Tíminn - 18.02.1988, Blaðsíða 4
Fimmtudagur 18. febrúar 1988
4 Tíminn
Spáð í spil ferðaþjónustunnar:
Líta vonaraugum
til Austurlanda
tónleikum
Þótt nú sé enn miður febrúarmán-
uður eru menn þó farnir að spá í
hverful spil íslenskrar ferðaþjónustu
fyrir komandi sumar. Sem fyrr líta
menn vonaraugum út fyrir landstein-
ana til þeirra sem þessa stundina
íhuga að pakka niður í töskur og
bakpoka og fljúga yfir Atlantsála til
íslands.
Það virðist vera samdómaálit
manna sem starfa í hringiðu ferða-
þjónustunnar hér á landi, að horfur
fyrir komandi sumar séu ekki ósvip-
aðar og á sama tíma í fyrra. Bjarni
Sigtryggson, aðstoðarhótelstjóri á
Hótel Sögu, segir að bókanir erlend-
is frá séu töluvert miklar, en reynslan
sýni að afbókanir séu tíðastar í apríl
og maímánuði. Því sé nú erfitt að
meta hvort komandi sumar verði
álíka líflegt ferðamannasumar og
sumarið 1987. Að sögn Bjarna er
ekki trúlcgt að fjöldi ferðamanna
aukist í samræmi við aukið framboð
hótelrýmis á höfuðborgarsvæðinu.
f>ví megi reikna með almennt lakari
nýtingu hótela en áður.
„Við höfum allar vonir enn til þess
að hafa bjartar vonir, en þó er
auðvitað langt í land. Mér kemur
ekki í hug að veðja á neinn af þeim
þremur möguleikum sem eru fyrir
hendi í þessu, jafngott, betra eða
verra,“ sagði Kjartan Lárusson, for-
maður Ferðamálaráðs, aðspurður
um horfurnar fyrir komandi sumar.
Kjartan sagði að um þessar mund-
ir væru í gangi alþjóðaferðaþjón-
ustusýningar, sem íslendingar
reyndu að megni að fylgja eftir. Til
dæmis nefndi hann sýningu í Berlín
í byrjun marsmánaðar, sem telst
vera í hópi þeirra stærstu í þessari
þjónustugrein. Einnig nefndi hann
sýningu, sem verður í þessari viku í
París og aðra í Mílanó í næstu viku.
„Þarna verða fulltrúar íslenskra
þjónustufyrirtækja og svo er ekki
loku fyrir það skotið að nokkrir
íslendingar fari um mánaðamótin
febrúar-mars á sýningar í Asíu.“
Kjartan sagði að íslendingar væru
farnir að líta til þeirra Asíuþjóða
sem fcrðuðust mikið á Vesturlönd-
um. Hann nefndi í því sambandi
Japana, Hong-Kong- og Singapúr-
búa. Einnig væru Suður-Kóreumenn
að koma æ sterkar inn í myndina
sem ferðamannaþjóð á Vesturlönd-
um.
Kjartan lét þess getið að sem fyrr
væri Ferðamálaráð ekki í stakk búið
sökum fjárskorts, að sinna öllum
þeim verkefnum sem því væri ætlað,
bæði í markaðsátaki erlendis og
ýmissri nauðsynlegri uppbyggingu í
ferðaþjónustu innanlands. „Pað er
óskaplega erfitt að ná peningum úr
ríkiskassanum til nauðsynlegra
framkvæmda. Til dæmis hefur ekki
enn tekist að fá fjármagn til byggja
hreinlætisaðstöðu við þriðja fjöl-
farnasta ferðamannastað á fslandi,
Gullfoss."
En má líta svo á að ferðaþjónustan
mæti ekki auknum skilningi í opin-
bera geiranum. Kjartan segir að
viðhorf stjórnmálamanna til ferða-
mannaþjónustunnar sé greinilega að
breytast, en barátta örfárra manna
hafi lítið að segja gegn slungnu og
óbrjótandi íslensku Kerfi. óþh
Thomus Koncz, stjórnandi á tónleikum Sinfóníuhljómsveitarinnar nk.
fimmtudagskvöld.
Fjórir blásarar með Sinfóníuhljómsveit íslands:
Ungverskur
stjórnandi á
UWIll 11 llil J
Fiskeldisstöð Hólalax hf. í Hjaltadal.
(Tímamynd ÖÞ)
Velgengni hjá Hólalaxi hf.
Frá Emi Þórarfnssyni, fréltaritara Tímans í
Fljótum. | 7
Rekstur , fiskeldisstöðvarinnar
Hólálax hf.- í Hjaltadal hefur gengið
vel undanfarjn ár. .Framleiðslugeta
stöðYarinrtaf er. um 220 þúsund
gönguseiði á ári. :
Seiði þafa bæði véirið seld úr landi
og innanlands til áframeldis og einn-
ig til sleppingar í ár á Norðurlandi
vestra, en megnið af seiðum Hólalax
á uppruna sinn að rekja í laxveiði-
árnar í Húnavatnssýslum.
Á aðalfundi Hólalax fyrir árið
1986 var samþykkt að greiða hlut-
höfum 10% arð af hlutafé sínu í
fyrirtækinu og er ljóst að Hólalax hf.
er meðal fyrstu fyrirtækja í þessum
rekstri hér á landi sem greiðir arð til
hluthafa. Stærstu hluthafar í Hóla-
laxi eru flest veiðifélög á Norður-
landi vestra og all margir einstakling-
ar hluthafar. Að jafnaði eru þrír
starfsmenn hjá Hólalaxi.
Á áskriftartónleikum Sinfóníu-
hljómsveitar í Háskólabíói á
morgun, munu fjórir blásturshljóð-
færaleikarar hljómsveitarinnar leika
einleik undir stjórn hins unga ung-
verska stjórnanda, Thomas Koncz.
Á efnisskrá verða fjögur verk.
Leikið verður lagið Moldá, sem er
þekktasti og vinsælasti þáttur tóna-
ljóða Smetana, Föðurlandið mitt.
Þá koma blásararnir til sögunnar og
flytja Sinfóníu Concertante fyrir
fjóra blásara eftir Mozart. Fluttar
verða Tvær myndir eftir Bartok og
Dansar frá Galente eftir Kodalý.
Einleikarar með hljómsveitinni á
tónleikunum eru allir leiðandi í
hljómsveitinni, hver í sinni rödd;
Kristján Þ. Stephensen á óbó, Einar
Jóhannesson á klarínett, Joseph
Ognibene á horn og Hans P. Franz-
son á fagott.
Stjórnandinn, Thomas Koncz, er
á 38 aldursári og stundaði nám í
tónskáldafræðum og hljómsveitar-
stjórn í Búdapest og Vínarborg.
Hann hefur verið stjórnandi í Ung-
versku ríkisóperunni í Búdapest en
er nú aðalstjórnandi Sinfóníuhljóm-
sveitar í Bodensee í Þýskalandi.
Hann hefur og stjórnað nokkrum
stórum hljómsveitum í Evrópu.
Þj
Skotinu ekki beint að
Jóhönnu Stefánsdóttur
Rannsóknarlögregla ríkisins
hefur ekki veitt frekari upplýsingar
um rannsókn á byssuskoti á bifreið,
sem ekið var austur Eiðsgranda
um kvöldmatarleyti á sunnudag.
Það er þó talið líklegt, að skotinu
hafi ekki verið vísvitandi beint að
Jóhönnu Stefánsdóttur, ökumanni
bifreiðarinnar, enda er hún afar
ókunnug vesturborginni og ekur
þar sjaldan. Raunar átti hún í
erfiðleikum með að rata aftur á
þann stað, sem bifreið hennar varð
fyrir skotinu, þegar hún vildi vísa
á hann. Lögreglumenn höfðu auga
með vettvangi á mánudagskvöld,
ef kynni að verða vart grunsam-
legra mannaferða.
Jóhanna Stefánsdóttir sagði að
sér hefði brugðið þegar framrúða
bílsins sprakk, en ekki gert sér
grein fyrir að skotið hefði verið á
hana. Hún hefði ekki orðið hrædd
eða liðið illa fyrr en næsta dag,
þegar byssukúlan fannst í farang-
ursrýminu, og ljóst var að hún
hefði verið hársbreidd frá dauðan-
um. Það eykur á óhugnaðinn, að
skömmu áður en atvikið varð,
höfðu börn setið í aftursætinu, sem
riffilkúlan smaug í gegnum.
Jóhanna sagði ennfremur, að
málið væri nú alfarið í höndum
Rannsóknarlögreglu ríkisins og
hún teldi það ekki snerta sig frekar.
Rannsóknarlögreglan hefði ekki
frekar haft af henni tal eftir atburð-
inn.
Þj