN
Ráðstefna frambjóðenda og
kosningastjóra víðs vegar
af landinu.
Ráðstefna frambjóðenda og kosn-
ingastjóra Framsóknarflokksins í
öllum sveitarfélögum landsins fór
fram að hótel Hofi laugardaginn 19.
apríl, síðastliðinn. Steingrímur Her-
mannsson, forsætisráðherra, setti
fundinn, en Guðmundur Einarsson,
formaður undirbúningsncfndar,
ávarpaði því næst fundarmenn.
Þetta er í annað sinn sem ráð-
stefna sem þessi fer fram á vegum
Framsóknarflokksins, en hlutverk
hennar er að samræma störf
flokksins, stefnumörkun í sveitarfé-
lögum og áhersluatriði. Þar voru og
kynnt fundarmönnum hin nýju sveit-
arstjórnarlög, en um þau fjallaði
Alexander Stefánsson, félagsmála-
ráðherra, í ræðu á ráðstefnunni.
Að sögn Guðmundar Einarssonar
var ráðstefnan fjölmenn og það
vakti athygli hve margt ungt fólk á
sæti í baráttusætum flokksins í næstu.
kosningum. Taldi hann það góðs viti
og að ráðstet'nan hefði tekist vel.
Sérstaklega voru tekin fyrir sam-
eiginleg stefnumál flokksins, sem
Alexander Stéfánsson, félagsmálaráðherra, ræddi um sveitarstjórnarlög og ríkisstjórnina.
MINNING
Þátttakendur á ráðstefnu Framsókn-
arflokksins að Hótel Hofi.
eru atvinnumál, æskulýðsmál, um-
hverfismál og fjölskyldumál, en á
eftir fóru frarn hópumræður.
í niðurstöðum hópanna kemur
meðal annars fram, að víðs vegar
unt land hefðu verið stofnaðar at-
vinnumálanefndir sem beittu sér fyr-
ir eflingu atvinnuvega í hverju sveit-
arfélagi, - með misgóðum árangri
þó, en það stæði allt til bóta í
komandi tíð. Stefna Framsóknar-
flokksins í æskulýðs- og frístunda-
starfi er í stuttu máli, að öllutn
þegnum þjóðfélagsins verði gert
kleift að nýta frístundir sínar til að
sinna heilbrigðum og þroskandi
hugðarefnum, með því að vinnutími
fólks styttist og frítími eykst að sama
skapi. Taldi hópurinn að fram-
kvæmd æskulýðs- og frístunda-
starfsins ætti að vera í höndum
frjálsra félaga og samtaka, en hlut-
verk ríkis og sveitarfélaga að veita
þcim stuðning ýmiss konar. í um-
ræðu um fjölskylduntál var meðal
annars fjallað um að vinnumarkað-
urinn viðurkenndi foreldrahlutverk-
ið, vinnutími yrði sveigjanlegri til að
koma til móts við einkahagi fólks,
jafnræði kynja yrði á atvinnumark-
aðnum, skólatími samfelldur og loks
var rætt um húsnæðismál unga
fólksins, svo stiklað sé á stóru.
Hclst kom það fram í umræðu um
umhverfismál, að kappkostað yrði
að gera útivistarsvæði og önnur
opin svæði eins aðlaðandi og kostur
væri og scrstaklega tekið til um-
gengni í Nauthólsvík, svo og að
fegra þyrfti samtengda dali Reykja-
víkur, Laugardal, Elliðaárdal og
Fossvogsdal. Lagði umræðuhópur-
inn til, að sveitarstjórnir gegndu
lykilhlutverki varðandi framkvæmd
tveggja af grundvallarþáttum um-
hverfismála, þ.e. mengunarmála og
skipulagsmála.
I lokaorðum niðurstöðugreinar
umræðuhópsins um urnhverfismál
segir:
„Það er Ijóst, að lögð verður
aukin áhersla á umhverfismál á ís-
landi í framtíðinni, sem einn mikil-
vægasta þátt almennra lífsgæða.
Nýlegar kannanir hafa sýnt, að um-
hverfismál er sá málaflokkur sem
fólk telur að eigi eftir að aukast
einna mest að umfangi á næstu
áratugum. Framsóknarflokkurinn
leggur áherslu á, að umhverfismálin
eru dæmigerður málaflokkur sem
stjórnast hvorki með einhliða vald-
boði ofan frá, nc algerri frjálshyggju.
Bæjarfélögin eru sá vettvangur þar
sem tekið er á umhverfismálum í
raun. Andi samvinnu milli fyrir-
tækja, einstaklinga og sveitar-
stjórna, mun helst stuðla að bættu
umhverfi og góðu mannlífi á ís-
landi.“
- Þj
Ásgrímur Jónsson
Fæddur: 8. júní 1917
Dáinn: 25. mars 1986
“Enginn veit hvað átt hefur fyrr
en misst hefur". Þetta er örugglega
orð að sönnu. Við umgöngumst fólk
og tölum við það en við hugsum oft
í rauninni ekki um hvers virði það er
okkur. Þetta má eflaust segja um
okkur eins og marga aðra. Eftir að
við höfðum frétt að bróðir okkar og
stjúpsonur væri horfinn úr okkar
heimi, hugsuðum við öll, að nú væri
góður vinur farinn.
Ásgrímur var næst elstur okkar
systkinanna. Hann fæddist í þennan
heim seint á öðrum tug þessarar
aldar, á tímum fábrotins lífs og
krappra kjara. Hann missti móður
sína, Filippíu Konráðsd., þegar
hann var aðeins tveggja ára gamall.
Eftir fráfall hennar var honum kom-
ið í fóstur hjá vandalausu fólki, því
möguleikar voru ekki miklir fyrir
einstæðan efnalítinn föður að hafa
tvo unga drengi hjá sér. Ekki er
ólíklegt að móðurmissirinn hafi haft
varanleg áhrif á Ásgrím, svo ungur
sem hann var. En þegar faðir hans
kvæntist aftur, árið 1927, eftirlifandi
konu sinni, Maríu Hjálmarsdóttur
tók hann Ásgrím og eldri bróður
hans Þorgrím til sín aftur. Áttu þeir
því heimili hjá föður sínum og
stjúpmóður fram til þess tíma er þeir
stigu út í hringiðu lífsins og hófu
sjálfstæða lífsbaráttu.
Ásgrímur kaus að mennta sig.
Hann hóf skólagöngu 17 ára gamall,
enda greindur vel og átti létt með að
læra. Þræddi hann menntaveginn
eins stíft og fjárhagur hans leyfði.
Skólagöngu hans lauk er hann út-
skrifaðist úrbúnaðarháskóla í Ohio.
Þegar heim kom, árið 1947, réðist
hann til starfa hjá rannsóknarstofn-
un Háskólans að Úlfarsá í Mosfells-
sveit. Þar lét hann af starfi þremur
árum síðar. Flutti hann þá að Laug-
arvatni og byggði þar íbúðarhús og
gróðurhús. Starfaði hann við gróður-
húsræktun á eigin vegum til ársins
1973. Þá tók hann við tilraunastöð
landbúnaðarins að Korpu í landi
Korpúlfsstaða og veitti henni for-
stöðu til dauðadags.
Ásgrímur var glaðvær, viðræðu-
góður, fróður vel og átti létt með að
skapa og halda uppi skemmtilegum
samræðum. Hreinlyndur var hann
og kom ætíð til dyranna eins og hann
var klæddur. Tvöfeldni og flyðruhátt
þoldi hann ekki enda ekki slíka
menn að finna í hans vinahóp.
Samviskusamur var hann svo að af
bar, hjálpfús og vildi hvers manns
vanda leysa sem til hans leitaði.
Oft fór hann norður til Skaga-
fjarðar að hcilsa upp á sitt nánasta
skyldfólk. Vinum og kunningjum
gleymdi hann heldur ekki, og au-
fúsugestur var hann hvar sem hann
kom. - Tvisvar á síðastliðnu ári
hittumst við flest systkini og stjúp-
móðir Ásgríms heitins, í bæði skiptin
í Skagafirði, þar sem hann er
fæddur. í fyrra skiptið kom hann
ásamt konu sinni, Þorbjörgu, til að
vera viðstaddur ættarmót sem haldið
var um mitt sumar sl. ár. Þar kom
saman ætt stjúpmóður hans.
Seinna skiptið sem við hittumst
var á afmælisdegi eins bróður hans,
26. sept. sl. Þá ók hann norður og
dvaldi kvöldstund í veislu sem þar
var haldin en ók síðan aftur suður
um nóttina vegna þess að hann
þurfti að sinna starfi sínu daginn
eftir. Sýndi þetta samviskusemi hans
í starfi en jafnframt dugnað hans,
því það þurfti mikinn kraft til að fara
svo langa ferð á svo skömmum tíma.
Þetta kvöld kvaddi hann hress og
glaður eins og hann átti vanda til.
Öll dáðum við hann fyrir viljastyrk
hans og dugnað að ætla að aka strax
til baka, en það hvarflaði ekki að
neinu okkar að þetta ættu eftir að
verða síðustu samfundir okkar. Við
kveðjum Ásgrím Jónsson með
söknuði.
Við sendum eftirlifandi eigin-
konu, börnum, tengdabörnum og
barnabörnum innilegar samúðar-
kveðjur.
Stjúpmóðir og systkini.