Tíminn - 18.02.1988, Page 19
Tíminn 19
Fimmtudagur18.
,Aumingja litla
ríka stúlkan"
- Ég komst upp með allt af því ég var svo rík og sæt, segir
Catya Sassoon, dóttir hins heimsfræga hársérfræðings
Vidal Sassoon og fyrri konu hans, Beverly.
Catya Sassoon var aðeins 13 ára þegar hún fór að fara
á lífið. Hún hafði nóga peninga og var uppreisnargjörn
og yfirspennt. Hún lenti í slæmum félagsskap, og segir nú
sjáif að á sl. 5 árum hafi hún prófað allt mögulegt, verið í
óreglu, eiturlyfjum, ekið próflaus eins og vitlaus mann-
eskja og annað eftir því. „Eg er mest hissa á því að ég skuli
vera lifandi í dag. Nú er ég 18 ára og hef alveg snúið við
blaðinu, - með góðri hjálp foreldra minna og góðra vina,“
segir Catya.
Hún segist síðast hafa farið í hraðakstur - í Jaguar-bíl
móður sinnar, sem þá ók eins og hún ætti lífið að leysa
með dóttur sína á Betty Ford heilsuhælið í Palm Springs
í Kaliforníu. Sú stofnun er fræg fyrir að hafa komið til
hjálpar mörgum frægum leikurum og öðrum, sem voru
með ofdrykkju- eða lyfjavandamál.
Catya sagði, að sér hefði þótt sem verið væri að senda
sig nauðuga til Síberíu, en í dag væri hún uppfull af
þakklæti til stofnunarinnar og fólksins sem var að hjálpa
henni.
Hún var aðeins 15 ára þegar hún gekk í hjónaband með
19 ára gömlum námsmanni, en þau skildu aftur eftir rúmt
Þær mæðgur Beverly og Catya Sassoon
Catya fékk sér öðru hverju vinnu
sem fyrirsæta, „af því að mér
fannst það skemmtilegt", sagði
hún.
Hún var hin fædda fyrirsæta. Allt
klæddi hana vel og ljósmyndararnir
sögðu að hún færi eins og ósjálfrátt
í þær bestu fyrirsætustellingar sem
hugsast gætu.
Catya hefur líka reynt að leika í
kvikmyndum og komist nokkuð
vel frá því. Hún segir sjálf, að hún
finni að hún sé góð leikkona, en nú
sé hún ákveðin í því að fara í
leikskóla og fá tilsögn og þjálfun.
“Hin gamla Catya hélt hún gæti allt
og vissi allt best sjálf, - en nú hefur
mér skilist hvað ég hagaði mér
heimskulega."
Þó foreldrar hennar, Beverly og
Vidal Sassoon, séu skilin fyrir
nokkrum árum eru þau samtaka í
því að bjarga dóttur sinni og hjálpa
henni til að byrja nýtt líf.
Kristinn Snæland:
UM STRÆTI OG TORG
Öfugþróun
Svo virðist sem ótíðindi nokkur
séu um það bil að gerast í lögsagn-
arumdæmi Reykjavíkur og ná-
grennis. Þessi ótíðindi eru þau að
á þessu svæði á um leið og öll
löggæsla svæðisins færist undir
embætti lögreglustjórans í Reykja-
vík (sem er í sjálfu sér skynsamleg
ákvörðun) að fækka lögreglu-
mönnum við gæslustörf. Svona
fljótt á litið hefur mér skilist að
einungis á Reykjavíkursvæðinu
verði fækkað um tvo bíla. Nú er
ekki útilokað að þessi fækkun verði
til þess að auka þjónustuna í
byggðarlögunum í nágrenni
Reykjavíkur og veitir ekki af.
Hinsvegar er enganveginn hægt að
samþykkja að dregið sé úr löggæslu
í Reykjavík. Ef breytingar er þörf,
þá er víst að fjölga þyrfti í lögreglu-
Íiði borgarinnar og ætti ekki að
þurfa að nefna annað en ■ aukið
fíkniefnamisferli og svo gífurlega
fjölgun bifreiða í borginni. Sé einn-
ig orðið við þeirri ósk eða hugmynd
að gangandi lögregluþjónar verði á
ferli í fjölmennstu úthverfunum,
a.m.k. þegar vel viðrar, þá sýnist
mér ljóst að fjölga þarf lögreglu-
þjónum borgarinnar. Þar að auki
dylst engum, sem þekkir launakjör
þessara manna, að þau þarf að
bæta, jafnvel þó ekki væri annað
en að staðið yrði við þau fyrirheit
sem þeir hafa fengið.
Sem leigubílstjóri lendi ég oft í
því að þurfa aðstoð lögreglu og
verð jafnframt vitni að vinnu-
brögðum þeirra. í þeirra vanda-
sama starfi verð ég ekki var við
annað en þolinmæði og ljúf-
mennsku og þá sjaldan sem ég hef
séð þá þurfa að beita afli, hefur
mér sýnst því í hóf stillt svo sem
unnt er. Mér er nær að halda að ef
lögreglumenn verða fáliðaðir og
þar á ofan illa launaðir geti þessi
mynd breyst. Svo mikilsvert sem
það er að lögreglumenn haldi ró
sinni og stillingu í erfiðu starfi
hlýtur að vera afar óæskilegt að
þeir þurfi að hlaða á sig aukavökt-
um til þess að ná viðunandi laun-
um. Miðað við léleg laun og tíðar
aukavaktir er ótrúlegt hversu vel
þessir menn komast frá sínu erfiða
starfi. Ég legg til að ráðamenn
vorir skoði það vandlega hvort
ekki sé ástæða til þess að fjölga
lögreglumönnum verulega á höf-
uðborgarsvæðinu og gera jafn-
framt svo vel til þeirra í launum að
starfið verði eftirsóknarvert.
Kókdósin
Stundum verður maður vitni að '
skemmtilegum atburðum í umferð-
inni og jafnframt lærdómsríkum.
Ég get ekki stillt mig um að segja
hér frá einu slíku atviki sem ég
varð vitni að nýlega. Fjöldi bíla var
í röð innst á Suðurlandsbraut og
beið færis að komast inn á Reykja-
nesbrautina. Röðin gekk afar hægt
og var kyrrstæð tíma og tfma. Nú
gerðist það að dyr á bíl nokkuð
framundan opnuðust og ungur bíl-
stjóri hans kastaði tómri kókdós út
ágötuna. Nærsamstundissnaraðist
bílstjórinn á næsta bíl fyrir aftan út
úr bíl sínum, tók upp dósina og
bankaði á dyr þess sem henti
dósinni út. Vegna þess að ég var á
næsta bíl þar fyrir aftan heyrði ég
þegar maðurinn rétti unga bíl-
stjóranum dósina með þessum
orðum: „Ég held að þú hafir misst
þessa dós út úr bílnum hjá þér.“
Ungi bílstjórinn tók við dósinni
heldur svona hissa, en ekki sást
hann kasta henni aftur út, svo lengi
sem til hans sást. Þetta var ánægju-
legur atburður og trúlega jafnframt
lærdómsríkur, ekki aðeins bíl-
stjóranum, sem henti dósinni út úr
bíl sínum, heldur og hinum sem
urðu vitni að þessu. Meira má af
slíku gera.
Leigubílastæðin
Það er annars undarlegt einsog
víða er vel gert um frágang bíla-
stæða, gangstíga og grasflata að
svo virðist sem stæði þau, sem eru
ætluð leigubílum, eigi að vera
ófrágengin sóðasvæði, öllum til
ama og leiðinda sem vilja fagurt
umhverfi. Reyndar fer saman
stundum skammarlegur frágangur
leigubílastæðisins og annars um-
hverfis, svo sem við bílastæði
Bæjarleiða á Skólavörðuholti.
Önnur ieigubílastæði má nefna
sem dæmi svo sem stæði Hreyfils
við Leirubakka og Vesturhóla í
Breiðholti, stæði Bæjarleiða við
Asparfell, Hreyfils við Langholts-
veg, öll stæði bílastöðvanna í
Kópavogi og lengi mætti telja.
Þessi stæði eru sannarlega til
skammar og ég legg til að viðkom-
andi yfirvöld á höfuðborgarsvæð-
inu vindi bráðan bug að því að
lagfæra, snyrta og malbika stæði
þessi svo fljótt sem unnt er í vor.
Annars er líklegt að ég hætti leigu-
akstri til þess að vera ekki viðriðinn
þennan ósóma og hvað segja mínir
ágætu viðskiftavinir þá?