Tíminn - 23.06.1987, Qupperneq 4

4 Tíminn
Þriðjudagur 23. júní 1987.
Magnús L. Sveinsson formaður VR um frjálsan opnunartíma:
Grípum til
yfirvinnubanns
„Það er grundvallaratriði að sam-
komulag náist um vaktafyrirkomu-
lag ef engar reglur eiga að gilda um
opnunartfma verslana. Við munum
að sjálfsögðu grípa til yfirvinn-
ubanns ef við náum ekki viðunandi
samningum í því sambandi," sagði
Magnús L. Sveinsson formaður
Verzlunarmannafélags íslands þegar
blaðamaður Tímans innti hann eftir
viðbrögðum VR við frjálsum opnun-
artíma verslana.
Magnús sagðist gera sér fullkom-
lega grein fyrir því að núverandi
ástand gæti ekki varað til lengdar.
Það væri óeðlilegt að misjafnar regl-
ur gildi um opnunartíma verslana á
höfuðborgarsvæðinu sem væri í raun
eitt viðskiptasvæði. En algjört afnám
núverandi reglugerðar væri ekki
lausnin, því eftir væri sá þáttur sem
snýr að starfsfólkinu, þ.e. að tryggja
að vinnutími þess yrði ekki óhóflega
langur.
Magnús sagði VR hafa viljað
semja um vaktafyrirkomulag versl-
unarfólks, en samningar um það
hefðu ekki náðst. Hann sagðist vona
að viðunandi samningar um vakta-
fyrirkomulag næðust, en sannleikur-
inn væri sá að í þau skipti sem
reglugerðin hafi verið numin úr gildi
hefði Verzlunarmannafélagið tvisv-
ar þurft að beita yfirvinnubanni
vegna þess að vinnutími fólksins fór
svo langt út yfir þau mörk sem hægt
væri að una við. Síðast var það 1971
og í kjölfar þess var reglugerðin
aftur sett á.
Magnús sagði einnig að það lægi
ljóst fyrir að aukin þjónusta á kvöld-
in og um helgar hlyti að kosta
verulegar upphæðir. Hann benti á
að launakostnaður í dag í verslunum
sé á milli 50 og 60% af rekstrarkostn-
aði. Ef allar verslanir gætu haft opið
til miðnættis og á laugardögum og
sunnudögum án þess að það kæmi
fram í hækkuðu vöruverði, þá væri
álagning allt of há í dag og væri
möguleiki á stórlækkuðu vöruverði
Þá bæri að líta til þess að það fólk
sem verslar á daginn þurfi að borga
ansi mikið fyrir það fólk sem verslar
á kvöldin. -HM
Opnunartími verslana í Reykjavík:
Hagsmunaaðilar
á móti alfrjáls-
um opnunartíma
Neytendasamtökin, Kaup-
mannasamtökin og Verzlunar-
mannafélag Reykjavíkur eru ekki
fylgjandi alfrjálsum opnunartíma
verslana í Reykjavík, en tillaga
þess efnis var til umræðu í borgar-
stjórn á fimmtudagskvöld. Tillög-
unni var vísað til seinni umræðu í
borgarráði og eru allar líkur á að
hún verði samþykkt þar. Ef af því
verður munu kaupmenn geta haft
verslanir sínar opnar frá kl. 7 að
morgni til kl. 23.30 að kvöldi alla
daga vikunnar ef þá svo lystir.
Formenn ofantaldra hagsmuna-
samtaka eru sammála um það að
alfrjáls opnunartími verslana geti
orðið til þess að stórhækka vöru-
verð vegna aukins launakostnaðar.
í tillögunni er gert ráð fyrir að
verslunareigendur geti einnig haft
verslanir sínar opnar að næturlagi,
en til þess þurfi að sækja um
sérstakt leyfi til borgarráðs. Einu
dagarnir sem skilyrðislaust skal
hafa verslanir lokaðar verða föstu-
dagurinn langi, páskadagur, hvíta-
sunnudagur og jóladagur.
Gert er ráð fyrir að ný reglugerð
taki gildi 1. september í haust.
-HM
Leiðrétting
Tímanum er ljúft og skylt að
leiðrétta leiða villu sem kom fram í
frétt blaðsins s.l. laugardag. Jón
Ólafsson framkvæmdastjóri Skíf-
unnar er ekki f nefnd þeirri sem
Sjálfstæðisflokkurinn tilnefndi til að
finna orsakir ófaranna í síðustu
kosningum. Fimmti nefndarmaður-
inn er Víglundur Þorsteinsson fram-
kvæmdastjóri Steypustöðvar B.M.
Vallá. Eru hlutaðeigandi beðnir vel-
virðingar á þessum mistökum.
Þór Óöinsson spyr:
„Hvar er
hamarinn?“
Þór sonur Óðins hefur týnt
Mjölni, hamrinum góða, en fljótlega
kemur í ljós að jötuninn Þrymur
hefur gerst svo ósvífinn að stela
hamrinum og heimtar hann Freyju í
skiptum fyrir verkfærið. Freyja vill
að sjálfsögðu ekki vera gefin Þrym
og harðneitar að taka þátt í þessum
skrípaleik. Loki Laufeyjarson finnur
því það snjallræði að dulbúa Þór í
brúðarlín og láta hann leika Freyju
til að ná aftur hamrinum og öðlast
sína fyrri reisn.
Þetta er í grófum dráttum sögu-
þráður Þrymskviðu, en á henni bygg-
ir Njörður P. Njarðvík gleðileik sinn
Hvar er hamarinn? sem Þjóðleikhús-
ið frumsýndi á M-hátíð á ísafirði í
byrjun mánaðarins og var feikivel
tekið eins og blaðagagnrýni og al-
mannarómur vitnar um.
Og þann 18. júní hófst leikför
Þjóðleikhússins um Vestfirði og
Vesturland með þennan gleðileik.
í aðalhlutverkum eru Erlingur
Gíslason, sem leikur Þrym, Örn
Árnason, sem leikur Þór, Randver
Þorláksson, sem leikur Loka og
Lilja Þórisdóttir, sem leikur Freyju.
-SÓL
Utanlandsfarar nær tvöfalt fleiri en 1984 og
29% fleiri en í fyrra:
Um 7. hver ís-
lendingur út
janúar-maí
Um 35 þúsund, eða að meðtaltali
7. hver íslendingur, varheimkominn
úr utanlandsferð fyrir lok maí á
þessu ári. Það er um 8 þús. (29%)
fleira en á sama tíma í fyrra og hátt
í tvöföldun frá árinu 1984 þegar
utanlandsfarar voru um 19.800 á
sama tíma árs. Hafi meðalútgjöld
hvers ferðalangs verið 40 þús. kr.
væri ferðakostnaður þessara 35 þús.
ferðamanna um 1.400 milljónir
króna, áður en sumarleyfistíminn
byrjar. í maí einum voru utanlands-
farar um 8.700 sem er 36% fjölgun
frá í fyrra og 55% fjölgun frá sama
tíma 1985.
Á móti settu útlendingar nýtt met
í heimsóknum til okkar. Nær 10.300
útlendingar heimsóttu okkur í ma-
ímánuði, sem er 23% fjölgun frá í
fyrra og 50% fjölgun frá 1985. Frá
áramótum hafa um 31.500 erlendir
ferðamenn lagt hingað leið sína,
sem er fjölgun um 7 þús. milli ára og
t.d. meira en tvöfalt fleiri en 1984,
þegar aðeins um 14.700 voru komnir
í maílok.
Aukinn áhugi Norðurlandabúa
virðist eiga hvað mestan þátt í í hinni
miklu fjölgun erlendra ferðamanna.
Af þessum rúmlega 10 þús. í maí
voru um 4.200 frá hinum Norður-
löndunum, samanborið við um 1.800
af alls um 6.800 ferðamönnum í
sama mánuði 1985. Bandaríkja-
menn eru hins vegar nær ekkert
fleiri en í sama mánuði fyrir tveim
árum, nú um 2.800 í maímánuði.
Alls hafa um 14.700 Norðurlanda-
búar komið hingað frá áramótum
eða rúmlega 40% af öllum erlendum
ferðamönnum. Bandaríkjamenn
voru um 9.700 á sama tíma, en oft
hafa þeir verið fleiri en Norður-
landabúar. -HEI
ísland og Evrópubandalagið:
Sameiginleg nefnd ræðir
um tolla og lýsisskatt
Hér á landi voru staddir í fyrri
viku fulltrúar frá 12 löndum Evr-
ópubandalagsins til að sækja fund
í „Sameiginlegu nefndinni", svo-
kölluðu, en það er nefnd sem
Evrópubandalagið og fsland skipa
í samkvæmt ákvæðum í fríverslun-
arsamningnum frá 1972. Eftir að
fundi nefndarinnar lauk boðaði
viðskiptaráðuneytið til blaða-
mannafundar ásamt tveimur full-
trúum framkvæmdanefndar
Bandalagsins, þeim Benavites y
Salas og H. De Lang. Að sögn
Þórhalls Ásgeirssonar ráðuneytis-
stjóra í viðskiptaráðuneytinu held-
ur þessi sameiginlega nefnd fundi
tvisvar á ári og ræðir um viðskipti
íslands og Evrópubandalagsins.
Sagði Þórhallur að þau mál sem
mest hafi verið rætt um hafi verið
tollar á útflutning okkar til Banda-
lagsins, á saltfiski og lýsi. Benti
hann á að nýlega hafi verið sam-
þykktur 40 þúsund tonna viðbótar-
kvóti á saltfisk með 5% tolli, eins
og Tíminn greindi frá á sínum
tíma. Varðandi lýsistoll sagði Þór-
hallur að íslendingar hafi kynnt
andstöðu sína við þann toll, en
engin lausn væri komin í því máli
enn.
Benavites talsmaður fram-
kvæmdanefndarinnar sagði á
blaðamannafundinum að ógern-
ingur væri að segja á þessu stigi
hvort sérstakur skattur á jurtafeiti
og lýsi yrði lagður á innan Banda-
lagsins. Sagði hann mikinn þrýsting
vera gegn slíkum skatti, bæði frá
einstökum aðildarríkjum og einnig
frá löndum utan Bandalagsins, eins
og t.d. íslandi. Hins vegar sagði
hann að Evrópubandalagið stæði
frammi fyrir því að geta ekki
frestað lengur róttækum aðgerðum
til þess að draga úr umframfram-
leiðslu á ýmsum landbúnaðaraf-
urðum, einkum smjöri og olífuolíu
og þessi skattur væri hugsaður sem
einn liður í margþættri áætlun til
að takast á við þann vanda. Um er
að ræða 60-80% skatt á þessar
afurðir en raunveruleg krónutala
skattsins verður lægri á lýsi en aðra
matarolíu þar sem lýsið er mun
ódýrara en t. d. smjör og olífuolía.
Benavites lýsti ánægju sinni með
íslandsheimsóknina, en auk þess
að sitja fund sameiginlegu nefndar-
innar ræddi hann við þrjá íslenska
ráðherra, Matthías Bjarnason,
Matthías Mathiesen og Halldór
Ásgrímsson. Benavites sagði að á
fundi sameiginlegu nefndarinnar
hafi verið rætt um samskipti íslands
og Evrópubandalagsins í ljósi
þeirrar stefnu Bandalagsins að gera
aðildarríkin í ríkari mæli eina
markaðsheild. Stefnt er að því að
koma því í kring fyrir 1992 og því
nauðsynlegt að ræða hugsanleg
áhrif þess við viðskiptaþjóðir í
EFTA.
Benavites sagði að ekki hafi
verið minnst á það að Evrópu-
bandalagið fengi fiskveiðiheimildir
innan íslenskrar fiskveiðilögsögu,
enda væri þeim Ijós mjög ákveðin
afstaða íslendinga í því efni.
Loks tilkynnti Benavites um það
að utanríkismálanefnd Alþingis
hafi verið boðið að sækja heim
Evrópuþingið í haust. Þetta mun
vera í fyrsta sinn sem utanríkismála-
nefndferíferðafþessutagi. -BG