Tíminn - 19.09.1986, Blaðsíða 1

í STUTTU MÁLI...
STOFNFUNDUR foreldra-
samtakanna, Vímulaus æska, verður
haldinn á morgun í Háskólabíói. I frétt
frá undirbúningsnefnd samtakanna
segir að hljómgrunnur hafi verið mjög
góður hjá öllum þeim sem nálægt hafa
komið. Nægir þar að nefna sjónvarps-
þátt sem haldinn var um málið í maí
síðastliðnum.
SKIPVERJA af loðnuskipinu
Þórði Jónassyni tók út af skipinu í
fyrrinótt, þar sem skipið var að veiðum
á loðnumiðunum. Leit var hafin þegar,
en bar ekki árangur. Atburðurinn átti
sér stað um fjöqurleytið í fyrrinótt,
þegar verið var ao kasta út loonunót-
inni. Ekki er hægt að skýra frá nafni
skipverjans að svo stöddu.
BRUGGVERKSMIÐJA
fannst á Akureyri í gærdag. Stórfelld
tæki tii landaframleiðslu og bjórgerðar
voru gerð upptæk. Tveir menn voru
handteknir í gær á Akureyri og voru
þeir í yfirheyrslum í gærkvöldi. Uppvíst
er að mennirnir brugguðu bjórlíki og
seldu undir merkinu White top og átti
það að vera framleitt í Wales.
FELAG vinstrimanna í Háskóla
íslands hafa sent frá sér ályktun þar
sem hugmyndir stjórnarflokkanna um
málefni Lánasjóðs íslenskra náms-
mann eru harðlegafordæmdar. Vinstri
menn benda þar á að í hugmyndunum
felist grófleg mismunum námsmanna
eftir efnahag, búsetu og fjölskylduað-
stæðum og geri því langskólanám að
forréttindum efnafólks.
BYGGING ARIÐJ AN hefur
hafið útflutning á byggingareiningum
úr steinsteypu til Færeyja. Útflutninqs-
verðmæti þeirra plátna sem pantaoar
hafa verið eru um 4 milljónir króna.
SPANSKA póstþjónustan er
ekki eins slök og nokkrir bankaræn-
ingjar í borginni Elche hafa greinilega
haldið. Lögreglan tilkynnti í gær að
póstþjónustumaður hefði fundið 20 |
milljónir peseta falda í póstkassa þeg-
ar hann kom til að tæma hann. Pening-
unum hafði verið stolið úr banka þar í j
borg í síðustu viku.
GORBATSJOV Sovétleiðtogi
sagði í gær að „Daniloffmálið" svokall-
aða hefði verið blásið upp til að
eyðileggja ímynd Sovétríkjanna. Hann
gaf í skyn að Sovétstjórnin myndi ekki
láta áreitni hafa áhrif á sig vegna
þessa máls. Þetta voru fyrstu opinberu
ummæli Sovétleiðtogans um þetta
mál.
FUNDUR trúnaðarmanna og
stjórnar Starfsmannafélags ríkisstofn-
ana haldinn þriðjudaginn 16. septem-
ber 1986 hefur lýst eindregnum stuðn-
ingi við baráttu sjúkraliða fyrir bættum
kjörum og betri starfsaðstöðu stéttar-
innar og jöfnum réttindum heilbrigðis-
stétta til aðgangs að dagvistunarstofn-
unum sjúkrahúsanna, fyrir börn sín.
Fundurinn hvetur stjórnvöld til að
verða við réttlátum kröfum sjúkraliða
um bætt kjör og sömu laun fyrir sömu
vinnu.
KRUMMI
„Það er eins gott að
lögreglan hafði
nasasjón af þessu.“
Komið upp um amfetamín-dreifingu:
Þrennt handtekið með
135 gr. af amfetamíni
Einn úrskurðaður í þriggja vikna gæsluvarðhald
Tveir karlmenn og ein kona
voru handtekin í fyrradag og fund-
ust í fórum þeirra og við húsrann-
sóknir, 135 grömm af amfetamíni.
Þegar hefur annar maðurinn verið
úrskurðaður í gæsluvarðhald til
þriggja vikna, en óvíst er hvort
farið verður fram á gæsluvarðhald
yfir öðrum sem tengjast málinu.
Á miðvikudag handtók fíkni-
efnadeild lögreglunnar mann og
fannst nokkurt magn af amfeta-
míni í fórum hans. í framhaldi af
þeirri handtöku voru annar maður
og kona handtekin seinna um
kvöldið. Heimildfékkstfyrirþrem-
ur húsleitum og að sögn yfirmanns
fíkniefnadeildarinnar, Arnars
Jenssonar, leiddu húsleitirnar til
enn frekari gagnasöfnunar í máli
þessu.
Ljóst er að efnið hefur verið
ætlað til dreifingar á markaði hér
því stór hluti þess efnis sem fannst,
var pakkaður í neytendaumbúðir.
Þær eru lítil umslög sem innihalda
nægilegt magn fyrir neytandann og
eru mjög fyrirferðarlítil, taka um
eitt gramm af efninu. Þá fundust
tveir plastpokar með amfetamíni í.
Hvert bréf sem inniheldur um eitt
gramm, kostar um 4500 krónur.
Heildarverðmæti efnisins er því
kringum sex hundruð þúsund
krónur.
Annar karlmaðurinn hefur áður
komið við sögu fíkniefnadeildar
lögreglunnar.
Málið er skammt á veg komið og
gat Arnar Jensson því ekki svarað
því hvaðan efnið væri komið og
enn síður hvernig það hefði komist
inn í landið. Yfirheyrslum í málinu
verður haldið áfram. - ES
Á myndinni getur að líta 135 grömm af amfetamíni. Hundrað krónu seðillinn cr til viðmiðunar. 45 slíka seðla
þarf til þess að kaupa eitt af litlu umslögunum sem innihalda eitt gramm af efninu. Fimmtíu umsiög, af hinum
svokölluðu neytendaumbúðum fundust í fórum þremenninganna. Tímamynd Sverrir
ÍW*/# ‘i

■f ■ : ■ jsl i'umm ::
Góðærið:
Hvernig
má jafna
kjörin?
í kjölfar nýrrar þjóðhagsspár
sem gerir ráð fyrir meiri hagvexti
og mun meiri aukningu kaupmáttar
launa en áður hafði verið reiknað
mcð, - hafa spunnist umræður
um hvernig megi nýta þessa góðu
stöðu þjóðarbúsins til að auka
tekjur láglaunastéttanna og
minnka launabilið.
Forsætisráðherra hefur lýst
þeirri skoðun sinni að nota verði
það svigrúm sem nú er til staðar til
að bæta kjör þeirra lægstlaunuðu
og ætla má að fleiri ráðherrar séu
sömu skoðunar.
En hyggst ríkisstjórnin beita sér
fyrir ráðstöfunum nú í þá átt að
jafna launin og ef svo er þá
hvernig?
Og hvað telja forystumenn laun-
þega vænlegast til árangurs?
Sjá bls. 2.
Ágústmánuður mesti slysamánuður ársins:
Helmingur slasaðra
ökumanna 17-20 ára
- hlutfallið er enn hærra meðal ungra farþega
Ökuskírteinið og sumarblíðan
verður mörgu ungmenninu dýr-
keypt - mælt í h'fi og limum. Um
helmingur þeirra 37 ökumanna
sem slösuðust í umferðarslysum í
ágústmánuði var á aldrinum 17-20
ára og af 46 slösuðum og látnum
farþegum í bílum voru „aðeins“ 19
yfir tvítugu. Af alls 110 manns sem
slösuðust í umferðinni í ágúst var
stór meirihluti, eða 66, börn og
ungmenni 20 ára og yngri. Þeir
tveir sem týndu lífi voru einnig úr
þessum unga hóp.
Ágústmánuður var lang mesti
slysamánuður ársins til þessa, með
112 slasaða og látna, sem er 29
fleiri en í ágústmánuði á síðasta
ári. Umferðaróhöpp, þar sem ein-
ungis var um eignatjón að ræða
voru hins vegar nokkuð venjulegur
mánaðarskammtur, eða 555 sam-
kvæmt skýrslum Umferðarráðs.
Alls 99 ökumenn áttu aðild að
slysum með meiðslum (78 karlar
og 21 kona) þar af var í 41 tilfelli
um útafakstur eða slíkt að ræða,
þ.e. einn ökumann.
í ágústlok var umferðin búin að
kosta 19 mannslíf á móti
13 á sama tíma í fyrra.
í lok ágúst höfðu þess utan 497
slasaðir komist á skýrslur Umferð-
arráðs, þar af 195 bílstjórar, 186
farþegar og 67 sem ekið var á
fótgangandi (þar af voru t.d 5
ungbörn í ágúst einum). Um 2 af
hverjum 3, eða 330 höfðu slasast á
okkar nýliðnu sólríku sumarmán-
uðum, maí-ágúst, en „aðeins“ 167
á jafn mörgum skammdegismán-
uðum, og raunar lang fæstir 33 í
janúar, sem er nær 4 sinnum færri
en nú í ágúst.
-HEI
Hátúnsmálið:
Hinn grunaði í
gæsluvarðhald
Krafa Rannsóknarlögreglu
ríkisins, um gæsluvarðhald yfir
þrítugum manni, grunuðum
um ntanndráp, var tekin til
greina í Sakadómi Reykjavík-
ur í gær. Hann situr því í
gæsluvarðhaldi fram til nítj-
ánda nóvember. Yfirheyrslur í
málinu fóru ekki fram í gær, en
Þórir Oddsson settur rann-
sóknarlögreglustjóri sagði í
samtali við Tímann í gær að
tekið yrði til við yfirheyrslur í
málinu í dag.
Eins og Tíminn hefur skýrt
frá, er maðurinn grunaður um
að hafa veitt fatlaðri konu
áverka á höfði sem leiddu til
bana hennar. Konan bjó ein í
íbúð í Hátúni tólf á fimmtu
hæð.
ES