Tíminn - 18.09.1986, Blaðsíða 16

RESSA
fíÆTA
ÞAÐ VAR svartur dagur 1
hjá íslensku liöunum í Evr-
ópumótunum í knattspyrnu
í gær. 16 sinnum hafnaði 1
knötturinn í netinu, 9 sinn-
um hjá ÍA í leiknum gegn :
Sporting Lissabon á Laug-
ardalsvelli og 7 sinnum hjá
Val gegn Juventus í Torino
á ftalíu.
Sjá íþróttasíðu bls. 9.

Rmmtudagur 18. september 1986
Leiö fundin framhjá banni viö meirihlutaeign erlendra aðila í íslenskum fvrirtækium
Meirihlutaeign sænsks auð-
jöfurs í íslensku fyrirtæki
Höfuö Wallenbergættarinnar á60% í Silfurbergi h.f., hugmyndin frá Þróunarfélaginu komin.
Að frumkvæði Þróunarfélags fs-
lands hf. var föstudaginn 12. sept-
ember sl. stofnað nýtt hlutafélag,
„Fjárfestingarfélagið Silfurberg
h.f.“. Það er eftirtektarvert að hinu
nýja félagi er ætlað hlutverk sem
Þróunarfélaginu sjálfu er að hluta
ætlað, þ.e. „að stuðla að eflingu
íslensks atvinnulífs með því að
ieggja fram hlutafé í nýjum fyrir-
tækjum á íslandi," en auk þess er
ekki síður markvert að hið nýja
félag er að 60% í eigu erlends
einstaklings, sænska auðjöfursins
Peter Wallenberg.
Peter Wallenberg er nú höfuð
hins mikla fjármálaveldis Wallen-
berg-fjölskyldunnar, en auk hans á
annar þungaviktarmaður í sænskum
fjármálaheimi sæti í stjórn Silfur-
bergs, Curt Nicolin, stjórnarformað-
ur ASEA stórfyrirtækisins. Það er
reyndar vera þessara tveggja manna
sem forsvarsmenn Þróunarfélagsins,
þeir Ólafur Davíðsson og Gunnlaug-
ur M. Sigmundsson frkst. telja mik-
inn akk að, þar sem þar náist
persónuleg tengsl við áhrifamenn í
sænsku atvinnulífi og eru vonir við
það bundnar að þar með opnist
auknir möguleikar til tæknisam-
vinnu við háþróaðan sænskan iðnað.
í íslenskum lögum hefur verið lagt
bann við meirihlutaeign erlendra
aðila í íslenskum fyrirtækjum, en að
sögn forráðamanna Þróunarfélags-
ins hefur það verið þrautkannað að
hér er ekki brotið í bága við lög.
Silfurberg hf. mun ekki eiga neinar
umtalsverðar fasteignir hér á landi
og starfsemi fyrirtækisins mun ekki
falla undir bankastarfsemi.
Heildarhlutafé fyrirtækisins við
stofnun er 25 millj. króna og leggur
P. Wallenberg þar persónulega til 15
milljónir kr., en Þróunarfélagið 5
millj. kr. Aðrir hluthafar eru Jón
Magnússon, stjórnarformaður
Rönning hf., verktakafyrirtækið
Hagvirki hf. og Guðmundur Á.
Birgisson, bóndi Núpi Ölfusi.
Gunnlaugur M. Sigmundsson,
framkv.stj. Þróunarfélagsins hefur
verið kosinn formaður stjórnar Silf-
urbergs. phh
Listaglaðningur
væntanlegur:
Munch í
Norræna
húsinu
- 40 listaverk auk
lögregluþjóna í
varöstööu
Norræna húsið mun opna þann
27. þessa mánaðar mikla sýningu á
verkum Itins heimsfræga norska mál-
ara, Edvards Munch. Hér er um 39
olíumálverk að ræða auk einnar
teikningar og eru vcrkin öll komin
frá Munch-safninu í Noregi. Edvard
Munch er vafalaust frægastur allra
listmálara sem frá Norðurlöndum
hafa komið og verk hans verðmæt
eftir því.
Munu myndirnar verða sendar
hingað í tvennu lagi, þar sem ekki
þykir á það hættandi að flytja öll
vcrkin í einu. Þá verður lögrcglu-
vörður settur dag og nótt til að gæta
verkanna, meðan þau eru hér á
landi. Sýningin stendur til 2.
nóvember og jafnvel þó þetta sé
ekki í fyrsta sinn sem verk eftir
Munch eru sýnd hér á landi er
tvímælalaust um meiriháttar listvið-
burð að ræða.
íslensku liðin burstuð
íslensku félagsliðin ríða ekki feit-
um hesti frá Evrópukeppnum þeim
sem eru nú hafnar. Eftir fyrri umferð
fyrstu umferðar hafa þrjú íslensk lið
fengið á sig samtals nítján mörk á
tveimur dögum í viðureignum við lið
Juventus, Katowice og Sporting
Lissabon. Fram tapaði þrjú núll,
Valur sjö núll og Skagamenn voru
burstaðir á Laugardalsvelli í gær níu
núll. Myndin er frá leik Skagans og
Sporting í gær. Sjá íþróttir bls 8-9.
Staöa rannsóknar-
lektors í sagnfræöi:
Hannes Hólm-
steinn settur
í stöðuna
- þar til hún verður
auglýst um áramót
Hannes Hólmsteinn Gissurarson
hefur verið settur í stöðu rannsókn-
arlektors í sagnfræði við Háskóla
íslands frarn til áramóta, en Michael
M. Karlsson var skipaður í stöðu
lektors við heimspekideild. Michael
hefur gegnt stöðu lektors við heim-
spekideildina á undanförnum árum
en ekki hefur fengist heimild til að
auglýsa stöðuna og þar með að
fastsetja hana við deildina fyrr en nú.
Hannes Hólmsteinn sótti um
stöðu lektors við heimspekideild en
menntamálaráðherra ákvað að skipa
Michael í þá stöðu, þarsem hann var
talinn hæfastur til að gegna þeirri
stöðu áfram, sem hingað til. Rann-
sóknarlektorsstaða sú sem Hannes
var settur í til bráðabirgða var ekki
auglýst, en að sögn Páls Skúlasonar
verður staðan auglýst um áramót.
Þessari stöðu gegndi áður Þór
Whitehead en hann hefur nú verið
skipaður prófessor við Háskólann.
Hannes Hólmsteinn hefur einnig
verið ráðinn stundakennari við
heimspekideild til að kenna „Hug-
myndasögu 19. aldar“ sem er á
cand. mag. stigi í sagnfræði. ABS
Nægar kart-
öflubirgðir
Kartöfluuppskera er að jafnaði
mjög góð yfir allt landið og hvergi
er vitað til að uppskerubrestur hafi
orðið. Uppskeran er hins vegar
misgóð, t.d. fá kartöflubændur í
Þykkvabænum uppskeru eins og í
meðalári, sem er mun minna en
uppskeran varð hjá þeim í fyrra. Á
móti kemur að mjög góð uppskera
er í Eyjafirði og í Hornafirði og á
þeim stöðum er uppskeran meiri
en í fyrra, enda var það ekki gott
kartöfluár hjá þeim. Einnig hefur
uppskera hjá einstaklingum sem
rækta kartöflur til eigin heimilis-
nota víðast hvar verið góð, t.d. er
mjög góð uppskera í garðlöndum
Reykvíkinga.
Víðast hvar cru bændur að klára
að taka upp kartöflur og hefur
upptakan gengið mjög vel í blíð-
viðritiu sem hefur verið unt mest
allt land að undanförnu.
Að sögn kartöflubænda er ekki
búist við offramleiðslu á kartöflum
í ár. Uppskeran frá síðasta ári
seldist öll og ekki er búist við meiri
uppskeru yfir landið en varð í
fyrra. Að sögn Gests Einarssonar
framkvæmdastjóra Ágætis er kart-
öflusalan ekki mikil þessa dagana.
Það er í samræmi við síðustu ár því
þetta er sá tími sem fólk nýtir þær
kartöflur sem það hefur ræktað
sjálft. Heildsöluverð á kartöflum
frá Ágæti er 42,90 en smásöluverð
er frjálst og þvf mjög mismunandi
eftir verslunum. ABS
Kennaraháskólinn
er nú kvennaskóli
aðeins 14% nýnema karlar
Fimmtán karlmenn hófu nám við
Kennaraháskóla íslands í haust en
107 konur. Það þýðir að rétt um
14% nýnema við skólann eru karlar
og hefur hlutfall þeirra af nemendum
sem hefja nám við skólann aldrei
verið lægra. Frá því að kennaraskól-
inn var færður yfir á háskólastig árið
1971 hefur skólinn smám saman
verið að færast í þá átt, einkum hin
síðari ár, að vera kvennaskóli. Þann-
ig hefur hlutfall karla af þeim hópi
sem hefur nám við skólann minnkað
frá 1980 úr um 25% og niður í 14,6%
í fyrra og síðan 14% í ár eins og áður
segir.
Samkvæmt upplýsingum Tímans
hefur orðið vart sömu þróunar í
kennaraháskólum á Norðurlöndum
þar sem karlmönnum hefur stór-
fækkað á undanförnum árum og eru
nú um 30-40% af heildarnemenda-
fjölda. Engu að síður hefur þessi
þróun orðið mun hraðari hér á landi
og gengið lengra, en í nágranna-
löndunum.
Aðspurður sagði Jónas Pálsson
rektor Kennaraháskólans að trúlega
væri skýringarinnar á þessu misvægi
kynjanna að leita í því, að launakjör
hafa versnað og því væri kennara-
starfið í auknum mæli að verða að
kvennastarfi. Benti hann á að Iengi
vel hafi kvenfólk verið í meirihluta í
fyrrihluta grunnskóla en karlmenn
aftur fjölmennari í unglingadeild-
unum, en eftir að grunnskólinn var
sameinaður fóru launakjörin í
grunnskólanum almennt að versna
og karlmönnum að fækka. „Það má
ef til vill orða það sem svo að þessi
kýnskipting nýnemanna sýni í
hnotskurn stöðu stéttarinnar, launa-
mála hennar og stöðu kvenna,“
sagði Jónas ennfremur. - BG