Tíminn - 12.09.1986, Blaðsíða 20

STRUMPAKNIR
RESSA
KÆTA

YORDANKA DONKOVA
100 metra grindahlaupari frá Búlgaríu
og Said Aquita frá Marokkó, lang-
hlaupari sigruöu í stigakeppni Grand
Prix frjálsíþróttamótanna í sumar.
Úrslitakeppnin fór fram í Róm í fyrra-
kvöld. Grand Prix mótin eru einu
frjálsíþróttamótin þar sem eru opinber
peningaverölaun.
Sjá íþróttasíðu bls. 11.
Föstudagur 12. sept. 1986
Reykvískir kennarar um Skólamálaráö:
„Hafna samstarfi
við fagfólk“
- meðvitað útiloka kennarafulltrúa
Sverrir Hcrmannsson mennta-
málaráðherra sagði í gær að úrskurð-
ar menntamálaráðuneytisins um
verkaskiptingu milli Fræðsluráðs
Reykjavíkur annars vegar og Skóla-
málaráðs Reykjavíkur hins vegar
væri að vænta á mánudag. Sverrir
sagði að málið hafi verið til athugun-
ar hjá lögfræðingi ráðuneytisins að
undanförnu.
Á sama tíma hafa fleiri bæst í hóp
þeirra sem gagnrýna stofnun Skóla-
málaráðs, en í gær sendu Kennara-
félag Reykjavíkur og fulltrúar
kcnnara í Fræðsluráði Reykjavíkur
frá sér yfirlýsingu um þetta mál. Þar
segir m.a. að ekki sé ljóst hver
tilgangurinn mcð stofnun Skóla-
málaráðs sé, enda hafi það ekki
stuðlað að hagræðingu, „því þetta
nýja ráð starfar viö hliðFræðsluráðs
með sömu verkefnin að hluta tiLÞcss
vegna rhá einna helst ætla að til-
gangurinn sé að útiloka löglega
kjörna fulltrúa kennara frá umræðu
um stjórnun menntamála í borginni.
Þannig hafnar meirihluti Skólamála-
ráðs Reykjavíkurborgar samstarfi
við fagfólk í kennslumálum og brýt-
ur með því ákvæði grunnskólalaga
um rétt kennara til aðildar að
Fræðsluráði og skólancfnd."
Kennarafélag Reykjavíkur og
fulltrúar kennara í Fræðsluráði telja
að kennarafulitrúar eigi sama rétt á
setu í hinu nýja Skólamálaráði og
þeir eiga samkvæmt lögum í
Fræðsluráði, enda fara ráðin með
sömu verkefni, og verði þeim ekki
veittur þessi réttur muni þeir leita
eftir úrskurði félagsmálaráðuneytis.
Þá gagnrýna kennarar harðlega
að deílur hafi komið upp um verk-
svið hins nýja Skólamálaráðs annars
vegar og Fræðsluráðs hinsvegar, þar
sem Fræðsluráð sé óstarfhæft orðið
vegna þeirra. „Öll stjórnun skóla-
mála í Reykjavík er því í ólestri um
þessar myndir, einmitt nú þegar
hundruð grunnskólanemenda eru
kennaralausir vegna þess að kennar-
ar hafa ekki fengist til starfa," segir
ennfremur í yfirlýsingu reykvískra
kennara. -BG
Framboðsmál á Austurlandi:
Skoðanakönnun
framsóknar-
manna lokið
Tíu manna listi til prófkjörs fyrir
framboð Framsóknarflokksins i
Austurlandskjördæmi verður til-
búinn í næstu viku en lokið er
skoðanakönnun sem 509 tóku þátt
í. Ur þeim 20 manna hópi sem fékk
flestar tilnefningar í skoðana-
könnuninni verður valið til próf-
kjörsins.
Þcir scm fengu flestar tilnefning-
ar voru þessir í stafrófsröð: Aðal-
steinn Steinþórsson Egilsstöðum,
Birnir Bjarnason Höfn, Björn Haf-
þór Guðmundsson Stöðvarfirði,
Einar Baldursson Reyðarfirði,
Guðbjartur Össurarson Höfn,
Guðrún Tryggvadóttir Egilsstöð-
um, Halldór Ásgrímsson Höfn,
Jónas Hallgrímsson Seyðisfirði,
Jón Ingi Einarsson Eskifirði, Jón
Kristjánsson Egilsstöðum, Kristj-
án Magnússon Vopnafirði, Ólafur
Ragnarsson Djúpavogi, Ólafur
Sigurðsson Svínafelli, Sigurður
Jónsson Seyðisfirði, Sveinn Guð-
mundsson Vopnafirði, Sveinn Sig-
hvatsson Höfn, Vigdís Svein-
björnsdóttir Egilsstöðum, Þorvald-
ur Jóhannsson Seyðisfirði, Þórdís
Bergsdóttir Seyðisfirði, Þórhalla
Snæþórsdóttir Egilsstöðum.
Prófkjörið verður á aukakjör-
dæmisþingi 4. október næstkom-
andi í Valaskjálf og verður þar
raðað endanlega á lista.
„Septema
sýnir enn
Hinn gamalgróni félagsskapur,
Septem-hópurinn, opnaði í gær mál-
verkasýningu að Vesturgötu 17. Er
þetta 14. árið í röð scm hópurinn
efnir til sýningar en starfscmi hóps-
ins hófst á árinu 1973.
Á hópurinn rætur í septem-sýn-
ingunum svokölluðu er voru árviss
atburður á árunum 1947 til 1952 og
sýndi kjarni Septem-hópsins þegar á
þeim árunum. Þeir sem sýna á
Vesturgötunni út þennan niánuðinn
eru þau Guðmunda Andrésdóttir,
Valtýr Pétursson, Jóhannes Jóhann-
esson, Kristján Davíðsson, Steinþór
Sigurðsson, Karl Kvaran, Guð-
ntundur Benediktsson og Hafsteinn
Austmann.
Gekk Guðmundur í hópinn fyrir
þrcmur árum en Hafsteinn tekur nú
í fyrsta sinn þátt í sýningum hans
sem fullgildur meðlimur. Sagði Haf-
steinn það ágætt að vera kominn í
svo virðulegan hóp frábærra málara.
Tveir stofnenda hópsins hafa fallið
frá, þcir Sigurjón Ólafsson og Þor-
valdur Skúlason.
Á sýningunni eru um 30 verk og
flest máluð á þessu ári. Aðspurður
um hvað þcssir málarar ættu sameig-
inlegt í listinni, svaraði Kristján
Davíðsson þvt' til að það væri „við-
leitni félaga til að halda menningar-
legri afstöðu til myndlistar." phh
Hluti Septem-hópsins. Frá vinstri Hafsteinn Austmann, Guðmundur Benediktsson, Guðmunda Andrésdóttir,
Kristján Davíðsson og Jóhannes Jóhannesson. „Leitast við að haldamenningarlegri afstöðu til myndlistar".
(Tímamynd'Gísli Egill)
Nær 3. hver Reykvíkingur
þurfti að fara á slysadeild
Þeim sem leita þurfa aðstoðar
slysadeildar Borgarspítalans fjölg-
ar mun meira ár frá ári heldur en
sem nemur fólksfjölgun á höfuð-
borgarsvæðinu, þaðan sem lang
flestir hinna siösuðu koma. Ný-
komur á slysadeild í fyrra voru
42-687, þannig að nærri lætur að 3.
hver íbúi höfuðborgarsvæðisins
hafi þurft að leita aðstoðar þar á
árinu. Fjölgunin var 1.180 frá árinu
á undan og um 3.000 frá 1984.
Virðist því sem slysum og slösuð-
um fjölgi þrátt fyrir hert öryggiseft-
irlit á ýmsum sviðum og stöðugan
varnaðaráróður.
Þegar litið er á flokkun slysstaða
kemur í ljós að vinnuslys voru um
6.400 á síðasta ári og hefur ekki
fjölgað á undanförnum árum. Um
þúsund fleiri slasast í heimahúsum
en í vinnunni og þar virðist heldur
um fækkun að ræða undanfarin 4
ár. Þá skeðu um 10.700 slys við
ýmsa sýslan manna úti við, aðra en
vinnu. Úr skólanum komu hátt í
1.700 slösuð börn og ungmenni.
Og hjá nær 1.200 manns hafði ferð
á skemmtistaði höfuðborgarinnar
endað á slysavarðstofunni, eða um
23 að meðaltali hverja helgi. Miðað
við að skemmtistaðir eru miklu
skemur opnir en vinnustaðir og
fleiri stunda vinnu en skemmtistaði
lítur út fyrir að hættan á slysum í
og við skemmtistaði sé hlutfallslega
síst minni en á vinnustöðunum.
Þegar litið er á skrá yfir orsakir
slysa vekur athygli að um 3 þús.
slösuðust á síðasta ári við íþróttaið-
kanir, eða um 56 manns að meðal-
tali á viku hverri. En það er hátt í
tvöfalt fleiri en flokkaðir voru
undir umferðarslys. Byltur eða
hras og högg af hlutum eru lang
algengustu orsakimar. En einnig
kemur í .ljós að nær 1.400 manns
þörfnuðust aðstoðar eftir slagsmál
og barsmíðar annarra, um 280
manns höfðu slasast af völdum hesta
og annar eins fjöldi verið bitinn af
dýrum eða mönnum. Um 800
höfðu orðið fyrir bruna og um 240
fyrir eitrun, en sú tala var miklu
lægri árið áður.
Hvað sjúkdómsgreiningu snertir
má nefna nær 4.600 beinbrot, þar
af lang flest eða rúmlega 800 á
framhandlegg. Rúmlega 5.700
höfðu tognað, yfir 6.000 höfðu sár
á höfði og um 5.400 höfðu marist.
Athyglisvert er, að áberandi
flestir slasast á mánudögum eða
um 124 að meðaltali og næst mánu-
deginum kemur laugardagur. Fæst-
ir slasast hins vegar á fimmtudög-
um og miðvikudögum, 112 og 113
að meðaltali.
Af þeim sem slvsadeildar leituðu
komu nær 2.900 með sjúkrabílum
og annar eins hópur með neyðar-
vakt og um 1.740 í lögreglufylgd,
en um 35 þús. á annan hátt.
Að þeim meðtöldum sem þurftu
að koma aftur voru heildarkomur
á slysadeild nær 66 þús. á síðasta
ári, eða um 180 manns á dag að
meðaltali.
Það þýðir einnig að slysadeild
tekur á móti slösuðum manni eða
sjúkum 8. hverja mínútu að meðal-
tali árið um kring.