Tíminn - 15.08.1986, Blaðsíða 7

Föstudagur 15. ágúst 1986
Tíminn 7
Nýbygging Alþingis:
Verðlaunatillögurnar
Verðlaunatillaga Sigurðar Einarssonar arkitekts séð frá norður- og suðurhlið. Aðalinngangur í nýbygginguna er um glerturninn sem einnig bindur
hæðirnar saman og frá honum er tenging við gamla Alþingishúsið með göngum í kjallara.
Hér er tillaga Manfreds Vilhjálmssonar að nýbyggingu við Alþingishúsið. Hans tillaga hlaut 2. verðlaun. Hér sést suður- og norðurhlið hússins.
Þessi tillaga hlaut 3. verðlaun og það eru arkitektarnir Hróbjartur Hróbjartsson, Richard Ólafur Briem, Sigríður Sigþórsdóttir og Sigurður Björgúlfsson
sem sendu saman þessa tillögu. Hún sést hér frá norðurhlið húsanna.
Tillögur sem bárust frá arkitekt-
um í samkeppni um nýbyggingu
Aiþingishúss voru alls 25 en þar af
voru 3 verðlaunaðar og 5 til viðbót-
ar voru keyptar. Hér á síðunni eru
teikningar af þeim tillögum sem
hlutu verðlaun séð frá norður- og
suðurhliðum.
I tillögunni sem hlaut 1. verðlaun
og kom frá Sigurði Einarssyni ný-
útskrifuðum arkitekt frá Lista-
akademíunni í Kaupmannahöfn er
gert ráð fyrir að nýbyggingin taki
mið af þakkanti og öðrum línum á
úthliðum gamla Alþingishússins.
Gert er ráð fyrir að úthliðar, mið-
rými og göngugata verði klæddar
með steinsteyptum flísum eða flís-
um sem framleiddar verði úr ís-
lenskum steini, t.d. blágrýti. Þök
og eluggar verða úr áli.
A jarðhæð nýbyggingar verður
m.a. bókasafn, mötuneyti,
skjalavarsla og móttaka, á 2. og 3.
hæð verða fundarsalir, aðstaða fyr-
ir þingflokka og skrifstofa Alþing-
is. Einnig skjala- og bókageymsla
og aðstaða fréttamanna. setustofa
og heilsurækt. í kjallara eru síðan
bílastæði og tengigangur við Al-
þingishúsið.
Samstarfsmenn Sigurðar Einars-
sonar voru arkitektarnir Claus
Bjarrum, Jörgen Hauxner, Micha-
el Krarup, og Jesper Kruckow og
einnig arkitektanemarnir Eva Mar-
ia Christensen, Anders Köster,
Hanne Möller og Ingela Skarin.
ABS
Umsögn um tillögurnar
1. verðlaun.
Byggingin fellur vel að Alþingis-
húsinu og húsalínu Kirkjustrætis.
Glerturninn, sem varðar inngang-
inn, styður virðuleika Alþingis-
hússins á áþekkan hátt og turn
Dómkirkjunnar. Aðkoma að hús-
inu er í samræmi við þau markmið
sem höfundur setur sér og inngang-
ur er einkar vel gerður. Yfirsýn
innanhúss er mjög góð svo og
staðsetning hinna ýmsu deilda.
Tengingin við Alþingishúsið er
varla nógu aðlaðandi en vegna
einfaldleika hennar verða áhrif
innrýmisins, sem er í senn inni-
garður og torg, enn meiri. Tengslin
frá innrými um gang til annars
áfanga eru ágæt. Uppbygging og
efnisval er gott og í samræmi við
markmið höfundar. Bifreiðastæði
eru í tvöföldum kjallara. Byggingin
er í stærra lagi.
Meginkostur tillögunnar er hin
sterka hugmynd sem hún byggir á
og rökfesta hennar. Dómnefnd
telur hana vel hæfa sem eina af
byggingum Alþingis bæði hvað
varðar yfirbragð og innri tilhögun.
Teikningarnar sýna ekki nægilega
vel kjallara og geymslurými og er
það galli en framsetning í heild er
einkar skýr.
2. verðlaun.
Byggingin fellur vel að Alþingis-
húsi og Kirkjustræti með stígandi
til vesturs að Tjarnargötu. Grá-
steinsveggir við inngang og garð-
svæði eru frumleg og látlaus lausn
á samspili Alþingishúss og ný-
byggingar. Yfirsýn innanhúss er
flókin vegna húsgerðar. Nýting
fyrstu hæðar, staðsetning bóka-
safns og matsalar orka tvímælis.
Tenging við Alþingishús er, eins
og aðalinngangur, frumleg og mjög
vei af hendi leyst. Áfangaskipting-
in er ljós og umferð greið þar á
milli. Heildarsvipur hússins er góð-
ur og sveigjanleiki meiri en víða.
3. verðlaun.
Byggingin fellur vel að Alþingis-
húsinu og virðir götumynd Kirkju-
strætis þó að sjálfstæð sé. Aðkoma
er góð, svo og inngangur. Yfirsýn
innanhúss er ekki mikil en samt
auðratað um bygginguna. Stað-
setning deilda er góð þó að ágalla
megi finna á aðstöðu. Tengslin við
Alþingishúsið eru vel af hendi leyst
en vafasamt að raska svo mjög
Alþingishússgarðinum. Áfanga-
skiptin eru góð en umferð um
ganga erfið. Uppbygging góð og
efnisval hnitmiðað og rökrétt. Bif-
reiðastæðum er vel fyrir komið og
í góðum tengslum við húsið. Bygg-
ingin er af hóflegri stærð og einföld
að gerð.
Útlit og skipul.ag hússins lífgar
upp á bæjarlíf í Kvosinni. Dóm-
nefnd telur húsið gott og látlaust
en knappt umferðarrými og lengd
ganga dregur úr kostum tillögunn-
ar.