Tíminn - 18.12.1987, Page 7

Föstudagur 18. desember 1987
Tíminn 7
Hjálmar Vilhjálmsson, fiskifræöingur
vann litsjónvarp í jólahappdrætti SUF:
Verð að fá
mér loftnet
Hjálmar Vilhjálmsson, fiski-
fræðingur og sérfræðingur um loðnu,
datt í lukkupottinn, þegar hann
keypti sér jólaalmanak frá Sambandi
ungra framsóknarmanna í byrjun
þessa mánaðar. því þegar dregið var
um 20 tommu Goldstar litsjónvarps-
tæki, kom hans númerupp. í gær var
Hjálmari svo afhent tækið, af Gissuri
Péturssyni, formanni SUF og kom
þá í Ijós að Hjálmar er einn af þeini
örfáu sem enn hafa ekki keypt sér lit-
sjónvarp.
„Það var ekki þessi pressa á okkur
hjónunum. Börnin okkar voru upp-
komin þegar litsjónvörpin komu til
og ég á ennþá gamla svarthvíta sjón-
varpið,'" sagði Hjálmar í samtali við
blaðamann.
„En ég verð þá núna að fá mér
loftnet. Annars kom vel á vondan,
því ég horfi mjög lítið á sjónvarp.
Sumir segja að ég sé fúll. af því að
einu sinni var alltaf mynd af mér í
sjónvarpinu, en svo hafi einhver
kvartað og ég hef ekki sést þar
síðan," bætti hann við.
En það má segja með sanni að lit-
sjónvarpið fór á réttan stað. -SÓL
Fara íslendingar norður, meðan aðrir fara suður?:
Samkeppni er
gód, fyrir
kaupandann
í norskum blöðum hafa undan-
farna daga birst greinar þar sem sagt
er frá breytingum í skipulagi útflutn-
ingsfyrirtækja í sjávarútvegi þar í
landi. Er þá annars vegar um að
ræða rækjuútflytjendur, sem var
fækkað úr 26 í 5 fyrir nokkru og hins
vegar um saltfiskútflytjendur.
I Lofotposten síðustu dagana í
nóvember er t.d. sagt frá því að
fimm fyrirtæki sem fengist hafa við
útflutning á saltfiski, bæði blautverk-
uðum og þurrfiski, hafa sameinast í
eitt sterkt fyrirtæki. Nýja fyrirtækið
heitir Unidos-Norsk Klippfisk og
Saltfisknærings Fellesorganisasjon
A.L. og hefur norska ríkisstjórnin
lagt blessun sína yfir samrunann.
„Þetta er mjög eftirtektarvert, því
að á sama tíma og þróunin hér á
landi er að fjölga útflutningsfyrir-
tækjum í greininni, þá er þróunin í
samkeppnislöndunum sú að fækka
þeim. Spurningin er, af hverju eru
þeir að sameinast núna, eftir að
útflutningur þeirra hefur verið frjáls
svo Iengi?“ sagði saltfiskútflytjandi í
samtali við Tímann í gær.
Sigurður Markússon, hjá Sjávar-
afurðadeild Sambandsins tók í sama
streng.
„Jú, þetta er athyglisvert. Þeir
vilja vera færri og stærri. Það gera
markaðslegar aðstæður. Öll sam-
keppni er góð, en hún er góð fyrir
þann sem kaupir. Þeir hafa fordæm-
ið fyrir þessu héðan. Þeir horfa á
Síldarútvegsnefnd, SÍF og freðfisk-
inn. Þeim fannst þeir einfaldlega
ekki ná nógu góðum árangri eins og
þetta var, sérstaklega með tilliti til
okkar. Þeir athuga því okkar skipu-
lag og taka það upp, en þá förum við
að tala um að fjölga útflytjendum!"
sagði Sigurður.
Spurningin er því hvort við séum
á rangri braut. Erum við að fara
norður, þegar samkeppnisaðilarnir
fara suður?
„Menn geta einfaldlega ekki gert
tilraunir með útflutningsstarfsem-
ina. Annað hvort verður kerfið að
vera svona eða hinsegin. Við vitum
að það er mismunandi skipulag í
mismunandi löndum. En við eigum
ekki að gera tilraunir með útflutn-
inginn. Við eigum að kynna okkur
hinar ýmsu leiðir og síðan að meta
þær.
Við verðum að athuga að 70-80%
af útflutningstekjum okkar koma úr
sjávarútvegi. Norðmenn fá um 5%
af þeirra útflutningstekjum þaðan.
Samt vilja þeir breyta kerfinu. Segir
það ekki allt sem segja þarf?“ sagði
útflytjandinn. -SOL
Verslunarmannafélag Árnessýslu:
MÓTMÆLIR
MATARSKATTI
Á almennum fundi hjá Verslun-
armannafélagi Árnessýslu, sem
haldinn var á Selfossi 10. desember
s.l. var eftirfarandi ályktun sam-
þykkt samhljóða: „Almennur
fundur hjá Verslunarmannafélagi
Árnessýslu, haldinn á Selfossi 10.
desember 1987, mótmælir harðlega
framkomnum tillögum stjórnvalda
um söluskatt á matvörur, svo og
þeim álögum sem þegar hafa tekið
gildi. Fundurinn telur að með slíkri
skattlagningu sé vegið að afkomu
heimilanna. Fundurinn telur að
eðlilegra hefði verið að afla ríkis-
sjóði aukinna tekna með skattlagn-
ingu stóreigna og fjármagns-
tekna.“
Gissur Pétursson, formaður SUF, sýnir Hjálmari Vilhjálmssyni, hvernig litatakkar á litsjónvarpi virka, en Hjálmar
vann einmitt eitt slíkt í jólaalmanaki SUF. Hann er einn af þeim örfáu sem aldrei keypti sér slíkt tæki, heldur notaðist
við sjónvarp í sauðalitunurn. (Timamynd: Gunnur)
éP JOLA
BÍLASÝNING
Laugardag og sunnudag kl. 14-17
Sýnum
NISSAN bíla beint frá Japan
NISSAN SUNNY Sedan
NISSAN PATHFINDER
ÞRJU HELSTU FAGTIMARIT
BANDARIKJANNA HAFA
KOSiD PATHFiNDER
JEPPA ÁRSINS
[L/
NISSAN SUNNY Coupe
NISSAN PRAIRIE 4WD
JEPPI - SKUTBÍLL -
NISSAN SUNNY Hatchback FJÖLSKYLDUBÍLL
Lánakjör:
Aðeins 25% út, eftirstöðvar lánaðar í allt að 30 mánuði
Verið velkomin - Alltaf heitt á könnunni
1957-1987^1;
% 30 S
% ára^
mllMGVAR HELGASOIM HF.
Sýningarsalurinn. R.tudoyerði, simi 33560.